บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

หน้าที่ ๓๕๒.

๖ กาลิงฺคโพธิชาตกํ [๑๗๙๐] ราชา กาลิงฺโค จกฺกวตฺติ ธมฺเมน ปวิมนุสาสิ ^๑- อคมาสิ ^๒- โพธิสมีปํ นาเคน มหานุภาเวน ฯ [๑๗๙๑] กาลิงฺโค ภารทฺวาโช จ ราชานํ กาลิงฺคํ สมณโกลญฺ จกฺกวตฺตยโต ปริคฺคเหตฺวา ^๓- ปญฺชลี อิทมโวจ ฯ [๑๗๙๒] ปจฺโจโรห มหาราช ภูมิภาโค ยถา สมณุคีโต ^๔- อิธ อนธิวรา พุทฺธา อภิสมฺพุทฺธา วิโรจนฺติ ฯ [๑๗๙๓] ปทกฺขิณโต อาวฏฺฏา ติณลตา อสฺมึ ภูมิภาคสฺมึ ปวิยา อยํ ^๕- มณฺโฑ อิติ โน สุตํ ^[๖]- มหาราช ฯ [๑๗๙๔] สาครปริยนฺตาย (เมทนิยา) สพฺพภูตธรณิยา ปวิยา อยํ มณฺโฑ โอโรหิตฺวา นโม กโรหิ ฯ [๑๗๙๕] เย เต ภวนฺติ นาคา จ อภิชาตา จ กุญฺชรา ^๗- เอตฺตาวตา ปเทสํ เต นาคา เนวมุปยนฺติ ^๘- ฯ [๑๗๙๖] อภิชาโต ^[๙]- นาโค กามํ เปเสหิ กุญฺชรํ ทนฺตึ เอตฺตาวตา ปเทโส จ ^๑๐- น สกฺกา นาเคน อุปคนฺตุํ ^๑๑- ฯ [๑๗๙๗] ตํ สุตฺวา ราชา กาลิงฺโค เวยฺยญฺชนิกวโจ นิสาเมตฺวา สมฺเปเสสิ นาคํ อุยฺยาม ^๑๒- มยํ ยถา ^๑๓- อิทํ วจนํ ฯ [๑๗๙๘] สมฺเปสิโต จ รญฺา นาโค โกญฺโจว อภินทิตฺวาน @เชิงอรรถ: ^๑ ม. ปถวิมนุสาสํ ฯ ^๒ ม. อคมา ฯ ^๓ ยุ. ปริเณตฺวา ฯ ^๔ ม. สมณุคฺคโต ฯ @^๕ ม. นาภิยํ ฯ ^๖ ม. มนฺเต ฯ ^๗ อภิชาตา มาติโต จ ปิติโต จาติปิ ปาโ ฯ @^๘ เนวมุสฺสหนฺตีติปิ ฯ ^๙ สี. ยุ. เต ฯ ^๑๐ ม. จสทฺโท นตฺถิ ฯ ^๑๑ ม. สกฺกา @นาเคน มุปคนฺตุํ ฯ ^๑๒ สี. ม. อุสฺสาม ฯ ^๑๓ ม. ยถิมสฺสิทํ ฯ

--------------------------------------------------------------------------------------------- หน้าที่ ๓๕๓.

ปฏิสกฺกิตฺวา นิสีทิ ครุภารํ อสหมาโน ฯ [๑๗๙๙] กาลิงฺโค ภารทฺวาโช นาคํ ขีณายุกํ วิทิตฺวาน ราชานํ กาลิงฺคํ ตรมาโน อชฺฌภาสิตฺถ อญฺ สงฺกม นาคํ นาโค ขีณายุโก มหาราช ฯ [๑๘๐๐] ตํ สุตฺวา กาลิงฺโค ตรมาโน สงฺกมิ นาคํ สงฺกนฺเตว รญฺเ นาโค ตตฺเถว ปติ ภูมฺยา เวยฺยญฺชนิกวโจ ยถา ตถา อหุ นาโค ฯ [๑๘๐๑] กาลิงฺคภารทฺวาชํ กาลิงฺโค ^๑- พฺราหฺมณํ อิทมโวจ ตฺวเมวาสิ สมฺพุทฺโธ สพฺพญฺู สพฺพทสฺสาวี ฯ [๑๘๐๒] ตํ อนธิวาเสนฺโต กาลิงฺโค ^๒- พฺราหฺมโณ อิทมโวจ เวยฺยญฺชนิกา หิ มยํ พุทฺธา สพฺพญฺุโน มหาราช ฯ [๑๘๐๓] สพฺพญฺู สพฺพวิทู จ พุทฺธา ^[๓]- ลกฺขเณน ชานนฺติ อาคมพลสา ^๔- หิ มยํ พุทฺธา สพฺพํ ปชานนฺติ ฯ [๑๘๐๔] ปหํสิตฺวาน ^๕- สมฺโพธึ นานาตุริเยหิ วิชฺชมาเนหิ มาลาวิเลปนํ อภิหริตฺวา ^๖- ปาการปริกฺเขปํ กาเรสิ อถ ราชา ปายาสิ ฯ [๑๘๐๕] สฏฺิวาหสหสฺสานิ ปุปฺผานิ สนฺนิปาตยิ @เชิงอรรถ: ^๑ ม. กาลิงฺโค ราชา กาลิงฺคํ ฯ ^๒ กาลิงฺคํ ฯ ^๓ ม. น ฯ ^๔ ยุ. อาคมปุริสา ฯ @^๕ ม. มหยิตฺวา ฯ สี. ยุ. มหายิตฺวาน ฯ ^๖ สี. ยุ. มาลาคนฺธวิเลปนํ อาหริตฺรา ฯ

--------------------------------------------------------------------------------------------- หน้าที่ ๓๕๔.

ปูเชสิ ราชา กาลิงฺโค โพธิมณฺฑมนุตฺตรนฺติ ฯ กาลิงฺคโพธิชาตกํ ฉฏฺ ฯ ---------

เนื้อความพระไตรปิฎกฉบับภาษาบาลี อักษรไทย เล่มที่ ๒๗ หน้าที่ ๓๕๒-๓๕๔. https://84000.org/tipitaka/read/pali_read.php?B=27&A=7206&w=&modeTY=1&pagebreak=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=27&A=7206&modeTY=1&pagebreak=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=27&item=1790&items=16 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=27&siri=479 ศึกษาอรรถกถาชาดกนี้ได้ที่ :- https://84000.org/tipitaka/attha/attha.php?b=27&i=1790 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=40&A=3754 The Pali Atthakatha in Roman :- https://84000.org/tipitaka/atthapali/read_rm.php?B=40&A=3754 สารบัญพระไตรปิฎกเล่มที่ ๒๗ https://84000.org/tipitaka/read/?index_27 https://84000.org/tipitaka/english/?index_27