paliTIPITAKA Volume 33 - Sutta Pitaka 25

Pancamo revatabuddhavamso [6] |6.1| Sumanassa aparena revato nama nayako anupamo asadiso atulo uttamo jino. |6.2| Sopi dhammam pakasesi brahmuna abhiyacito khandhadhatuvavatthanam appavattam bhavabhave. |6.3| Tassabhisamaya tini ahesum dhammadesane gananaya na vattabbo pathamabhisamayo ahu. |6.4| Yada arindamam rajam vinesi revato muni tada kotisahassanam dutiyabhisamayo ahu. |6.5| Sattaham patisallana vutthahitva narasabho kotisatam naramarunam vinesi uttame phale. @Footnote: ¹ Ma. Yu. asadiso. ² Ma. atulani.

--------------------------------------------------------------------------------------------- page454.

|6.6| Sannipata tayo asum revatassa mahesino khinasavanam vimalanam suvimuttana tadinam. |6.7| Atikantagananapatha ^1- pathama ^2- ye samagata kotisatasahassanam dutiyo asi samagamo. |6.8| Yo ^3- so pannaya asamo tassa cakkanuvattako so tada byadhiko ^4- asi patto jivitasamsayam. |6.9| Tassa gilanapucchaya ye tada upagata munim ^5- kotisatasahassanam ^6- tatiyo asi samagamo. |6.10| Aham tena samayena atidevo nama brahmano upagantva revatam buddham saranam tassa ganchaham. |6.11| Tassa silam samadhinca pannagunamanuttaram ^7- thomayitva yathathamam ^8- uttariyam adasaham. |6.12| Sopi mam buddho byakasi revato lokanayako aparimeyye ito kappe ayam buddho bhavissati. |6.13| Ahu kapilavhaya ramma nikkhamitva tathagato padhanam padahitvana katva dukkarakarikam. |6.14| Ajapalarukkhamulasmim nisiditva tathagato tattha payasam paggayha neranjaramupehiti. |6.15| Neranjaraya tiramhi payasam adi so jino patiyattavaramaggena bodhimulamhi ehiti. @Footnote: ¹ Ma. atikkanta gananapatham. Yu. atikkanta gananapatha. ² Ma. pathamam. @³ Ma. yopi. ⁴ Ma. Yu. byadhito. ⁵ Ma. Yu. muni. ⁶ Ma. Yu. kotisahassa @arahanto. ⁷ Ma. ...manuttamam. Yu. ...varuttamam. ⁸ Yu. yathathomam.

--------------------------------------------------------------------------------------------- page455.

|6.16| Tato padakkhinam katva bodhimandam anuttaram assattharukkhamulamhi bujjhissati mahayaso. |6.17| Imassa janika mata maya nama bhavissati pita suddhodano nama ayam hessati gotamo. |6.18| Anasava vitaraga santacitta samahita kolito upatisso ca agga hessanti savaka anando namupatthako upatthissatimam jinam. |6.19| Khema uppalavanna ca agga hessanti savika anasava vitaraga santacitta samahita. |6.20| Bodhi tassa bhagavato assatthoti pavuccati citto ca hatthalavako agga hessantupatthaka. |6.21| Nandamata ca uttara agga hessantupatthika ayu vassasatam tassa gotamassa yasassino. |6.22| Idam sutvana vacanam asamassa mahesino amodita naramaru buddhavijankuro ayam. |6.23| Ukkutthisadda vattanti apphotenti hasanti ca katanjali namassanti dasasahassi sadevaka. |6.24| Yadimassa lokanathassa virajjhissama sasanam anagatamhi addhane hessama sammukha imam.

--------------------------------------------------------------------------------------------- page456.

|6.25| Yatha manussa nadim taranta patitittham virajjhiya hetthatittham gahetvana uttaranti mahanadim. |6.26| Evameva mayam sabbe yadi muncamimam jinam anagatamhi addhane hessama sammukha imam. |6.27| Tassapi vacanam sutva bhiyyo cittam pasadayim uttarim vattamadhitthasim dasaparamipuriya. |6.28| Tadapi tam buddhadhammam saritva anubruhayim aharissami tam dhammam yam mayham abhipatthitam. |6.29| Nagaram sudhannakam ^1- nama vipulo nama khattiyo vipula nama janika revatassa mahesino. |6.30| Chabbassasahassani ^2- agaram ajjhavasi so sudassano ca ^3- ratanagghi avelo ca vibhusito punnakammabhinibbatta tayo pasadamuttama. |6.31| Tettimsasatasahassani ^4- nariyo samalankata sudassana nama nari ^5- varuno nama atrajo. |6.32| Nimitte caturo disva rathayanena nikkhami anunasattamasani padhanam padahi jino. |6.33| Brahmuna yacito santo revato lokanayako vattacakko mahaviro varunarame vasi ^6- jino. @Footnote: ¹ Ma. sudhannavati. ² Ma. cha ca vassasahassani. Yu. chabbassasatasahassani. @³ Ma. casaddo natthi. ⁴ Ma. tettimsa ca sahassani. Yu. tettimsasahassani. @⁵ Yu. devi. ⁶ Ma. sirighare. Yu. sirighane.

--------------------------------------------------------------------------------------------- page457.

|6.34| Varuno brahmadevo ca ahesum aggasavaka sambhavo namupatthako revatassa mahesino. |6.35| Bhadda ceva subhadda ca ahesum aggasavika sopi buddho asamasamo nagamule abujjhatha. |6.36| Varuno ^1- ca sarabho ca ahesum aggupatthaka pala ^2- ca upapala ca ahesum aggupatthika. |6.37| Uccattanena so buddho asitihatthamuggato obhasesi ^3- disa sabba indaketuva uggato. |6.38| Tassa sarire nibbatta pabhamala anuttara diva va yadiva rattim samanta pharati ^4- yojanam. |6.39| Satthivassasahassani ayu vijjati tavade tavata titthamano so taresi janatam bahum. |6.40| Dassayitva buddhabalam amatam loke pakasayi ^5- nibbasi anupadano yathaggupadanasankhaya. |6.41| So ca kayo ratananibho so ca dhammo asadiso sabbam samantarahitam nanu ritta sabbasankharati. |6.42| Revato yasadharo buddho nibbuto so mahapunno ^6- dhatuvittharikam asi tesu tesu padesatoti. Revatabuddhavamso pancamo. @Footnote: ¹ Ma. Yu. padumo kunjaro ceva. ² Ma. Yu. sirima ceva yasavati. ³ Ma. Yu. @obhaseti. ⁴ Yu. phari. ⁵ Ma. Yu. pakasayam. ⁶ Ma. mahapure. Yu. mahamuni.

The Pali Tipitaka in Roman Character Volume 33 page 453-457. http://84000.org/tipitaka/pitaka_item/roman_item_s.php?book=33&item=186&items=1&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=33&item=186&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=33&item=186&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=33&item=186&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=33&i=186 The Pali Atthakatha in Thai :- http://84000.org/tipitaka/atthapali/read_th.php?B=51&A=5256 The Pali Atthakatha in Roman :- http://84000.org/tipitaka/atthapali/read_rm.php?B=51&A=5256 Contents of The Tipitaka Volume 33 http://84000.org/tipitaka/read/?index_33