พระไตรปิฎกเล่มที่ ๓๗ ภาษาบาลี อักษรไทย
พระอภิธรรมปิฎกเล่มที่ ๔ อภิ. กถาวตฺถุ

                                            าณกถา
     [๑๘๓๑]   ทฺวาทสวตฺถุกํ   าณํ   โลกุตฺตรนฺติ  ฯ  อามนฺตา  ฯ
ทฺวาทส   โลกุตฺตราณานีติ   ฯ   น   เหวํ  วตฺตพฺเพ  ฯเปฯ  ทฺวาทส
โลกุตฺตราณานีติ   ฯ   อามนฺตา   ฯ   ทฺวาทส   โสตาปตฺติมคฺคาติ  ฯ
น  เหวํ  วตฺตพฺเพ  ฯเปฯ  ทฺวาทส  โสตาปตฺติมคฺคาติ  ฯ  อามนฺตา  ฯ
ทฺวาทส   โสตาปตฺติผลานีติ   ฯ   น   เหวํ  วตฺตพฺเพ  ฯเปฯ  ทฺวาทส
สกทาคามิมคฺคา   ฯเปฯ   อนาคามิมคฺคา   ฯเปฯ   อรหตฺตมคฺคาติ   ฯ
น   เหวํ   วตฺตพฺเพ  ฯเปฯ  ทฺวาทส  อรหตฺตมคฺคาติ  ฯ  อามนฺตา  ฯ
ทฺวาทส อรหตฺตผลานีติ ฯ น เหวํ วตฺตพฺเพ ฯเปฯ
     [๑๘๓๒]   น   วตฺตพฺพํ   ทฺวาทสวตฺถุกํ   าณํ  โลกุตฺตรนฺติ  ฯ
อามนฺตา   ฯ   นนุ   วุตฺตํ   ภควตา   อิทํ   ทุกฺขํ   อริยสจฺจนฺติ  เม
ภิกฺขเว   ปุพฺเพ   อนนุสฺสุเตสุ   ธมฺเมสุ  จกฺขุํ  อุทปาทิ  าณํ  อุทปาทิ
ปญฺา   อุทปาทิ   วิชฺชา   อุทปาทิ   อาโลโก  อุทปาทิ  ตํ  โข  ปนิทํ
ทุกฺขํ   อริยสจฺจํ   ปริญฺเยฺยนฺติ   เม   ภิกฺขเว   ฯเปฯ   ปริญฺาตนฺติ
@เชิงอรรถ: ๑ ที. ม. ๑๘๘ ฯ
าตนฺติ   เม   ภิกฺขเว   ฯเปฯ   อิทํ   ทุกฺขสมุทโย  อริยสจฺจนฺติ  เม
ภิกฺขเว   ฯเปฯ   ตํ   โข   ปนิทํ  ทุกฺขสมุทโย  อริยสจฺจํ  ปหาตพฺพนฺติ
เม   ภิกฺขเว   ฯเปฯ  ปหีนนฺติ  เม  ภิกฺขเว  ฯเปฯ  อิทํ  ทุกฺขนิโรโธ
อริยสจฺจนฺติ  เม  ภิกฺขเว  ฯเปฯ  ตํ  โข  ปนิทํ  ทุกฺขนิโรโธ  อริยสจฺจํ
สจฺฉิกาตพฺพนฺติ   เม   ภิกฺขเว  ฯเปฯ  สจฺฉิกตนฺติ  เม  ภิกฺขเว  ฯเปฯ
อิทํ   ทุกฺขนิโรธคามินี   ปฏิปทา   อริยสจฺจนฺติ  เม  ภิกฺขเว  ฯเปฯ  ตํ
โข    ปนิทํ    ทุกฺขนิโรธคามินี    ปฏิปทา    อริยสจฺจํ   ภาเวตพฺพนฺติ
เม   ภิกฺขเว   ฯเปฯ   ภาวิตนฺติ   เม   ภิกฺขเว  ปุพฺเพ  อนนุสฺสุเตสุ
ธมฺเมสุ    จกฺขุํ    อุทปาทิ    ฯเปฯ   อาโลโก   อุทปาทีติ   อตฺเถว
สุตฺตนฺโตติ ฯ อามนฺตา ฯ เตน หิ ทฺวาทสวตฺถุกํ าณํ โลกุตฺตรนฺติ ฯ
                                           าณกถา ฯ
                                        วีสติโม วคฺโค ฯ
                                        ตสฺส อุทฺทานํ
           มาตุฆาตโก อานนฺตริโก          ปิตุฆาตโก อานนฺตริโก
           อรหนฺตฆาตโก อานนฺตริโก     รุหิรุปฺปาทโก อานนฺตริโก
           สงฺฆเภทโก อานนฺตริโก          นตฺถิ ปุถุชฺชนสฺส าณํ
           นตฺถิ นิรเยสุ นิรยปาลา          อตฺถิ เทเวสุ ติรจฺฉานคตา
           ปญฺจงฺคิโก มคฺโค ทฺวาทสวตฺถุกํ  าณํ โลกุตฺตรนฺติ ฯ
                                    จตุตฺโถ ปณฺณาสโก ฯ
                  นิคฺคโห ปุญฺสํจโย อฏฺาสิ อตีเตน จ มาตุฆาตโกติ ฯ
                                          -----------

             เนื้อความพระไตรปิฎกฉบับภาษาบาลีอักษรไทย เล่มที่ ๓๗ หน้าที่ ๖๓๔-๖๓๕.
https://84000.org/tipitaka/read/pali_item.php?book=37&item=1831&items=2
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=37&item=1831&items=2&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=37&item=1831&items=2
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=37&item=1831&items=2
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=37&i=1831
             สารบัญพระไตรปิฎกเล่มที่ ๓๗
https://84000.org/tipitaka/read/?index_37
https://84000.org/tipitaka/english/?index_37