บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

๗ สิริกาฬกณฺณิชาตกํ [๘๖๙] กา นุ กาเฬน วณฺเณน น จาปิ ^๓- ปิยทสฺสนา กา วา ตฺวํ กสฺส วา ธีตา กถํ ชาเนมุ ตํ มยํ ฯ [๘๗๐] มหาราชสฺสหํ ธีตา วิรูปกฺขสฺส จณฺฑิยา อหํ กาฬี อลกฺขิกา กาฬกณฺณีติ มํ วิทู โอกาสํ ยาจิโต เทหิ วเสมุ ตว สนฺติเก ฯ [๘๗๑] กึสีเล กึสมาจาเร ปุริเส นิวิเส ^๔- ตุวํ ปุฏฺา เม กาฬิ อกฺขาหิ กถํ ^๕- ชาเนมุ ตํ มยํ ฯ [๘๗๒] มกฺขี ปลาสี สารมฺภี อิสฺสุกี มจฺฉรี สโถ โส มยฺหํ ปุริโส กนฺโต ลทฺธํ ยสฺส วินสฺสติ ฯ [๘๗๓] โกธโน อุปนาหี จ ปิสุโณ จ วิเภทโก กณฺฏกวาโจ ^๖- ผรุโส โส เม กนฺตตโร ตโต ฯ @เชิงอรรถ: ^๑ ม. อติสีมจโร ฯ ^๒ วุทฺธสาสนนฺติ ฯ ^๓ สี. น จาสิ ฯ ^๔ ม. นิวิสเส ฯ @^๕ สี. ยุ. ยถา ฯ ^๖ ม. กณฺฑกวาโจ ฯ สี. ยุ. อณฺฑกวาโจ ฯ

--------------------------------------------------------------------------------------------- หน้าที่ ๑๙๔.

[๘๗๔] อชฺช สุเวติ ปุริโส สทตฺถํ นาวพุชฺฌติ โอวชฺชมาโน กุปฺปติ เสยฺยโส ^๑- อติมญฺติ ฯ [๘๗๕] ทวปฺปลุทฺโธ ^๒- ปุริโส สพฺพมิตฺเตหิ ธํสติ โส มยฺหํ ปุริโส กนฺโต ตสฺมึ โหมิ อนามยา ฯ [๘๗๖] อเปหิ เอตฺโต ตฺวํ กาฬิ เนตํ อเมฺหสุ วิชฺชติ อญฺ ชนปทํ คจฺฉ นิคเม ราชธานิโย ฯ [๘๗๗] อหมฺปิ โข ตํ ^๓- ชานามิ เนตํ ตุเมฺหสุ วิชฺชติ สนฺติ โลเก อลกฺขิกา สงฺฆรนฺติ พหุํ ธนํ อหํ เทโว จ เม ภาตา อุโภ นํ วิธมามเส ฯ [๘๗๘] กา นุ ทิพฺเพน วณฺเณน ปพฺยา สุปติฏฺิตา กา วา ตฺวํ กสฺส วา ธีตา กถํ ชาเนมุ ตํ มยํ ฯ [๘๗๙] มหาราชสฺสหํ ธีตา ธตรฏฺสิรีมโต ^๔- อหํ สิรี จ ลกฺขี จ ภูริปญฺาติ มํ วิทู โอกาสํ ยาจิโต เทหิ วเสมุ ตว สนฺติเก ฯ [๘๘๐] กึสีเล กึสมาจาเร ปุริเส นิวิเส ^๕- ตุวํ ปุฏฺา เม ลกฺขิ อกฺขาหิ ยถา ชาเนมุ ตํ มยํ ฯ [๘๘๑] โย จาปิ สีเต อถวาปิ อุเณฺห วาตาตเป ฑํสสิรึสเป จ ขุทฺท ^๖- ปิปาสํ อภิภุยฺย สพฺพํ รตฺตินฺทิวํ โย สตตํ นิยุตฺโต @เชิงอรรถ: ^๑ ม. เสยฺยํ โส ฯ ^๒ ยุ. ทวปฺปลทฺโธ ฯ ^๓ สี. เจตํ ฯ ^๔ ม. ธตรฏฺสฺส สิรีมโต ฯ @^๕ ม. นิวิสเส ฯ ^๖ ม. ขุธํ ฯ ยุ. ขุทํ ฯ

--------------------------------------------------------------------------------------------- หน้าที่ ๑๙๕.

กาลาคตญฺจ น หาเปติ อตฺถํ โส เม มนาโป นิวิเส วตมฺหิ ^๑- ฯ [๘๘๒] อกฺโกธโน มิตฺตวา จาควา จ สีลูปปนฺโน อสโถชุภูโต ^๒- สงฺคาหโก สขิโล สณฺหวาโจ มหตฺตปตฺโตปิ นิวาตวุตฺติ ตสฺมึห ^๓- โปเส วิปุลา ภวามิ อุมฺมี ^๔- สมุทฺทสฺส ยถาปิ วณฺณํ ฯ [๘๘๓] โย จาปิ มิตฺเต อถวา อมิตฺเต เสฏฺเ สริกฺเข อถวาปิ หีเน อตฺถํ จรนฺตํ อถวา อนตฺถํ อาวี รโห สงฺคหเมว วตฺโต ^๕- วาจํ น วชฺชา ผรุสํ กทาจิ มตสฺส ชีวสฺส จ ตสฺส โหมิ ฯ [๘๘๔] เอเตส โย อญฺตรํ ลภิตฺวา กนฺตํ สิรึ ^๖- มชฺชติ อปฺปปญฺโ ตํ ทิตฺตรูปํ วิสมํ จรนฺตํ กรีสชาตํว ^๗- วิวชฺชยามิ ฯ [๘๘๕] อตฺตนา กุรุเต ลกฺขึ อลกฺขึ กุรุตตฺตนา @เชิงอรรถ: ^๑ ม. จ ตมฺหิ ฯ ^๒ ยุ. อสโ อุชฺชุภูโต ฯ ^๓ ม. ตสฺมึหํ ฯ สี. ยุ. ตสฺมาหํ ฯ @^๔ ม. อูมิ ฯ ^๕ ม. วตฺเต ฯ ^๖ ม. กนฺตา สิรี ฯ ^๗ ม. กรีสานํว ฯ

--------------------------------------------------------------------------------------------- หน้าที่ ๑๙๖.

น หิ ลกฺขึ อลกฺขึ วา อญฺโ อญฺสฺส การโกติ ฯ สิริกาฬกณฺณิชาตกํ สตฺตมํ ฯ ---------