บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

๖ สุสีมชาตกํ [๑๐๗๙] กาฬานิ เกสานิ ปุเร อเหสุํ ชาตานิ สีสมฺหิ ยถาปเทเส ตานิชฺช ^๓- เสตานิ สุสีม ทิสฺวา ธมฺมํ จร พฺรหฺมจริยสฺส กาโล ฯ [๑๐๘๐] มเมว เทว ปลิตํ น ตุยฺหํ มเมว สีสํ มม อุตฺตมงฺคํ @เชิงอรรถ: ^๑ ม. โอสิญฺจํ ฯ ^๒ ม. อพฺพหี ฯ ^๓ ม. ตานชฺช ฯ

--------------------------------------------------------------------------------------------- หน้าที่ ๒๓๐.

อตฺถํ กริสฺสนฺติ มุสา อภาณึ เอกาปราธํ ขมถ ^๑- ราชเสฏฺฐ ฯ [๑๐๘๑] ทหโร ตฺวํ ทสฺสนีโยสิ ราช ปฐมุคฺคโต โหสิ ยถา กลีโร รชฺชญฺจ กาเรหิ มมญฺจ ปสฺส มา กาลิกํ อนุธาวิ ชนินฺท ฯ [๑๐๘๒] ปสฺสามิ โวหํ ทหรึ กุมารึ สามฏฺฐปสฺสํ สุตนุํ สุมชฺฌํ กาลปฺปลฺลวาว ^๒- ปเวลฺลมานา ปโลภยนฺตีว ^๓- นเรสุ คจฺฉติ ฯ [๑๐๘๓] ตเมน ปสฺสามิ ปเรน นารึ อาสีติกํ นาวุติกญฺจ ชจฺจา ทณฺฑํ คเหตฺวาน ปเวธมานํ โคปาณสีภคฺคสมํ จรนฺตํ ^๔- ฯ [๑๐๘๔] โสหํ ตเมวานุวิจินฺตยนฺโต เอโก สยามิ สยนสฺส มชฺเฌ อหมฺปิ เอวํ อิติ เปกฺขมาโน เคเห น รเม ^๕- พฺรหฺมจริยสฺส กาโล ฯ [๑๐๘๕] รชฺชุ วาลมฺพนี เจสา ยา เคเห วสโต รติ @เชิงอรรถ: ^๑ ม. ขม ฯ ^๒ สี. กาลาปวาลาว ฯ ม. กาลปฺปวาฬาว ฯ ^๓ ยุ. สา โลภยนฺตีว ฯ @^๔ ม. โคปานสีโภคฺคสมํ จรนฺตึ ฯ ^๕ ม. น คเห รเม ฯ

--------------------------------------------------------------------------------------------- หน้าที่ ๒๓๑.

เอตํปิ เฉตฺวาน วชนฺติ ธีรา อนเปกฺขิโน กามสุขํ ปหายาติ ฯ สุสีมชาตกํ ฉฏฺฐํ ฯ ---------