บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
[95] Athakho maro papima acirapakkante ayasmante anande yena bhagava tenupasankami upasankamitva ekamantam atthasi . Ekamantam thito kho maro papima bhagavantam etadavoca parinibbatudani bhante bhagava parinibbatu sugato parinibbanakalodani Bhante bhagavato {95.1} bhasita kho panesa bhante bhagavata vaca na tavaham papima parinibbayissami yava me bhikkhu na savaka bhavissanti viyatta vinita visarada bahussuta dhammadhara dhammanudhammapatipanna samicipatipanna anudhammacarino sakam acariyakam uggahetva acikkhissanti desessanti pannapessanti patthapessanti vivarissanti vibhajissanti uttanikarissanti uppannam parappavadam sahadhammena suniggahitam niggahetva sappatihariyam dhammam desessantiti etarahi kho pana bhante bhikkhu bhagavato savaka viyatta vinita visarada bahussuta dhammadhara dhammanudhammapatipanna samicipatipanna anudhammacarino sakam acariyakam uggahetva acikkhanti desenti pannapenti patthapenti vivaranti vibhajanti uttanikaronti uppannam parappavadam sahadhammena suniggahitam niggahetva sappatihariyam dhammam desenti parinibbatudani bhante bhagava parinibbatu sugato parinibbanakalodani bhante bhagavato {95.2} bhasita kho panesa bhante bhagavata vaca na tavaham papima parinibbayissami yava me bhikkhuniyo na savika bhavissanti viyatta vinita visarada bahussuta dhammadhara dhammanudhammapatipanna samicipatipanna anudhammacariniyo sakam acariyakam uggahetva acikkhissanti pannapessanti patthapessanti vivarissanti vibhajissanti uttanikarissanti uppannam parappavadam sahadhammena suniggahitam niggahetva sappatihariyam dhammam Desessantiti etarahi kho pana bhante bhikkhuniyo bhagavato savika viyatta vinita visarada bahussuta dhammadhara dhammanudhammapatipanna samicipatipanna anudhammacariniyo sakam acariyakam uggahetva acikkhanti desenti pannapenti patthapenti vivaranti vibhajanti uttanikaronti uppannam parappavadam sahadhammena suniggahitam niggahetva sappatihariyam dhammam desenti parinibbatudani bhante bhagava parinibbatu sugato parinibbanakalodani bhante bhagavato {95.3} bhasita kho panesa bhante bhagavata vaca na tavaham papima parinibbayissami yava me upasaka na savaka bhavissanti viyatta vinita visarada bahussuta dhammadhara dhammanudhammapatipanna samicipatipanna anudhammacarino sakam acariyakam uggahetva acikkhissanti desessanti pannapessanti patthapessanti vivarissanti vibhajissanti uttanikarissanti uppannam parappavadam sahadhammena suniggahitam niggahetva sappatihariyam dhammam desessantiti etarahi kho pana bhante upasaka bhagavato savaka viyatta vinita visarada bahussuta dhammadhara dhammanudhammapatipanna samicipatipanna anudhammacarino sakam acariyakam uggahetva acikkhanti desenti pannapenti patthapenti vivaranti vibhajanti uttanikaronti uppannam parappavadam sahadhammena suniggahitam niggahetva sappatihariyam dhammam desenti parinibbatudani bhante bhagava parinibbatu sugato parinibbanakalodani bhante bhagavato {95.4} Bhasita kho panesa bhante bhagavata vaca na tavaham papima parinibbayissami yava me upasika na savika bhavissanti viyatta vinita visarada bahussuta dhammadhara dhammanudhammapatipanna samicipatipanna anudhammacariniyo sakam acariyakam uggahetva acikkhissanti desessanti pannapessanti patthapessanti vivarissanti vibhajissanti uttanikarissanti uppannam parappavadam sahadhammena suniggahitam niggahetva sappatihariyam dhammam desessantiti etarahi kho pana bhante upasika bhagavato savika viyatta vinita visarada bahussuta dhammadhara dhammanudhammapatipanna samicipatipanna anudhammacariniyo sakam acariyakam uggahetva acikkhanti desenti pannapenti patthapenti vivaranti vibhajanti uttanikaronti uppannam parappavadam sahadhammena suniggahitam niggahetva sappatihariyam dhammam desenti parinibbatudani bhante bhagava parinibbatu sugato parinibbanakalodani bhante bhagavato {95.5} bhasita kho panesa bhante bhagavata vaca na tavaham papima parinibbayissami yava me idam brahmacariyam na iddhanceva bhavissati phitanca vittharikam bahujannam puthubhutam yava devamanussehi suppakasitanti etarahi kho pana bhante bhagavato idam brahmacariyam iddhanceva phitanca vittharikam bahujannam puthubhutam yava devamanussehi suppakasitam parinibbatudani bhante bhagava parinibbatu sugato parinibbanakalodani bhante Bhagavatoti . evam vutte bhagava maram papimantam etadavoca appossukko tvam papima hohi na ciram tathagatassa parinibbanam bhavissati ito tinnam masanam accayena tathagato parinibbayissatiti. {95.6} Athakho bhagava pavalacetiye sato sampajano ayusankharam ossajji 1- . ossatthe ca bhagavata 2- ayusankhare maha bhumicalo ahosi bhimsanako lomahamso 3- devadundabhiyo ca phalimsu . Athakho bhagava etamattham viditva tayam velayam imam udanam udanesiThe Pali Tipitaka in Roman Character Volume 10 page 121-125. https://84000.org/tipitaka/read/roman_item.php?book=10&item=95&items=1&mode=bracket Classified by content :- https://84000.org/tipitaka/read/roman_item.php?book=10&item=95&items=1 Compare with The Pali Tipitaka in Thai Character :- https://84000.org/tipitaka/read/pali_item.php?book=10&item=95&items=1&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=10&item=95&items=1&mode=bracket Study Atthakatha :- https://84000.org/tipitaka/attha/attha.php?b=10&i=95 Contents of The Tipitaka Volume 10 https://84000.org/tipitaka/read/?index_10 https://84000.org/tipitaka/english/?index_10
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]