บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

๖ ทสณฺณกชาตกํ ^๕- [๑๐๐๗] ทสณฺณกํ ^๖- ติขิณธารํ อสึ สมฺปนฺนปายินํ @เชิงอรรถ: ^๑ ยุ. เมธกํ ฯ ^๒ ม. วูปสมฺมตํ ฯ ^๓ ม. พหู อฏฺฏา เม ตีริตา ฯ ^๔ สี. ยุ. อถายํ ฯ @^๕ ม. สพฺพตฺถ ปณฺณกชาตกํ ฯ ^๖ ม. ปณฺณกํ ฯ

--------------------------------------------------------------------------------------------- หน้าที่ ๒๑๗.

ปริสายํ ปุริโส คิลติ กึ ทุกฺกรตรํ ตโต ยทญฺญํ ทุกฺกรํ ฐานํ ตํ เม อกฺขาหิ ปุจฺฉิโต ฯ [๑๐๐๘] คิเลยฺย ปุริโส โลภา อสึ สมฺปนฺนปายินํ โย จ วชฺชา ททามีติ ตํ ทุกฺกรตรํ ตโต สพฺพญฺญํ สุกรํ ฐานํ เอวํ ชานาหิ มาคธ ^๑- ฯ [๑๐๐๙] พฺยากาสิ อายุโร ปญฺหํ อตฺถํ ธมฺมสฺส โกวิโท ปุกฺกุสํทานิ ปุจฺฉามิ กึ ทุกฺกรตรํ ตโต ยทญฺญํ ทุกฺกรํ ฐานํ ตํ เม อกฺขาหิ ปุจฺฉิโต ฯ [๑๐๑๐] น วาจมุปชีวนฺติ อผลํ คิรมุทีริตํ โย ^๒- ทตฺวา อวากยิรา ตํ ทุกฺกรตรํ ตโต สพฺพญฺญํ สุกรํ ฐานํ เอวํ ชานาหิ มาคธ ^๑- ฯ [๑๐๑๑] พฺยากาสิ ปุกฺกุโส ปญฺหํ อตฺถํ ธมฺมสฺส โกวิโท เสนกํทานิ ปุจฺฉามิ กึ ทุกฺกรตรํ ตโต ยทญฺญํ ทุกฺกรํ ฐานํ ตํ เม อกฺขาหิ ปุจฺฉิโต ฯ [๑๐๑๒] ทเทยฺย ปุริโส ทานํ อปฺปํ วา ยทิวา พหุํ โย จ ทตฺวา นานุตปฺเป ตํ ทุกฺกรตรํ ตโต สพฺพญฺญํ สุกรํ ฐานํ เอวํ ชานาหิ มาคธ ^๑- ฯ [๑๐๑๓] พฺยากาสิ อายุโร ปญฺหํ อโถ ปุกฺกุสโปริโส @เชิงอรรถ: ^๑ ม. มทฺทว ฯ ^๒ ม. โย จ ... ฯ

--------------------------------------------------------------------------------------------- หน้าที่ ๒๑๘.

สพฺเพ ปเญฺห อภิโภติ ^๑- ยถา ภาสติ เสนโกติ ฯ ทสณฺณกชาตกํ ฉฏฺฐํ ฯ ---------