บาลีพระไตรปิฎกเล่มที่ ๒๓ - พระสุตตันตปิฎกเล่มที่ ๑๕

     [๕๙]   มา  ภิกฺขเว  ปุญฺานํ  ภายิตฺถ  สุขสฺเสตํ  ภิกฺขเว อธิวจนํ
ยทิทํ  ปุญฺานนฺติ  ^๒-  อภิชานามิ  โข  ปนาหํ  ภิกฺขเว  ทีฆรตฺตํ  ^[๓]-
อิฏฺ   กนฺตํ   มนาปํ   วิปากํ   ปจฺจนุภูตํ   สตฺต   วสฺสานิ  เมตฺตจิตฺตํ
@เชิงอรรถ: ^๑ ม. จสทฺโท นตฺถิ ฯ  ^๒ สี. ปุญฺนฺติ ฯ  ^๓ ม. กตานํ ปุญฺานํ ทีฆรตฺตํ ฯ
ภาเวสึ   สตฺต  วสฺสานิ  เมตฺตจิตฺตํ  ภาเวตฺวา  สตฺต  สํวฏฺฏวิวฏฺฏกปฺเป
น   ยิมํ   โลกํ   ปุนาคมาสึ   สํวฏฺฏมาเน   สุทาหํ   ภิกฺขเว   โลเก
อาภสฺสรูปโค โหมิ วิวฏฺฏมาเน โลเก สุญฺ พฺรหฺมวิมานํ อุปปชฺชามิ
     {๕๙.๑}   ตตฺร สุทํ ภิกฺขเว พฺรหฺมา โหมิ มหาพฺรหฺมา อภิภู อนภิภูโต
อญฺทตฺถุทโส  วสวตฺตี  ฉตฺตึสกฺขตฺตุํ  โข  ปนาหํ  ภิกฺขเว  สกฺโก  อโหสึ
เทวานมินฺโท  อเนกสตกฺขตฺตุํ  ราชา  อโหสึ  จกฺกวตฺตี ธมฺมิโก ธมฺมราชา
จาตุรนฺโต     วิชิตาวี     ชนปทตฺถาวริยปฺปตฺโต    สตฺตรตนสมนฺนาคโต
ตสฺส  มยฺหํ  ภิกฺขเว  อิมานิ  สตฺต  รตนานิ  อเหสุํ  เสยฺยถีทํ  จกฺกรตนํ
หตฺถิรตนํ   อสฺสรตนํ   มณิรตนํ   อิตฺถีรตนํ  คหปติรตนํ  ปรินายกรตนเมว
สตฺตมํ  ปโรสหสฺสํ  โข  ปน  เม  ภิกฺขเว  ปุตฺตา อเหสุํ สูรา วีรงฺครูปา
ปรเสนปฺปมทฺทนา   โส   อิมํ   ปวึ  สาครปริยนฺตํ  อทณฺเฑน  อสตฺเถน
ธมฺเมน อภิวิชิย อชฺฌาวสินฺติ ฯ
         ปสฺส ปุญฺานํ วิปากํ          กุสลานํ สุเขสินํ
         เมตฺตจิตฺตํ วิภาเวตฺวา          สตฺต วสฺสานิ ภิกฺขโว
         สตฺต สํวฏฺฏวิวฏฺฏกปฺเป      น ยิมํ โลกํ ปุนาคมึ
         สํวฏฺฏมาเน โลกมฺหิ            โหมิ อาภสฺสรูปโค
         วิวฏฺฏมาเน โลกมฺหิ            สุญฺพฺรหฺมูปโค อหุํ
         สตฺตกฺขตฺตุํ มหาพฺรหฺมา     วสวตฺตี ตทา อหุํ
         ฉตฺตึสกฺขตฺตุํ เทวินฺโท        เทวรชฺชมการยึ
         จกฺกวตฺตี อหุํ ราชา             ชมฺพูสณฺฑสฺส อิสฺสโร ฯ
         มุทฺธาภิสิตฺโต ^๑- ขตฺติโย    มนุสฺสาธิปตี อหุํ
         อทณฺเฑน อสตฺเถน            วิเชยฺย ปวึ อิมํ
         อสาหเสน ธมฺเมน               สเมน มนุสาสิ ตํ
         ธมฺเมน รชฺชํ กาเรตฺวา         อสฺมึ ปวิมณฺฑเล
         มหทฺธเน มหาโภเค             อฑฺเฒ อชายิสํ ^๒- กุเล
         สพฺพกาเมหิ สมฺปนฺเน         รตเนหิ จ สตฺตหิ
         พุทฺธา สงฺคาหกา โลเก       เตหิ เอตํ สุเทสิตํ
         เอส เหตุ มหนฺตสฺส             ปุถโพฺย เยน วุจฺจติ ^๓-
         ปหุตวิตฺตูปกรโณ              ราชา โหมิ ปตาปวา
         อิทฺธิมา ยสวา โหมิ             ชมฺพูสณฺฑสฺส อิสฺสโร ฯ
         โก สุตฺวา นปฺปสีเทยฺย         อปิ กณฺหาภิชาติโย
         ตสฺมา หิ อตฺตกาเมน           มหตฺตมภิกงฺขตา
         สทฺธมฺโม ครุกาตพฺโพ         สรํ พุทฺธานสาสนนฺติ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๒๓ หน้าที่ ๙๐-๙๒. https://84000.org/tipitaka/read/pali_read.php?B=23&A=1926&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=23&A=1926&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=23&item=59&items=1 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=23&siri=59 ศึกษาอรรถกถานี้ได้ที่ :- https://84000.org/tipitaka/attha/attha.php?b=23&i=59 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=16&A=4339 The Pali Atthakatha in Roman :- https://84000.org/tipitaka/atthapali/read_rm.php?B=16&A=4339 สารบัญพระไตรปิฎกเล่มที่ ๒๓ https://84000.org/tipitaka/read/?index_23 https://84000.org/tipitaka/english/?index_23