paliTIPITAKA Volume 16 - Sutta Pitaka 8

[263] Ekam samayam ayasma ca sariputto ayasma ca mahakotthito ^1- baranasiyam viharanti isipatane migadaye . atha kho ayasma mahakotthito sayanhasamayam patisallana vutthito yenayasma sariputto tenupasankami upasankamitva ayasmata sariputtena saddhim sammodi sammodaniyam katham saraniyam vitisaretva ekamantam nisidi. [264] Ekamantam nisinno kho ayasma mahakotthito @Footnote: ¹ Ma. mahakotthiko. Ayasmantam sariputtam etadavoca kim nu kho avuso sariputtam sayamkatam jaramaranam parakatam jaramaranam sayamkatanca parakatanca jaramaranam udahu asayamkaram aparakaram adhicca samuppannam jaramarananti . na kho avuso kotthita sayamkatam jaramaranam na parakatam jaramaranam na sayamkatanca parakatanca jaramaranam napi asayamkaram aparakaram adhicca samuppannam jaramaranam apica jatipaccaya jaramarananti. {264.1} Kim nu kho avuso sariputta sayamkata jati parakata jati sayamkata ca parakata ca jati udahu asayamkaram aparakaram ^1- adhicca samuppanna jatiti . na kho avuso kotthita sayamkata jati na parakata jati na sayamkata ca parakata ca jati napi asayamkaram aparakaram adhicca samuppanna jati apica bhavapaccaya jatiti. {264.2} Kim nu kho avuso sariputta sayamkato bhavo .pe. Sayamkatam upadanam ... sayamkata tanha ... Sayamkata vedana ... Sayamkato phasso ... sayamkatam salayatanam ... sayamkatam namarupam parakatam namarupam sayamkatanca parakatanca namarupam udahu asayamkaram aparakaram adhicca samuppannam namarupanti . na kho avuso kotthita sayamkatam namarupam na parakatam namarupam na sayamkatanca parakatanca namarupam napi asayamkaram aparakaram adhicca samuppannam namarupam apica vinnanapaccaya namarupanti. {264.3} Kim nu kho avuso sariputta sayamkatam vinnanam parakatam vinnanam sayamkatanca parakatanca vinnanam @Footnote: ¹ Ma. asayamkara aparamkara. Udahu asayamkaram aparakaram adhicca samuppannam vinnananti . na kho avuso kotthita sayamkatam vinnanam na parakatam vinnanam na sayamkatanca parakatanca vinnanam napi asayamkaram aparakaram adhicca samuppannam vinnanam apica namarupapaccaya vinnananti. [265] Idaneva kho mayam ayasmato sariputtassa bhasitam evam ajanama na kho avuso kotthita sayamkatam namarupam na parakatam namarupam na sayamkatanca parakatanca namarupam napi asayamkaram aparakaram adhicca samuppannam namarupam apica vinnanapaccaya namarupanti. {265.1} Idaneva pana mayam ayasmato sariputtassa bhasitam evam ajanama na kho avuso kotthita sayamkatam vinnanam na ^1- parakatam vinnanam na sayamkatanca parakatanca vinnanam napi asayamkaram aparakaram adhicca samuppannam vinnanam apica namarupapaccaya vinnananti . yathakatham panavuso sariputta imassa bhasitassa attho datthabboti. [266] Tenahavuso upamante karissami upamayapidhekacce vinnu purisa bhasitassa attham ajananti . seyyathapi avuso dve nalakalapiyo annamannam nissaya tittheyyum evameva kho avuso namarupapaccaya vinnanam vinnanapaccaya namarupam namarupapaccaya salayatanam salayatanapaccaya phasso .pe. Evametassa kevalassa dukkhakkhandhassa samudayo hoti . tasance @Footnote: ¹ Yu. nasaddo natthi. Avuso nalakalapinam ekam apakaddheyya eka papateyya aparance apakaddheyya apara papateyya . evameva kho avuso namarupanirodha vinnananirodho vinnananirodha namarupanirodho namarupanirodha salayatananirodho salayatananirodha phassanirodho .pe. Evametassa kevalassa dukkhakkhandhassa nirodho hotiti. [267] Acchariyam avuso sariputta abbhutam avuso sariputta yava subhasitancidam ayasmata sariputtena idanca pana mayam ayasmato sariputtassa subhasitam imehi chattimsaya vatthuhi anumodama jaramaranassa ce avuso bhikkhu nibbidaya viragaya nirodhaya dhammam deseti dhammakathiko bhikkhuti alam vacanaya . jaramaranassa ce avuso bhikkhu nibbidaya viragaya nirodhaya patipanno hoti dhammanudhammapatipanno bhikkhuti alam vacanaya . jaramaranassa ce avuso bhikkhu nibbida viraga nirodha anupada vimutto hoti ditthadhammanibbanappatto bhikkhuti alam vacanaya . jatiya ce .pe. Bhavassa ce ... upadanassa ce ... tanhaya ce ... Vedanaya ce ... phassassa ce ... salayatanassa ce ... Namarupassa ce ... Vinnanassa ce ... sankharanance ... avijjaya ce avuso bhikkhu nibbidaya viragaya nirodhaya dhammam deseti dhammakathiko bhikkhuti alam vacanaya . avijjaya ce avuso bhikkhu nibbidaya viragaya nirodhaya patipanno hoti dhammanudhammapatipanno bhikkhuti alam Vacanaya . avijjaya ce avuso bhikkhu nibbida viraga nirodha anupada vimutto hoti ditthadhammanibbanappatto bhikkhuti alam vacanayati. Sattamam. [268] Ekam samayam ayasma ca musilo ^1- ayasma ca pavittho ^2- ayasma ca narado ayasma ca anando kosambiyam viharanti ghositarame. [269] Atha kho ayasma pavittho ayasmantam musilam etadavoca annatreva avuso musila saddhaya annatra ruciya annatra anussava annatra akaraparivitakka annatra ditthinijjhanakkhantiya atthayasmato musilassa paccattameva nanam jatipaccaya jaramarananti . annatreva avuso pavittha saddhaya annatra ruciya annatra anussava annatra akaraparivitakka annatra ditthinijjhanakkhantiya ahametam janami ahametam passami jatipaccaya jaramarananti. {269.1} Annatreva avuso musila saddhaya annatra ruciya annatra anussava annatra akaraparivitakka annatra ditthinijjhanakkhantiya atthayasmato musilassa paccattameva nanam bhavapaccaya jatiti .pe. upadanapaccaya bhavoti ... tanhapaccaya upadananti ... vedanapaccaya tanhati ... phassapaccaya vedanati ... salayatanapaccaya phassoti ... namarupapaccaya salayatananti ... vinnanapaccaya namarupanti ... sankharapaccaya vinnananti ... @Footnote: ¹ Yu. musilo. ² Yu. savittho. Avijjapaccaya sankharati . annatreva avuso pavittha saddhaya annatra ruciya annatra anussava annatra akaraparivitakka annatra ditthinijjhanakkhantiya ahametam janami ahametam passami avijjapaccaya sankharati. [270] Annatra ca avuso musila saddhaya annatra ruciya annatra anussava annatra akaraparivitakka annatra ditthinijjhanakkhantiya atthayasmato musilassa paccattameva nanam jatinirodha jaramarananirodhoti . annatreva avuso pavittha saddhaya annatra ruciya annatra anussava annatra akaraparivitakka annatra ditthinijjhanakkhantiya ahametam janami ahametam passami jatinirodha jaramarananirodhoti. {270.1} Annatreva avuso musila saddhaya annatra ruciya annatra anussava annatra akaraparivitakka annatra ditthinijjhanakkhantiya atthayasmato musilassa paccattameva nanam bhavanirodha jatinirodhoti .pe. upadananirodha bhavanirodhoti ... tanhanirodha upadananirodhoti ... vedananirodha tanhanirodhoti ... phassanirodha vedananirodhoti ... Salayatananirodha phassanirodhoti ... namarupanirodha salayatananirodhoti ... Vinnananirodha namarupanirodhoti ... sankharanirodha vinnananirodhoti ... Avijjanirodha sankharanirodhoti . annatreva avuso pavittha saddhaya annatra ruciya annatra anussava annatra akaraparivitakka annatra Ditthinijjhanakkhantiya ahametam janami ahametam passami avijjanirodha sankharanirodhoti. [271] Annatreva avuso musila saddhaya annatra ruciya annatra anussava annatra akaraparivitakka annatra ditthinijjhanakkhantiya atthayasmato musilassa paccattameva nanam bhavanirodho nibbananti . annatreva avuso pavittha saddhaya annatra ruciya annatra anussava annatra akaraparivitakka annatra ditthinijjhanakkhantiya ahametam janami ahametam passami bhavanirodho nibbananti . tenahayasma musilo araham khinasavoti . Evam vutte ayasma musilo tunhi ahosi.

The Pali Tipitaka in Roman Character Volume 16 page 136-142. https://84000.org/tipitaka/read/roman_item.php?book=16&item=263&items=9 Classified by [Item Number] :- http://84000.org/tipitaka/read/roman_item.php?book=16&item=263&items=9&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=16&item=263&items=9 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=263&items=9 Study Atthakatha :- https://84000.org/tipitaka/attha/attha.php?b=16&i=263 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16