บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

๑๒ ททฺทรชาตกํ [๑๓๑๐] โย เต ปุตฺตเก อกฺขาทิ ทินฺนภตฺโต อทูสเก ตสฺมึ ทาฐา ^๓- นิปาเตหิ มา เต มุญฺจิตฺถ ชีวโก ฯ [๑๓๑๑] อากิณฺณลุทฺโท ปุริโส ธาติโจลํว มกฺขิโต ปเทสํ ตํ น ปสฺสามิ ยตฺถ ทาฐา ^๓- นิปาตเย ฯ [๑๓๑๒] อกตญฺญุสฺส โปสสฺส นิจฺจํ วิวรทสฺสิโน สพฺพญฺเจ ปฐวึ ทชฺชา เนว นํ อภิราธเย ฯ [๑๓๑๓] กินฺนุ สุพาหุ ตรมานรูโป ปจฺจาคโตสิ สห มาณเวน @เชิงอรรถ: ^๑ ม. ปิยปุจฺฉิกา ฯ ^๒ ม. ตํ ฯ ^๓ ม. ทาฐํ ฯ

--------------------------------------------------------------------------------------------- หน้าที่ ๒๖๙.

กึ กิจฺจมตฺถํ อิธมตฺถิ ตุยฺหํ อกฺขาหิ เม ปุจฺฉิโต เอตมตฺถํ ฯ [๑๓๑๔] โย เต สขา ททฺทโร สาธุรูโป ตสฺส วธํ ปริสงฺกามิ อชฺช ปุริสสฺส กมฺมายตนานิ สุตฺวา นาหํ สุขึ ททฺทรํ อชฺช มญฺเญ ฯ [๑๓๑๕] กานิสฺส กมฺมายตนานิ อสฺสุ ปุริสสฺส วุตฺติสโมธานตาย กํ วา ปฏิญฺญํ ปุริสสฺส สุตฺวา ปริสงฺกสิ ททฺทรํ มาณเวน ฯ [๑๓๑๖] จิณฺณา กลิงฺคา จริตา วณิชฺชา เวตฺตาจาโร ^๑- สงฺกุปโถปิ จิณฺโณ นเฏหิ จิณฺณํ สห วากุเรหิ ^๒- ทณฺเฑน ยุทฺธมฺปิ สมชฺชมชฺเฌ ฯ [๑๓๑๗] พนฺธา กุลิกา ^๓- มิตมาฬฺหเกน อกฺขา ชิตา ^๔- สญฺญโม อพฺภตีโต อปฺปหิตํ ^๕- ปุปฺผกํ ^๖- อฑฺฒรตฺตํ หตฺถา อฑฺฒา ปิณฺฑปฏิคฺคเหน ฯ [๑๓๑๘] ตานิสฺส กมฺมายตนานิ อสฺสุ @เชิงอรรถ: ^๑ ม. เวตฺตจโร ฯ ^๒ สี. ยุ. วากเรหิ ฯ ^๓ สี. ยุ. กุลิงฺกา ฯ ^๔ ฐิตาติปิ ฯ @^๕ ม. อพฺพาหิตํ ฯ สี. ยุ. อพฺพูหิตํ ฯ ^๖ ม. ปุพฺพกํ ฯ

--------------------------------------------------------------------------------------------- หน้าที่ ๒๗๐.

ปุริสสฺส วุตฺติสโมธานตาย ยถา อยํ ทิสฺสติ โลมปิณฺโฑ คาโว หตา กึ ปน ททฺทรสฺสาติ ฯ ททฺทรชาตกํ ทฺวาทสมํ ฯ --------- ตสฺสุทฺทานํ วรคิชฺฌ สมชฺชนํ หํสวโร นิธิสวฺหย หาริต ปาตลิโก อชรามร ธงฺก ติติกฺข กุโต อถ ทฺวาทส เปกฺขน ททฺทริภิ ฯ นวกนิปาตํ นิฏฺฐิตํ ฯ ---------