[401] Dve magge adissa vannampi bhanati avannampi bhanati
yacatipi ayacatipi pucchatipi patipucchatipi acikkhatipi anusasatipi
akkosatipi.
[402] Vannam bhanati nama dve magge thometi vanneti
pasamsati . avannam bhanati nama dve magge khumseti vambheti
garahati . yacati nama dehi me dadahi me arahasi me datunti.
Ayacati nama kada te mata pasidissati kada te pita
pasidissati kada te devatayo pasidissanti kada te sukhano
sulayo sumuhutto bhavissati kada te methunam dhammam labhissamiti .
Pucchati nama katham tvam samikassa desi katham jarassa desiti .
Patipucchati nama evam kira tvam samikassa desi evam jarassa
desiti . acikkhati nama puttho bhanati evam dehi evam denti
samikassa piya bhavissasi manapa cati . anusasati nama aputtho
bhanati evam dehi evam denti samikassa piya bhavissasi manapa
cati . akkosati nama animittasi nimittamattasi alohitasi
Dhuvalohitasi dhuvacolasi paggharantisi sikhiranisi itthipandakasi
vepurisikasi sambhinnasi ubhatobyanjanakasiti.
[403] Itthi ca hoti itthisanni saratto ca bhikkhu ca nam
itthiya vaccamaggam passavamaggam adissa vannampi bhanati avannampi
bhanati yacatipi ayacatipi pucchatipi patipucchatipi acikkhatipi
anusasatipi akkosatipi apatti sanghadisesassa.
{403.1} Itthi ca hoti vematiko pandakasanni purisasanni
tiracchanagatasanni saratto ca bhikkhu ca nam itthiya vaccamaggam
passavamaggam adissa vannampi bhanati avannampi bhanati .pe.
Akkosatipi apatti thullaccayassa.
{403.2} Pandako ca hoti pandakasanni saratto ca bhikkhu
ca nam pandakassa vaccamaggam passavamaggam adissa vannampi bhanati
avannampi bhanati .pe. akkosatipi apatti thullaccayassa . pandako
ca hoti vematiko purisasanni tiracchanagatasanni itthisanni saratto
ca bhikkhu ca nam pandakassa vaccamaggam passavamaggam adissa vannampi
bhanati avannampi bhanati .pe. Akkosatipi apatti dukkatassa.
{403.3} Puriso ca hoti purisasanni vematiko tiracchanagatasanni
itthisanni pandakasanni saratto ca bhikkhu ca nam purisassa vaccamaggam
passavamaggam adissa vannampi bhanati avannampi bhanati .pe. akkosatipi
apatti dukkatassa.
{403.4} Tiracchanagato ca hoti tiracchanagatasanni vematiko
itthisanni pandakasanni purisasanni saratto ca bhikkhu ca
Nam tiracchanagatassa vaccamaggam passavamaggam adissa vannampi bhanati
avannampi bhanati .pe. Akkosatipi apatti dukkatassa.
[404] Dve itthiyo dvinnam itthinam itthisanni saratto ca
bhikkhu ca nam dvinnam itthinam vaccamaggam passavamaggam adissa
vannampi bhanati avannampi bhanati .pe. akkosatipi apatti
dvinnam sanghadisesanam.
{404.1} Dve itthiyo dvinnam itthinam vematiko pandakasanni
purisasanni tiracchanagatasanni saratto ca bhikkhu ca nam dvinnam itthinam
vaccamaggam passavamaggam adissa vannampi bhanati avannampi bhanati
.pe. Akkosatipi apatti dvinnam thullaccayanam.
{404.2} Dve pandaka dvinnam pandakanam pandakasanni saratto
ca bhikkhu ca nam dvinnam pandakanam vaccamaggam passavamaggam adissa vannampi
bhanati avannampi bhanati .pe. Akkosatipi apatti dvinnam thullaccayanam.
{404.3} Dve pandaka dvinnam pandakanam vematiko purisasanni
tiracchanagatasanni itthisanni saratto ca bhikkhu ca nam dvinnam
pandakanam vaccamaggam passavamaggam adissa vannampi bhanati avannampi
bhanati .pe. Akkosatipi apatti dvinnam dukkatanam.
{404.4} Dve purisa dvinnam purisanam purisasanni vematiko
tiracchanagatasanni itthisanni pandakasanni saratto ca bhikkhu
ca nam dvinnam purisanam vaccamaggam passavamaggam adissa vannampi
bhanati avannampi bhanati .pe. akkosatipi apatti dvinnam
Dukkatanam.
{404.5} Dve tiracchanagata dvinnam tiracchanagatanam tiracchanagata-
sanni vematiko itthisanni pandakasanni purisasanni saratto ca
bhikkhu ca nam dvinnam tiracchanagatanam vaccamaggam passavamaggam adissa
vannampi bhanati avannampi bhanati .pe. akkosatipi apatti
dvinnam dukkatanam.
[405] Itthi ca pandako ca ubhinnam itthisanni saratto ca bhikkhu
ca nam ubhinnam vaccamaggam passavamaggam adissa vannampi bhanati avannampi
bhanati .pe. Akkosatipi apatti sanghadisesena dukkatassa.
{405.1} Itthi ca pandako ca ubhinnam vematiko .pe. Apatti
thullaccayena dukkatassa .pe. pandakasanni .pe. apatti dvinnam
thullaccayanam .pe. purisasanni .pe. tiracchanagatasanni saratto
ca bhikkhu ca nam ubhinnam vaccamaggam passavamaggam adissa vannampi bhanati
avannampi bhanati .pe. Akkosatipi apatti thullaccayena dukkatassa.
{405.2} Itthi ca puriso ca ubhinnam itthisanni saratto
ca bhikkhu ca nam ubhinnam vaccamaggam passavamaggam adissa vannampi
bhanati avannampi bhanati .pe. akkosatipi apatti sanghadisesena
dukkatassa.
{405.3} Itthi ca puriso ca ubhinnam vematito pandakasanni purisasanni
tiracchanagatasanni saratto ca bhikkhu ca nam ubhinnam vaccamaggam passavamaggam
adissa vannampi bhanati avannampi bhanati .pe. akkosatipi apatti
Thullaccayena dukkatassa.
{405.4} Itthi ca tiracchanagato ca ubhinnam itthisanni saratto ca
bhikkhu ca nam ubhinnam vaccamaggam passavamaggam adissa vannampi bhanati
avannampi bhanati .pe. Akkosatipi apatti sanghadisesena dukkatassa.
{405.5} Itthi ca tiracchanagato ca ubhinnam vematiko pandakasanni
purisasanni tiracchanagatasanni saratto ca bhikkhu ca nam ubhinnam vaccamaggam
passavamaggam adissa vannampi bhanati avannampi bhanati .pe. akkosatipi
apatti thullaccayena dukkatassa.
{405.6} Pandako ca puriso ca ubhinnam pandakasanni saratto ca
bhikkhu ca nam ubhinnam vaccamaggam passavamaggam adissa vannampi bhanati
avannampi bhanati .pe. Akkosatipi apatti thullaccayena dukkatassa.
{405.7} Pandako ca puriso ca ubhinnam vematiko purisasanni
tiracchanagatasanni itthisanni saratto ca bhikkhu ca nam ubhinnam
vaccamaggam passavamaggam adissa vannampi bhanati avannampi bhanati
.pe. Akkosatipi apatti dvinnam dukkatanam.
{405.8} Pandako ca tiracchanagato ca ubhinnam pandakasanni
saratto ca bhikkhu ca nam ubhinnam vaccamaggam passavamaggam adissa vannampi
bhanati avannampi bhanati .pe. akkosatipi apatti thullaccayena
dukkatassa.
{405.9} Pandako ca tiracchanagato ca ubhinnam vematiko purisasanni
tiracchanagatasanni itthisanni saratto ca bhikkhu ca nam ubhinnam
vaccamaggam passavamaggam adissa vannampi bhanati avannampi bhanati
.pe. Akkosatipi apatti dvinnam dukkatanam.
{405.10} Puriso ca tiracchanagato ca ubhinnam purisasanni
vematiko tiracchanagatasanni itthisanni pandakasanni saratto
ca bhikkhu ca nam ubhinnam vaccamaggam passavamaggam adissa vannampi bhanati
avannampi bhanati .pe. Akkosatipi apatti dvinnam dukkatanam.
[406] Itthi ca hoti itthisanni saratto ca bhikkhu ca nam
itthiya vaccamaggam passavamaggam thapetva adhakkhakam ubbhajanumandalam
adissa vannampi bhanati avannampi bhanati .pe. akkosatipi
apatti thullaccayassa.
{406.1} Pandako ca hoti itthisanni .pe. puriso ca hoti
itthisanni .pe. tiracchanagato ca hoti itthisanni .pe.
Apatti dukkatassa.
{406.2} Dve itthiyo dvinnam itthinam itthisanni saratto
ca bhikkhu ca nam dvinnam itthinam vaccamaggam passavamaggam thapetva
adhakkhakam ubbhajanumandalam adissa vannampi bhanati avannampi
bhanati .pe. Akkosatipi apatti dvinnam thullaccayanam.
{406.3} Itthi ca pandako ca ubhinnam itthisanni saratto ca
bhikkhu ca nam ubhinnam vaccamaggam passavamaggam thapetva adhakkhakam
ubbhajanumandalam adissa vannampi bhanati avannampi bhanati
.pe. Akkosatipi apatti thullaccayena dukkatassa.
[407] Itthi ca hoti itthisanni saratto ca bhikkhu ca
Nam itthiya ubbhakkhakam adhojanumandalam adissa vannampi bhanati
avannampi bhanati .pe. Akkosatipi apatti dukkatassa.
{407.1} Pandako ca hoti itthisanni .pe. pariso ca hoti
itthisanni .pe. tiracchanagato ca hoti itthisanni .pe. apatti
dukkatassa . dve itthiyo dvinnam itthinam itthisanni saratto
ca bhikkhu ca nam dvinnam itthinam ubbhakkhakam adhojanumandalam adissa
vannampi bhanati avannampi bhanati .pe. akkosatipi apatti dvinnam
dukkatanam . itthi ca pandako ca ubhinnam itthisanni saratto ca
bhikkhu ca nam ubhinnam ubbhakkhakam adhojanumandalam adissa vannampi
bhanati avannampi bhanati .pe. akkosatipi apatti dvinnam dukkatanam .
Itthi ca hoti itthisanni saratto ca bhikkhu ca nam itthiya kayapatibaddham
adissa vannampi bhanati avannampi bhanati .pe. akkosatipi apatti
dukkatassa.
{407.2} Pandako ca hoti .pe. Puriso ca hoti .pe. Tiracchanagato
ca hoti .pe. apatti dukkatassa . dve itthiyo dvinnam itthinam
itthisanni saratto ca bhikkhu ca nam dvinnam itthinam kayapatibaddham
adissa vannampi bhanati avannampi bhanati .pe. akkosatipi
apatti dvinnam dukkatanam . itthi ca pandako ca ubhinnam
itthisanni saratto ca bhikkhu ca nam ubhinnam kayapatibaddham
adissa vannampi bhanati avannampi bhanati .pe. akkosatipi
Apatti dvinnam dukkatanam.
[408] Anapatti atthapurekkharassa dhammapurekkharassa
anusasanipurekkharassa ummattakassa adikammikassati.
[409] Lohitam kakkasakinnam kharam dighanca vapitam
kacci samsarati 1- maggo saddha danena kammunati.
[410] Tena kho pana samayena annatara itthi navarattam kambalam
paruta hoti . annataro bhikkhu saratto tam itthim etadavoca
lohitam kho te bhaginiti . sa na pativijanati ama ayya navaratto
kambaloti . tassa kukkuccam ahosi kacci nu kho aham sanghadisesam
apattim apannoti . bhagavato etamattham arocesi . anapatti
bhikkhu sanghadisesassa apatti dukkatassati.
{410.1} Tena kho pana samayena annatara itthi kakkasakambalam
paruta hoti . annataro bhikkhu saratto tam itthim etadavoca kakkasalomam
kho te bhaginiti . sa na pativijanati ama ayya kakkasakambaloti.
Tassa kukkuccam ahosi .pe. anapatti bhikkhu sanghadisesassa apatti
dukkatassati.
{410.2} Tena kho pana samayena annatara itthi navadhotam kambalam
paruta hoti . annataro bhikkhu saratto tam itthim etadavoca akinnalomam
kho te bhaginiti. Sa na pativijanati ama ayya navadhoto kambaloti. Tassa
@Footnote: 1 Yu. Ma. samsidati.
Kukkuccam ahosi .pe. anapatti bhikkhu sanghadisesassa apatti
dukkatassati.
{410.3} Tena kho pana samayena annatara itthi kharakambalam
paruta hoti . annataro bhikkhu saratto tam itthim etadavoca
kharalomam kho te bhaginiti . sa na pativijanati ama ayya
kharakambaloti . tassa kukkuccam ahosi .pe. anapatti bhikkhu
sanghadisesassa apatti dukkatassati.
[411] Tena kho pana samayena annatara itthi dighapavaram
paruta hoti . annataro bhikkhu saratto tam itthim etadavoca
dighalomam kho te bhaginiti . sa na pativijanati ama ayya
dighapavaroti . tassa kukkuccam ahosi .pe. anapatti bhikkhu
sanghadisesassa apatti dukkatassati.
[412] Tena kho pana samayena annatara itthi khettam
vapapetva agacchati . annataro bhikkhu saratto tam itthim
etadavoca vapitam kho te bhaginiti . sa na pativijanati ama
ayya no ca kho pativuttanti . tassa kukkuccam ahosi .pe.
Anapatti bhikkhu sanghadisesassa apatti dukkatassati.
[413] Tena kho pana samayena annataro bhikkhu paribbajikam
patipathe passitva saratto tam paribbajikam etadavoca kacci
bhagini te maggo samsaratiti 1- . sa na pativijanati ama bhikkhu
@Footnote: 1 Yu. Ma. samsidatiti.
Patipajjissasiti . tassa kukkuccam ahosi .pe. anapatti bhikkhu
sanghadisesassa apatti thullaccayassati.
[414] Tena kho pana samayena annataro bhikkhu saratto
annataram itthim etadavoca saddhasi tvam bhagini apica yam samikassa
desi tam namhakam desiti . kim bhanteti . methunadhammanti .
Tassa kukkuccam ahosi .pe. apattim tvam bhikkhu apanno
sanghadisesanti.
{414.1} Tena kho pana samayena annataro bhikkhu saratto
annataram itthim etadavoca saddhasi tvam bhagini apica yam aggadanam
tam namhakam desiti . kim bhante aggadananti . methunadhammanti .
Tassa kukkuccam ahosi .pe. apattim tvam bhikkhu apanno
sanghadisesanti.
[415] Tena kho pana samayena annatara itthi kammam karoti.
Annataro bhikkhu saratto tam itthim etadavoca tittha bhagini aham
karissamiti . sa na pativijanati . tassa kukkuccam ahosi .pe.
Anapatti bhikkhu sanghadisesassa apatti dukkatassati.
{415.1} Tena kho pana samayena annatara itthi kammam karoti.
Annataro bhikkhu saratto tam itthim etadavoca nisida bhagini aham karissamiti.
Sa na pativijanati . tassa kukkuccam ahosi .pe. anapatti bhikkhu
sanghadisesassa apatti dukkatassati.
{415.2} Tena kho pana samayena annatara itthi kammam karoti. Annataro bhikkhu
Saratto tam itthim etadavoca nipajja bhagini aham karissamiti . Sa na
pativijanati . tassa kukkuccam ahosi .pe. anapatti bhikkhu
sanghadisesassa apatti dukkatassati.
Tatiyasanghadisesam nitthitam.
Catutthasanghadisesam
[416] Tena samayena buddho bhagava savatthiyam viharati jetavane
anathapindikassa arame . tena kho pana samayena ayasma udayi
savatthiyam kulupako hoti bahukani kulani upasankamati . tena kho
pana samayena annatara itthi matapatika abhirupa hoti dassaniya
pasadika . athakho ayasma udayi pubbanhasamayam nivasetva
pattacivaramadaya yena tassa itthiya nivesanam tenupasankami
upasankamitva pannatte asane nisidi . athakho sa itthi yenayasma
udayi tenupasankami upasankamitva ayasmantam udayim abhivadetva
ekamantam nisidi.
{416.1} Ekamantam nisinnam kho tam itthim ayasma udayi
dhammiya kathaya sandassesi samadapesi samuttejesi sampahamsesi .
Athakho sa itthi ayasmata udayina dhammiya kathaya sandassita
samadapita samuttejita sampahamsita ayasmantam udayim etadavoca
vadeyyatha bhante yena attho patibala mayam ayyassa datum yadidam
civarapindapatasenasanagilanapaccayabhesajjaparikkharanti 1-.
{416.2} Na kho te bhagini amhakam dullabha yadidam civarapindapata-
senasanagilanapaccayabhesajjaparikkhara apica kho 2- yo amhakam
dullabho tam amhakam dehiti . kim bhanteti . methunadhammanti .
@Footnote: 1 Yu. parikkharananti. 2 Yu. Ma. potthakesu ayam patho natthi.
Attho bhanteti . attho bhaginiti . ehi bhanteti ovarakam
pavisitva satakam nikkhipitva mancake uttana nipajji . athakho
ayasma udayi yena sa itthi tenupasankami upasankamitva
ko imam vasalam duggandham amasissatiti nutthuhitva pakkami.
{416.3} Athakho sa itthi ujjhayati khiyati vipaceti alajjino
ime samana sakyaputtiya dussila musavadino ime hi nama samacarino
dhammacarino brahmacarino saccavadino silavanto kalyanadhamma
patijanissanti natthi imesam samannam natthi imesam brahmannam
nattham imesam samannam nattham imesam brahmannam kuto imesam
samannam kuto imesam brahmannam apagata ime samanna
apagata ime brahmanna katham hi nama samano udayi mam
samam methunadhammam yacitva ko imam vasalam duggandham amasissatiti
nutthuhitva pakkamissati kim me papakam kim me duggandham kissaham
kena hayamiti.
{416.4} Annapi itthiyo ujjhayanti khiyanti vipacenti
alajjino ime samana sakyaputtiya dussila musavadino ime hi
nama samacarino brahmacarino saccavadino silavanto kalyanadhamma
patijanissanti natthi imesam samannam natthi imesam brahmannam
nattham imesam samannam nattham imesam brahmannam kuto imesam
samannam kuto imesam brahmannam apagata ime samanna apagata
ime brahmanna katham hi nama samano udayi imissa samam
Methunadhammam yacitva ko imam vasalam duggandham amasissatiti nutthuhitva
pakkamissati kim imissa papakam kim imissa duggandham kissayam
kena hayatiti . assosum kho bhikkhu tasam itthinam ujjhayantinam
khiyantinam vipacentinam . ye te bhikkhu appiccha santuttha lajjino
kukkuccaka sikkhakama te ujjhayanti khiyanti vipacenti katham
hi nama ayasma udayi matugamassa santike attakamaparicariyaya
vannam bhasissatiti.
{416.5} Athakho te bhikkhu bhagavato etamattham arocesum. Athakho
bhagava etasmim nidane etasmim pakarane bhikkhusangham sannipatapetva
ayasmantam udayim patipucchi saccam kira tvam udayi matugamassa santike
attakamaparicariyaya vannam bhasasiti . saccam bhagavati . vigarahi buddho
bhagava ananucchavikam moghapurisa ananulomikam appatirupam assamanakam
akappiyam akaraniyam katham hi nama tvam moghapurisa matugamassa santike
attakamaparicariyaya vannam bhasissasi nanu maya moghapurisa anekapariyayena
viragaya dhammo desito no saragaya .pe. kamaparilahanam vupasamo
akkhato netam moghapurisa appasannanam va pasadaya .pe. evanca
pana bhikkhave imam sikkhapadam uddiseyyatha
{416.6} yo pana bhikkhu otinno viparinatena cittena matugamassa
santike attakamaparicariyaya vannam bhaseyya etadaggam
bhagini paricariyanam ya madisam silavantam kalyanadhammam brahmacarim
etena dhammena paricareyyati methunupasanhitena sanghadisesoti.
[417] Yo panati yo yadiso .pe. bhikkhuti .pe. ayam
imasmim atthe adhippeto bhikkhuti . otinno nama saratto
apekkhava patibaddhacitto . viparinatanti rattampi cittam viparinatam
dutthampi cittam viparinatam mulhampi cittam viparinatam apica rattam cittam
imasmim atthe adhippetam viparinatanti . matugamo nama manussitthi
na yakkhi na peti na tiracchanagata vinnu patibala subhasitadubbhasitam
dutthulladutthullam ajanitum . matugamassa santiketi matugamassa
samanta matugamassa avidure . attakamanti attano kamam attano
hetum attano adhippayam attano paricariyam.
{417.1} Etadagganti etam aggam etam settham etam mokkham etam
uttamam etam pavaram . yati khattiya 1- va brahmani va vesi va
suddi va . madisanti khattiyam va brahmanam va vesam va suddam va.
Silavantanti panatipata pativiratam adinnadana pativiratam musavada
pativiratam . brahmacarinti methunadhamma pativiratam . kalyanadhammo
nama tena ca silena tena ca brahmacariyena kalyanadhammo hoti .
Etena dhammenati methunadhammena . paricareyyati abhirameyya .
Methunupasanhitenati methunadhammapatisamyuttena . sanghadisesoti
.pe. Tenapi vuccati sanghadisesoti.
The Pali Tipitaka in Roman Character Volume 1 page 275-289.
https://84000.org/tipitaka/read/roman_item.php?book=1&item=401&items=17
Classified by [Item Number] :-
http://84000.org/tipitaka/read/roman_item.php?book=1&item=401&items=17&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=1&item=399&items=17
Compare with The Royal Version of Thai Tipitaka :-
https://84000.org/tipitaka/read/byitem.php?book=1&item=399&items=17
Study Atthakatha :-
https://84000.org/tipitaka/attha/attha.php?b=1&i=399
Contents of The Tipitaka Volume 1
https://84000.org/tipitaka/read/?index_1
https://84000.org/tipitaka/english/?index_1
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
