บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā
[471] |471.338| 5 Daharāhaṃ suddhavasanā yaṃ pure dhammamassuṇiṃ tassā me appamattāya saccābhisamayo ahu. |471.339| Tatohaṃ sabbakāmesu bhusaṃ aratimajjhagaṃ sakkāyasmiṃ bhayaṃ disvā nekkhammasseva 2- pihaye. @Footnote: 1 Ma. kalyāṇī . 2 Yu. nekkhammaṃyeva. |471.340| Hitvānāhaṃ ñātigaṇaṃ dāsakammakarāni ca gāmakhettāni phītāni ramaṇīye pamodite |471.341| pahāyāhaṃ pabbajitā sāpateyyaṃ anappakaṃ. Evaṃ saddhāya nikkhamma saddhamme suppavedite |471.342| na me 1- taṃ assa paṭirūpaṃ ākiñcaññaṃ hi patthaye yā 2- jātarūparajataṃ ṭhapetvā 3- punarāgame. |471.343| Rajataṃ jātarūpaṃ vā natthetassapi santiyā 4- na etaṃ samaṇasāruppaṃ na etaṃ ariyadhanaṃ. |471.344| Lobhanaṃ madanaṃ cetaṃ samohanaṃ 5- rajabandhanaṃ 6- sāsaṅkaṃ bahuāyāsaṃ natthi cettha dhuvaṃ ṭhiti. |471.345| Ettāvatā 7- pamattā ca saṅkiliṭṭhamanā narā aññamaññena byāruddhā puthu kubbanti medhagaṃ. |471.346| Vadho bandho parikleso jāni sokapariddavo kāmesu adhipannānaṃ dissate byasanaṃ bahuṃ. |471.347| Taṃ maṃñātī amittāva kiṃ maṃ 8- kāmesu yuñjatha jānātha maṃ pabbajitaṃ kāmesu bhayadassiniṃ. |471.348| Na hiraññasuvaṇṇena parikkhīyanti āsavā amittā vadhakā kāmā sapattā sallabandhanā. @Footnote: 1 Ma. netaṃ assa . 2 Ma. yo. 3 Ma. chaḍḍetvā . 4 Ma. Yu. na bodhāya @na santaye . 5 Yu. mohanaṃ . 6 Yu. rajavaḍḍhanaṃ . 7 Yu. ettha rattā. @8 Ma. kiṃ vo. |471.349| Taṃ maṃ ñātī amittāva kiṃ maṃ kāmesu yuñjatha jānātha maṃ pabbajitaṃ muṇḍaṃ saṅghāṭipārutaṃ. |471.350| Uttiṭṭhapiṇḍo uñcho ca paṃsukūlañca cīvaraṃ etaṃ kho mama sāruppaṃ anagārūpanissayo. |471.351| Vantā mahesīhi 1- kāmā ye dibbā ye ca mānusā khemaṭṭhāne vimuttā te pattā te acalaṃ sukhaṃ. |471.352| Māhaṃ kāmehi saṅgacchiṃ yesu tāṇaṃ na vijjati amittā vadhakā kāmā aggikhandhūpamā dukhā. |471.353| Aparisuddho 2- eso sabhayo savighāto sakaṇṭako gedho suvisamo ceso mahanto mohanāmukho. |471.354| Upasaggo bhīmarūpo ca kāmā sappasirūpamā ye bālā abhinandanti andhabhūtā puthujjanā. |471.355| Kāmasaṃsaggasattā 3- hi janā bahū loke avindiṃsu 4- pariyantaṃ nābhijānanti jātiyā maraṇassa ca. |471.356| Duggatigamanaṃ maggaṃ manussā kāmahetukaṃ bahuṃ ve paṭipajjanti attano rogamāvahaṃ. |471.357| Evaṃ amittajananā tāpanā saṅkilesikā lokāmisā bandhanīyā kāmā maraṇabandhanā. @Footnote: 1 Yu. mahesinā. 2 Yu. paripantho . 3 Ma. Yu. kāmapaṅkena sattā. @4 Ma. Yu. aviddasū. |471.358| Ummādanā ullapanā kāmā cittappamādino 1- sattānaṃ saṅkilesāya khippaṃ mārena oḍḍitaṃ. |471.359| Anantādīnavā kāmā bahudukkhā mahāvisā appassādā raṇakarā sukkapakkhavisosanā. |471.360| Sāhaṃ etādisaṃ hitvā 2- byasanaṃ kāmahetukaṃ na taṃ paccāgamissāmi nibbānābhiratā sadā. |471.361| Raṇaṃ karitvā kāmānaṃ sītibhāvābhikaṅkhinī appamattā viharissāmi 3- ratā 4- saṃyojanakkhaye. |471.362| Asokaṃ virajaṃ khemaṃ ariyaṭṭhaṅgikaṃ ujuṃ taṃ maggaṃ anugacchāmi yena tiṇṇā mahesino. |471.363| Imaṃ passatha dhammaṭṭhaṃ subhaṃ kammāradhītaraṃ anejaṃ upasampajja rukkhamūlamhi jhāyati. |471.364| Ajjaṭṭhamī pabbajitā saddhā saddhammasobhaṇā vinītā uppalavaṇṇāya tevijjā maccuhāyinī. |471.365| Sāyaṃ bhujissā anaṇā bhikkhunī bhāvitindriyā sabbayogavisaṃyuttā katakiccā anāsavā. |471.366| Taṃ sakko devasaṅghena upasaṅgamma iddhiyā namassati bhūtapati subhaṃ kammāradhītaranti. Subhā kammāradhītā. Vīsatinipāto samatto. ---------------- @Footnote: 1 Ma. pamaddino. Yu. pamāthino. 2 Ma. Yu. katvā. 3 Ma. vihassāmi. @Yu. vihissāmi . 4 Ma. sabbasaṃyojanakkhaye . 5 Yu. tesaṃ. Therīgāthāya tiṃsanipāto [472] |472.367| 1 Jīvakambavanaṃ rammaṃ gacchantiṃ bhikkhuniṃ subhaṃ dhuttako sannivāresi tamenaṃ abravī subhā. |472.368| Kiṃ te aparādhitaṃ mayā yaṃ maṃ ovadiyānutiṭṭhasi 1- na hi pabbajitāya āvuso puriso samphusanāya kappati. |472.369| Garuke mama satthu sāsane yā sikkhā sugatena desitā parisuddhapadaṃ anaṅgaṇaṃ kiṃ maṃ ovadiyānutiṭṭhasi 1-. |472.370| Āvilacitto anāvilaṃ sarajo vītarajaṃ anaṅgaṇaṃ sabbattha vimuttamānasaṃ kiṃ maṃ ovadiyānutiṭṭhasi 1-. |472.371| Daharā ca apāpikā cāsi kinte pabbajjā karissati nikkhipa kāsāyacīvaraṃ ehi ramāmase 2- supupphite vane. |472.372| Madhurañca pavanti sabbaso kusumarajena samuṭṭhitā dumā paṭhamavasanto sukho utu ehi ramāmase 2- supupphite vane. |472.373| Kusumitasikharā ca pādapā abhigajjantiva māluteritā kā tuyhaṃ rati bhavissati yadi ekā vanamogāhissasi. |472.374| Vāḷamigasaṅghasevitaṃ kuñjaramattakareṇuloḷitaṃ asahāyikā gantumicchasi rahitaṃ bhīsanakaṃ mahāvanaṃ. |472.375| Tapanīyakatāva dhītikā vicarasi cittaratheva 3- accharā @Footnote: 1 Ma. Yu. ovariyāna tiṭṭhasi. 2 Ma. ramāma. 3 Ma. cittalateva. Kāsikasukhumehi vagguhi sobhasi nivasanehinopame. |472.376| Ahaṃ tava vasānugo siyaṃ yadi viharemase kānanantare na hi matthi tayā piyataro pāṇo kinnarimandalocane. |472.377| Yadi me vacanaṃ karissasi sukhitā ehi agāramāvasa pāsādanivātavāsinī parikammante karontu nāriyo. |472.378| Kāsikasukhumāni dhārassu 1- abhiropehi ca mālavaṇṇakaṃ kañcanamaṇimuttakaṃ bahuṃ vividhaṃ ābharaṇaṃ karomi te. |472.379| Sudhotarajapacchadaṃ subhaṃ goṇakatūlikasanthataṃ navaṃ abhirūhi sayanaṃ mahārahaṃ candanamaṇḍitaṃ sāragandhikaṃ. |472.380| Uppalaṃ ca udakato 2- ubbhataṃ yathā yaṃ amanussasevitaṃ evaṃ tuvaṃ brahmacārini sakesu aṅgesu jaraṃ gamissasi. |472.381| Kinte idha sārasammataṃ kuṇapapūramhi susānavaḍḍhane bhedanadhamme kaḷevare yaṃ disvā vimano udikkhasi. |472.382| Akkhīni ca turiyāriva kinnariyāriva pabbatantare tava me nayanāni dakkhiya bhiyyo kāmarati pavaḍḍhati. |472.383| Uppalasikharopamāni te vimale hāṭakasannibhe mukhe tava me nayanāni dakkhiya bhiyyo kāmaguṇo pavaḍḍhati. |472.384| Api dūragatā saremhase āyatapamhe visuddhadassane @Footnote: 1 Ma. dhāraya. 2 Ma. uppalaṃ cudakā samuggataṃ yathātaṃ. Na hi matthi tayā piyatarā nayanā kinnarimandalocane. |472.385| Apathena payātumicchasi candaṃ kīḷanakaṃ gavesasi sineruṃ 1- laṅghetumicchasi yo tvaṃ buddhasutaṃ patthesi 2-. |472.386| Natthi hi loke sadevake rāgo yatthapi dāni me siyā napi naṃ jānāmi kīriso atha maggena hato samūlako. |472.387| Iṅghāḷakhuyāva ujjhito visapattoriva aggato 3- kato napi naṃ passāmi kīriso atha maggena hato samūlako. |472.388| Yassā siyā apaccavekkhitaṃ satthā vā anusāsito siyā tvaṃ tādisikaṃ palobhaya jānantiṃ so imaṃ vihaññasi. |472.389| Mayhaṃ hi akkuṭṭhavandite sukhadukkhe ca sati upaṭṭhitā saṅkhatamasubhanti jāniya sabbattheva mano na limpati. |472.390| Sāhaṃ sugatassa sāvikā maggaṭṭhaṅgikayānayāyinī uddhaṭasallā anāsavā suññāgāragatā ramāmihaṃ. |472.391| Diṭṭhā hi mayā sucittitā sombhā dārukacillakāni vā tantīhi ca khīlakehi ca vinibaddhā vividhaṃ panaccitā. |472.392| Tamhuddhaṭe tantikhīlake vissaṭṭhe vikale paripakkate avinde khaṇḍaso kate kimhi tattha manaṃ nivesaye. |472.393| Tathūpamaṃ dehakāni maṃ tehi dhammehi vinā na vattanti @Footnote: 1 Ma. Yu. meruṃ. 2 Yu. maggayasi. 3 Ma. aggito. Dhammehi vinā na vattanti kimhi tattha manaṃ nivesaye. |472.394| Yathā haritālena makkhitaṃ addasa cittikaṃ bhittiyā kataṃ tamhi te viparītadassanaṃ paññā 1- mānusikā niratthikā. |472.395| Māyaṃ viya aggato kataṃ supinanteva suvaṇṇapādapaṃ upadhāvasi andha rittakaṃ janamajjheriva rupparūpakaṃ. |472.396| Vaṭṭaniriva koṭarohitā majjhe bubbuḷakā saassukā pīḷakoḷikā cettha jāyati vividhā cakkhuvidhā va 2- maṇḍitā. |472.397| Upādiya 3- cārudassanā na ca pajjittha alaggamānasā 4- handa te cakkhuṃ harassu taṃ tassa narassa adāsi tāvade. |472.398| Tassa ca viramāsi tāvade rāgo tattha khamāpayi ca naṃ sotthi siyā brahmacārini na puno edisakaṃ bhavissata. |472.399| Āhaniya 5- edisaṃ janaṃ aggiṃ pajjalitaṃva liṅgiya gaṇhissaṃ āsīvisaṃ 6- viya api nu sotthi siyā khamehi no. |472.400| Muttā ca tato sā bhikkhunī agami buddhavarassa santikaṃ passiya varapuññalakkhaṇaṃ cakkhu āsi yathāpurāṇakanti. Subhā jīvakambavanikā. Tiṃsanipāto samatto. ------------ @Footnote: 1 Po. Ma. saññā mānusikā. 2 Ma. Yu. ca piṇḍitā. 3 Ma. Yu. uppāṭiya. @4 Ma. Yu. asaṅgamānasā. 5 Ma. āsādiya. 6 Ma. gaṇhiya āsīvisaṃ. Therīgāthāya cattāḷīsanipāto [473] |473.401| 1 Nagaramhi kusumanāme pāṭaliputtamhi paṭhaviyā maṇḍe sakyakulakulīnāyo dve bhikkhuniyo guṇavatiyo. |473.402| Isidāsī tattha ekā dutiyā bodhīti sīlasampannā ca jhānajjhāyanaratāyo bahussutāyo dhutakilesāyo. |473.403| Tā piṇḍāya caritvāna 1- bhattatthaṃ kariya dhotāpattāyo rahitamhi sukhanisinnā imā girā abbhavadesuṃ 2-. |473.404| Pāsādikāsi ayye isidāsi vayopi te aparihīno kiṃ disvāna valikaṃ 3- athāsi nekkhammamanuyuttā. |473.405| Evamanuyuñjiyamānā sā rahite dhammadesanākusalā isidāsī idaṃ vacanamabravi 4- suṇa bodhi yathāmhi pabbajitā. Ito paraṃ visajjanakathā 5- |473.406| ujjeniyā puravare mayhaṃ pitā sīlasaṃvuto seṭṭhī tassamhi ekā dhītā 6- piyā manāpā dayitā ca. |473.407| Atha me sāketato varako āgacchi uttamakulīno seṭṭhī pahūtaratano tassa maṃ suṇhaṃ adāsi tāto. |473.408| Sassuyā sassurassa ca sāyaṃ pātaṃ paṇāmamupagamma sirasā karomi pāde vandāmi yathāmhi anusiṭṭhā. @Footnote: 1 Ma. Yu. caritvā. 2 Ma. Yu. abbhudīresuṃ. 3 Ma. byālikaṃ. 4 Po. Ma. isidāsī @vacanamabravi. 5 Yu. idaṃ pāṭhattayaṃ na dissati. 6 Ma. ekadhītā. |473.409| Yā mayhaṃ sāmikassa bhaginiyo bhātuno parijano vā 1- taṃ ekavārakaṃpi disvā ubbiggā āsanaṃ demi. |473.410| Annena ca pānena ca khajjena ca yañca tattha sannihitaṃ chādemi upanayāmi ca demi yaṃ yassa paṭirūpaṃ. |473.411| Kālena uṭṭhahitvā 2- patigharaṃ samupagamiṃ ummāradhotahatthapādā 3- pañjalikā sāmikamupemihaṃ 3-. |473.412| Kocchaṃ pasādaṃ añjanañca ādāsakañca gaṇhitvā parikammakārikā viya sayameva patiṃ vibhūsemi. |473.413| Sayameva odanaṃ sādhayāmi sayameva bhājanaṃ dhoviṃ 4- mātāva ekaputtakaṃ tathā bhattāraṃ paricarāmi |473.414| evaṃ maṃ bhattikataṃ anuttaraṃ kārikaṃ taṃ nihatamānaṃ uṭṭhāyikaṃ analasaṃ sīlavatiṃ dussate bhattā. |473.415| So mātarañca pitarañca bhaṇati āpucchāhaṃ gamissāmi isidāsiyā na saha vacchaṃ ekāgārehaṃ saha vatthuṃ. |473.416| Mā evaṃ putta avaca isidāsī paṇḍitā paribyattāya uṭṭhāyikā analasā kiṃ tuyhaṃ na rocate putta. |473.417| Na ca me hiṃsati kiñci na cāhaṃ isidāsiyā saha vacchaṃ dessāva me alaṃ me āpucchāhaṃ gamissāmi. |473.418| Tassa vacanaṃ suṇitvā sassū sassuro ca maṃ apucchiṃsu kissa tayā aparaddhaṃ bhaṇa kataṃ vissaṭṭhā yathābhūtaṃ. @Footnote: 1 Yu. vāsaddo natthi. 2 Ma. upaṭṭhahitvā gharaṃ samupagamāmi. 3 Ma. ūmmāredhovantī @hatthapāde pañcalikā sāmikamupemi. 4 Ma. dhovantī. |473.419| Napihaṃ aparajjhaṃ kiñci napi hiṃseva 1- na gaṇāmi dubbacanaṃ kiṃ sakkā kātuye yaṃ maṃ videssate bhattā. |473.420| Te maṃ pitu gharaṃ paṭi nayiṃsu vimanā dukkhena adhibhūtā puttamanurakkhamānā jināmhase rūpiniṃ lacchiṃ 2-. |473.421| Atha maṃ adāsi tāto aḍḍhassa gharamhi dutiyakulikassa tato upaḍḍhasuṅkena yena maṃ vindatha seṭṭhi. |473.422| Tassapi gharamhi māsaṃ avasiṃ atha sopi maṃ paṭicchati 3- dāsīva upaṭṭhahantiṃ adūsikaṃ sīlasampannaṃ. |473.423| Bhikkhāya ca vicarantaṃ damakaṃ dantaṃ me pitā bhaṇati so 4- sihi me jāmātā nikkhipa pontiñca ghaṭikañca. |473.424| Sopi vasitvā pakkhaṃ atha tātaṃ bhaṇati dehi me pontiṃ ghaṭikañca kapallakañca 5- punapi bhikkhaṃ carissāmi. |473.425| Atha naṃ bhaṇati tāto ammā sabbo ca me ñātigaṇavaggo kinte na kirati idha bhaṇa khippaṃ yante karihiti. |473.426| Evaṃ bhaṇito bhaṇati yadi me attā sakkoti alaṃ mayhaṃ isidāsiyā na saha vacchaṃ ekagharehaṃ saha vatthuṃ. |473.427| Vissajjito gato so ahaṃpi ekākinī vicintemi āpucchitvāna gacchāmi marituṃ vā pabbajituṃ 6-. |473.428| Atha ayyā jinadattā āgacchi gocarāya caramānā @Footnote: 1 Ma. napi hiṃsemi na bhaṇāmi. 2 Ma. lakkhiṃ. 3 Ma. paṭiccharati. 4 Ma. hohisi. @5 Ma. Yu. mallakañca. 6 Ma. Yu. āpucchitūna gacchaṃ marituye pabbajissaṃ vā. Tātakulaṃ vinayadharī bahussutā sīlasampannā. |473.429| Taṃ disvāna amhākaṃ uṭṭhāyāsanaṃ tassā paññāpayiṃ nisinnāya ca pāde vanditvā bhojanamadāsiṃ. |473.430| Annapānena 1- khajjena ca yañca tattha sannihitaṃ santappayitvāna 2- avacaṃ ayye icchāmi pabbajituṃ. |473.431| Atha maṃ bhaṇati tāto idheva puttike 3- carāhi taṃ 4- dhammaṃ annena ca pānena ca santappaya 5- samaṇe dvijātī ca. |473.432| Athāhaṃ bhaṇāmi tātaṃ rodantī añjaliṃ paṇāmetvā anujānāhi 6- maṃ tāta mayā pakataṃ kammaṃ taṃ nijjaressāmi. |473.433| Atha maṃ bhaṇati tāto pāpuṇa bodhiñca aggadhammañca nibbānañca labhassu yaṃ sacchikari dvipadaseṭṭho. |473.434| Mātāpitū abhivādayitvā sabbañca ñātigaṇavaggaṃ sattāhaṃ pabbajitā tisso vijjā aphussayiṃ 7-. |473.435| Jānāmi attano satta jātiyo yassā yaṃ phalaṃ vipāko taṃ tava ācikkhissaṃ taṃ ekamanā nisāmehi |473.436| nagaramhi erakakacche suvaṇṇakāro ahaṃ pahūtadhano yobbanamadena matto so paradāraṃ asevihaṃ. |473.437| Sohaṃ tato cavitvā nirayamhi apaccisaṃ ciraṃ pakko tato ca uṭṭhahitvā makkaṭiyā kucchimokkamiṃ. @Footnote: 1 Ma. Yu. annena ca pānena ca khajjena ca. 2 Ma. Yu. santappayitvā. @3 Yu. puttaka. 4 Ma. tvaṃ dhammaṃ. 5 Ma. tappaya. 6 Yu. pāpaṃ hi mayā @ pakataṃ. 7 Yu. aphassayiṃ. |473.438| Sattāhaṃ jātakammaṃ 1- mahākapi yūthapo nillacchesi tassetaṃ kammaphalaṃ yathāpi gantvāna paradāraṃ. |473.439| Sohaṃ tato cavitvā kālaṃ karitvā sindhavāraññe kāṇāya ca khañjāya ca eḷakiyā kucchimokkamiṃ. |473.440| Dvādasavassāni ahaṃ nillacchito dārake parivahitvā kimināvaṭṭo akallo yathāpi gantvāna paradāraṃ. |473.441| Sohaṃ tato cavitvā govāṇijakassa gāviyā jāto vaccho lākhātambo nillacchito dvādase māse. |473.442| Te puna 2- naṅgalamahaṃ sakaṭaṃ ca dhārayāmi andhovaṭṭo akallo yathāpi gantvāna paradāraṃ. |473.443| Sohaṃ tato cavitvā vīthiyā dāsiyā ghare jāto neva mahilā na puriso yathāpi gantvāna paradāraṃ. |473.444| Tiṃsativassamhi mato sākaṭikakulamhi dārikā jātā kapaṇamhi appabhoge dhanikapurisapātabahulamhi. |473.445| Taṃ maṃ tato satthavāho ussannāya vipulāya vaḍḍhiyā okaḍḍhati vilapantiṃ acchinditvā kulagharassa 3-. |473.446| Atha soḷasame vasse disvāna 4- maṃ pattayobbanaṃ kaññaṃ oruddhatassa putto giridāso nāma nāmena. |473.447| Tassapi aññā bhariyā sīlavatī guṇavatī yasavatī ca @Footnote: 1 Ma. sattāhajātakaṃ maṃ. 2 Ma. voḍhūna. 3 Ma. kulagharasmā. 4 Ma. disvā. Anurattā bhattāraṃ tassāhaṃ viddesanamakāsiṃ. |473.448| Tassetaṃ kammaphalaṃ yaṃ maṃ apakiritūna gacchanti dāsīva upaṭṭhahantiṃ tassapi anto kato mayāti. Isidāsī. Cattāḷīsanipāto samatto. ------------- Therīgāthāya mahānipāto [474] |474.449| 1 Mantāvatiyā nagare rañño koñcassa aggamahesiyā dhītā āsi 1- sumedhā pāsādikā sāsanakarehi. |474.450| Sīlavatī cittakathikā bahussutā buddhasāsane vinītā mātāpitaro upagamma bhaṇati ubhayo nisāmetha. |474.451| Nibbānābhiratā ahaṃ asassataṃ bhavagataṃ yadipi dibbaṃ kimaṅgaṃ pana tucchā kāmā appassādā bahuvighātā. |474.452| Kāmā kaṭukā āsīvisūpamā yesu mucchitā bālā te dīgharattaṃ niraye samappitā haññante 2- dukkhitā. |474.453| Socanti pāpakammā vinipāte pāpabuddhino sadā kāyena vācāya ca manasā ca asaṃvutā bālā. |474.454| Bālā te duppaññā acetanā dukkhasamudayoruddhā @Footnote: 1 Ma. āsiṃ. 2 Ma. haññanti. Desente ajānantā na bujjhare ariyasaccāni. |474.455| Saccāni amma buddhavaradesitāni te bahutarā ajānantā ye abhinandanti bhavagataṃ pihanti devesu upapattiṃ. |474.456| Devesupi upapatti asassatā bhavagate aniccamhi na ca uttasanti 1- bālā punappunaṃ jāyitabbassa. |474.457| Cattāro vinipātā dve ca gatiyo kathañci labbhanti na ca vinipātagatānaṃ pabbajjā atthi nirayesu. |474.458| Anujānātha maṃ ubhayo pabbajituṃ dasabalassa pāvacane appossukkā ghaṭissaṃ jātimaraṇappahānāya. |474.459| Kiṃ bhavagatena 2- abhinanditena kāyakalinā asārena bhavataṇhāya nirodhā anujānātha pabbajissāmi. |474.460| Buddhānaṃ uppādo vivajjito akkhaṇo khaṇo laddho sīlāni brahmacariyaṃ yāvajīvaṃ na dūseyyaṃ. |474.461| Evaṃ bhaṇati sumedhā atha 3- naṃ mātāpitaro ahaṃsu na mayaṃ 4- gahaṭṭhā maraṇavasaṃ gatāva jahessāma 5-. |474.462| Mātā dukkhitā rodati pitā ca dukkhito 6- tathā sokasamabhibhūto ghaṭenti taṃ saññāpetuṃ pāsādatale chamā patitaṃ. |474.463| Uṭṭhehi puttike kiṃ socitena dinnāsi vāraṇavatimhi @Footnote: 1 Ma. Yu. santasanti. 2 Ma. bhavagate. 3 Ma. mātāpitaro na tāva. @Yu. mātāpitaro na tāva āhāraṃ. 4 Ma. āhāraṃ āharissaṃ. Yu. āhariya. @5 Yu. hessāmi. 6 Ma. assā sabbaso samabhihato. Yu. assā sabbaso samabhisāto. Rājā anikaratto abhirūpo tassa tvaṃ dinnā. |474.464| Aggamahesī bhavissasi anikarattassa rājino bhariyā sīlāni brahmacariyaṃ pabbajjā dukkarā puttike. |474.465| Rajje āṇā dhanamissariyaṃ bhogā sukhā daharikāpi 1- tasmā bhuñjāhi kāmabhoge vāreyyaṃ hotu te putta. |474.466| Atha ne bhaṇati sumedhā mā edisakāni bhavagataṃ asāraṃ pabbajjā vā hotu 2- maraṇaṃ vā me na ceva vāreyyaṃ. |474.467| Kimiva pūtikāyaṃ asuciṃ savanagandhaṃ bhayānakaṃ kuṇapaṃ abhisaṃviseyyaṃ bhastaṃ sakipaggharitaṃ asucipuṇṇaṃ. |474.468| Kimiva tāhaṃ jānantī vikūlakaṃ maṃsalohitupalittaṃ 3- kimikulālayaṃ sakuṇabhattaṃ kaḷevaraṃ kissa diyyatīti. |474.469| Nibbuyhati susānaṃ aciraṃ kāyo apetaviññāṇo chaḍḍito 4- kaliṅgaraṃ viya jigucchamānehi ñātīhi. |474.470| Chaḍḍūna 5- naṃ susāne parabhattaṃ nhāyanti jigucchantā niyakā mātāpitaro kiṃ pana sādhāraṇā janatā. |474.471| Ajjhositā asāre kaḷevare aṭṭhinhārusaṅghāte kheḷassuccārassava paripuṇṇe pūtikāyamhi. |474.472| Yo naṃ vinibbhujitvā abbhantaramassa bāhiraṃ @Footnote: 1 Ma. daharikāsi. 2 Yu. hohiti. 3 Ma. maṃsasoṇitupalittaṃ. Yu. maṃsasoṇitapalittaṃ. @4 Ma. chuddho. 5 Ma. chuddhūna. Kayirā gandhassa asahamānā sakāpi mātā jiguccheyya. |474.473| Khandhadhātuāyatanaṃ saṅkhataṃ jātimūlakaṃ dukkhaṃ yoniso aruciṃ 1- bhaṇanti vāreyyaṃ kissa iccheyyaṃ. |474.474| Divase divase tisattisatāni navanavā pāteyyuṃ kāyamhi vassasatampi paghāto 2- seyyo dukkhassa ceva khayo. |474.475| Ajjhupagacche ghātaṃ yo viññāyevaṃ satthuno vacanaṃ dīgho ca 3- tesaṃ saṃsāro punappunaṃ haññamānānaṃ. |474.476| Devesu manussesu ca tiracchānayoniyā asurakāye petesu ca nirayesu ca aparimitā dīyante 4- ghātā. |474.477| Nirayesu bahū vinipātagatassa kilissamānassa devesupi attāṇaṃ nibbānasukhā paraṃ natthi. |474.478| Pattā te nibbānaṃ ye yuttā dasabalassa pāvacane appossukkā ghaṭenti jātimaraṇappahānāya. |474.479| Ajjeva tāta abhinikkhamissaṃ bhogehi kiṃ asārehi nibbiṇṇā me kāmā vantasamā tālavatthukatā. |474.480| Sā cevaṃ bhaṇati pitaraṃ anikaratto ca yassa dinnā upayāsipi 5- taruṇāvuto vāreyyaṃ upaṭṭhite kāle. |474.481| Atha asitanicitamuduke kese khaggena chindiya sumedhā pāsādañca pidhetvā 6- paṭhamajjhānaṃ samāpajji. @Footnote: 1 Ma. anuvicinantī. 2 Yu. ca ghāto. 3 Ma. Yu. casaddo natthi. 4 Ma. dissare. @5 Ma. upayāsi vāraṇavate. Yu. upayāsi pītaruṇāvuto. 6 Ma. pidahitvā. |474.482| Samāpattīhi 1- samāpannā anikaratto ca āgato nagaraṃ pāsādeva sumedhā aniccasaññā subhāveti. |474.483| Sā ca manasi karoti anikaratto ca āruhi turitaṃ maṇikanakabhūsitaṅgo katañjalī yācati sumedhaṃ. |474.484| Rajje āṇā dhanamissariyaṃ bhogā sukhā daharikāpi 2- bhuñjāhi kāmabhoge kāmasukhā dullabhā loke. |474.485| Nissaṭṭhaṃ te rajjaṃ bhogeva bhuñjassu dehi dānāni mā dummanā ahosi mātāpitaro te dukkhitā. |474.486| Tantaṃ bhaṇati sumedhā kāmehi anatthikā vigatamohā mā kāme abhinandi kāmesvādīnavaṃ passa. |474.487| Cātuddīpo rājā mandhātā āsi kāmabhoginaṃ aggo atitto kālakato na cassa paripūritā icchā. |474.488| Satta ratanāni vasseyya vuṭṭhimā dasadisā samantena na catthi titti kāmānaṃ atittāva maranti narā. |474.489| Asisūnūpamā kāmā kāmā sappasiropamā ukkopamā anudahanti aṭṭhikaṅkalasannibhā. |474.490| Aniccā addhuvā kāmā bahudukkhā mahāvisā ayoguḷova santatto aghamūlā dukkhapphalā. |474.491| Rukkhapphalūpamā kāmā maṃsapesūpamā dukhā @Footnote: 1 Yu. sā ca tahiṃ. 2 Ma. daharikāsi. Supinopamā vañcanīyā kāmā yācitakūpamā. |474.492| Sattisūlūpamā kāmā rogo gaṇḍo aghaṃ nighaṃ aṅgārakāsusadisā aghamūlaṃ bhayaṃ vadho. |474.493| Evaṃ bahudukkhā kāmā akkhātā antarāyikā gacchatha na me bhavagate vissāso atthi attano. |474.494| Kiṃ mama paro karissati attano sīsamhi ḍayhamānamhi anubandhe jarāmaraṇe tassa ghātāya ghaṭitabbaṃ. |474.495| Dvāraṃ apāpuṇitvānāyaṃ 1- mātāpitaro anikarattañca disvāna chamaṃ nisinne rodante idamavoca |474.496| dīgho bālānaṃ saṃsāro punappunañca rodataṃ anamatagge pitu maraṇe bhātu vadhe attano ca vadhe. |474.497| Assu thaññaṃ rudhiraṃ saṃsāraṃ anamataggato saratha sattānaṃ saṃsarataṃ sarāhi aṭṭhīnañca sannicayaṃ. |474.498| Sara caturodadhī upanīte assuthaññarudhiramhi sara ekakappamaṭṭhīnaṃ sañcayaṃ vipulena samaṃ. |474.499| Anamatagge saṃsarato mahiṃ jambudīpamupanītaṃ kolaṭṭhimattaguḷikā mātāpitūsveva nappahonti. |474.500| Sara tiṇakaṭṭhasākhāpalāsaṃ upanītaṃ anamataggato pitūsu caturaṅgulikā ghaṭikā pitupitūsve nappahonti. |474.501| Sara kāṇakacchapaṃ pubbe samudde aparato ca yugacchiddaṃ @Footnote: 1 Ma. apāpuritvānahaṃ ... idamavocaṃ. Siraṃ tassa ca paṭimukkaṃ manussalābhamhi opammaṃ. |474.502| Sara rūpaṃ pheṇapiṇḍopamassa kāyakalino asārassa khandhe passa anicce sarāhi niraye bahuvighāte. |474.503| Sara kaṭasiṃ vaḍḍhente punappunaṃ tāsu tāsu jātīsu sara kumbhīlabhayāni ca sarāhi cattāri saccāni. |474.504| Amatamhi vijjamāne kiṃ tava pañcakaṭukena pītena sabbā hi kāmaratiyo kaṭukatarā pañcakaṭukena. |474.505| Amatamhi vijjamāne kiṃ tava kāmehi ye pariḷāhā sabbā hi kāmaratiyo jalitā ca kuthitā kupitā 1- santāpitā. |474.506| Asapattamhi samāne kiṃ tava kāmehi ye bahusapattā rājaggicoraudakappiyehi sādhāraṇā kāmā bahusapattā. |474.507| Mokkhamhi vijjamāne kiṃ tava kāmehi yesu vadhabandho kāmesu hi vadhabandho kāmakāmā dukkhāni anubhonti. |474.508| Ādīpitā tiṇukkā gaṇhantaṃ dahanti neva muñcanti 2- ukkopamā hi kāmā dahanti ye te na muñcanti. |474.509| Mā appakassa hetu kāma- sukhassa vipulaṃ jahi sukhaṃ mā puthulomova balisaṃ gilitvā pacchā vihaññasi. |474.510| Kāmehi 3- mā paribbhamasi sunakhova saṅkhalābaddho kāhanti 4- khu taṃ kāmā chātā sunakhaṃva caṇḍālā. @Footnote: 1 Ma. kampitā. 2 Ma. Yu. muñcantaṃ. 3 Ma. Yu. kāmaṃ kāmesu damassu tāva. @4 Yu. kāhinti. |474.511| Aparimitañca dukkhaṃ bahūni ca cittadomanassāni anubhohisi kāmayutto 1- paṭinissaja addhuve kāme. |474.512| Ajaramhi vijjamāne kiṃ tava kāmehi ye sujarā 2- maraṇabyādhigahitā sabbā sabbattha jātiyo. |474.513| Idamajaramidamaraṇaṃ idamajarāmaraṇapadamasokaṃ 3- asapattamasambādhaṃ akhalitamabhayaṃ nirupatāpaṃ. |474.514| Adhigatamidaṃ bahūhi amataṃ ajjāpi ca labhanīyaṃ idaṃ yo yoniso payuñjati na ca sakkā aghaṭamānena. |474.515| Evaṃ bhaṇati sumedhā saṅkhāragate ratiṃ alabhamānā anunentī anikarattaṃ keseva chamaṃ khipi sumedhā. |474.516| Uṭṭhāya anikaratto pañjaliko yāci tassā pitaraṃ so vissajjetha sumedhaṃ pabbajituṃ vimokkhasaccadassāvī 4-. |474.517| Sā 5- vissajjitā mātāpitūhi pabbaji sokabhayabhītā cha abhiññā sacchikatā aggaphalaṃ sikkhamānāya. |474.518| Acchariyamabbhutantaṃ nibbānaṃ āsi rājakaññāya pubbenivāsacaritaṃ yathā byākari pacchime kāle. |474.519| Bhagavati konāgamane saṅghārāmamhi navanivesamhi sakhiyo tisso 6- janiyo vihāradānaṃ adāsimhā 7-. |474.520| Dasakkhattuṃ satakkhattuṃ dasasatakkhattuṃ satāni ca satakkhattuṃ @Footnote: 1 Yu. kāmesu yutto. 2 Ma. yesu jarā. 3 Ma. idamajaramidamamaraṃ idamajarāmaraṃ padamasokaṃ. @4 Ma. Yu. ... dassā. 5 Ma. Yu. ayaṃ pāṭho natthi. 6 Yu. tīṇi. 7 Ma. adāsimhi. Devesu upapajjimhā ko pana vādo mānusakesu 1-. |474.521| Devesu mahiddhikā ahumhā mānusakamhi ko pana vādo sattaratanassa mahesī itthīratanaṃ ahaṃ āsiṃ. |474.522| So hetu so pabhavo taṃ mūlaṃ ca sāsane khamaṃ 2- taṃ paṭhamasamodhānaṃ taṃ dhammaratāya nibbānaṃ. |474.523| Evaṃ kathenti 3- ye saddahanti vacanaṃ anomapaññassa nibbindanti bhavagate nibbinditvā virajjantīti. Sumedhā. Mahānipāto samatto. Gāthāsatāni cattāri asīti puna cuddasa theriyekuttarasattā 4- sabbā tā āsavakkhayāti. Theriyā gāthāyo samattā. ------------------ @Footnote: 1 Yu. manussesu. 2 Ma. taṃ mūlaṃ tāva sāsane khanti. 3 Ma. evaṃ karonti. @4 theriyekuttarasattati iti vacanaṃ yuttataraṃ.The Pali Tipitaka in Roman Character Volume 26 page 486-507. https://84000.org/tipitaka/read/roman_item.php?book=26&item=471&items=4 Classified by [Item Number] :- http://84000.org/tipitaka/read/roman_item.php?book=26&item=471&items=4&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=26&item=471&items=4 Compare with The Royal Version of Thai Tipitaka :- https://84000.org/tipitaka/read/byitem.php?book=26&item=471&items=4 Study Atthakatha :- https://84000.org/tipitaka/attha/attha.php?b=26&i=471 Contents of The Tipitaka Volume 26 https://84000.org/tipitaka/read/?index_26 https://84000.org/tipitaka/english/?index_26
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]