paliTIPITAKA Volume 12 - Sutta Pitaka 4

page600.

Maratajjaniyasuttam [557] Evamme sutam ekam ^1- samayam bhagava bhaggesu viharati sumsumaragire bhesakalavane migadaye . tena kho pana samayena ayasma mahamoggallano abbhokase cankami . tena kho pana samayena maro papima ayasmato mahamoggallanassa kucchigato hoti kotthamanupavittho . atha kho ayasmato mahamoggallanassa etadahosi kinnu kho me kucchi garugarutaro ^2- viya masacitam manneti . atha kho ayasma mahamoggallano cankama orohitva viharam pavisitva pannattasane nisidi . nisajja kho ayasma mahamoggallano maram papimantam ^3- paccattam yoniso manasakasi. [558] Addasa kho ayasma mahamoggallano maram papimantam kucchigatam kotthamanupavittham disvana maram papimantam etadavoca nikkhama papima nikkhama papima ma tathagatam vihesesi ma tathagatasavakam ma te ahosi digharattam ahitaya dukkhayati . Atha kho marassa papimato etadahosi ajanameva ^[4]- mam ayam samano apassam evamaha nikkhama papima nikkhama papima ma tathagatam vihesesi ma tathagatasavakam ma te ahosi digharattam ahitaya dukkhayati yopissa so sattha sopi mam neva khippam janeyya kuto ca pana mam savako janissatiti . atha kho ayasma @Footnote: ¹ Ma. Yu. ekam samayam ayasma mahamoggallano bhaggesu viharati ... migadaye. @² Ma. garugaro viya. ³ Ma. Yu. dve patha natthi. 4. Ma. Yu. kho.

--------------------------------------------------------------------------------------------- page601.

Mahamoggallano maram papimantam etadavoca evampi kho taham papima janami ma tvam mannittho na mam janatiti maro tvamasi papima tuyham hi papima evam hoti ajanameva ^[1]- mam ayam samano apassam evamaha nikkhama papima nikkhama papima ma tathagatam vihesesi ma tathagatasavakam ma te ahosi digharattam ahitaya dukkhayati yopissa so sattha sopi mam neva khippam janeyya kuto ca pana mam ayam savako janissatiti . atha kho marassa papimato etadahosi janameva kho mam ayam samano passam evamaha nikkhama papima nikkhama papima ma tathagatam vihesesi ma tathagatasavakam ma te ahosi digharattam ahitaya dukkhayati . atha kho maro papima ayasmato mahamoggallanassa mukhato uggantva paccaggale atthasi. [559] Addasa kho ayasma mahamoggallano maram papimantam paccaggale thitam disvana maram papimantam etadavoca etthapi kho taham papima passami ma tvam mannittho na mam passatiti eso tvam papima paccaggale thito . bhutapubbaham papima dusi nama maro ahosim tassa me kali nama bhagini tassa bhaginiya tvam putto so me tvam bhagineyyo ahositi . Tena kho pana ^[2]- samayena kakusandho bhagava araham sammasambuddho loke uppanno hoti . kakusandhassa kho pana papima bhagavato @Footnote: ¹ Ma. Yu. kho. ² Ma. Yu. papima.

--------------------------------------------------------------------------------------------- page602.

Arahato sammasambuddhassa vidhurasanjivam nama mahasavakayugam ^1- ahosi aggam bhaddayugam . yavata kho pana papima kakusandhassa bhagavato arahato sammasambuddhassa savaka nassudha ^2- koci ayasmata vidhurena samasamo hoti yadidam dhammadesanaya . imina kho etam ^3- papima pariyayena ayasmato vidhurassa vidhuro vidhurotveva ^4- samanna udapadi . ayasma pana papima sanjivo arannagatopi rukkhamulagatopi sunnagaragatopi appakasireneva sannavedayitanirodham samapajjati . Bhutapubbam papima ayasma sanjivo annatarasmim rukkhamule sannavedayitanirodham samapanno nisinno hoti. {559.1} Addasasum kho papima gopalaka pasupalaka kasaka pathavino ayasmantam sanjivam annatarasmim rukkhamule sannavedayitanirodham samapannam nisinnam disvana tesam etadahosi acchariyam vata bho abbhutam vata bho ayam samano nisinnako ^5- kalakato handa nam dahamati. Atha kho te papima gopalaka pasupalaka kasaka pathavino tinanca katthanca gomayanca sankaddhitva ayasmato sanjivassa kaye upacinitva aggim datva pakkamimsu . atha kho papima ayasma sanjivo tassa rattiya accayena taya samapattiya vutthahitva civarani papphotetva pubbanhasamayam nivasetva pattacivaramadaya gamam pindaya pavisi . addasasum kho te papima gopalaka pasupalaka kasaka pathavino ayasmantam sanjivam pindaya carantam disvana @Footnote: ¹ Ma. Yu. savakayugam. ² Ma. tesu na ca. ³ Ma. evam. ⁴ Ma. vidhurassa @vidhuro teva. ⁵ Ma. Yu. nisinnakova.

--------------------------------------------------------------------------------------------- page603.

Nesam etadahosi acchariyam vata bho abbhutam vata bho ayam samano nisinnako ^1- kalakato svayam patisanni ^2- thitoti. Imina kho evam papima pariyayena ayasmato sanjivassa sanjivo sanjivotveva samanna udapadi. [560] Atha kho papima dusissa marassa etadahosi imesam kho aham bhikkhunam silavantanam kalyanadhammanam neva janami agatim va gatim va yannunaham brahmanagahapatike anvaviseyyam etha tumhe bhikkhu silavante kalyanadhamme akkosatha paribhasatha rosetha vihesetha appevanama tumhehi akkosiyamananam paribhasiyamananam rosiyamananam vihesiyamananam siya cittassa annathattam yatha nam dusi maro labhetha otaranti . atha kho ^[4]- papima dusi maro brahmanagahapatike anvavisi etha tumhe bhikkhu silavante kalyanadhamme akkosatha paribhasatha rosetha vihesetha appevanama tumhehi akkosiyamananam paribhasiyamananam rosiyamananam vihesiyamananam siya cittassa annathattam yatha nam dusi maro labhetha otaranti. {560.1} Atha kho te papima brahmanagahapatika anvavisittha dusina marena bhikkhu silavante kalyanadhamme akkosanti paribhasanti rosenti vihesenti ime pana mundaka samanaka ibbha kanha ^5- bandhupadapacca jhayinosma jhayinosmati pattakkhandha adhomukha madhurakajata jhayanti pajjhayanti nijjhayanti apajjhayanti . seyyathapi nama @Footnote: ¹ Ma. Yu. nisinnakova. ² Ma. Yu. patisanjivito ³ Ma. sanjivassa sanjivoteva. @⁴ Ma. te. ⁵ Ma. kinha.

--------------------------------------------------------------------------------------------- page604.

Uluko rukkhasakhayam musikam maggayamano jhayati pajjhayati nijjhayati apajjhayati evamevime mundaka samanaka ibbha kanha bandhupadapacca jhayinosma jhayinosmati pattakkhandha adhomukha madhurakajata jhayanti pajjhayanti nijjhayanti apajjhayanti . Seyyathapi nama kottho ^1- naditire macche maggayamano jhayati pajjhayati nijjhayati apajjhayati evamevime mundaka samanaka ibbha kanha bandhupadapacca jhayinosma jhayinosmati pattakkhandha adhomukha madhurakajata jhayanti pajjhayanti nijjhayanti apajjhayanti. {560.2} Seyyathapi nama vilaro sandhisamalasankatire musikam maggayamano jhayati pajjhayati nijjhayati apajjhayati evamevime mundaka samanaka ibbha kanha bandhupadapacca jhayinosma jhayinosmati pattakkhandha adhomukha madhurakajata jhayanti pajjhayanti nijjhayanti apajjhayanti. {560.3} Seyyathapi nama gadrabho vahacchinno sandhisamalasankatire jhayati pajjhayati nijjhayati apajjhayati evamevime mundaka samanaka ibbha kanha bandhupadapacca jhayinosma jhayinosmati pattakkhandha adhomukha madhurakajata jhayanti pajjhayanti nijjhayanti apajjhayantiti . ye kho pana papima tena samayena manussa kalam karonti yebhuyyena kayassa bheda parammarana apayam duggatim vinipatam nirayam upapajjanti. [561] Atha kho papima kakusandho bhagava araham sammasambuddho @Footnote: ¹ Ma. Yu. kotthu.

--------------------------------------------------------------------------------------------- page605.

Bhikkhu amantesi anvavisittha kho bhikkhave brahmanagahapatika dusina marena etha tumhe bhikkhu silavante kalyanadhamme akkosatha paribhasatha vihesetha appevanama tumhehi akkosiyamananam paribhasiyamananam rosiyamananam vihesiyamananam siya cittassa annathattam yatha nam dusi maro labhetha otaranti etha tumhe bhikkhave mettasahagatena cetasa ekam disam pharitva viharatha tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyapajjhena pharitva viharatha. {561.1} Karunasahagatena cetasa ... Muditasahagatena cetasa ... Upekkhasahagatena cetasa ekam disam pharitva viharatha tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva viharathati. {561.2} Atha kho te papima bhikkhu kakusandhena bhagavata arahata sammasambuddhena evam ovadiyamana evam anusasiyamana arannagatapi rukkhamulagatapi sunnagaragatapi mettasahagatena cetasa ekam disam pharitva viharimsu tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyapajjhena pharitva

--------------------------------------------------------------------------------------------- page606.

Viharimsu . karunasahagatena cetasa ... muditasahagatena cetasa ... Upekkhasahagatena cetasa ekam disam pharitva viharimsu tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva viharimsu. [562] Atha kho papima dusissa marassa etadahosi evampi kho aham karonto imesam bhikkhunam silavantanam kalyanadhammanam neva janami agatim va gatim va yannunaham brahmanagahapatike anvaviseyyam etha tumhe bhikkhu silavante kalyanadhamme sakkarotha garukarotha manetha pujetha appevanama tumhehi sakkariyamananam garukariyamananam maniyamananam pujiyamananam siya cittassa annathattam yatha nam dusi maro labhetha otaranti. {562.1} Atha kho te papima dusi maro brahmanagahapatike anvavisi etha tumhe bhikkhu silavante kalyanadhamme sakkarotha garukarotha manetha pujetha appevanama tumhehi sakkariyamananam garukariyamananam maniyamananam pujiyamananam siya cittassa annathattam yatha nam dusi maro labhetha otaranti . atha kho te papima brahmanagahapatika anvavisittha dusina marena bhikkhu silavante kalyanadhamme sakkaronti garukaronti manenti pujenti . ye kho pana papima tena samayena manussa kalam karonti yebhuyyena kayassa bheda parammarana sugatim saggam lokam upapajjanti.

The Pali Tipitaka in Roman Character Volume 12 page 600-606. https://84000.org/tipitaka/read/roman_item.php?book=12&item=557&items=6&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=12&item=557&items=6&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=12&item=557&items=6&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=12&item=557&items=6&pagebreak=1&modeTY=2 Study Atthakatha :- https://84000.org/tipitaka/attha/attha.php?b=12&i=557 Contents of The Tipitaka Volume 12 https://84000.org/tipitaka/read/?index_12 https://84000.org/tipitaka/english/?index_12