บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
[70] Athakho bhagava acirapakkante vassakare brahmane magadhamahamatte ayasmantam anandam amantesi gaccha tvam ananda yavatika bhikkhu rajagaham upanissaya viharanti te sabbe upatthanasalayam sannipatehiti . evam bhanteti kho ayasma anando bhagavato patissutva yavatika bhikkhu rajagaham upanissaya viharanti te sabbe upatthanasalayam sannipatetva yena bhagava tenupasankami upasankamitva bhagavantam abhivadetva ekamantam atthasi . ekamantam thito kho ayasma anando bhagavantam etadavoca sannipatito bhante bhikkhusangho yassadani bhante bhagava kalam mannasiti. {70.1} Athakho bhagava utthayasana yena upatthanasala tenupasankami upasankamitva pannatte asane nisidi . nisajja kho bhagava bhikkhu amantesi satta vo bhikkhave aparihaniye dhamme desessami tam sunatha sadhukam manasikarotha bhasissamiti . evam bhanteti kho te bhikkhu bhagavato paccassosum . bhagava etadavoca yavakivanca bhikkhave bhikkhu abhinhasannipata sannipatabahula bhavissanti vuddhiyeva bhikkhave bhikkhunam patikankha no parihani. {70.2} Yavakivanca bhikkhave bhikkhu samagga sannipatissanti samagga vutthahissanti samagga Sanghakaraniyani karissanti vuddhiyeva bhikkhave bhikkhunam patikankha no parihani. {70.3} Yavakivanca bhikkhave bhikkhu apannattam na pannapessanti pannattam na samucchindissanti yathapannattesu sikkhapadesu samadaya vattissanti vuddhiyeva bhikkhave bhikkhunam patikankha no parihani. {70.4} Yavakivanca bhikkhave bhikkhu ye te bhikkhu thera rattannu cirapabbajita sanghapitaro sanghaparinayaka te sakkarissanti garukarissanti manessanti pujessanti tesanca sotabbam mannissanti vuddhiyeva bhikkhave bhikkhunam patikankha no parihani. {70.5} Yavakivanca bhikkhave bhikkhu uppannaya tanhaya ponobbhavikaya na vasam gacchissanti vuddhiyeva bhikkhave bhikkhunam patikankha no parihani. {70.6} Yavakivanca bhikkhave bhikkhu arannakesu senasanesu sapekkha bhavissanti vuddhiyeva bhikkhave bhikkhunam patikankha no parihani. {70.7} Yavakivanca bhikkhave bhikkhu paccattanneva satim upatthapessanti kinti anagata ca pesala sabrahmacari agaccheyyum agata ca pesala sabrahmacari phasum 1- vihareyyunti vuddhiyeva bhikkhave bhikkhunam patikankha no parihani. {70.8} Yavakivanca bhikkhave ime satta aparihaniya dhamma bhikkhusu thassanti imesu ca sattasu aparihaniyesu dhammesu bhikkhu sandississanti vuddhiyeva bhikkhave bhikkhunam patikankha no parihani 2-. @Footnote: 1 Ma. phasu. 2 no parihanititipi pathena pana bhavitabbam.The Pali Tipitaka in Roman Character Volume 10 page 90-91. https://84000.org/tipitaka/read/roman_item.php?book=10&item=70&items=1 Classified by [Item Number] :- http://84000.org/tipitaka/read/roman_item.php?book=10&item=70&items=1&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=10&item=70&items=1 Compare with The Royal Version of Thai Tipitaka :- https://84000.org/tipitaka/read/byitem.php?book=10&item=70&items=1 Study Atthakatha :- https://84000.org/tipitaka/attha/attha.php?b=10&i=70 Contents of The Tipitaka Volume 10 https://84000.org/tipitaka/read/?index_10 https://84000.org/tipitaka/english/?index_10
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]