บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
[737] Acchariyanca vo bhikkhave desissami acchariyagaminca maggam tam sunatha. Katamanca bhikkhave acchariyam .pe. [738] Abbhutanca vo bhikkhave desissami abbhutagaminca maggam tam sunatha. Katamanca bhikkhave abbhutam .pe. [739] Anitikanca vo bhikkhave desissami anitikagaminca maggam tam sunatha. Katamanca bhikkhave anitikam .pe. [740] Anitikadhammanca vo bhikkhave desissami anitikadhammagaminca maggam tam sunatha. Katamanca bhikkhave anitikadhammam .pe. [741] Nibbananca vo bhikkhave desissami nibbanagaminca maggam tam sunatha. Katamanca bhikkhave nibbanam .pe. [742] Abyapajjhanca 1- vo bhikkhave desissami abyapajjhagaminca 2- maggam tam sunatha . katamanca bhikkhave abyapajjham .pe. [743] Viraganca vo bhikkhave desissami viragagaminca maggam tam sunatha. Katamo ca bhikkhave virago .pe. [744] Suddhinca vo bhikkhave desissami suddhigaminca maggam tam sunatha. Katama ca bhikkhave suddhi .pe. [745] Muttinca vo bhikkhave desissami muttigaminca maggam tam sunatha. Katama ca bhikkhave mutti .pe. [746] Analayanca vo bhikkhave desissami analayagaminca maggam tam sunatha. Katamo ca bhikkhave analayo .pe. [747] Dipanca vo bhikkhave desissami dipagaminca maggam tam sunatha. Katamanca bhikkhave dipam .pe. [748] Lenanca vo bhikkhave desissami lenagaminca maggam tam sunatha. Katamanca bhikkhave lenam .pe. @Footnote: 1 Ma. abyabajjhanca . 2 Ma. abyabajjhagaminca. evamuparipi. [749] Tananca vo bhikkhave desissami tanagaminca maggam tam sunatha. Katamanca bhikkhave tanam .pe. [750] Sarananca vo bhikkhave desissami saranagaminca maggam tam sunatha. Katamanca bhikkhave saranam .pe. [751] Parayananca vo bhikkhave desissami parayanagaminca maggam tam sunatha . katamanca bhikkhave parayanam . yo bhikkhave ragakkhayo dosakkhayo mohakkhayo . idam vuccati bhikkhave parayanam . katamo ca bhikkhave parayanagamimaggo . kayagatasati . ayam vuccati bhikkhave parayanagamimaggo . iti kho bhikkhave desitam vo maya parayanam desito parayanagamimaggo . yam bhikkhave satthara karaniyam savakanam hitesina anukampakena anukampam upadaya katam vo tam maya . Etani bhikkhave rukkhamulani etani sunnagarani . jhayatha bhikkhave ma pamadattha ma paccha vippatisarino ahuvattha . ayam vo amhakam anusasaniti. (yatha asankhatam vittharitam tatha vittharetabbam). Dutiyo vaggo samatto. Tassuddanam asankhatam anatam anasavam saccanca param nipunam sududdasam ajajjarantam 1- dhuvam apalokinam anidassanam nippapancasantam. Amatam panitanca sivanca khemam tanhakkhayo acchariyanca abbhutam anitikam anitikadhammam nibbanametam sugatena desitam. @Footnote: 1 Ma. ajajjaram. Abyapajjho virago ca suddhi mutti analayo dipam lenanca tananca sarananca parayananti. Asankhatasamyuttam samattam. ------ Abyakatasamyuttam [752] Ekam samayam bhagava savatthiyam viharati jetavane anathapindikassa arame . tena kho pana samayena khema bhikkhuni kosalesu carikam caramana antara ca savatthim antara ca saketam toranavatthusmim vasam upagata hoti . atha kho raja pasenadikosalo saketa savatthim gacchanto antara ca savatthim antara ca saketam 1- toranavatthusmim ekarattivasam upagacchati 2- . atha kho raja pasenadikosalo annataram purisam amantesi ehi tvam ambho purisa toranavatthusmim tatharupam samanam va brahmanam va jana yamaham ajja payirupaseyyanti . evam devati kho so puriso ranno pasenadikosalassa patissutva kevalakappam toranavatthum 3- ahindanto naddasa tatharupam samanam va brahmanam va yam raja pasenadikosalo payirupaseyya. [753] Addasa kho so puriso khemam bhikkhunim toranavatthusmim vasam upagatam disvana yena raja pasenadikosalo tenupasankami upasankamitva rajanam pasenadikosalam etadavoca natthi kho deva toranavatthusmim tatharupo samano va brahmano va yam devo payirupaseyya . atthi ca kho deva khema nama bhikkhuni tassa bhagavato savika arahato sammasambuddhassa . tassa kho pana @Footnote: 1 Ma. Yu. antara ca saketam antara ca savatthim. 2 Ma. Yu. upagacchi. @3 Yu. toranavatthusmim. Ayyaya evamkalyano kittisaddo abbhuggato pandita byatta medhavini bahussuta cittakathi 1- kalyanapatibhanati . Tam devo payirupasatuti. [754] Atha kho raja pasenadikosalo yena khema bhikkhuni tenupasankami upasankamitva khemam bhikkhunim abhivadetva ekamantam nisidi . ekamantam nisinno kho raja pasenadikosalo khemam bhikkhunim etadavoca kim nu kho ayye hoti tathagato param maranati . Abyakatam kho etam maharaja bhagavata hoti tathagato param maranati. Kim panayye na hoti tathagato param maranati . etampi kho maharaja abyakatam bhagavata na hoti tathagato param maranati . kim nu kho ayye hoti ca na ca hoti tathagato param maranati . Abyakatam kho etam maharaja bhagavata hoti ca na ca hoti tathagato param maranati . kim panayye neva hoti na na hoti tathagato param maranati . etampi kho maharaja abyakatam bhagavata neva hoti na na hoti tathagato param maranati. [755] Kim nu kho ayye hoti tathagato param maranati iti puttha samana abyakatam kho etam maharaja bhagavata hoti tathagato param maranati vadesi . kim panayye na hoti tathagato param maranati iti puttha samana etampi kho maharaja abyakatam bhagavata na hoti tathagato param maranati vadesi . kim nu kho ayye hoti @Footnote: 1 Ma. cittakatha. Ca na ca hoti tathagato param maranati iti puttha samana abyakatam kho etam maharaja bhagavata hoti ca na ca hoti tathagato param maranati vadesi . kim panayye neva hoti na na hoti tathagato param maranati iti puttha samana etampi kho maharaja abyakatam bhagavata neva hoti na na hoti tathagato param maranati vadesi . ko nu kho ayye hetu ko paccayo yenetam abyakatam bhagavatati. [756] Tenahi maharaja tannevettha patipucchissami yatha te khameyya tatha nam byakareyyasi . tam kim mannasi maharaja atthi te koci ganako va muddiko va sankhayako va yo pahoti gangaya valikam ganetum ettaka valika iti va ettakani valikasatani iti va ettakani valikasahassani iti va ettakani valikasatasahassani iti vati . no hetam ayye . atthi pana te koci ganako va muddiko va sankhayako va yo pahoti mahasamudde udakam ganetum ettakani udakalhakani iti va ettakani udakalhakasatani iti va ettakani udakalhakasahassani iti va ettakani udakalhakasatasahassani iti vati . no hetam ayye . tam kissa hetu . mahayye samuddo gambhiro appameyyo duppariyogahoti 1-. [757] Evameva kho maharaja yena rupena tathagatam @Footnote: 1 duppariyogalhoti va patho. Pannapayamano pannapeyya 1- tam rupam tathagatassa pahinam ucchinnamulam talavatthukatam anabhavangatam ayatim anuppadadhammam . Rupasankhya vimutto kho maharaja tathagato gambhiro appameyyo duppariyogaho seyyathapi maharaja 2- mahasamuddo . hoti tathagato param maranatipi na upeti na hoti tathagato param maranatipi na upeti hoti ca na ca hoti tathagato param maranatipi na upeti neva hoti na na hoti tathagato param maranatipi na upeti. {757.1} Yaya vedanaya tathagatam pannapayamano pannapeyya sa vedana tathagatassa pahina ucchinnamula talavatthukata anabhavangata ayatim anuppadadhamma . Vedanasankhya vimutto kho maharaja tathagato gambhiro appameyyo duppariyogaho seyyathapi maharaja mahasamuddo . Hoti tathagato param maranatipi na upeti na hoti tathagato param maranatipi na upeti hoti ca na ca hoti tathagato param maranatipi na upeti neva hoti na na hoti tathagato param maranatipi na upeti. {757.2} Yaya sannaya tathagatam .pe. yehi sankharehi tathagatam pannapayamano pannapeyya te sankhara tathagatassa pahina ucchinnamula talavatthukata anabhavangata ayatim anuppadadhamma . sankharasankhya vimutto kho maharaja tathagato gambhiro appameyyo duppariyogaho seyyathapi maharaja mahasamuddo . hoti tathagato param maranatipi na upeti na hoti tathagato param maranatipi na @Footnote: 1 Ma. Yu. pannapeyya. evamuparipi. 2 Ma. Yu. ayam patho natthi. evamuparipi. Upeti hoti ca na ca hoti tathagato param maranatipi na upeti neva hoti na na hoti tathagato param maranatipi na upeti . Yena vinnanena tathagatam pannapayamano pannapeyya tam vinnanam tathagatassa pahinam ucchinnamulam talavatthukatam anabhavangatam ayatim anuppadadhammam . vinnanasankhya vimutto kho maharaja tathagato gambhiro appameyyo duppariyogaho seyyathapi maharaja mahasamuddo . hoti tathagato param maranatipi na upeti na hoti tathagato param maranatipi na upeti hoti ca na ca hoti tathagato param maranatipi na upeti neva hoti na na hoti tathagato param maranatipi na upetiti . atha kho raja pasenadikosalo khemaya bhikkhuniya bhasitam abhinanditva anumoditva utthayasana khemam bhikkhunim abhivadetva padakkhinam katva pakkami. [758] Atha kho raja pasenadikosalo aparena samayena yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho raja pasenadikosalo bhagavantam etadavoca kim nu kho bhante hoti tathagato param maranati. Abyakatam kho etam maharaja maya hoti tathagato param maranati . Kim pana bhante na hoti tathagato param maranati . etampi kho maharaja abyakatam maya na hoti tathagato param maranati . Kim nu kho bhante hoti ca na ca hoti tathagato param Maranati . abyakatam kho etam maharaja maya hoti ca na ca hoti tathagato param manati . kim pana bhante neva hoti na na hoti tathagato param maranati . etampi kho maharaja abyakatam maya neva hoti na na hoti tathagato param maranati . Kim nu kho bhante hoti tathagato param maranati iti puttho samano abyakatam kho etam maharaja maya hoti tathagato param maranati vadesi .pe. kim pana bhante neva hoti na na hoti tathagato param maranati iti puttho samano etampi kho maharaja abyakatam maya neva hoti na na hoti tathagato param maranati vadesi . ko nu kho bhante hetu ko paccayo yenetam abyakatam bhagavatati. [759] Tenahi maharaja tannevettha patipucchissami yatha te khameyya tatha nam byakareyyasi . tam kim mannasi maharaja atthi te koci ganako va muddiko va sankhayako va yo pahoti gangaya valikam ganetum ettaka valika iti va .pe. Ettakani valikasatasahassani iti vati . no hetam bhante . Atthi pana te koci ganako va muddiko va sankhayako va yo pahoti mahasamudde udakam ganetum ettakani udakalhakani iti va .pe. ettakani udakalhakasatasahassani iti vati . No hetam bhante . tam kissa hetu . maha hi 1- bhante samuddo @Footnote: 1 Ma. Yu. hisaddo na dissati. Gambhiro appameyyo duppariyogahoti. [760] Evameva kho maharaja yena rupena tathagatam pannapayamano pannapeyya tam rupam tathagatassa pahinam ucchinnamulam talavatthukatam anabhavangatam ayatim anuppadadhammam . Rupasankhya vimutto kho maharaja tathagato gambhiro appameyyo duppariyogaho seyyathapi maharaja samuddo . hoti tathagato param maranatipi na upeti . na hoti tathagato param maranatipi na upeti hoti ca na ca hoti tathagato param maranatipi na upeti neva hoti na na hoti tathagato param maranatipi na upeti . Yaya vedanaya. Yaya sannaya. Yehi sankharehi. {760.1} Yena vinnanena tathagatam pannapayamano pannapeyya tam vinnanam tathagatassa pahinam ucchinnamulam talavatthukatam anabhavangatam ayatim anuppadadhammam . Vinnanasankhya vimutto kho maharaja tathagato gambhiro appameyyo duppariyogaho seyyathapi maharaja mahasamuddo . Hoti tathagato param maranatipi na upeti na hoti tathagato param maranatipi na upeti hoti ca na ca hoti tathagato param maranatipi na upeti neva hoti na na hoti tathagato param maranatipi na upetiti. [761] Acchariyam bhante abbhutam bhante yatra hi nama satthu ceva savikaya ca atthena attho byanjanena byanjanam Samsandissati samessati na vihayissati 1- yadidam aggapadasmim . Ekamidaham bhante samayam khemam bhikkhunim upasankamitva etamattham apucchim . sapi me ayya etehi padehi etehi byanjanehi etamattham byakasi seyyathapi bhagava . acchariyam bhante abbhutam bhante yatra hi nama satthu ceva savikaya ca atthena attho byanjanena byanjanam samsandissati samessati na vihayissati yadidam aggapadasmim . handadani mayam bhante gacchama bahukicca mayam bahukaraniyati . yassadani tvam maharaja kalam mannasiti . Atha kho raja pasenadikosalo bhagavato bhasitam abhinanditva anumoditva utthayasana bhagavantam abhivadetva padakkhinam katva pakkamiti. Pathamam. [762] Evamme sutam ekam samayam bhagava vesaliyam viharati mahavane kutagarasalayam . tena kho pana samayena ayasma anuradho bhagavato avidure arannakutikayam viharati . atha kho sambahula annatitthiya paribbajaka yenayasma anuradho tenupasankamimsu upasankamitva ayasmata anuradhena saddhim sammodimsu sammodaniyam katham saraniyam vitisaretva ekamantam nisidimsu . Ekamantam nisinna kho te annatitthiya paribbajaka ayasmantam anuradham etadavocum yo so avuso anuradha tathagato uttamapuriso paramapuriso paramapattipatto tam tathagato imesu catusu thanesu @Footnote: 1 Ma. Yu. na virodhayissati. evamuparipi. Pannapayamano pannapeti hoti tathagato param maranati va na hoti tathagato param maranati va hoti ca na ca hoti tathagato param maranati va neva hoti na na hoti tathagato param maranati vati . yo so avuso tathagato uttamapuriso paramapuriso paramapattipatto tam tathagato annatra imehi catuhi thanehi pannapayamano pannapeti hoti tathagato param maranati va na hoti tathagato param maranati va hoti ca na ca hoti tathagato param maranati va neva hoti na na hoti tathagato param maranati vati. [763] Evam vutte te annatitthiya paribbajaka ayasmantam anuradham etadavocum so cayam bhikkhu navo bhavissati acirapabbajito thero va pana balo abyattoti . atha kho te annatitthiya paribbajaka ayasmantam anuradham navavadena ca balavadena ca apasadetva utthayasana pakkamimsu. {763.1} Atha kho ayasmato anuradhassa acirapakkantesu annatitthiyesu paribbajakesu etadahosi sace kho mam te annatitthiya paribbajaka uttarim puccheyyum katham byakaramano nu khvaham tesam annatitthiyanam paribbajakanam vuttavadi ceva bhagavato assam na ca bhagavantam abhutena abbhacikkheyyam dhammassa canudhammam byakareyyam na ca koci sahadhammiko vadanupato garayham thanam agaccheyyati. [764] Atha kho ayasma anuradho yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma anuradho bhagavantam etadavoca idhaham bhante bhagavato avidure arannakutikayam viharami . atha kho bhante sambahula annatitthiya paribbajaka yenaham tenupasankamimsu upasankamitva maya saddhim sammodimsu sammodaniyam katham saraniyam vitisaretva ekamantam nisidimsu . ekamantam nisinna kho bhante te annatitthiya paribbajaka mam etadavocum yo so avuso anuradha tathagato uttamapuriso paramapuriso paramapattipatto tam tathagato imesu catusu thanesu pannapayamano pannapeti hoti tathagato param maranati va .pe. neva hoti na na hoti tathagato param maranati vati . evam vuttoham bhante te annatitthiye paribbajake etadavocam yo so avuso tathagato uttamapuriso paramapuriso paramapattipatto tam tathagato annatra imehi catuhi thanehi pannapayamano pannapeti hoti tathagato param maranati va .pe. neva hoti na na hoti tathagato param maranati vati . evam vutte bhante te annatitthiya paribbajaka mam etadavocum so cayam bhikkhu navo bhavissati acirapabbajito thero va pana balo abyattoti . atha kho mam bhante te annatitthiya paribbajaka navavadena ca balavadena Ca apasadetva utthayasana pakkamimsu . tassa mayham bhante acirapakkantesu tesu annatitthiyesu paribbajakesu etadahosi sace kho mam te annatitthiya paribbajaka uttarim puccheyyum katham byakaramano nu khvaham tesam annatitthiyanam paribbajakanam vuttavadi ceva bhagavato assam na ca bhagavantam abhutena abbhacikkheyyam dhammassa canudhammam byakareyyam na ca koci sahadhammiko vadanupato garayham thanam gaccheyyati. [765] Tam kim mannasi anuradha rupam niccam va aniccam vati. Aniccam bhante . yam pananiccam dukkham va tam sukham vati . Dukkham bhante . yam pananiccam dukkham viparinamadhammam kallam nu tam samanupassitum etam mama esohamasmi eso me attati . No hetam bhante . vedana nicca va anicca vati .pe. Sanna . sankhara . vinnanam niccam va aniccam vati . Aniccam bhante . yam pananiccam dukkham va tam sukham vati . dukkham bhante . yam pananiccam dukkham viparinamadhammam kallam nu tam samanupassitum etam mama esohamasmi eso me attati . No hetam bhante. [766] Tasmatiha anuradha yankinci rupam atitanagatapaccuppannam ajjhattam va bahiddha va olarikam va sukhumam va hinam va panitam va yam dure santike va sabbam rupam netam mama nesohamasmi Na meso attati . evametam yathabhutam sammappannaya datthabbam . ya kaci vedana atitanagatapaccuppanna . Ya kaci sanna . ye keci sankhara . yankinci vinnanam atitanagatapaccuppannam ajjhattam va bahiddha va olarikam va sukhumam va hinam va panitam va yam dure santike va sabbam vinnanam netam mama nesohamasmi na meso attati . evametam yathabhutam sammappannaya datthabbam . evam passam anuradha sutava ariyasavako rupasmimpi nibbindati vedanayapi nibbindati sannayapi nibbindati sankharesupi nibbindati vinnanasmimpi nibbindati nibbindam virajjati viraga vimuccati . vimuttasmim vimuttamiti nanam hoti . Khina jati vusitam brahmacariyam katam karaniyam naparam itthattayati pajanati. [767] Tam kim mannasi anuradha rupam tathagatoti samanupassasiti . No hetam bhante . vedanam tathagatoti samanupassasiti. No hetam bhante. Sannam tathagatoti samanupassasiti . no hetam bhante . sankhare tathagatoti samanupassasiti . no hetam bhante . vinnanam tathagatoti samanupassasiti. No hetam bhante. [768] Tam kim mannasi anuradha rupasmim tathagatoti samanupassasiti . no hetam bhante . annatra rupa tathagatoti samanupassasiti . no hetam bhante . vedanaya tathagatoti samanupassasiti . no hetam bhante . annatra vedanaya .pe. Sannaya .pe. annatra sannaya .pe. sankharesu .pe. Annatra sankharehi .pe. vinnanasmim tathagatoti samanupassasiti . No hetam bhante . annatra vinnana tathagatoti samanupassasiti . No hetam bhante. [769] Tam kim mannasi anuradha rupam vedanam sannam sankhare vinnanam tathagatoti samanupassasiti. No hetam bhante. [770] Tam kim mannasi anuradha yam so arupi avedano asanni asankharo avinnano tathagatoti samanupassasiti . no hetam bhante . ettha ca te anuradha ditthe va dhamme saccato 1- va tathato va anupalabbhiyamano kallam nu te tam veyyakaranam yo so avuso tathagato uttamapuriso paramapuriso paramapattipatto tam tathagato annatrimehi catuhi thanehi pannapayamano pannapeti hoti tathagato param maranati va .pe. neva hoti na na hoti tathagato param maranati vati . no hetam bhante . sadhu sadhu anuradha pubbe caham anuradha etarahi ca dukkhanceva pannapemi dukkhassa ca nirodhanti. Dutiyam. [771] Ekam samayam ayasma ca sariputto ayasma ca mahakotthito 2- baranasiyam viharanti isipatane migadaye . atha kho ayasma @Footnote: 1 Ma. saccato thetato tathagato anupalabbhiyamano . 2 Ma. Yu. mahakotthiko. @evamuparipi. Mahakotthito sayanhasamayam patisallana vutthito yenayasma sariputto tenupasankami upasankamitva ayasmata sariputtena saddhim sammodi sammodaniyam katham saraniyam vitisaretva ekamantam nisidi. {771.1} Ekamantam nisinno kho ayasma mahakotthito ayasmantam sariputtam etadavoca kim nu kho avuso sariputta hoti tathagato param maranati . abyakatam kho etam avuso bhagavata hoti tathagato param maranati . kim panavuso na hoti tathagato param maranati . etampi kho avuso abyakatam bhagavata na hoti tathagato param maranati . kim nu kho avuso hoti ca na ca hoti tathagato param maranati . abyakatam kho etam avuso bhagavata hoti ca na ca hoti tathagato param maranati . kim panavuso neva hoti na na hoti tathagato param maranati . etampi kho avuso abyakatam bhagavata neva hoti na na hoti tathagato param maranati. {771.2} Kim nu kho avuso hoti tathagato param maranati iti puttho samano abyakatam kho etam avuso bhagavata hoti tathagato param maranati vadesi .pe. kim panavuso neva hoti na na hoti tathagato param maranati iti puttho samano etampi kho avuso abyakatam bhagavata neva hoti na na hoti tathagato param maranati vadesi . ko nu kho avuso hetu ko paccayo yenetam 1- abyakatam bhagavatati. @Footnote: 1 Yu. yena tam. evamuparipi. [772] Hoti tathagato param maranati kho avuso rupagatametam. Na hoti tathagato param maranati rupagatametam . hoti ca na ca hoti tathagato param maranati rupagatametam . neva hoti na na hoti tathagato param maranati rupagatametam . hoti tathagato param maranati kho avuso vedanagatametam . na hoti tathagato param maranati vedanagatametam . hoti ca na ca hoti tathagato param maranati vedanagatametam . neva hoti na na hoti tathagato param maranati vedanagatametam . hoti tathagato param maranati kho avuso sannagatametam . na hoti tathagato param maranati sannagatametam . hoti ca na ca hoti tathagato param maranati sannagatametam . neva hoti na na hoti tathagato param maranati sannagatametam . hoti tathagato param maranati kho avuso sankharagatametam . na hoti tathagato param maranati sankharagatametam . Hoti ca na ca hoti tathagato param maranati sankharagatametam . Neva hoti na na hoti tathagato param maranati sankharagatametam . Hoti tathagato param maranati kho avuso vinnanagatametam . Na hoti tathagato param maranati vinnanagatametam . hoti ca na ca hoti tathagato param maranati vinnanagatametam . neva hoti na na hoti tathagato param maranati vinnanagatametam . ayam kho avuso hetu ayam paccayo yenetam abyakatam bhagavatati. Tatiyam. [773] Ekam samayam ayasma ca sariputto ayasma ca mahakotthito baranasiyam viharanti isipatane migadaye .pe. Sayeva puccha . ko nu kho avuso hetu ko paccayo yenetam abyakatam bhagavatati. [774] Rupam kho avuso ajanato apassato yathabhutam rupasamudayam ajanato apassato yathabhutam rupanirodham ajanato apassato yathabhutam rupanirodhagaminipatipadam ajanato apassato yathabhutam hoti tathagato param maranatipissa hoti . na hoti tathagato param maranatipissa hoti . hoti ca na ca hoti tathagato param maranatipissa hoti . neva hoti na na hoti tathagato param maranatipissa hoti . vedanam . sannam . sankhare . vinnanam ajanato apassato yathabhutam vinnanasamudayam ajanato apassato yathabhutam vinnananirodham ajanato apassato yathabhutam vinnananirodhagaminipatipadam ajanato apassato yathabhutam hoti tathagato param maranatipissa hoti . na hoti tathagato param maranatipissa hoti . hoti ca na ca hoti tathagato param maranatipissa hoti . neva hoti na na hoti tathagato param maranatipissa hoti. [775] Rupanca kho avuso janato passato yathabhutam rupasamudayam janato passato yathabhutam rupanirodham janato passato yathabhutam rupanirodhagaminipatipadam janato passato yathabhutam hoti tathagato Param maranatipissa na hoti .pe. neva hoti na na hoti tathagato param maranatipissa na hoti na vedanam . sannam . sankhare . Vinnanam janato passato yathabhutam vinnanasamudayam janato passato yathabhutam vinnananirodham janato passato yathabhutam vinnananirodhagaminipatipadam janato passato yathabhutam hoti tathagato param maranatipissa na hoti . na hoti tathagato param maranatipissa na hoti . hoti ca na ca hoti tathagato param maranatipissa na hoti . neva hoti na na hoti tathagato param maranatipissa na hoti . ayam kho avuso hetu ayam paccayo yenetam abyakatam bhagavatati. Catuttham. [776] Ekam samayam ayasma ca sariputto ayasma ca mahakotthito baranasiyam viharanti isipatane migadaye .pe. Sayeva puccha . ko nu kho avuso hetu ko paccayo yenetam abyakatam bhagavatati. [777] Rupe kho avuso avigataragassa avigatacchandassa avigatapemassa avigatapipasassa avigataparilahassa avigatatanhassa hoti tathagato param maranatipissa hoti .pe. neva hoti na na hoti tathagato param maranatipissa hoti . vedanaya . sannaya . Sankharesu . vinnane avigataragassa avigatacchandassa avigatapemassa avigatapipasassa avigataparilahassa avigatatanhassa hoti tathagato Param maranatipissa hoti .pe. neva hoti na na hoti tathagato param maranatipissa hoti. [778] Rupe ca kho avuso vigataragassa .pe. vedanaya. Sannaya . sankharesu . vinnane vigataragassa vigatacchandassa vigatapemassa vigatapipasassa vigataparilahassa vigatatanhassa hoti tathagato param maranatipissa na hoti .pe. neva hoti na na hoti tathagato param maranatipissa na hoti . ayam kho avuso hetu ayam paccayo yenetam abyakatam bhagavatati. Pancamam. [779] Ekam samayam ayasma ca sariputto ayasma ca mahakotthito baranasiyam viharanti isipatane migadaye . atha kho ayasma sariputto sayanhasamayam patisallana vutthito yenayasma mahakotthito tenupasankami upasankamitva ayasmata mahakotthitena saddhim sammodi sammodaniyam katham saraniyam vitisaretva ekamantam nisidi . ekamantam nisinno kho ayasma sariputto ayasmantam mahakotthitam etadavoca kim nu kho avuso mahakotthita hoti tathagato param maranati .pe. kim panavuso neva hoti na na hoti tathagato param maranati . iti puttho samano etampi kho avuso abyakatam bhagavata neva hoti na na hoti tathagato param maranati vadesi . ko nu kho avuso hetu ko paccayo yenetam abyakatam bhagavatati. [780] Ruparamassa kho avuso ruparatassa rupasammuditassa rupanirodham ajanato apassato yathabhutam hoti tathagato param maranatipissa hoti . na hoti tathagato param maranatipissa hoti . Hoti ca na ca hoti tathagato param maranatipissa hoti . Neva hoti na na hoti tathagato param maranatipissa hoti . vedanaramassa kho avuso vedanaratassa vedanasammuditassa vedananirodham ajanato apassato yathabhutam hoti tathagato param maranatipissa hoti .pe. Sannaramassa kho avuso . sankhararamassa kho avuso . Vinnanaramassa kho avuso vinnanaratassa vinnanasammuditassa vinnananirodham ajanato apassato yathabhutam hoti tathagato param maranatipissa hoti .pe. neva hoti na na hoti tathagato param maranatipissa hoti. [781] Na ruparamassa kho avuso na ruparatassa na rupasammuditassa rupanirodham janato passato yathabhutam hoti tathagato param maranatipissa na hoti .pe. Neva hoti na na hoti tathagato param maranatipissa na hoti. Na vedanaramassa kho avuso . na sannaramassa kho avuso . Na sankhararamassa kho avuso . na vinnanaramassa kho avuso na vinnanaratassa na vinnanasammuditassa vinnananirodham janato passato yathabhutam hoti tathagato param maranatipissa na hoti. Na hoti Tathagato .pe. neva hoti na na hoti tathagato param maranatipissa na hoti . ayampi 1- kho avuso hetu ayam paccayo yenetam abyakatam bhagavatati. [782] Siya panavuso annopi pariyayo yena pariyayenetam 2- abyakatam bhagavatati . siya avuso . bhavaramassa kho avuso bhavaratassa bhavasammuditassa bhavanirodham ajanato apassato yathabhutam hoti tathagato param maranatipissa hoti .pe. neva hoti na na hoti tathagato param maranatipissa hoti. [783] Na bhavaramassa kho avuso na bhavaratassa na bhavasammuditassa bhavanirodham janato passato yathabhutam hoti tathagato param maranatipissa na hoti .pe. neva hoti na na hoti tathagato param maranatipissa na hoti. Ayampi kho avuso pariyayo yenetam abyakatam bhagavatati. [784] Siya panavuso annopi pariyayo yenetam abyakatam bhagavatati . siya avuso . upadanaramassa kho avuso upadanaratassa upadanasammuditassa upadananirodham ajanato apassato yathabhutam hoti tathagato param maranatipissa hoti .pe. Neva hoti na na hoti tathagato param maranatipissa hoti. [785] Na upadanaramassa kho avuso na upadanaratassa na upadanasammuditassa upadananirodham janato passato yathabhutam @Footnote: 1 Ma. Yu. ayam kho. 2 Ma. yenetam. Yu. yena etam. Hoti tathagato param maranatipissa na hoti .pe. neva hoti na na hoti tathagato param maranatipissa na hoti . ayampi kho avuso pariyayo yenetam abyakatam bhagavatati. [786] Siya panavuso annopi pariyayo yenetam abyakatam bhagavatati . siya avuso . tanharamassa kho avuso tanharatassa tanhasammuditassa tanhanirodham ajanato apassato yathabhutam hoti tathagato param maranatipissa hoti .pe. neva hoti na na hoti tathagato param maranatipissa hoti. [787] Na tanharamassa kho avuso na tanharatassa na tanhasammuditassa tanhanirodham janato passato yathabhutam hoti tathagato param maranatipissa na hoti .pe. neva hoti na na hoti tathagato param maranatipissa na hoti . ayam kho avuso pariyayo yenetam abyakatam bhagavatati . siya panavuso annopi pariyayo yenetam abyakatam bhagavatati . etthadani avuso sariputta ito uttarim kim icchasi tanhasankhayavimuttassa avuso sariputta bhikkhuno vattam 1- natthi pannapanayati. Chattham. [788] Atha kho vacchagotto paribbajako yenayasma mahamoggallano tenupasankami upasankamitva ayasmata mahamoggallanena saddhim sammodi sammodaniyam katham saraniyam vitisaretva ekamantam nisidi . ekamantam nisinno kho vacchagotto paribbajako @Footnote: 1 Ma. Yu. vattam. Ayasmantam mahamoggallanam etadavoca kim nu kho bho moggallana sassato lokoti . abyakatam kho etam vaccha bhagavata sassato lokoti . kim panavuso bho moggallana asassato lokoti. Etampi kho vaccha abyakatam bhagavata asassato lokoti . kim nu kho bho moggallana antava lokoti . abyakatam kho etam vaccha bhagavata antava lokoti . kim pana bho moggallana anantava lokoti . Etampi kho vaccha abyakatam bhagavata anantava lokoti . kim nu kho bho moggallana tam jivam tam sariranti . abyakatam kho etam vaccha bhagavata tam jivam tam sariranti . kim pana bho moggallana annam jivam annam sariranti . etampi kho vaccha abyakatam bhagavata annam jivam annam sariranti . kim pana bho moggallana hoti tathagato param maranati . abyakatam kho etam vaccha bhagavata hoti tathagato param maranati . kim pana bho moggallana na hoti tathagato param maranati . etampi kho vaccha abyakatam bhagavata na hoti tathagato param maranati . kim nu kho bho moggallana hoti ca na ca hoti tathagato param maranati . Abyakatam kho etam vaccha bhagavata hoti ca na ca hoti tathagato param maranati . kim pana bho moggallana neva hoti na na hoti tathagato param maranati . etampi kho vaccha abyakatam bhagavata neva hoti na na hoti tathagato param maranati. [789] Ko nu kho bho moggallana hetu ko paccayo yena annatitthiyanam paribbajakanam evam putthanam evam veyyakaranam hoti sassato lokoti va asassato lokoti va antava lokoti va anantava lokoti va tam jivam tam sariranti va annam jivam annam sariranti va hoti tathagato param maranati va na hoti tathagato param maranati va hoti ca na ca hoti tathagato param maranati va neva hoti na na hoti tathagato param maranati va . Ko pana bho moggallana hetu ko paccayo yena samanassa gotamassa evam putthassa na evam veyyakaranam hoti sassato lokotipi asassato lokotipi antava lokotipi anantava lokotipi tam jivam tam sarirantipi annam jivam annam sarirantipi hoti tathagato param maranatipi na hoti tathagato param maranatipi hoti ca na ca hoti tathagato param maranatipi neva hoti na na hoti tathagato param maranatipiti. [790] Annatitthiya ca 1- kho vaccha paribbajaka cakkhum etam mama esohamasmi eso me attati samanupassanti .pe. jivham etam mama esohamasmi eso me attati samanupassanti .pe. Manam etam mama esohamasmi eso me attati samanupassanti . Tasma annatitthiyanam paribbajakanam evam putthanam evam veyyakaranam hoti sassato lokoti va .pe. neva hoti na na hoti tathagato param maranati va . tathagato ca kho vaccha araham sammasambuddho @Footnote: 1 Ma. casaddo natthi. Cakkhum netam mama nesohamasmi na meso attati samanupassati .pe. Jivham netam mama nesohamasmi na meso attati samanupassati .pe. Manam netam mama nesohamasmi na meso attati samanupassati . Tasma tathagatassa evam putthassa na evam veyyakaranam hoti sassato lokotipi .pe. Neva hoti na na hoti tathagato param maranatipiti. [791] Atha kho vacchagotto paribbajako utthayasana yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi . ekamantam nisinno kho vacchagotto paribbajako bhagavantam etadavoca kim nu kho bho gotama sassato lokoti . abyakatam kho etam vaccha maya sassato lokoti .pe. kim pana bho gotama neva hoti na na hoti tathagato param maranati . etampi kho vaccha abyakatam maya neva hoti na na hoti tathagato param maranati . ko nu kho bho gotama hetu ko paccayo yena annatitthiyanam paribbajakanam evam putthanam evam veyyakaranam hoti sassato lokoti va .pe. neva hoti na na hoti tathagato param maranati va . ko pana bho gotama hetu ko paccayo yena bhoto gotamassa evam putthassa na evam veyyakaranam hoti sassato lokotipi .pe. neva hoti na na hoti tathagato param maranatipiti. [792] Annatitthiya kho vaccha paribbajaka cakkhum etam mama Esohamasmi eso me attati samanupassanti .pe. jivham etam mama esohamasmi eso me attati samanupassanti .pe. manam etam mama esohamasmi eso me attati samanupassanti . tasma annatitthiyanam paribbajakanam evam putthanam evam veyyakaranam hoti sassato lokoti va .pe. neva hoti na na hoti tathagato param maranati va . tathagato ca kho vaccha araham sammasambuddho cakkhum netam mama nesohamasmi na meso attati samanupassati .pe. Jivham netam mama nesohamasmi na meso attati samanupassati .pe. Manam netam mama nesohamasmi na meso attati samanupassati . Tasma tathagatassa evam putthassa na evam veyyakaranam hoti sassato lokotipi asassato lokotipi antava lokotipi anantava lokotipi tam jivam tam sarirantipi annam jivam annam sarirantipi hoti tathagato param maranatipi na hoti tathagato param maranatipi hoti ca na ca hoti tathagato param maranatipi neva hoti na na hoti tathagato param maranatipiti. [793] Acchariyam bho gotama abbhutam bho gotama yatra hi nama satthu ca savakassa ca atthena attho byanjanena byanjanam samsandissati samessati na vihayissati 1- yadidam aggapadasmim . idanaham bho gotama samanam mahamoggallanam upasankamitva etamattham apucchim samanopi me mahamoggallano etehi padehi etehi @Footnote: 1 Ma. na virodhayissati. Byanjanehi etamattham 1- byakasi seyyathapi bhavam gotamo . Acchariyam bho gotama abbhutam bho gotama yatra hi nama satthu ca savakassa ca atthena attho byanjanena byanjanam samsandissati samessati na vihayissati yadidam aggapadasminti. Sattamam. [794] Atha kho vacchagotto paribbajako yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi . ekamantam nisinno kho vacchagotto paribbajako bhagavantam etadavoca kim nu kho bho gotama sassato lokoti . abyakatam kho etam vaccha maya sassato lokoti .pe. kim pana bho gotama neva hoti na na hoti tathagato param maranati . etampi kho vaccha abyakatam maya neva hoti na na hoti tathagato param maranati . ko nu kho bho gotama hetu ko paccayo yena annatitthiyanam paribbajakanam evam putthanam evam veyyakaranam hoti sassato lokoti va .pe. Neva hoti na na hoti tathagato param maranati va . ko pana bho gotama hetu ko paccayo yena bhoto gotamassa evam putthassa na evam veyyakaranam hoti sassato lokotipi .pe. Neva hoti na na hoti tathagato param maranatipiti. [795] Annatitthiya kho vaccha paribbajaka rupam attato samanupassanti rupavantam va attanam attani va rupam rupasmim va @Footnote: 1 Ma. tamattham. Attanam . vedanam attato samanupassanti .pe. sannam sankhare vinnanam attato samanupassanti vinnanavantam va attanam attani va vinnanam vinnanasmim va attanam . tasma annatitthiyanam paribbajakanam evam putthanam evam veyyakaranam hoti sassato lokoti va .pe. neva hoti na na hoti tathagato param maranati va . tathagato ca kho vaccha araham sammasambuddho na rupam attato samanupassati na rupavantam va attanam na attani va rupam na rupasmim va attanam na vedanam attato samanupassati .pe. Na sannam . na sankhare . na vinnanam attato samanupassati na vinnanavantam va attanam na attani va vinnanam na vinnanasmim va attanam . tasma tathagatassa evam putthassa na evam veyyakaranam hoti sassato lokotipi .pe. neva hoti na na hoti tathagato param maranatipiti. [796] Atha kho vacchagotto paribbajako utthayasana yenayasma mahamoggallano tenupasankami upasankamitva ayasmata mahamoggallanena saddhim sammodi sammodaniyam katham saraniyam vitisaretva ekamantam nisidi . ekamantam nisinno kho vacchagotto paribbajako ayasmantam mahamoggallanam etadavoca kim nu kho bho moggallana sassato lokoti . abyakatam kho etam vaccha bhagavata sassato lokoti .pe. kim pana bho moggallana Neva hoti na na hoti tathagato param maranati . etampi kho vaccha abyakatam bhagavata neva hoti na na hoti tathagato param maranati . ko nu kho bho moggallana hetu ko paccayo yena annatitthiyanam paribbajakanam evam putthanam evam veyyakaranam hoti sassato lokoti va .pe. neva hoti na na hoti tathagato param maranati va . ko pana bho moggallana hetu ko paccayo yena samanassa gotamassa evam putthassa na evam veyyakaranam hoti sassato lokotipi .pe. Neva hoti na na hoti tathagato param maranatipiti. [797] Annatitthiya kho vaccha paribbajaka rupam attato samanupassanti rupavantam va attanam attani va rupam rupasmim va attanam . vedanam attato samanupassanti .pe. sannam . sankhare. Vinnanam attato samanupassanti vinnanavantam va attanam attani va vinnanam vinnanasmim va attanam . tasma annatitthiyanam paribbajakanam evam putthanam evam veyyakaranam hoti sassato lokoti va .pe. neva hoti na na hoti tathagato param maranati va . tathagato ca kho vaccha araham sammasambuddho na rupam attato samanupassati na rupavantam va attanam na attani va rupam na rupasmim va attanam . na vedanam attato samanupassati .pe. Na sannam . na sankhare . na vinnanam attato samanupassati na Vinnanavantam va attanam na attani va vinnanam na vinnanasmim va attanam . tasma tathagatassa evam putthassa na evam veyyakaranam hoti sassato lokotipi asassato lokotipi antava lokotipi anantava lokotipi tam jivam tam sarirantipi annam jivam annam sarirantipi hoti tathagato param maranatipi na hoti tathagato param maranatipi hoti ca na ca hoti tathagato param maranatipi neva hoti na na hoti tathagato param maranatipiti. [798] Acchariyam bho moggallana abbhutam bho moggallana yattha hi nama satthu ceva savakassa ca atthena attho byanjanena byanjanam samsandissati samessati na vihayissati yadidam aggapadasmim . Idanaham bho moggallana samanam gotamam upasankamitva etamattham apucchim samanopi me gotamo etehi padehi etehi byanjanehi etamattham byakasi seyyathapi bhavam moggallano . acchariyam bho moggallana abbhutam bho moggallana yattha hi nama satthu ceva savakassa ca atthena attho byanjanena byanjanam samsandissati samessati na vihayissati yadidam aggapadasminti. Atthamam. [799] Atha kho vacchagotto paribbajako yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi . ekamantam nisinno kho vacchagotto paribbajako bhagavantam etadavoca purimani bho Gotama divasani purimatarani sambahulanam annatitthiyanam 1- samanabrahmanaparibbajakanam kutuhalasalayam sannisinnanam sannipatitanam ayamantarakatha udapadi ayam kho purano kassapo sanghi ceva gani ca ganacariyo ca nato yasassi titthakaro sadhusammato bahujanassa so 2- savakam abbhatitam kalakatam upapattisu byakaroti asu amutra upapanno asu amutra upapannoti . yopissa savako uttamapuriso paramapuriso paramapattipatto tampi savakam abbhatitam kalakatam upapattisu byakaroti asu amutra upapanno asu amutra upapannoti. {799.1} Ayampi kho makkhali gosalo . ayampi kho nigantho nataputto . ayampi kho sanjayo 3- velatthaputto . ayampi kho pakudho kaccano 4- . ayampi kho ajito kesakambalo sanghi ceva gani ca ganacariyo ca nato yasassi titthakaro sadhusammato bahujanassa sopi savakam abbhatitam kalakatam uppattisu byakaroti asu amutra upapanno asu amutra upapannoti . yopissa savako uttamapuriso paramapuriso paramapattipatto tampi savakam abbhatitam kalakatam upapattisu byakaroti asu amutra upapanno asu amutra upapannoti. {799.2} Ayampi kho samano gotamo sanghi ceva gani ca ganacariyo ca nato yasassi titthakaro sadhusammato bahujanassa sopi savakam abbhatitam kalakatam upapattisu byakaroti asu amutra upapanno asu @Footnote: 1 Ma. Yu. nanatitthiyanam. 2 Ma. Yu. sopi . 3 Ma. sancayo . 4 Yu. pakuddho @kaccayano. Amutra upapannoti . yo ca khvassa 1- savako uttamapuriso .pe. Asu amutra upapanno asu amutra upapannoti . apica kho nam evam byakaroti acchejji tanham vivattayi sannojanam sammamanabhisamaya antamakasi dukkhassati . tassa mayham bho gotama ahudeva kankha ahu vicikiccha kathanhi 2- nama samanassa gotamassa dhammo abhinneyyoti 3-. [800] Alanhi te vaccha kankhitum alam vicikicchitum kankhaniye ca pana te thane vicikiccha uppanna . saupadanassa khvaham vaccha upapattim pannapemi no anupadanassa . seyyathapi vaccha aggi saupadano jalati no anupadano evameva khvaham vaccha saupadanassa upapattim pannapemi no anupadanassati . Yasmim bho gotama samaye acci vatena khitta durampi gacchati imissa pana bhavam gotamo kim upadanasmim pannapetiti . yasmim kho vaccha samaye acci vatena khitta duram gacchati tamaham vatupadanam pannapemi vato hissa vaccha tasmim samaye upadanam hotiti . Yasmim 4- bho gotama samaye imanca kayam nikkhipati satto ca annataram kayam anupapanno hoti . imassa pana bhavam gotamo kim upadanasmim pannapetiti . yasmim kho vaccha samaye imanca kayam nikkhipati satto ca annataram kayam anupapanno hoti tamaham tanhupadanam vadami tanha hissa vaccha tasmim samaye upadanam hotiti. Navamam. @Footnote: 1 Ma. yo pissa savako . 2 Ma. katham nama . 3 Yu. dhammabhinneyyati. @4 Ma. yasmim ca pana bho .... Yu. yasmim pana bho. [801] Atha kho vacchagotto paribbajako yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi . ekamantam nisinno kho vacchagotto paribbajako bhagavantam etadavoca kim nu kho bho gotama atthattati . evam vutte bhagava tunhi ahosi . kim pana bho gotama natthattati . dutiyampi kho bhagava tunhi ahosi . Atha kho vacchagotto paribbajako utthayasana pakkami. [802] Atha kho ayasma anando acirapakkante vacchagotte paribbajake bhagavantam etadavoca kim nu kho bhante bhagava vacchagottassa paribbajakassa panham puttho na byakasiti . Ahancananda vacchagottassa paribbajakassa atthattati puttho samano atthattati byakareyyam . ye te ananda samanabrahmana sassatavada tesametam saddhim abhavissa . Ahancananda vacchagottassa paribbajakassa natthattati puttho samano natthattati byakareyyam . ye te ananda samanabrahmana ucchedavada tesametam saddhim abhavissa . Ahancananda vacchagottassa paribbajakassa atthattati puttho samano atthattati byakareyyam . api nu metam ananda anulomam abhavissa nanassa uppadaya sabbe dhamma anattati . no hetam bhante . ahancananda vacchagottassa paribbajakassa natthattati puttho samano natthattati Byakareyyam . sammulhassa ananda vacchagottassa paribbajakassa bhiyyosammohaya abhavissa ahu va me nuna pubbe atta so etarahi natthiti. Dasamam. [803] Ekam samayam ayasma sabhiyo kaccano natike viharati ginjakavasathe . atha kho vacchagotto paribbajako yenayasma sabhiyo kaccano tenupasankami upasankamitva ayasmata sabhiyena kaccanena saddhim sammodi sammodaniyam katham saraniyam vitisaretva ekamantam nisidi . ekamantam nisinno kho vacchagotto paribbajako ayasmantam sabhiyam kaccanam etadavoca kim nu kho bho kaccana hoti tathagato param maranati . abyakatam kho etam vaccha bhagavata hoti tathagato param maranati . kim pana ko kaccana na hoti tathagato param maranati . etampi kho vaccha abyakatam bhagavata na hoti tathagato param maranati . Kim nu kho bho kaccana hoti ca na ca hoti tathagato param maranati . abyakatam kho etam vaccha bhagavata hoti ca na ca hoti tathagato param maranati . kim pana bho kaccana neva hoti na na hoti tathagato param maranati . etampi kho vaccha abyakatam bhagavata neva hoti na na hoti tathagato param maranati . kim nu kho bho kaccana hoti tathagato param maranati iti puttho samano abyakatam kho etam vaccha bhagavata hoti tathagato param maranati Vadesi . kim pana bho kaccana na hoti tathagato param maranati iti puttho samano abyakatam kho etam vaccha bhagavata na hoti tathagato param maranati vadesi . kim nu kho bho kaccana hoti ca na ca hoti tathagato param maranati iti puttho samano abyakatam kho etam vaccha bhagavata hoti ca na ca hoti tathagato param maranati vadesi . kim pana bho kaccana neva hoti na na hoti tathagato param maranati iti puttho samano etampi kho vaccha abyakatam bhagavata neva hoti na na hoti tathagato param maranati vadesi . ko nu kho bho kaccana hetu ko paccayo yenetam abyakatam samanena gotamenati . yo ca vaccha hetu yo ca paccayo pannapanaya rupiti va arupiti va sanniti va asanniti va nevasanninasanniti va so ca hetu so ca paccayo sabbena sabbam sabbatha sabbam aparisesam nirujjheyya . Kena nam pannapayamano pannapeyya rupiti va arupiti va sanniti va asanniti va nevasanninasanniti vati . kivaciram pabbajitosi bho kaccanati . na ciram avuso tini vassaniti . Yassapassa avuso ettakena 1- ettakameva tampassa bahu ko pana vado evam 2- abhikkanteti. Ekadasamam. Abyakatasamyuttam samattam. @Footnote: 1 Ma. Yu. etamettakena. 2 Yu. eva. Tassuddanam khema theri anuradho sariputtati 1- kotthito moggallano ca vaccho ca kutuhalasalanando sabhiyo ekadasamanti. Salayatanavaggasamyuttam samattam 2-. Tassuddanam salayatanavedana matugamo jambukhadako samandako moggallano citto gamanyasankhatam 3- abyakatanti dasa cati 4-. ----------- @Footnote: 1 Ma. Yu. sariputtoti. 2 Ma. salayatanavaggo catuttho. 3 Ma. Yu. gamani @sankhatam . 4 Ma. Yu. dasadhati.The Pali Tipitaka in Roman Character Volume 18 page 451-489. https://84000.org/tipitaka/read/roman_item.php?book=18&item=737&items=67 Classified by [Item Number] :- http://84000.org/tipitaka/read/roman_item.php?book=18&item=737&items=67&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=18&item=737&items=67 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=737&items=67 Study Atthakatha :- https://84000.org/tipitaka/attha/attha.php?b=18&i=737 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]