พระไตรปิฎกเล่มที่ ๓๖ ภาษาบาลี อักษรไทย
พระอภิธรรมปิฎกเล่มที่ ๓ อภิ. ธาตุกถา เจว ปุคฺคลปญฺญตฺติ จ

     [๑]   สงฺคโห   อสงฺคโห   สงฺคหิเตน   อสงฺคหิตํ   อสงฺคหิเตน
สงฺคหิตํ    สงฺคหิเตน    สงฺคหิตํ   อสงฺคหิเตน   อสงฺคหิตํ   สมฺปโยโค
วิปฺปโยโค     สมฺปยุตฺเตน     วิปฺปยุตฺตํ     วิปฺปยุตฺเตน     สมฺปยุตฺตํ
สมฺปยุตฺเตน     สมฺปยุตฺตํ     วิปฺปยุตฺเตน     วิปฺปยุตฺตํ     สงฺคหิเตน
สมฺปยุตฺตํ    วิปฺปยุตฺตํ   สมฺปยุตฺเตน   สงฺคหิตํ   อสงฺคหิตํ   อสงฺคหิเตน
สมฺปยุตฺตํ วิปฺปยุตฺตํ วิปฺปยุตฺเตน สงฺคหิตํ อสงฺคหิตํ ฯ
     {๑.๑}  ปญฺจกฺขนฺธา  ทฺวาทสายตนานิ  อฏฺฐารส  ธาตุโย  จตฺตาริ
สจฺจานิ    พาวีสตินฺทฺริยานิ    ปฏิจฺจสมุปฺปาโท   จตฺตาโร   สติปฏฺฐานา
จตฺตาโร    สมฺมปฺปธานา    จตฺตาโร   อิทฺธิปาทา   จตฺตาริ   ฌานานิ
จตสฺโส     อปฺปมญฺญาโย     ปญฺจินฺทฺริยานิ    ปญฺจ    พลานิ    สตฺต
โพชฺฌงฺคา    อริโย    อฏฺฐงฺคิโก   มคฺโค   ผสฺโส   เวทนา   สญฺญา
เจตนา   จิตฺตํ  อธิโมกฺโข  มนสิกาโร  ฯ  ตีหิ  สงฺคโห  ตีหิ  อสงฺคโห
จตูหิ   สมฺปโยโค  จตูหิ  วิปฺปโยโค  ฯ  สภาโค  วิสภาโค  ฯ  สพฺพาปิ
ธมฺมสงฺคณิ ธาตุกถาย มาติกาติ ฯ
                                           มาติกา ฯ
                                สงฺคหาสงฺคหปทนิทฺเทโส
     [๒]   รูปกฺขนฺโธ   กตีหิ   ขนฺเธหิ   กตีหายตเนหิ   กตีหิ  ธาตูหิ
สงฺคหิโต  ฯ  รูปกฺขนฺโธ  เอเกน  ขนฺเธน  เอกาทสหายตเนหิ เอกาทสหิ
ธาตูหิ  สงฺคหิโต  ฯ  กตีหิ  อสงฺคหิโต  ฯ  จตูหิ ขนฺเธหิ เอเกนายตเนน
สตฺตหิ ธาตูหิ อสงฺคหิโต ฯ
     [๓]   เวทนากฺขนฺโธ   กตีหิ  ขนฺเธหิ  กตีหายตเนหิ  กตีหิ  ธาตูหิ
สงฺคหิโต  ฯ  เวทนากฺขนฺโธ  เอเกน  ขนฺเธน  เอเกนายตเนน  เอกาย
ธาตุยา  สงฺคหิโต  ฯ  กตีหิ อสงฺคหิโต ฯ จตูหิ ขนฺเธหิ เอกาทสหายตเนหิ
สตฺตรสหิ ธาตูหิ อสงฺคหิโต ฯ
     [๔]   สญฺญากฺขนฺโธ   กตีหิ   ขนฺเธหิ  กตีหายตเนหิ  กตีหิ  ธาตูหิ
สงฺคหิโต   ฯ  สญฺญากฺขนฺโธ  เอเกน  ขนฺเธน  เอเกนายตเนน  เอกาย
ธาตุยา  สงฺคหิโต  ฯ  กตีหิ อสงฺคหิโต ฯ จตูหิ ขนฺเธหิ เอกาทสหายตเนหิ
สตฺตรสหิ ธาตูหิ อสงฺคหิโต ฯ
     [๕]   สงฺขารกฺขนฺโธ   กตีหิ  ขนฺเธหิ  กตีหายตเนหิ  กตีหิ  ธาตูหิ
สงฺคหิโต  ฯ  สงฺขารกฺขนฺโธ  เอเกน  ขนฺเธน  เอเกนายตเนน  เอกาย
ธาตุยา  สงฺคหิโต  ฯ  กตีหิ อสงฺคหิโต ฯ จตูหิ ขนฺเธหิ เอกาทสหายตเนหิ
สตฺตรสหิ ธาตูหิ อสงฺคหิโต ฯ
     [๖]   วิญฺญาณกฺขนฺโธ   กตีหิ  ขนฺเธหิ  กตีหายตเนหิ  กตีหิ  ธาตูหิ
สงฺคหิโต   ฯ  วิญฺญาณกฺขนฺโธ  เอเกน  ขนฺเธน  เอเกนายตเนน  สตฺตหิ
ธาตูหิ  สงฺคหิโต  ฯ  กตีหิ  อสงฺคหิโต ฯ จตูหิ ขนฺเธหิ เอกาทสหายตเนหิ
เอกาทสหิ ธาตูหิ อสงฺคหิโต ฯ
     [๗]   รูปกฺขนฺโธ  จ  เวทนากฺขนฺโธ  จ  กตีหิ ขนฺเธหิ กตีหายตเนหิ
กตีหิ   ธาตูหิ   สงฺคหิตา   ฯ  รูปกฺขนฺโธ  จ  เวทนากฺขนฺโธ  จ  ทฺวีหิ
ขนฺเธหิ   เอกาทสหายตเนหิ   เอกาทสหิ   ธาตูหิ   สงฺคหิตา  ฯ  กตีหิ
อสงฺคหิตา ฯ ตีหิ ขนฺเธหิ เอเกนายตเนน สตฺตหิ ธาตูหิ อสงฺคหิตา ฯ
     [๘]   รูปกฺขนฺโธ  จ สญฺญากฺขนฺโธ จ ทฺวีหิ ขนฺเธหิ เอกาทสหายตเนหิ
เอกาทสหิ     ธาตูหิ     สงฺคหิตา    ฯ    กตีหิ    อสงฺคหิตา    ฯ
ตีหิ ขนฺเธหิ เอเกนายตเนน สตฺตหิ ธาตูหิ อสงฺคหิตา ฯ
     [๙]   รูปกฺขนฺโธ จ สงฺขารกฺขนฺโธ จ ทฺวีหิ ขนฺเธหิ เอกาทสหายตเนหิ
เอกาทสหิ     ธาตูหิ     สงฺคหิตา    ฯ    กตีหิ    อสงฺคหิตา    ฯ
ตีหิ ขนฺเธหิ เอเกนายตเนน สตฺตหิ ธาตูหิ อสงฺคหิตา ฯ
     [๑๐]   รูปกฺขนฺโธ จ วิญฺญาณกฺขนฺโธ จ ทฺวีหิ ขนฺเธหิ ทฺวาทสหายตเนหิ
อฏฺฐารสหิ     ธาตูหิ     สงฺคหิตา    ฯ    กตีหิ    อสงฺคหิตา    ฯ
ตีหิ ขนฺเธหิ น เกหิจิ อายตเนหิ น กาหิจิ ธาตูหิ อสงฺคหิตา ฯ
     [๑๑]   รูปกฺขนฺโธ  จ  เวทนากฺขนฺโธ  จ  สญฺญากฺขนฺโธ  จ  กตีหิ
ขนฺเธหิ   กตีหายตเนหิ   กตีหิ   ธาตูหิ   สงฺคหิตา   ฯ  รูปกฺขนฺโธ  จ
เวทนากฺขนฺโธ   จ   สญฺญากฺขนฺโธ  จ  ตีหิ  ขนฺเธหิ  เอกาทสหายตเนหิ
เอกาทสหิ   ธาตูหิ   สงฺคหิตา  ฯ  กตีหิ  อสงฺคหิตา  ฯ  ทฺวีหิ  ขนฺเธหิ
เอเกนายตเนน สตฺตหิ ธาตูหิ อสงฺคหิตา ฯ
     [๑๒]   รูปกฺขนฺโธ  จ  เวทนากฺขนฺโธ  จ  สงฺขารกฺขนฺโธ  จ  ตีหิ
ขนฺเธหิ   เอกาทสหายตเนหิ   เอกาทสหิ   ธาตูหิ   สงฺคหิตา  ฯ  กตีหิ
อสงฺคหิตา ฯ ทฺวีหิ ขนฺเธหิ เอเกนายตเนน สตฺตหิ ธาตูหิ อสงฺคหิตา ฯ
     [๑๓]   รูปกฺขนฺโธ  จ  เวทนากฺขนฺโธ  จ  วิญฺญาณกฺขนฺโธ  จ  ตีหิ
ขนฺเธหิ   ทฺวาทสหายตเนหิ   อฏฺฐารสหิ   ธาตูหิ   สงฺคหิตา   ฯ  กตีหิ
อสงฺคหิตา   ฯ   ทฺวีหิ   ขนฺเธหิ   น   เกหิจิ   อายตเนหิ  น  กาหิจิ
ธาตูหิ อสงฺคหิตา ฯ
     [๑๔]   รูปกฺขนฺโธ   จ   เวทนากฺขนฺโธ   จ   สญฺญากฺขนฺโธ   จ
สงฺขารกฺขนฺโธ  จ  กตีหิ  ขนฺเธหิ  กตีหายตเนหิ  กตีหิ ธาตูหิ สงฺคหิตา ฯ
รูปกฺขนฺโธ   จ   เวทนากฺขนฺโธ   จ   สญฺญากฺขนฺโธ  จ  สงฺขารกฺขนฺโธ
จ   จตูหิ  ขนฺเธหิ  เอกาทสหายตเนหิ  เอกาทสหิ  ธาตูหิ  สงฺคหิตา  ฯ
กตีหิ   อสงฺคหิตา  ฯ  เอเกน  ขนฺเธน  เอเกนายตเนน  สตฺตหิ  ธาตูหิ
อสงฺคหิตา ฯ
     [๑๕]   รูปกฺขนฺโธ   จ   เวทนากฺขนฺโธ   จ   สญฺญากฺขนฺโธ   จ
วิญฺญาณกฺขนฺโธ    จ    จตูหิ   ขนฺเธหิ   ทฺวาทสหายตเนหิ   อฏฺฐารสหิ
ธาตูหิ  สงฺคหิตา  ฯ  กตีหิ  อสงฺคหิตา  ฯ  เอเกน  ขนฺเธน  น  เกหิจิ
อายตเนหิ น กาหิจิ ธาตูหิ อสงฺคหิตา ฯ
     [๑๖]   รูปกฺขนฺโธ   จ   เวทนากฺขนฺโธ   จ   สญฺญากฺขนฺโธ   จ
สงฺขารกฺขนฺโธ   จ   วิญฺญาณกฺขนฺโธ   จ   กตีหิ  ขนฺเธหิ  กตีหายตเนหิ
กตีหิ  ธาตูหิ  สงฺคหิตา  ฯ  รูปกฺขนฺโธ  จ เวทนากฺขนฺโธ จ สญฺญากฺขนฺโธ
จ  สงฺขารกฺขนฺโธ  จ  วิญฺญาณกฺขนฺโธ  จ ปญฺจหิ ขนฺเธหิ ทฺวาทสหายตเนหิ
อฏฺฐารสหิ    ธาตูหิ    สงฺคหิตา    ฯ    กตีหิ   อสงฺคหิตา   ฯ   น
เกหิจิ ขนฺเธหิ น เกหิจิ อายตเนหิ น กาหิจิ ธาตูหิ อสงฺคหิตา ฯ
     [๑๗]   ปญฺจกฺขนฺธา   กตีหิ   ขนฺเธหิ  กตีหายตเนหิ  กตีหิ  ธาตูหิ
สงฺคหิตา    ฯ    ปญฺจกฺขนฺธา    ปญฺจหิ    ขนฺเธหิ   ทฺวาทสหายตเนหิ
อฏฺฐารสหิ   ธาตูหิ   สงฺคหิตา   ฯ   กตีหิ   อสงฺคหิตา  ฯ  น  เกหิจิ
ขนฺเธหิ น เกหิจิ อายตเนหิ น กาหิจิ ธาตูหิ อสงฺคหิตา ฯ
     [๑๘]   จกฺขฺวายตนํ   กตีหิ   ขนฺเธหิ  กตีหายตเนหิ  กตีหิ  ธาตูหิ
สงฺคหิตํ  ฯ  จกฺขฺวายตนํ  เอเกน ขนฺเธน เอเกนายตเนน เอกาย ธาตุยา
สงฺคหิตํ   ฯ   กตีหิ   อสงฺคหิตํ   ฯ  จตูหิ  ขนฺเธหิ  เอกาทสหายตเนหิ
สตฺตรสหิ ธาตูหิ อสงฺคหิตํ ฯ
     [๑๙]   โสตายตนํ   ฆานายตนํ   ชิวฺหายตนํ  กายายตนํ  รูปายตนํ
สทฺทายตนํ   คนฺธายตนํ   รสายตนํ   โผฏฺฐพฺพายตนํ   เอเกน   ขนฺเธน
เอเกนายตเนน   เอกาย   ธาตุยา   สงฺคหิตํ   ฯ  กตีหิ  อสงฺคหิตํ  ฯ
จตูหิ ขนฺเธหิ เอกาทสหายตเนหิ สตฺตรสหิ ธาตูหิ อสงฺคหิตํ ฯ
     [๒๐]   มนายตนํ  เอเกน  ขนฺเธน  เอเกนายตเนน  สตฺตหิ  ธาตูหิ
สงฺคหิตํ   ฯ   กตีหิ   อสงฺคหิตํ   ฯ  จตูหิ  ขนฺเธหิ  เอกาทสหายตเนหิ
เอกาทสหิ ธาตูหิ อสงฺคหิตํ ฯ
     [๒๑]   ธมฺมายตนํ   อสงฺขตํ   ขนฺธโต   ฐเปตฺวา  จตูหิ  ขนฺเธหิ
เอเกนายตเนน   เอกาย   ธาตุยา   สงฺคหิตํ   ฯ  กตีหิ  อสงฺคหิตํ  ฯ
เอเกน ขนฺเธน เอกาทสหายตเนหิ สตฺตรสหิ ธาตูหิ อสงฺคหิตํ ฯ
     [๒๒]   จกฺขฺวายตนญฺจ  โสตายตนญฺจ  เอเกน  ขนฺเธน ทฺวีหายตเนหิ
ทฺวีหิ   ธาตูหิ   สงฺคหิตา   ฯ   กตีหิ   อสงฺคหิตา   ฯ  จตูหิ  ขนฺเธหิ
ทสหายตเนหิ โสฬสหิ ธาตูหิ อสงฺคหิตา ฯ
     [๒๓]   จกฺขฺวายตนญฺจ  ฆานายตนญฺจ  จกฺขฺวายตนญฺจ  ชิวฺหายตนญฺจ
จกฺขฺวายตนญฺจ      กายายตนญฺจ      จกฺขฺวายตนญฺจ      รูปายตนญฺจ
จกฺขฺวายตนญฺจ      สทฺทายตนญฺจ      จกฺขฺวายตนญฺจ     คนฺธายตนญฺจ
จกฺขฺวายตนญฺจ     รสายตนญฺจ     จกฺขฺวายตนญฺจ     โผฏฺฐพฺพายตนญฺจ
เอเกน   ขนฺเธน   ทฺวีหายตเนหิ   ทฺวีหิ   ธาตูหิ   สงฺคหิตา  ฯ  กตีหิ
อสงฺคหิตา ฯ จตูหิ ขนฺเธหิ ทสหายตเนหิ โสฬสหิ ธาตูหิ อสงฺคหิตา ฯ
     [๒๔]   จกฺขฺวายตนญฺจ   มนายตนญฺจ  ทฺวีหิ  ขนฺเธหิ  ทฺวีหายตเนหิ
อฏฺฐหิ   ธาตูหิ   สงฺคหิตา   ฯ   กตีหิ   อสงฺคหิตา   ฯ  ตีหิ  ขนฺเธหิ
ทสหายตเนหิ ทสหิ ธาตูหิ อสงฺคหิตา ฯ
     [๒๕]   จกฺขฺวายตนญฺจ   ธมฺมายตนญฺจ  อสงฺขตํ  ขนฺธโต  ฐเปตฺวา
จตูหิ   ขนฺเธหิ   ทฺวีหายตเนหิ   ทฺวีหิ   ธาตูหิ   สงฺคหิตา   ฯ   กตีหิ
อสงฺคหิตา ฯ เอเกน ขนฺเธน ทสหายตเนหิ โสฬสหิ ธาตูหิ อสงฺคหิตา ฯ
     [๒๖]   ทฺวาทสายตนานิ  กตีหิ  ขนฺเธหิ  กตีหายตเนหิ  กตีหิ  ธาตูหิ
สงฺคหิตานิ   ฯ   ทฺวาทสายตนานิ   อสงฺขตํ   ขนฺธโต  ฐเปตฺวา  ปญฺจหิ
ขนฺเธหิ   ทฺวาทสหายตเนหิ   อฏฺฐารสหิ   ธาตูหิ   สงฺคหิตานิ  ฯ  กตีหิ
อสงฺคหิตานิ   ฯ  น  เกหิจิ  ขนฺเธหิ  น  เกหิจิ  อายตเนหิ  น  กาหิจิ
ธาตูหิ อสงฺคหิตานิ ฯ
     [๒๗]   จกฺขุธาตุ   กตีหิ   ขนฺเธหิ   กตีหายตเนหิ   กตีหิ  ธาตูหิ
สงฺคหิตา  ฯ  จกฺขุธาตุ  เอเกน  ขนฺเธน เอเกนายตเนน เอกาย ธาตุยา
สงฺคหิตา   ฯ   กตีหิ  อสงฺคหิตา  ฯ  จตูหิ  ขนฺเธหิ  เอกาทสหายตเนหิ
สตฺตรสหิ ธาตูหิ อสงฺคหิตา ฯ
     [๒๘]   โสตธาตุ  ฆานธาตุ  ชิวฺหาธาตุ  กายธาตุ  รูปธาตุ สทฺทธาตุ
คนฺธธาตุ    รสธาตุ   โผฏฺฐพฺพธาตุ   จกฺขุวิญฺญาณธาตุ   โสตวิญฺญาณธาตุ
ฆานวิญฺญาณธาตุ     ชิวฺหาวิญฺญาณธาตุ     กายวิญฺญาณธาตุ     มโนธาตุ
มโนวิญฺญาณธาตุ   เอเกน   ขนฺเธน   เอเกนายตเนน  เอกาย  ธาตุยา
สงฺคหิตา   ฯ   กตีหิ  อสงฺคหิตา  ฯ  จตูหิ  ขนฺเธหิ  เอกาทสหายตเนหิ
สตฺตรสหิ ธาตูหิ อสงฺคหิตา ฯ
     [๒๙]   ธมฺมธาตุ   อสงฺขตํ   ขนฺธโต   ฐเปตฺวา   จตูหิ  ขนฺเธหิ
เอเกนายตเนน   เอกาย   ธาตุยา  สงฺคหิตา  ฯ  กตีหิ  อสงฺคหิตา  ฯ
เอเกน ขนฺเธน เอกาทสหายตเนหิ สตฺตรสหิ ธาตูหิ อสงฺคหิตา ฯ
     [๓๐]   จกฺขุธาตุ  จ  โสตธาตุ  จ  เอเกน  ขนฺเธน  ทฺวีหายตเนหิ
ทฺวีหิ   ธาตูหิ   สงฺคหิตา   ฯ   กตีหิ   อสงฺคหิตา   ฯ  จตูหิ  ขนฺเธหิ
ทสหายตเนหิ โสฬสหิ ธาตูหิ อสงฺคหิตา ฯ
     [๓๑]   จกฺขุธาตุ   จ   ฆานธาตุ   จ   จกฺขุธาตุ  จ  ชิวฺหาธาตุ
จ   จกฺขุธาตุ   จ   กายธาตุ  จ  จกฺขุธาตุ  จ  รูปธาตุ  จ  จกฺขุธาตุ
จ   สทฺทธาตุ   จ   จกฺขุธาตุ  จ  คนฺธธาตุ  จ  จกฺขุธาตุ  จ  รสธาตุ
จ   จกฺขุธาตุ   จ   โผฏฺฐพฺพธาตุ   จ  เอเกน  ขนฺเธน  ทฺวีหายตเนหิ
ทฺวีหิ   ธาตูหิ   สงฺคหิตา   ฯ   กตีหิ   อสงฺคหิตา   ฯ  จตูหิ  ขนฺเธหิ
ทสหายตเนหิ โสฬสหิ ธาตูหิ อสงฺคหิตา ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๓๖ หน้าที่ ๑-๘.
https://84000.org/tipitaka/read/pali_item.php?book=36.1&item=1&items=31&mode=bracket
             อ่านโดยใช้เนื้อความเป็นเกณฑ์แบ่งข้อ :-
https://84000.org/tipitaka/read/pali_item.php?book=36.1&item=1&items=31
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=36.1&item=1&items=31&mode=bracket
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=36.1&item=1&items=31&mode=bracket
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=36.1&i=1
             สารบัญพระไตรปิฎกเล่มที่ ๓๖
https://84000.org/tipitaka/read/?index_36
https://84000.org/tipitaka/english/?index_36