ATTHAKATHA Book 50 : PALI ROMAN
Apa.A.2 (visuddha.2)
Page 236.

                  277. 5. Ekañjaliyattherāpadānavaṇṇanā
     [19] Pañcamāpadāne udumbare vasantassāti udumbararukkhamūle
rukkhacchāyāya vasantassa tissassa bhagavato. Niyate paṇṇasanthareti niyāmite
paṭibaddhe paṇṇasanthare sākhābhaṅgāsane nisinnassa. Vutthokāso mayā dinnoti
vivattokāse maṇḍapadvārādīhi pihitokāso mayā dinno sampāditoti attho.
                 278. 6. Potthadāyakattherāpadānavaṇṇanā
     [24] Chaṭṭhāpadāne potthadānaṃ mayā dinnanti potthavaṭṭiṃ potthachalliṃ 1-
tāḷetvā kataṃ sāṭakaṃ visamaṃ gophāsukena ghaṃsitvā nimmitaṃ suttaṃ gahetvā
kantitvā tena suttena nisīdanatthāya vā bhūmattharaṇatthāya vā sāṭakaṃ vāyāpetvā
taṃ sāṭakaṃ mayā ratanattayassa dinnanti attho.
                  279. 7. Citakapūjakattherāpadānavaṇṇanā
     [27] Sattamāpadāne candabhāgānadītīreti candabhāgāya nāma nadiyā
tīrato, nissakke bhummavacanaṃ. Anusotanti sotassa anu heṭṭhāgaṅgaṃ vajāmi
gacchāmi ahanti attho. Satta māluvapupphāni, citamāropayiṃ ahanti ahaṃ
māluvapupphāni satta pattāni gahetvā citake vālukarāsimhi vālukāhi thūpaṃ
katvā pūjesinti attho.
                  280. 8. Salaḷapupphiyattherāpadānavaṇṇanā
     [31-32] Aṭṭhamāpadāne mahāsindhu sudassanāti sundaradassanasundarodaka-
dhavalapulinopasobhitattā suṭṭhu manoharā mahāsindhu nāma vārinadī ahosi.
@Footnote: 1 Sī. potthapaṭṭapotthajalī, i. potthavaṭṭiṃ potthajalliṃ.


The Pali Atthakatha in Roman Character Volume 50 Page 236.
http://84000.org/tipitaka/read/attha_page.php?book=50&page=236&pages=1&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=50&A=5041&pagebreak=1
http://84000.org/tipitaka/atthapali/rm_line.php?B=50&A=5041&pagebreak=1#p236