บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 52 : PALI ROMAN Cariya.A. (paramatthadi.) Page 243.
Padacchaya ajja mama khalitassa aparadhassa patittha hotu. Suvasitanti ayasmantanam isinam ekarattimpi imasmim aranne vasitam suvasitameva. Kim karana? yam vasavam bhutapatim addasama. Sace hi mayam nagare avasimha, na imam addasama. Bhontoti bhavanto. Sabbepi sumana bhavantu tussantu, sakkassa devaranno khamantu, kim karana? yam brahmano paccupadi 1- bhisani yasma tumhakam acariyo bhisani alabhiti. Sakko isiganam vanditva devalokam gato. Isiganopi jhanabhinnayo nibbattetva brahmalokupago ahosi, tada upakancanadayo cha bhataro sariputtamoggallanamahakassapaanuruddhapunna- anandatthera, bhagini uppalavanna, dasi khujjuttara, daso citto gahapati, rukkhadevata satagiro, varano palileyyanago, vanaro madhuvasittho, sakko kaludayi, mahakancanatapaso lokanatho. Tassa idhapi hettha vuttanayeneva dasa paramiyo niddharetabba. Tatha accantameva kamesu anapekkhatadayo gunanubhava vibhavetabbati. Bhisacariyavannana nitthita. ----------- 5. Sonanandapanditacariyavannana 2- [42] Punaparam yada homi nagare brahmavaddhane tattha kulavare setthe mahasale ajayahanti. 3- #[42] Pancame nagare brahmavaddhaneti brahmavaddhananamake nagare. Kulavareti aggakule. Settheti pasamsatame. Mahasaleti mahasare. Ajayahanti ajayim aham. Idam vuttam hoti:- tasmim kale "brahmavaddhanan"ti laddhaname baranasinagare yada homi bhavami pativasami, tada abhijatasampattiya uditoditabhavena agge vijjavatasampattiya setthe asitikotivibhavataya mahasale brahmanakule aham uppajjinti. @Footnote: 1 cha.Ma. paccapadi 2 cha.Ma. sonapandita... 3 ajayiham, khu.cariya. 33/42/616The Pali Atthakatha in Roman Character Volume 52 Page 243. http://84000.org/tipitaka/read/attha_page.php?book=52&page=243&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=52&A=5372&modeTY=2&pagebreak=1 http://84000.org/tipitaka/atthapali/rm_line.php?B=52&A=5372&modeTY=2&pagebreak=1#p243
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]