บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

๕ ทพฺพปุปฺผชาตกํ ^๑- [๙๙๗] อนุตีรจารี ภทฺทนฺเต สหายมนุธาว มํ มหา เม คหิโต มจฺโฉ โส มํ หรติ เวคสา ฯ [๙๙๘] คมฺภีรจารี ภทฺทนฺเต ทฬฺหํ คณฺหาหิ ถามสา อหํ ตํ อุทฺธริสฺสามิ สุปณฺโณ อุรคมฺมิว ^๒- ฯ [๙๙๙] วิวาโท โน สมุปฺปนฺโน ทพฺพปุปฺผ สุโณหิ เม @เชิงอรรถ: ^๑ ม. ทพฺภปุปฺผ ... ฯ เอวมุปริปิ ฯ ^๒ ม. อุรคามิว ฯ

--------------------------------------------------------------------------------------------- หน้าที่ ๒๑๖.

สเมหิ เมธคํ ^๑- สมฺม วิวาโท วูปสมฺมตุ ^๒- ฯ [๑๐๐๐] ธมฺมฏฺโฐหํ ปุเร อาสึ พหุอฏฺฏํว ตีริตํ ^๓- สเมมิ เมธคํ ^๑- สมฺม วิวาโท วูปสมฺมตุ ^๒- ฯ [๑๐๐๑] อนุตีรจารี นงฺคุฏฺฐํ สีสํ คมฺภีรจาริโน อจฺจายํ ^๔- มชฺฌิโมขณฺโฑ ธมฺมฏฺฐสฺส ภวิสฺสติ ฯ [๑๐๐๒] จิรํปิ ภกฺโข อภวิสฺส สเจ น วิวเทมเส อสีสกํ อนงฺคุฏฺฐํ สิคาโล หรติ โรหิตํ ฯ [๑๐๐๓] ยถาปิ ราชา นนฺเทยฺย รชฺชํ ลทฺธาน ขตฺติโย เอวาหมชฺช นนฺทามิ ทิสฺวา ปุณฺณมุขํ ปตึ ฯ [๑๐๐๔] กถนฺนุ ถลโช สนฺโต อุทเก มจฺฉํ ปรามสิ ปุฏฺโฐ เม สมฺม อกฺขาหิ กถํ อธิคตํ ตยา ฯ [๑๐๐๕] วิวาเทน กิสา โหนฺติ วิวาเทน ธนกฺขยา ชินา อุทฺทา วิวาเทน ภุญฺช มายาวิ โรหิตํ ฯ [๑๐๐๖] เอวเมว มนุสฺเสสุ วิวาโท ยตฺถ ชายติ ฯ ธมฺมฏฺฐํ ปฏิธาวนฺติ โส หิ เนสํ วินายโก ธนาปิ ตตฺถ ชียนฺติ ราชโกโส ปวฑฺฒตีติ ฯ ทพฺพปุปฺผชาตกํ ปญฺจมํ ฯ ---------