บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

๘ มหาโมรชาตกํ [๑๙๖๑] สเจ หิ ตฺยาหํ ธนเหตุ คหิโต ^๑- มา มํ อวธิ ชีวคาหํ คเหตฺวา รญฺโญ จ ^๒- มํ สมฺม อุปนฺติ ^๓- เนหิ มญฺเญ ธนํ ลจฺฉสินปฺปรูปํ ฯ [๑๙๖๒] น เม อยํ ตุยฺห วธาย อชฺช สมาหิโต จาปวโร ^๔- ขุรปฺโป ปาสญฺจ ตฺยาหํ อธิปาตยิสฺสํ ยถาสุขํ คจฺฉตุ โมรราชา ฯ [๑๙๖๓] ยํ สตฺต วสฺสานิ มมานุพนฺธิ รตฺตินฺทิวํ ขุปฺปิปาสํ สหนฺโต อถ กิสฺส มํ ปาสวสูปนีตํ ปมุตฺตเว อิจฺฉสิ พนฺธนสฺมา ฯ ปาณาติปาตา วิรโต นุสชฺช อภยนฺนุ เต สพฺพภูเตสุ ทินฺนํ ยํ มํ ตุวํ ปาสวสูปนีตํ @เชิงอรรถ: ^๑ ม. คาหิโต ฯ ^๒ สี. ยุ. ว ฯ ^๓ ม. อุปนฺติกํ ฯ ^๔ ถามธนูติปิ ปาโฐ ฯ สี. @จาปวเร ฯ ม. จาปธุเร ฯ

--------------------------------------------------------------------------------------------- หน้าที่ ๓๘๙.

ปมุตฺตเว อิจฺฉสิ พนฺธนสฺมา ฯ [๑๙๖๔] ปาณาติปาตา วิรตสฺส พฺรูหิ อภยญฺจ โย สพฺพภูเตสุ เทติ ปุจฺฉามิ ตํ โมรราเชตมตฺถํ อิติ ^๑- จุโต กึ ลภเต สุขํ โส ฯ [๑๙๖๕] ปาณาติปาตา วิรตสฺส พฺรูมิ อภยญฺจ โย สพฺพภูเตสุ เทติ ทิฏฺเฐว ธมฺเม ลภเต ปสํสํ สคฺคญฺจ โส ยาติ สรีรเภทา ฯ [๑๙๖๖] น สนฺติ เทวา อิติ อาหุ ^๒- เอเก อิเธว ชีโว วิภวํ อุเปติ ตถา ผลํ สุกตทุกฺกฏานํ ทตฺตุปญฺญตฺตญฺจ วทนฺติ ทานํ เตสํ วโจ อรหตํ สทฺทหาโน ตสฺมา อหํ สกุเณ พาธยามิ ฯ [๑๙๖๗] จนฺโท จ สุริโย จ อุโภ สุทสฺสนา คจฺฉนฺติ โอภาสยมนฺตลิกฺเข อิมสฺส โลกสฺส ปรสฺส วา เต กถนฺนุ เต อาหุ มนุสฺสโลเก ฯ [๑๙๖๘] จนฺโท จ สุริโย จ อุโภ สุทสฺสนา @เชิงอรรถ: ^๑ ม. อิโต ฯ ^๒ สี. ยุ. อิจฺจาหุ ฯ

--------------------------------------------------------------------------------------------- หน้าที่ ๓๙๐.

คจฺฉนฺติ โอภาสยมนฺตลิกฺเข ปรสฺส โลกสฺส น เต อิมสฺส เทวาติ เต อาหุ มนุสฺสโลเก ฯ [๑๙๖๙] เอตฺเถว เต นีหตา หีนวาทา อเหตุกา เย น วทนฺติ กมฺมํ ตถา ผลํ สุกตทุกฺกฏานํ ทตฺตุปญฺญตฺตํ เย จ วทนฺติ ทานํ ฯ [๑๙๗๐] อทฺธา หิ สจฺจํ วจนํ ตเวตํ ^๑- กถญฺหิ ทานํ อผลํ ภเวยฺย ^๒- ตถา ผลํ สุกตทุกฺกฏานํ ทตฺตุปญฺญตฺตญฺจ กถํ ภเวยฺย ฯ กถงฺกโร กินฺติกโร กิมาจรํ กึ เสวมาโน เกน ตโปคุเณน อกฺขาหิ เม โมรราเชตมตฺถํ ยถา อหํ โน นิรยํ ปเตยฺยํ ฯ [๑๙๗๑] เยเกจิ อตฺถิ สมณา ปฐพฺยา กาสายวตฺถา อนคาริยํ จรนฺติ ^๓- ปาโตว ปิณฺฑาย จรนฺติ กาเล วิกาลจริยา วิรตา หิ สนฺโต ฯ เต ตตฺถ กาเลนุปสงฺกมิตฺวา @เชิงอรรถ: ^๑ ม. ตเวทํ ฯ ^๒ สี. ยุ. วเทยฺย ฯ ^๓ ม. อนคาริยา เต ฯ

--------------------------------------------------------------------------------------------- หน้าที่ ๓๙๑.

ปุจฺฉาหิ ยํ เต มนโส ปิยํ สิยา เต ตํ ^๑- ปวกฺขนฺติ ยถาปชานํ อิมสฺส โลกสฺส ปรสฺส จตฺถํ ฯ [๑๙๗๒] ตจํว ชิณฺณํ อุรโค ปุราณํ ปณฺฑุปลาสํ หริโต ทุโมว เอสปฺปหีโน มม ลุทฺทภาโว ชหามหํ ลุทฺทกภาวมชฺช ฯ [๑๙๗๓] เย จาปิ เม สกุณา อตฺถิ พนฺธา สตานิเนกานิ นิเวสนสฺมึ เตสํ อหํ ^๒- ชีวิตมชฺช ทมฺมิ โมกฺขญฺจ เต อจฺฉ ^๓- สกํ นิเกตํ ฯ [๑๙๗๔] ลุทฺโทจรี ปาสหตฺโถ อรญฺเญ พาเธตุ โมราธิปตึ ยสสฺสึ พนฺธิตฺวา โมราธิปตึ ยสสฺสึ ทุกฺขา ปมุญฺจิ ^๔- ยถาหํ ปมุตฺโตติ ฯ มหาโมรชาตกํ อฏฺฐมํ ฯ ---------

เนื้อความพระไตรปิฎกฉบับภาษาบาลี อักษรไทย เล่มที่ ๒๗ หน้าที่ ๓๘๘-๓๙๑. https://84000.org/tipitaka/read/pali_read.php?B=27&A=7963&w=&modeTY=2&pagebreak=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=27&A=7963&modeTY=2&pagebreak=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=27&item=1961&items=14 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=27&siri=491 ศึกษาอรรถกถาชาดกนี้ได้ที่ :- https://84000.org/tipitaka/attha/attha.php?b=27&i=1961 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=40&A=6623 The Pali Atthakatha in Roman :- https://84000.org/tipitaka/atthapali/read_rm.php?B=40&A=6623 สารบัญพระไตรปิฎกเล่มที่ ๒๗ https://84000.org/tipitaka/read/?index_27 https://84000.org/tipitaka/english/?index_27