paliTIPITAKA Volume 6 - Vinaya Pitaka 6

[614] Tena kho pana samayena upavalo ^2- bhikkhu sanghamajjhe @Footnote: ¹ Ma. dhammika salakagaha . ² upavalhotipi uvalotipi patho dissati.

--------------------------------------------------------------------------------------------- page326.

Apattiya anuyunjiyamano avajanitva patijanati patijanitva avajanati annena annam paticarati sampajanamusa bhasati . Ye te bhikkhu appiccha .pe. te ujjhayanti khiyanti vipacenti katham hi nama upavalo bhikkhu sanghamajjhe apattiya anuyunjiyamano avajanitva patijanissati patijanitva avajanissati annena annam paticarissati sampajanamusa bhasissatiti . athakho te bhikkhu bhagavato etamattham arocesum . saccam kira bhikkhave .pe. Saccam bhagavati .pe. vigarahitva dhammim katham katva bhikkhu amantesi tenahi bhikkhave sangho upavalassa bhikkhuno tassapapiyasikakammam ^1- karotu . evanca pana bhikkhave katabbam . pathamam upavalo bhikkhu codetabbo codetva saretabbo saretva apatti aropetabba ^2- apattim aropetva byattena bhikkhuna patibalena sangho napetabbo {614.1} sunatu me bhante sangho ayam upavalo bhikkhu sanghamajjhe apattiya anuyunjiyamano avajanitva patijanati patijanitva avajanati annena annam ^3- paticarati sampajanamusa bhasati . yadi sanghassa pattakallam sangho upavalassa bhikkhuno tassapapiyasikakammam kareyya. Esa natti. {614.2} Sunatu me bhante sangho ayam upavalo bhikkhu sanghamajjhe apattiya anuyunjiyamano avajanitva patijanati @Footnote: ¹ Yu. tassapapiyyasikakammam . ² Ma. Yu. apattim aropetabbo. @³ Ma. annenannam.

--------------------------------------------------------------------------------------------- page327.

Patijanitva avajanati annena annam paticarati sampajanamusa bhasati . sangho upavalassa bhikkhuno tassapapiyasikakammam karoti . Yassayasmato khamati upavalassa bhikkhuno tassapapiyasikakammassa karanam so tunhassa yassa nakkhamati so bhaseyya. {614.3} Dutiyampi etamattham vadami .pe. tatiyampi etamattham vadami .pe. katam sanghena upavalassa bhikkhuno tassapapiyasikakammam khamati sanghassa tasma tunhi evametam dharayamiti. [615] Pancimani bhikkhave dhammikani tassapapiyasikakammassa karanani asuci ca hoti alajji ca sanuvado ca tassa sangho tassapapiyasikakammam karoti dhammena samaggena imani kho bhikkhave panca dhammikani tassapapiyasikakammassa karanani.

The Pali Tipitaka in Roman Character Volume 6 page 325-327. http://84000.org/tipitaka/pitaka_item/roman_item_s.php?book=6&item=614&items=2&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=6&item=614&items=2&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=6&item=614&items=2&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=6&item=614&items=2&pagebreak=1&modeTY=2 Study Atthakatha :- http://84000.org/tipitaka/attha/attha.php?b=6&i=614 Contents of The Tipitaka Volume 6 http://84000.org/tipitaka/read/?index_6