ปญฺหาวาโร
[๔๘๔] กุสโล ธมฺโม กุสลสฺส ธมฺมสฺส เหตุปจฺจเยน ปจฺจโย
กุสลา เหตู สมฺปยุตฺตกานํ ขนฺธานํ เหตุปจฺจเยน ปจฺจโย ฯ
กุสโล ธมฺโม อพฺยากตสฺส ธมฺมสฺส เหตุปจฺจเยน ปจฺจโย กุสลา
เหตู จิตฺตสมุฏฺานานํ รูปานํ เหตุปจฺจเยน ปจฺจโย ฯ กุสโล ธมฺโม
กุสลสฺส จ อพฺยากตสฺส จ ธมฺมสฺส เหตุปจฺจเยน ปจฺจโย กุสลา
เหตู สมฺปยุตฺตกานํ ขนฺธานํ จิตฺตสมุฏฺานานญฺจ รูปานํ เหตุปจฺจเยน
ปจฺจโย ฯ
[๔๘๕] อกุสโล ธมฺโม อกุสลสฺส ธมฺมสฺส เหตุปจฺจเยน ปจฺจโย
อกุสลา เหตู สมฺปยุตฺตกานํ ขนฺธานํ เหตุปจฺจเยน ปจฺจโย ฯ
อกุสโล ธมฺโม อพฺยากตสฺส ธมฺมสฺส เหตุปจฺจเยน ปจฺจโย
อกุสลา เหตู จิตฺตสมุฏฺานานํ รูปานํ เหตุปจฺจเยน ปจฺจโย ฯ
อกุสโล ธมฺโม อกุสลสฺส จ อพฺยากตสฺส จ ธมฺมสฺส เหตุปจฺจเยน
ปจฺจโย อกุสลา เหตู สมฺปยุตฺตกานํ ขนฺธานํ จิตฺตสมุฏฺานานญฺจ
รูปานํ เหตุปจฺจเยน ปจฺจโย ฯ
[๔๘๖] อพฺยากโต ธมฺโม อพฺยากตสฺส ธมฺมสฺส เหตุปจฺจเยน
ปจฺจโย วิปากาพฺยากตา กิริยาพฺยากตา เหตู สมฺปยุตฺตกานํ ขนฺธานํ
จิตฺตสมุฏฺานานญฺจ รูปานํ เหตุปจฺจเยน ปจฺจโย ปฏิสนฺธิกฺขเณ
วิปากาพฺยากตา เหตู สมฺปยุตฺตกานํ ขนฺธานํ กฏตฺตา จ รูปานํ
เหตุปจฺจเยน ปจฺจโย ฯ
[๔๘๗] กุสโล ธมฺโม กุสลสฺส ธมฺมสฺส อารมฺมณปจฺจเยน
ปจฺจโย ทานํ ทตฺวา สีลํ สมาทิยิตฺวา อุโปสถกมฺมํ กตฺวา ตํ
ปจฺจเวกฺขติ ปุพฺเพ สุจิณฺณานิ ปจฺจเวกฺขติ ฌานา วุฏฺหิตฺวา
ฌานํ ปจฺจเวกฺขติ เสกฺขา โคตฺรภุํ ปจฺจเวกฺขนฺติ โวทานํ
ปจฺจเวกฺขนฺติ เสกฺขา มคฺคา วุฏฺหิตฺวา มคฺคํ ปจฺจเวกฺขนฺติ
เสกฺขา วา ปุถุชฺชนา วา กุสลํ อนิจฺจโต ทุกฺขโต อนตฺตโต
วิปสฺสนฺติ เจโตปริยาเณน กุสลจิตฺตสมงฺคิสฺส จิตฺตํ ชานนฺติ
อากาสานญฺจายตนกุสลํ วิญฺาณญฺจายตนกุสลสฺส อารมฺมณปจฺจเยน
ปจฺจโย อากิญฺจญฺายตนกุสลํ เนวสญฺานาสญฺายตนกุสลสฺส
อารมฺมณปจฺจเยน ปจฺจโย กุสลา ขนฺธา อิทฺธิวิธาณสฺส
เจโตปริยาณสฺส ปุพฺเพนิวาสานุสฺสติาณสฺส ยถากมฺมูปคาณสฺส
อนาคตํสาณสฺส อารมฺมณปจฺจเยน ปจฺจโย ฯ
[๔๘๘] กุสโล ธมฺโม อกุสลสฺส ธมฺมสฺส อารมฺมณปจฺจเยน
ปจฺจโย ทานํ ทตฺวา สีลํ สมาทิยิตฺวา อุโปสถกมฺมํ กตฺวา ตํ
อสฺสาเทติ อภินนฺทติ ตํ อารพฺภ ราโค อุปฺปชฺชติ ทิฏฺิ อุปฺปชฺชติ
วิจิกิจฺฉา อุปฺปชฺชติ อุทฺธจฺจํ อุปฺปชฺชติ โทมนสฺสํ อุปฺปชฺชติ ปุพฺเพ
สุจิณฺณานิ อสฺสาเทติ อภินนฺทติ ตํ อารพฺภ ราโค อุปฺปชฺชติ
ทิฏฺิ อุปฺปชฺชติ วิจิกิจฺฉา อุปฺปชฺชติ อุทฺธจฺจํ อุปฺปชฺชติ โทมนสฺสํ
อุปฺปชฺชติ ฌานา วุฏฺหิตฺวา ฌานํ อสฺสาเทติ อภินนฺทติ ตํ
อารพฺภ ราโค อุปฺปชฺชติ ทิฏฺิ อุปฺปชฺชติ วิจิกิจฺฉา อุปฺปชฺชติ
อุทฺธจฺจํ อุปฺปชฺชติ ฌาเน ปริหีเน วิปฺปฏิสาริสฺส โทมนสฺสํ
อุปฺปชฺชติ ฯ
[๔๘๙] กุสโล ธมฺโม อพฺยากตสฺส ธมฺมสฺส อารมฺมณปจฺจเยน
ปจฺจโย อรหา มคฺคา วุฏฺหิตฺวา มคฺคํ ปจฺจเวกฺขติ ปุพฺเพ
สุจิณฺณานิ ปจฺจเวกฺขติ กุสลํ อนิจฺจโต ทุกฺขโต อนตฺตโต
วิปสฺสติ เจโตปริยาเณน กุสลจิตฺตสมงฺคิสฺส จิตฺตํ ชานาติ
เสกฺขา วา ปุถุชฺชนา วา กุสลํ อนิจฺจโต ทุกฺขโต อนตฺตโต
วิปสฺสนฺติ กุสเล นิรุทฺเธ วิปาโก ตทารมฺมณตา อุปฺปชฺชติ กุสลํ
อสฺสาเทติ อภินนฺทติ ตํ อารพฺภ ราโค อุปฺปชฺชติ ทิฏฺิ อุปฺปชฺชติ
วิจิกิจฺฉา อุปฺปชฺชติ อุทฺธจฺจํ อุปฺปชฺชติ โทมนสฺสํ อุปฺปชฺชติ อกุสเล
นิรุทฺเธ วิปาโก ตทารมฺมณตา อุปฺปชฺชติ อากาสานญฺจายตนกุสลํ
วิญฺาณญฺจายตนวิปากสฺส จ กิริยสฺส จ อารมฺมณปจฺจเยน
ปจฺจโย อากิญฺจญฺายตนกุสลํ เนวสญฺานาสญฺายตนวิปากสฺส
จ กิริยสฺส จ อารมฺมณปจฺจเยน ปจฺจโย กุสลา ขนฺธา
เจโตปริยาณสฺส ปุพฺเพนิวาสานุสฺสติาณสฺส ยถากมฺมูปคาณสฺส
อนาคตํสาณสฺส อาวชฺชนาย อารมฺมณปจฺจเยน ปจฺจโย ฯ
[๔๙๐] อกุสโล ธมฺโม อกุสลสฺส ธมฺมสฺส อารมฺมณปจฺจเยน
ปจฺจโย ราคํ อสฺสาเทติ อภินนฺทติ ตํ อารพฺภ ราโค อุปฺปชฺชติ
ทิฏฺิ อุปฺปชฺชติ วิจิกิจฺฉา อุปฺปชฺชติ อุทฺธจฺจํ อุปฺปชฺชติ โทมนสฺสํ
อุปฺปชฺชติ ทิฏฺึ อสฺสาเทติ อภินนฺทติ ตํ อารพฺภ ราโค อุปฺปชฺชติ
ทิฏฺิ อุปฺปชฺชติ วิจิกิจฺฉา อุปฺปชฺชติ อุทฺธจฺจํ อุปฺปชฺชติ โทมนสฺสํ
อุปฺปชฺชติ วิจิกิจฺฉํ อารพฺภ วิจิกิจฺฉา อุปฺปชฺชติ ทิฏฺิ อุปฺปชฺชติ
อุทฺธจฺจํ อุปฺปชฺชติ โทมนสฺสํ อุปฺปชฺชติ อุทฺธจฺจํ อารพฺภ อุทฺธจฺจํ
อุปฺปชฺชติ ทิฏฺิ อุปฺปชฺชติ วิจิกิจฺฉา อุปฺปชฺชติ โทมนสฺสํ อุปฺปชฺชติ
โทมนสฺสํ อารพฺภ โทมนสฺสํ อุปฺปชฺชติ ทิฏฺิ อุปฺปชฺชติ วิจิกิจฺฉา
อุปฺปชฺชติ อุทฺธจฺจํ อุปฺปชฺชติ ฯ
[๔๙๑] อกุสโล ธมฺโม กุสลสฺส ธมฺมสฺส อารมฺมณปจฺจเยน
ปจฺจโย เสกฺขา ปหีนกิเลเส ปจฺจเวกฺขนฺติ วิกฺขมฺภิตกิเลเส
ปจฺจเวกฺขนฺติ ปุพฺเพ สมุทาจิณฺเณ กิเลเส ชานนฺติ เสกฺขา วา
ปุถุชฺชนา วา อกุสลํ อนิจฺจโต ทุกฺขโต อนตฺตโต วิปสฺสนฺติ
เจโตปริยาเณน อกุสลจิตฺตสมงฺคิสฺส จิตฺตํ ชานนฺติ อกุสลา
ขนฺธา เจโตปริยาณสฺส ปุพฺเพนิวาสานุสฺสติาณสฺส
ยถากมฺมูปคาณสฺส อนาคตํสาณสฺส อาวชฺชนาย
อารมฺมณปจฺจเยน ปจฺจโย ฯ
[๔๙๒] อกุสโล ธมฺโม อพฺยากตสฺส ธมฺมสฺส อารมฺมณปจฺจเยน
ปจฺจโย อรหา ปหีนกิเลเส ปจฺจเวกฺขติ ปุพฺเพ สมุทาจิณฺเณ กิเลเส
ชานาติ อกุสลํ อนิจฺจโต ทุกฺขโต อนตฺตโต วิปสฺสติ เจโตปริยาเณน
อกุสลจิตฺตสมงฺคิสฺส จิตฺตํ ชานาติ เสกฺขา วา ปุถุชฺชนา วา อกุสลํ
อนิจฺจโต ทุกฺขโต อนตฺตโต
วิปสฺสนฺติ อกุสเล นิรุทฺเธ วิปาโก ตทารมฺมณตา อุปฺปชฺชติ
อกุสลํ อสฺสาเทติ อภินนฺทติ ตํ อารพฺภ ราโค อุปฺปชฺชติ
ทิฏฺิ อุปฺปชฺชติ วิจิกิจฺฉา อุปฺปชฺชติ อุทฺธจฺจํ อุปฺปชฺชติ
โทมนสฺสํ อุปฺปชฺชติ อกุสเล นิรุทฺเธ วิปาโก ตทารมฺมณตา
อุปฺปชฺชติ อกุสลา ขนฺธา เจโตปริยาณสฺส
ปุพฺเพนิวาสานุสฺสติาณสฺส ยถากมฺมูปคาณสฺส
อนาคตํสาณสฺส อาวชฺชนาย อารมฺมณปจฺจเยน ปจฺจโย ฯ
เนื้อความพระไตรปิฎกฉบับภาษาบาลีอักษรไทย เล่มที่ ๔๐ หน้าที่ ๑๕๔-๑๕๘.
https://84000.org/tipitaka/read/pali_item.php?book=40&item=484&items=9
อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=40&item=484&items=9&mode=bracket
อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=40&item=484&items=9
อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=40&item=484&items=9
ศึกษาอรรถกถานี้ได้ที่ :-
https://84000.org/tipitaka/attha/attha.php?b=40&i=484
สารบัญพระไตรปิฎกเล่มที่ ๔๐
https://84000.org/tipitaka/read/?index_40
https://84000.org/tipitaka/english/?index_40
บันทึก ๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]
