[๒๓๑] เตน โข ปน สมเยน อญฺตรสฺมึ อาวาเส ตทหุปวารณาย
ปญฺจ ภิกฺขู วิหรนฺติ ฯ อถโข เตสํ ภิกฺขูนํ เอตทโหสิ ภควตา
ปญฺตฺตํ สงฺเฆน ปวาเรตพฺพนฺติ มยญฺจมฺห ปญฺจ ชนา กถํ นุ
โข อเมฺหหิ ปวาเรตพฺพนฺติ ฯ ภควโต เอตมตฺถํ อาโรเจสุํ ฯ
อนุชานามิ ภิกฺขเว ปญฺจนฺนํ สงฺเฆน ๑- ปวาเรตุนฺติ ฯ เตน โข
ปน สมเยน อญฺตรสฺมึ อาวาเส ตทหุปวารณาย จตฺตาโร ภิกฺขู
วิหรนฺติ ฯ อถโข เตสํ ภิกฺขูนํ เอตทโหสิ ภควตา อนุญฺาตํ
ปญฺจนฺนํ สงฺเฆน ปวาเรตุํ มยญฺจมฺห จตฺตาโร ชนา กถํ นุ โข
อเมฺหหิ ปวาเรตพฺพนฺติ ฯ ภควโต เอตมตฺถํ อาโรเจสุํ ฯ
อนุชานามิ ภิกฺขเว จตุนฺนํ อญฺมญฺ ปวาเรตุํ ฯ เอวญฺจ ปน
ภิกฺขเว ปวาเรตพฺพํ ฯ พฺยตฺเตน ภิกฺขุนา ปฏิพเลน เต ภิกฺขู
าเปตพฺพา
{๒๓๑.๑} สุณนฺตุ เม อายสฺมนฺโต อชฺช ปวารณา ฯ
@เชิงอรรถ: ๑ ม. ยุ. สงฺเฆ ฯ อิโต ปรํ อีทิสเมว ฯ
ยทายสฺมนฺตานํ ปตฺตกลฺลํ มยํ อญฺมญฺ ปวาเรยฺยามาติ ฯ
{๒๓๑.๒} เถเรน ภิกฺขุนา เอกํสํ อุตฺตราสงฺคํ กริตฺวา อุกฺกุฏิกํ
นิสีทิตฺวา อญฺชลึ ปคฺคเหตฺวา เต ภิกฺขู เอวมสฺสุ วจนียา อหํ
อาวุโส อายสฺมนฺเต ปวาเรมิ ทิฏฺเน วา สุเตน วา ปริสงฺกาย
วา วทนฺตุ มํ อายสฺมนฺโต อนุกมฺปํ อุปาทาย ปสฺสนฺโต ปฏิกริสฺสามิ
ทุติยมฺปิ อาวุโส อายสฺมนฺเต ปวาเรมิ ทิฏฺเน วา สุเตน วา
ปริสงฺกาย วา วทนฺตุ มํ อายสฺมนฺโต อนุกมฺปํ อุปาทาย
ปสฺสนฺโต ปฏิกริสฺสามิ ตติยมฺปิ อาวุโส อายสฺมนฺเต ปวาเรมิ
ทิฏฺเน วา สุเตน วา ปริสงฺกาย วา วทนฺตุ มํ อายสฺมนฺโต
อนุกมฺปํ อุปาทาย ปสฺสนฺโต ปฏิกริสฺสามีติ ฯ
{๒๓๑.๓} นวเกน ภิกฺขุนา เอกํสํ อุตฺตราสงฺคํ กริตฺวา
อุกฺกุฏิกํ นิสีทิตฺวา อญฺชลึ ปคฺคเหตฺวา เต ภิกฺขู เอวมสฺสุ
วจนียา อหํ ภนฺเต อายสฺมนฺเต ปวาเรมิ ทิฏฺเน วา สุเตน
วา ปริสงฺกาย วา วทนฺตุ มํ อายสฺมนฺโต อนุกมฺปํ อุปาทาย
ปสฺสนฺโต ปฏิกริสฺสามิ ทุติยมฺปิ ภนฺเต อายสฺมนฺเต ปวาเรมิ
ทิฏฺเน วา สุเตน วา ปริสงฺกาย วา วทนฺตุ มํ อายสฺมนฺโต
อนุกมฺปํ อุปาทาย ปสฺสนฺโต ปฏิกริสฺสามิ ตติยมฺปิ ภนฺเต
อายสฺมนฺเต ปวาเรมิ ทิฏฺเน วา สุเตน วา ปริสงฺกาย วา
วทนฺตุ มํ อายสฺมนฺโต อนุกมฺปํ อุปาทาย ปสฺสนฺโต ปฏิกริสฺสามีติ ฯ
{๒๓๑.๔} เตน โข ปน สมเยน อญฺตรสฺมึ อาวาเส
ตทหุปวารณาย ตโย ภิกฺขู วิหรนฺติ ฯ อถโข เตสํ
ภิกฺขูนํ เอตทโหสิ ภควตา อนุญฺาตํ ปญฺจนฺนํ สงฺเฆน ปวาเรตุํ
จตุนฺนํ อญฺมญฺ ปวาเรตุํ มยญฺจมฺห ตโย ชนา กถํ นุ
โข อเมฺหหิ ปวาเรตพฺพนฺติ ฯ ภควโต เอตมตฺถํ อาโรเจสุํ ฯ
อนุชานามิ ภิกฺขเว ติณฺณนฺนํ อญฺมญฺ ปวาเรตุํ ฯ เอวญฺจ
ปน ภิกฺขเว ปวาเรตพฺพํ ฯ พฺยตฺเตน ภิกฺขุนา ปฏิพเลน เต
ภิกฺขู าเปตพฺพา
{๒๓๑.๕} สุณนฺตุ เม อายสฺมนฺตา อชฺช ปวารณา ฯ
ยทายสฺมนฺตานํ ปตฺตกลฺลํ มยํ อญฺมญฺ ปวาเรยฺยามาติ ฯ
{๒๓๑.๖} เถเรน ภิกฺขุนา เอกํสํ อุตฺตราสงฺคํ กริตฺวา อุกฺกุฏิกํ
นิสีทิตฺวา อญฺชลึ ปคฺคเหตฺวา เต ภิกฺขู เอวมสฺสุ วจนียา อหํ
อาวุโส อายสฺมนฺเต ปวาเรมิ ทิฏฺเน วา สุเตน วา ปริสงฺกาย วา
วทนฺตุ มํ อายสฺมนฺตา อนุกมฺปํ อุปาทาย ปสฺสนฺโต ปฏิกริสฺสามิ
ทุติยมฺปิ อาวุโส อายสฺมนฺเต ปวาเรมิ ทิฏฺเน วา สุเตน วา
ปริสงฺกาย วา วทนฺตุ มํ อายสฺมนฺตา อนุกมฺปํ อุปาทาย
ปสฺสนฺโต ปฏิกริสฺสามิ ตติยมฺปิ อาวุโส อายสฺมนฺเต ปวาเรมิ
ทิฏฺเน วา สุเตน วา ปริสงฺกาย วา วทนฺตุ มํ อายสฺมนฺตา
อนุกมฺปํ อุปาทาย ปสฺสนฺโต ปฏิกริสฺสามีติ ฯ
{๒๓๑.๗} นวเกน ภิกฺขุนา เอกํสํ อุตฺตราสงฺคํ กริตฺวา
อุกฺกุฏิกํ นิสีทิตฺวา อญฺชลึ ปคฺคเหตฺวา เต ภิกฺขู เอวมสฺสุ
วจนียา อหํ ภนฺเต อายสฺมนฺเต ปวาเรมิ ทิฏฺเน วา
สุเตน วา ปริสงฺกาย วา วทนฺตุ มํ อายสฺมนฺตา
อนุกมฺปํ อุปาทาย ปสฺสนฺโต ปฏิกริสฺสามิ ทุติยมฺปิ ภนฺเต
อายสฺมนฺเต ปวาเรมิ ทิฏฺเน วา สุเตน วา ปริสงฺกาย วา
วทนฺตุ มํ อายสฺมนฺตา อนุกมฺปํ อุปาทาย ปสฺสนฺโต ปฏิกริสฺสามิ
ตติยมฺปิ ภนฺเต อายสฺมนฺเต ปวาเรมิ ทิฏฺเน วา สุเตน วา
ปริสงฺกาย วา วทนฺตุ มํ อายสฺมนฺตา อนุกมฺปํ อุปาทาย
ปสฺสนฺโต ปฏิกริสฺสามีติ ฯ
{๒๓๑.๘} เตน โข ปน สมเยน อญฺตรสฺมึ อาวาเส
ตทหุปวารณาย เทฺว ภิกฺขู วิหรนฺติ อถโข เตสํ ภิกฺขูนํ เอตทโหสิ
ภควตา อนุญฺาตํ ปญฺจนฺนํ สงฺเฆน ปวาเรตุํ จตุนฺนํ อญฺมญฺ
ปวาเรตุํ ติณฺณนฺนํ อญฺมญฺ ปวาเรตุํ มยญฺจมฺห เทฺว ชนา
กถํ นุ โข อเมฺหหิ ปวาเรตพฺพนฺติ ฯ ภควโต เอตมตฺถํ อาโรเจสุํ ฯ
อนุชานามิ ภิกฺขเว ทฺวินฺนํ อญฺมญฺ ปวาเรตุํ ฯ เอวญฺจ ปน
ภิกฺขเว ปวาเรตพฺพํ ฯ เถเรน ภิกฺขุนา เอกํสํ อุตฺตราสงฺคํ กริตฺวา
อุกฺกุฏิกํ นิสีทิตฺวา อญฺชลึ ปคฺคเหตฺวา นโว ภิกฺขุ เอวมสฺส วจนีโย
อหํ อาวุโส อายสฺมนฺตํ ปวาเรมิ ทิฏฺเน วา สุเตน วา ปริสงฺกาย
วา วทตุ มํ อายสฺมา อนุกมฺปํ อุปาทาย ปสฺสนฺโต ปฏิกริสฺสามิ
ทุติยมฺปิ อาวุโส อายสฺมนฺตํ ปวาเรมิ ทิฏฺเน วา สุเตน วา
ปริสงฺกาย วา วทตุ มํ อายสฺมา อนุกมฺปํ อุปาทาย ปสฺสนฺโต
ปฏิกริสฺสามิ ตติยมฺปิ อาวุโส อายสฺมนฺตํ ปวาเรมิ ทิฏฺเน
วา สุเตน วา ปริสงฺกาย วา วทตุ มํ อายสฺมา อนุกมฺปํ
อุปาทาย ปสฺสนฺโต ปฏิกริสฺสามีติ ฯ
{๒๓๑.๙} นวเกน ภิกฺขุนา เอกํสํ อุตฺตราสงฺคํ กริตฺวา อุกฺกุฏิกํ
นิสีทิตฺวา อญฺชลึ ปคฺคเหตฺวา เถโร ภิกฺขุ เอวมสฺส วจนีโย
อหํ ภนฺเต อายสฺมนฺตํ ปวาเรมิ ทิฏฺเน วา สุเตน วา ปริสงฺกาย
วา วทตุ มํ อายสฺมา อนุกมฺปํ อุปาทาย ปสฺสนฺโต ปฏิกริสฺสามิ
ทุติยมฺปิ ภนฺเต อายสฺมนฺตํ ปวาเรมิ ทิฏฺเน วา สุเตน วา
ปริสงฺกาย วา วทตุ มํ อายสฺมา อนุกมฺปํ อุปาทาย ปสฺสนฺโต
ปฏิกริสฺสามิ ตติยมฺปิ ภนฺเต อายสฺมนฺตํ ปวาเรมิ ทิฏฺเน วา
สุเตน วา ปริสงฺกาย วา วทตุ มํ อายสฺมา อนุกมฺปํ อุปาทาย
ปสฺสนฺโต ปฏิกริสฺสามีติ ฯ
{๒๓๑.๑๐} เตน โข ปน สมเยน อญฺตรสฺมึ อาวาเส
ตทหุปวารณาย เอโก ภิกฺขุ วิหรติ ฯ อถโข ตสฺส ภิกฺขุโน
เอตทโหสิ ภควตา อนุญฺาตํ ปญฺจนฺนํ สงฺเฆน ปวาเรตุํ
จตุนฺนํ อญฺมญฺ ปวาเรตุํ ติณฺณนฺนํ อญฺมญฺ ปวาเรตุํ
ทฺวินฺนํ อญฺมญฺ ปวาเรตุํ อหญฺจมฺหิ เอกโก กถํ นุ โข
มยา ปวาเรตพฺพนฺติ ฯ ภควโต เอตมตฺถํ อาโรเจสุํ ฯ
{๒๓๑.๑๑} อิธ ปน ภิกฺขเว อญฺตรสฺมึ อาวาเส
ตทหุปวารณาย เอโก ภิกฺขุ วิหรติ ฯ เตน ภิกฺขเว ภิกฺขุนา
ยตฺถ ภิกฺขู ปฏิกฺกมนฺติ อุปฏฺานสาลาย วา มณฺฑเป วา
รุกฺขมูเล วา โส เทโส สมฺมชฺชิตฺวา ปานียํ ปริโภชนียํ
อุปฏฺาเปตฺวา อาสนํ ปญฺาเปตฺวา ปทีปํ กตฺวา นิสีทิตพฺพํ ฯ
สเจ อญฺเ ภิกฺขู อาคจฺฉนฺติ เตหิ สทฺธึ ปวาเรตพฺพํ โน เจ
อาคจฺฉนฺติ อชฺช เม ปวารณาติ อธิฏฺาตพฺพํ โน เจ
อธิฏฺเหยฺย อาปตฺติ ทุกฺกฏสฺส ฯ ตตฺร ภิกฺขเว ยตฺถ
ปญฺจ ภิกฺขู วิหรนฺติ น เอกสฺส ปวารณํ อาหริตฺวา จตูหิ
สงฺเฆน ปวาเรตพฺพํ ปวาเรยฺยุํ เจ อาปตฺติ ทุกฺกฏสฺส ฯ
ตตฺร ภิกฺขเว ยตฺถ จตฺตาโร ภิกฺขู วิหรนฺติ น เอกสฺส ปวารณํ
อาหริตฺวา ตีหิ อญฺมญฺ ปวาเรตพฺพํ ปวาเรยฺยุํ เจ อาปตฺติ
ทุกฺกฏสฺส ฯ ตตฺร ภิกฺขเว ยตฺถ ตโย ภิกฺขู วิหรนฺติ น เอกสฺส
ปวารณํ อาหริตฺวา ทฺวีหิ อญฺมญฺ ปวาเรตพฺพํ ปวาเรยฺยุํ
เจ อาปตฺติ ทุกฺกฏสฺส ฯ ตตฺร ภิกฺขเว ยตฺถ เทฺว ภิกฺขู
วิหรนฺติ น เอกสฺส ปวารณํ อาหริตฺวา เอเกน อธิฏฺาตพฺพํ
อธิฏฺเหยฺย เจ อาปตฺติ ทุกฺกฏสฺสาติ ฯ
[๒๓๒] เตน โข ปน สมเยน อญฺตโร ภิกฺขุ ตทหุปวารณาย
อาปตฺตึ อาปนฺโน โหติ ฯ อถโข ตสฺส ภิกฺขุโน เอตทโหสิ
ภควตา ปญฺตฺตํ น สาปตฺติเกน ปวาเรตพฺพนฺติ อหญฺจมฺหิ
อาปตฺตึ อาปนฺโน กถํ นุ โข มยา ปฏิปชฺชิตพฺพนฺติ ฯ ภควโต
เอตมตฺถํ อาโรเจสุํ ฯ
{๒๓๒.๑} อิธ ปน ภิกฺขเว ตทหุปวารณาย อาปตฺตึ
อาปนฺโน โหติ ฯ เตน ภิกฺขเว ภิกฺขุนา เอกํ ภิกฺขุํ อุปสงฺกมิตฺวา
เอกํสํ อุตฺตราสงฺคํ กริตฺวา อุกฺกุฏิกํ นิสีทิตฺวา อญฺชลึ ปคฺคเหตฺวา
เอวมสฺส วจนีโย อหํ อาวุโส อิตฺถนฺนามํ อาปตฺตึ อาปนฺโน
ตํ ปฏิเทเสมีติ ฯ เตน วตฺตพฺโพ ปสฺสสีติ ฯ อาม ปสฺสามีติ ฯ
อายตึ สํวเรยฺยาสีติ ฯ
{๒๓๒.๒} อิธ ปน ภิกฺขเว ภิกฺขุ ตทหุปวารณาย อาปตฺติยา
เวมติโก โหติ ฯ เตน ภิกฺขเว ภิกฺขุนา เอกํ ภิกฺขุํ
อุปสงฺกมิตฺวา เอกํสํ อุตฺตราสงฺคํ กริตฺวา อุกฺกุฏิกํ นิสีทิตฺวา
อญฺชลึ ปคฺคเหตฺวา เอวมสฺส วจนีโย อหํ อาวุโส อิตฺถนฺนามาย
อาปตฺติยา เวมติโก ยทา นิพฺเพมติโก ภวิสฺสามิ ตทา
ตํ อาปตฺตึ ปฏิกริสฺสามีติ วตฺวา ปวาเรตพฺพํ ฯ น เตฺวว
ตปฺปจฺจยา ปวารณาย อนฺตราโย กาตพฺโพติ ฯ
{๒๓๒.๓} เตน โข ปน สมเยน อญฺตโร ภิกฺขุ ปวารยมาโน
อาปตฺตึ สรติ ฯ อถโข ตสฺส ภิกฺขุโน เอตทโหสิ ภควตา ปญฺตฺตํ
น สาปตฺติเกน ปวาเรตพฺพนฺติ อหญฺจมฺหิ อาปตฺตึ อาปนฺโน กถํ
นุ โข มยา ปฏิปชฺชิตพฺพนฺติ ฯ ภควโต เอตมตฺถํ อาโรเจสุํ ฯ
{๒๓๒.๔} อิธ ปน ภิกฺขเว ภิกฺขุ ปวารยมาโน อาปตฺตึ สรติ ฯ
เตน ภิกฺขเว ภิกฺขุนา สามนฺโต ภิกฺขุ เอวมสฺส วจนีโย อหํ อาวุโส
อิตฺถนฺนามํ อาปตฺตึ อาปนฺโน อิโต วุฏฺหิตฺวา ตํ อาปตฺตึ
ปฏิกริสฺสามีติ วตฺวา ปวาเรตพฺพํ ฯ น เตฺวว ตปฺปจฺจยา ปวารณาย
อนฺตราโย กาตพฺโพ ฯ
{๒๓๒.๕} อิธ ปน ภิกฺขเว ภิกฺขุ ปวารยมาโน อาปตฺติยา เวมติโก
โหติ ฯ เตน ภิกฺขเว ภิกฺขุนา สามนฺโต ภิกฺขุ เอวมสฺส วจนีโย อหํ
อาวุโส อิตฺถนฺนามาย อาปตฺติยา เวมติโก ยทา นิพฺเพมติโก
ภวิสฺสามิ ตทา ตํ อาปตฺตึ ปฏิกริสฺสามีติ วตฺวา ปวาเรตพฺพํ ฯ
น เตฺวว ตปฺปจฺจยา ปวารณาย อนฺตราโย กาตพฺโพติ ฯ เตน
โข ปน สมเยน อญฺตรสฺมึ อาวาเส ตทหุปวารณาย สพฺโพ
สงฺโฆ สภาคํ อาปตฺตึ อาปนฺโน โหติ ฯ อถโข เตสํ
ภิกฺขูนํ เอตทโหสิ ภควตา ปญฺตฺตํ น สภาคา อาปตฺติ
เทเสตพฺพา น สภาคา อาปตฺติ ปฏิคฺคเหตพฺพาติ อยญฺจ
สพฺโพ สงฺโฆ สภาคํ อาปตฺตึ อาปนฺโน กถํ นุ โข อมฺเหหิ
ปฏิปชฺชิตพฺพนฺติ ฯ ภควโต เอตมตฺถํ อาโรเจสุํ ฯ
{๒๓๒.๖} อิธ ปน ภิกฺขเว อญฺตรสฺมึ อาวาเส ตทหุปวารณาย
สพฺโพ สงฺโฆ สภาคํ อาปตฺตึ อาปนฺโน โหติ ฯ เตหิ ภิกฺขเว ภิกฺขูหิ
เอโก ภิกฺขุ สมนฺตา อาวาสา สชฺชุกํ ปาเหตพฺโพ คจฺฉาวุโส ตํ
อาปตฺตึ ปฏิกริตฺวา อาคจฺฉ มยํ เต สนฺติเก ตํ อาปตฺตึ
ปฏิกริสฺสามาติ ฯ เอวญฺเจตํ ลเภถ อิจฺเจตํ กุสลํ โน เจ ลเภถ
พฺยตฺเตน ภิกฺขุนา ปฏิพเลน สงฺโฆ าเปตพฺโพ
{๒๓๒.๗} สุณาตุ เม ภนฺเต สงฺโฆ อยํ สพฺโพ สงฺโฆ สภาคํ
อาปตฺตึ อาปนฺโน ยทา อญฺ ภิกฺขุํ สุทฺธํ อนาปตฺติกํ ปสฺสิสฺสติ
ตทา ตสฺส สนฺติเก ตํ อาปตฺตึ ปฏิกริสฺสตีติ ปตฺวา ปวาเรตพฺพํ ฯ
น เตฺวว ตปฺปจฺจยา ปวารณาย อนฺตราโย กาตพฺโพ ฯ
{๒๓๒.๘} อิธ ปน ภิกฺขเว อญฺตรสฺมึ อาวาเส ตทหุปวารณาย
สพฺโพ สงฺโฆ สภาคาย อาปตฺติยา เวมติโก โหติ พฺยตฺเตน ภิกฺขุนา
ปฏิพเลน สงฺโฆ าเปตพฺโพ
{๒๓๒.๙} สุณาตุ เม ภนฺเต สงฺโฆ อยํ สพฺโพ สงฺโฆ สภาคาย
อาปตฺติยา เวมติโก ยทา นิพฺเพมติโก ภวิสฺสติ ตทา ตํ อาปตฺตึ
ปฏิกริสฺสตีติ วตฺวา ปวาเรตพฺพํ ฯ น เตฺวว ตปฺปจฺจยา ปวารณาย
อนฺตราโย กาตพฺโพติ ฯ
ปมภาณวารํ นิฏฺิตํ ฯ
[๒๓๓] เตน โข ปน สมเยน อญฺตรสฺมึ อาวาเส
ตทหุปวารณาย สมฺพหุลา อาวาสิกา ภิกฺขู สนฺนิปตึสุ ปญฺจ
วา อติเรกา วา ฯ เต น ชานึสุ อตฺถญฺเ อาวาสิกา ภิกฺขู
อนาคตาติ ฯ เต ธมฺมสญฺิโน วินยสญฺิโน วคฺคา สมคฺคสญฺิโน
ปวาเรสุํ ฯ เตหิ ปวาริยมาเน อถญฺเ อาวาสิกา ภิกฺขู อาคจฺฉึสุ
พหุตรา ฯ ภควโต เอตมตฺถํ อาโรเจสุํ ฯ
{๒๓๓.๑} อิธ ปน ภิกฺขเว อญฺตรสฺมึ อาวาเส ตทหุปวารณาย
สมฺพหุลา อาวาสิกา ภิกฺขู สนฺนิปตนฺติ ปญฺจ วา อติเรกา วา ฯ
เต น ชานนฺติ อตฺถญฺเ อาวาสิกา ภิกฺขู อนาคตาติ ฯ เต
ธมฺมสญฺิโน วินยสญฺิโน วคฺคา สมคฺคสญฺิโน ปวาเรนฺติ ฯ
เตหิ ปวาริยมาเน อถญฺเ อาวาสิกา ภิกฺขู อาคจฺฉนฺติ พหุตรา ฯ
เตหิ ภิกฺขเว ภิกฺขูหิ ปุน ปวาเรตพฺพํ ปวาริตานํ อนาปตฺติ ฯ
{๒๓๓.๒} อิธ ปน ภิกฺขเว อญฺตรสฺมึ อาวาเส ตทหุปวารณาย
สมฺพหุลา อาวาสิกา ภิกฺขู สนฺนิปตนฺติ ปญฺจ วา อติเรกา วา ฯ เต
น ชานนฺติ อตฺถญฺเ อาวาสิกา ภิกฺขู อนาคตาติ ฯ เต ธมฺมสญฺิโน
วินยสญฺิโน วคฺคา สมคฺคสญฺิโน ปวาเรนฺติ ฯ เตหิ ปวาริยมาเน
อถญฺเ อาวาสิกา ภิกฺขู อาคจฺฉนฺติ สมสมา ฯ ปวาริตา สุปฺปวาริตา
อวเสเสหิ ปวาเรตพฺพํ ปวาริตานํ อนาปตฺติ ฯ
{๒๓๓.๓} อิธ ปน ภิกฺขเว อญฺตรสฺมึ อาวาเส ตทหุปวารณาย
สมฺพหุลา อาวาสิกา ภิกฺขู สนฺนิปตนฺติ ปญฺจ วา
อติเรกา วา ฯ เต น ชานนฺติ อตฺถญฺเ อาวาสิกา ภิกฺขู
อนาคตาติ ฯ เต ธมฺมสญฺิโน วินยสญฺิโน วคฺคา สมคฺคสญฺิโน
ปวาเรนฺติ ฯ เตหิ ปวาริยมาเน อถญฺเ อาวาสิกา ภิกฺขู
อาคจฺฉนฺติ โถกตรา ฯ ปวาริตา สุปฺปวาริตา อวเสเสหิ ปวาเรตพฺพํ
ปวาริตานํ อนาปตฺติ ฯ
{๒๓๓.๔} อิธ ปน ภิกฺขเว อญฺตรสฺมึ อาวาเส ตทหุปวารณาย
สมฺพหุลา อาวาสิกา ภิกฺขู สนฺนิปตนฺติ ปญฺจ วา อติเรกา วา ฯ เต
น ชานนฺติ อตฺถญฺเ อาวาสิกา ภิกฺขู อนาคตาติ ฯ เต ธมฺมสญฺิโน
วินยสญฺิโน วคฺคา สมคฺคสญฺิโน ปวาเรนฺติ ฯ เตหิ ปวาริตมตฺเต
อถญฺเ อาวาสิกา ภิกฺขู อาคจฺฉนฺติ พหุตรา ฯ เตหิ ภิกฺขเว ภิกฺขูหิ
ปุน ปวาเรตพฺพํ ปวาริตานํ อนาปตฺติ ฯเปฯ อถญฺเ อาวาสิกา
ภิกฺขู อาคจฺฉนฺติ สมสมา ฯ ปวาริตา สุปฺปวาริตา เตสํ สนฺติเก
ปวาเรตพฺพํ ปวาริตานํ อนาปตฺติ ฯเปฯ อถญฺเ อาวาสิกา ภิกฺขู
อาคจฺฉนฺติ โถกตรา ฯ ปวาริตา สุปฺปวาริตา เตสํ สนฺติเก ปวาเรตพฺพํ
ปวาริตานํ อนาปตฺติ ฯ
{๒๓๓.๕} อิธ ปน ภิกฺขเว อญฺตรสฺมึ อาวาเส ตทหุปวารณาย
สมฺพหุลา อาวาสิกา ภิกฺขู สนฺนิปตนฺติ ปญฺจ วา อติเรกา วา ฯ
เต น ชานนฺติ อตฺถญฺเ อาวาสิกา ภิกฺขู อนาคตาติ ฯ เต
ธมฺมสญฺิโน วินยสญฺิโน วคฺคา สมคฺคสญฺิโน ปวาเรนฺติ ฯ
เตหิ ปวาริตมตฺเต อวุฏฺิตาย ปริสาย อถญฺเ อาวาสิกา ภิกฺขู
อาคจฺฉนฺติ พหุตรา ฯ เตหิ ภิกฺขเว ภิกฺขูหิ ปุน ปวาเรตพฺพํ
ปวาริตานํ อนาปตฺติ ฯเปฯ อถญฺเ อาวาสิกา ภิกฺขู อาคจฺฉนฺติ
สมสมา ฯเปฯ โถกตรา ฯ ปวาริตา สุปฺปวาริตา เตสํ
สนฺติเก ปวาเรตพฺพํ ปวาริตานํ อนาปตฺติ ฯ
{๒๓๓.๖} อิธ ปน ภิกฺขเว อญฺตรสฺมึ อาวาเส ตทหุปวารณาย
สมฺพหุลา อาวาสิกา ภิกฺขู สนฺนิปตนฺติ ปญฺจ วา อติเรกา วา ฯ
เต น ชานนฺติ อตฺถญฺเ อาวาสิกา ภิกฺขู อนาคตาติ ฯ เต
ธมฺมสญฺิโน วินยสญฺิโน วคฺคา สมคฺคสญฺิโน ปวาเรนฺติ ฯ
เตหิ ปวาริตมตฺเต เอกจฺจาย วุฏฺิตาย ปริสาย อถญฺเ อาวาสิกา
ภิกฺขู อาคจฺฉนฺติ พหุตรา ฯ เตหิ ภิกฺขเว ภิกฺขูหิ ปุน ปวาเรตพฺพํ
ปวาริตานํ อนาปตฺติ ฯเปฯ อถญฺเ อาวาสิกา ภิกฺขู อาคจฺฉนฺติ
สมสมา ฯเปฯ โถกตรา ฯ ปวาริตา สุปฺปวาริตา เตสํ สนฺติเก
ปวาเรตพฺพํ ปวาริตานํ อนาปตฺติ ฯ
{๒๓๓.๗} อิธ ปน ภิกฺขเว อญฺตรสฺมึ อาวาเส ตทหุปวารณาย
สมฺพหุลา อาวาสิกา ภิกฺขู สนฺนิปตนฺติ ปญฺจ วา อติเรกา วา ฯ
เต น ชานนฺติ อตฺถญฺเ อาวาสิกา ภิกฺขู อนาคตาติ ฯ เต
ธมฺมสญฺิโน วินยสญฺิโน วคฺคา สมคฺคสญฺิโน ปวาเรนฺติ ฯ
เตหิ ปวาริตมตฺเต สพฺพาย วุฏฺิตาย ปริสาย อถญฺเ อาวาสิกา
ภิกฺขู อาคจฺฉนฺติ พหุตรา ฯ เตหิ ภิกฺขเว ภิกฺขูหิ ปุน ปวาเรตพฺพํ
ปวาริตานํ อนาปตฺติ ฯเปฯ อถญฺเ อาวาสิกา ภิกฺขู อาคจฺฉนฺติ
สมสมา ฯเปฯ โถกตรา ฯ ปวาริตา สุปฺปวาริตา เตสํ สนฺติเก
ปวาเรตพฺพํ ปวาริตานํ อนาปตฺติ ฯ
อนาปตฺติปณฺณรสกํ นิฏฺิตํ ฯ
เนื้อความพระไตรปิฎกฉบับภาษาบาลีอักษรไทย เล่มที่ ๔ หน้าที่ ๓๒๐-๓๓๑.
https://84000.org/tipitaka/read/pali_item.php?book=4&item=231&items=3
อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=4&item=231&items=3&mode=bracket
อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=4&item=231&items=3
อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=4&item=231&items=3
ศึกษาอรรถกถานี้ได้ที่ :-
https://84000.org/tipitaka/attha/attha.php?b=4&i=231
สารบัญพระไตรปิฎกเล่มที่ ๔
https://84000.org/tipitaka/read/?index_4
https://84000.org/tipitaka/english/?index_4
บันทึก ๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]
