paliTIPITAKA Volume 18 - Sutta Pitaka 10

[186] Kathancavuso jagariyam anuyutto hoti . idhavuso bhikkhu divasam cankamena nisajjaya avaraniyehi dhammehi cittam parisodheti rattiya pathamam yamam cankamena nisajjaya avaraniyehi dhammehi cittam parisodheti rattiya majjhimam yamam dakkhinena passena sihaseyyam kappeti padena ^1- padam accadhaya sato sampajano utthanasannam manasikaritva rattiya pacchimam yamam paccutthaya cankamena nisajjaya avaraniyehi dhammehi cittam parisodheti . evam kho avuso jagariyam anuyutto hoti . tasmatihavuso evam sikkhitabbam indriyesu guttadvara bhavissama bhojane mattannuno jagariyam anuyuttati . Evam hi kho avuso sikkhitabbanti. Sattamam. [187] Ekam samayam bhagava savatthiyam viharati jetavane anathapindikassa arame . atha kho bhagavato rahogatassa patisallinassa evam cetaso parivitakko udapadi paripakka kho rahulassa vimuttiparipacaniya dhamma yannunaham rahulam uttarim asavanam khaye vineyyanti . atha kho bhagava pubbanhasamayam nivasetva pattacivaramadaya savatthim ^2- pindaya pavisi savatthiyam pindaya caritva pacchabhattam pindapatapatikkanto ayasmantam rahulam amantesi ganhahi rahula nisidanam yena andhavanam tenupasankamissama @Footnote: ¹ Ma. Yu. pade . ² Ma. Yu. savatthiyam. Diva viharayati . evam bhanteti kho ayasma rahulo bhagavato patissutva nisidanam adaya bhagavantam pitthito pitthito anubandhi . Tena kho pana samayena anekani devatasahassani bhagavantam anubandhani bhavanti ajja bhagava ayasmantam rahulam uttarim asavanam khaye vinessatiti.

The Pali Tipitaka in Roman Character Volume 18 page 132-133. https://84000.org/tipitaka/read/roman_item.php?book=18&item=186&items=2 Classified by [Item Number] :- http://84000.org/tipitaka/read/roman_item.php?book=18&item=186&items=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=18&item=186&items=2 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=186&items=2 Study Atthakatha :- https://84000.org/tipitaka/attha/attha.php?b=18&i=186 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18