paliTIPITAKA Volume 10 - Sutta Pitaka 2

[117] Athakho bhagava bhoganagare yathabhirantam viharitva ayasmantam anandam amantesi ayamananda yena pava tenupasankamissamati . Evam bhanteti kho ayasma anando bhagavato paccassosi . athakho bhagava mahata bhikkhusanghena saddhim yena pava tadavasari . tatra sudam bhagava pavayam viharati cundassa kammaraputtassa ambavane . assosi kho cundo kammaraputto bhagava kira pavam anuppatto pavayam viharati mayham ambavaneti . athakho cundo kammaraputto yena bhagava tenupasankami upasankamitva bhagavantam abhivadetva ekamantam nisidi. {117.1} Ekamantam nisinnam kho cundam kammaraputtam bhagava dhammiya kathaya sandassesi samadapesi samuttejesi sampahamsesi . Athakho cundo kammaraputto bhagavata dhammiya kathaya sandassito samadapito samuttejito sampahamsito bhagavantam etadavoca adhivasetu me bhante bhagava svatanaya bhattam saddhim bhikkhusanghenati. Adhivasesi bhagava tunhibhavena . athakho cundo kammaraputto bhagavato adhivasanam viditva @Footnote: ¹ Ma. Yu. viharanto. Utthayasana bhagavantam abhivadetva padakkhinam katva pakkami. {117.2} Athakho cundo kammaraputto tassa rattiya accayena sake nivesane panitam khadaniyam bhojaniyam patiyadapetva pahutanca sukaramaddavam bhagavato kalam arocapesi kalo bhante nitthitam bhattanti. Athakho bhagava pubbanhasamayam nivasetva pattacivaramadaya saddhim bhikkhusanghena yena cundassa kammaraputtassa nivesanam tenupasankami upasankamitva pannattasane nisidi . nisajja kho bhagava cundam kammaraputtam amantesi yante cunda sukaramaddavam patiyattam tena mam parivisa yam panannam khadaniyam bhojaniyam patiyattam tena bhikkhusangham parivisati . evam bhanteti kho cundo kammaraputto bhagavato patissutva yam ahosi sukaramaddavam patiyattam tena bhagavantam parivisi yam panannam khadaniyam bhojaniyam patiyattam tena bhikkhusangham parivisi. {117.3} Athakho bhagava cundam kammaraputtam amantesi yante cunda sukaramaddavam avasittham tam sobbhe nikhanahi nahantam cunda passami sadevake loke samarake sabrahmake sassamanabrahmaniya pajaya sadevamanussaya yassa tam paribhuttam samma parinamam gaccheyya annatra tathagatassati . evam bhanteti kho cundo kammaraputto bhagavato patissutva yam ahosi sukaramaddavam avasittham tam sobbhe nikhanitva yena bhagava tenupasankami upasankamitva bhagavantam abhivadetva ekamantam nisidi . ekamantam Nisinnam kho cundam kammaraputtam bhagava dhammiya kathaya sandassetva samadapetva samuttejetva sampahamsetva utthayasana pakkami. {117.4} Athakho bhagavato cundassa kammaraputtassa bhattam bhuttavissa kharo abadho uppajji lohitapakkhandika sabalha ^1- vedana vattanti maranantika . tapi ^2- sudam bhagava sato sampajano adhivasesi avihannamano . athakho bhagava ayasmantam anandam amantesi ayamananda yena kusinara tenupasankamissamati . Evam bhanteti kho ayasma anando bhagavato paccassosi. [118] Cundassa bhattam bhunjitva kammarassati me sutam abadham samphusi dhiro sabalham ^3- maranantikam. Bhuttassa ve ^4- sukaramaddavena byadhi sabalha ^5- udapadi satthu ^6- virecamano ^7- bhagava avoca gacchamaham kusinaram -* nagaranti. (ima gathayo sangitikale sangitikarakehi vutta 8-)

The Pali Tipitaka in Roman Character Volume 10 page 147-149. https://84000.org/tipitaka/read/roman_item.php?book=10&item=117&items=2 Classified by [Item Number] :- http://84000.org/tipitaka/read/roman_item.php?book=10&item=117&items=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=10&item=117&items=2 Compare with The Royal Version of Thai Tipitaka :- https://84000.org/tipitaka/read/byitem.php?book=10&item=117&items=2 Study Atthakatha :- https://84000.org/tipitaka/attha/attha.php?b=10&i=117 Contents of The Tipitaka Volume 10 https://84000.org/tipitaka/read/?index_10 https://84000.org/tipitaka/english/?index_10