บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

๗ อินฺทฺริยชาตกํ [๑๑๗๑] โย อินฺทฺริยานํ กาเมน วสํ นารท คจฺฉติ โส ปริจฺจชฺชุโภ โลเก ชีวนฺโตปิ ^๓- วิสุสฺสติ ฯ [๑๑๗๒] สุขสฺสานนฺตรํ ทุกฺขํ ทุกฺขสฺสานนฺตรํ สุขํ โสปิ ปตฺโต สุขทุกฺขํ ปาฏิกงฺข วรํ สุขํ ฯ @เชิงอรรถ: ^๑ สี. ม. อิสินา สตฺโต ฯ ^๒ สี. ม. ปตฺวปริยายํ ฯ ^๓ ม. ชีวนฺโตว ฯ

--------------------------------------------------------------------------------------------- หน้าที่ ๒๔๘.

[๑๑๗๓] กิจฺฉกาเล กิจฺฉสโห โย กิจฺฉํ นาติวตฺตติ ส กิจฺฉนฺตํ สุขํ ธีโร โยคํ สมธิคจฺฉติ ฯ [๑๑๗๔] น เหว กามานํ กามา นานตฺถา นตฺถการณา น กตญฺจ นิรงฺกตฺวา ธมฺมา จวิตุมรหสิ ฯ [๑๑๗๕] ทกฺขํ คหปตํ ^๑- สาธุ สํวิภชฺชญฺจ โภชนํ อหาโส อตฺถลาเภสุ อตฺถพฺยาปตฺติ อพฺยโถ ฯ [๑๑๗๖] เอตฺตาวเตตํ ปณฺฑิจฺจํ อสิโต ^๒- เทวิโล พฺรวิ นยิโต กิญฺจิ ปาปิโย ^[๓]- อินฺทฺริยานํ วสํ วเช ฯ [๑๑๗๗] อมิตฺตานํว หตฺถตฺถํ สีวิ ปปฺโปติ มามิว กมฺมํ วิชฺชญฺจ ทกฺเขยฺยํ วิวาหํ สีลมทฺทวํ เอเต จ ยเส หาเปตฺวา นิพฺพตฺโต เสหิ กมฺเมหิ ฯ [๑๑๗๘] โสหํ สหสฺสชีโนว อพนฺธุ อปรายโน อริยธมฺมา อปกฺกนฺโต ยถา เปโต ตเถวหํ ฯ [๑๑๗๙] สุขกาเม ทุกฺขาเปตฺวา อาปนฺโนสฺมิ ปทํ อิมํ โส สุขํ นาธิคจฺฉามิ ฐิโต ^๔- ภาณุมหิมิวาติ ^๕- ฯ อินฺทฺริยชาตกํ สตฺตมํ ฯ ---------