[959] Ete vitakke paridevaneyyeti ete vitakketi dve
@Footnote: 1 Ma. sabbattha asissam kuva va. 2 Ma. aniketacari. 3 Ma. sayittha
@4 Yu. saphalake. 5 Ma. agamirattim.
Pindapatapatisannutte vitakke dve senasanapatisannutte
vitakke paridevaneyye 1- adevaneyya paridevaneyyati ete
vitakke paridevaneyye.
[960] Vinayetha sekkho aniketasariti sekkhoti kimkarana
vuccati sekkho . sikkhatiti sekkho . kinca sikkhati . adhisilampi
sikkhati adhicittampi sikkhati adhipannampi sikkhati . katama
adhisilasikkha .pe. ayam adhipannasikkha . ima tisso sikkha
avajjento sikkhati jananto sikkhati passanto sikkhati
paccavekkhanto sikkhati cittam adhitthahanto sikkhati saddhaya
adhimuccanto sikkhati viriyam pagganhanto sikkhati satim upatthahanto
sikkhati cittam samadahanto sikkhati pannaya pajananto sikkhati
abhinneyyam abhijananto sikkhati parinneyyam parijananto sikkhati
pahatabbam pajahanto sikkhati sacchikatabbam sacchikaronto sikkhati
bhavetabbam bhavento sikkhati acarati samacarati samadaya sikkhati .
Tamkarana vuccati sekkho . sekkho vinayaya pativinayaya pahanaya
vupasamaya patinissaggaya patippassaddhiya adhisilampi sikkheyya
adhicittampi sikkheyya adhipannampi sikkheyya ima tisso sikkha
avajjanto sikkheyya jananto .pe. sacchikatabbam sacchikaronto
sikkheyya acareyya samacareyya samadaya vatteyyati vinayetha
sekkho.
@Footnote: 1 Ma. paridevaneyyeti.
[961] Aniketasariti katham niketasari hoti . idhekacco
kulapalibodhena samannagato hoti ganapalibodhena avasapalibodhena
civarapalibodhena pindapatapalibodhena senasanapalibodhena gilanapaccaya-
bhesajjaparikkharapalibodhena samannagato hoti evam niketasari
hoti.
{961.1} Katham aniketasari hoti . idha bhikkhu na kulapalibodhena
samannagato hoti na gana avasa civarapindapatasenasanagilana-
paccayabhesajjaparikkharapalibodhena samannagato hoti evam aniketasari
hoti.
Magadham gata kosalam gata
ekacciya [1]- vajjibhumiya
magadha 2- visanghacarino
aniketa viharanti bhikkhavo
sadhu caritam 3- sadhu sucaritam
sadhu sada aniketaviharo
atthapucchanam dakkhakammam 4-
etam samannam akincanassati.
Vinayetha sekkho aniketasari. Tenaha bhagava
kimsu asissami kuvam va asissam
dukkham vata settha kuvajja sessam
@Footnote: 1 Po. Ma. panasaddo dissati. 2 Ma. miga viya asanghacarino. 3 Ma. caritakam.
@4 Ma. padakkhinam kammam.
Ete vitakke paridevaneyye
vinayetha sekkho aniketasariti.
[962] Annanca laddha vasananca kale
mattam so janna 1- idha tosanattham
so tesu gutto yatacari game
rusitopi vacam pharusam na vajja.
[963] Annanca laddha vasananca kaleti annanti odano
kummaso sattu maccho mamsam . vasananti cha civarani khomam
kappasikam koseyyam kambalam sanam bhangam . annanca laddha
vasananca kaleti civaram labhitva pindapatam labhitva na kuhanaya
na lapanaya na nemittikataya na nippesikataya na labhena labham
nijigimsanataya na darudanena na veludanena na pattadanena na
pupphadanena na phaladanena na sinanadanena na cunnadanena na
mattikadanena na dantakatthadanena na mukhodakadanena na patukamyataya 2-
na muggasupataya na paribhatyataya na pithamaddikataya na vatthuvijjaya
na tiracchanavijjaya na angavijjaya na nakkhattavijjaya na dutagamanena
na pahinagamanena na janghapesanena 3- na vejjakammena na pindakena 4-
na dananuppadanena dhammena samena laddha labhitva abhivinditva 5-
patilabhitvati annanca laddha vasananca kale.
[964] Mattam so janna idha tosanatthanti mattam so
@Footnote: 1 Ma. mattam sa janna. 2 Ma. catu ... 3 Ma. janghapesanikena.
@4 Ma. pindapatipindakena. 5 Ma. adhigantva vinditva.
Jannati dvihi karanehi mattam janati 1- patiggahanato va
paribhogato va.
{964.1} Katham patiggahanato mattam janati . Thokepi diyamane
kulanudayaya kulanurakkhaya kulanukampaya patigganhati bahukepi
diyamane kayapariharikam civaram patigganhati kucchipariharikam
pindapatam patigganhati evam patiggahanato mattam janati.
{964.2} Katham paribhogato mattam janati. Patisankha yoniso civaram
patisevati yavadeva sitassa patighataya unhassa patighataya
damsamakasavatatapasirimsapasamphassanam patighataya yavadeva
hirikopinapaticchadanattham . patisankha yoniso pindapatam patisevati
neva davaya na madaya na mandanaya na vibhusanaya yavadeva imassa
kayassa thitiya yapanaya vihimsuparatiya brahmacariyanuggahaya
iti purananca vedanam patihankhami navanca vedanam na uppadessami
yatra ca me bhavissati anavajjata ca phasuviharo cati. Patisankha
yoniso senasanam patisevati yavadeva sitassa patighataya unhassa
patighataya damsamakasavatatapasirimsapasamphassanam patighataya yavadeva
utuparissayavinodanam patisallanaramattham . patisankha yoniso gilana-
paccayabhesajjaparikkharam patisevati yavadeva uppannanam veyyabadhikanam 2-
vedananam patighataya abyapajjhaparamataya . evam paribhogato mattam
janati.
@Footnote: 1 Ma. janeyya. 2 Ma. byabadhikanam.
{964.3} Mattam so jannati imehi dvihi karanehi mattam
janeyya ajaneyya vijaneyya pativijaneyya pativijjheyyati
mattam so janna.
[965] Idha tosanatthanti idha bhikkhu santuttho hoti
itaritarena civarena itaritaracivarasantutthiya ca vannavadi na ca
civarahetu anesanam appatirupam apajjati aladdha ca civaram na
paritassati laddha ca civaram agadhito amucchito anajjhapanno
adinavadassavi nissaranapanno paribhunjati taya ca pana
itaritaracivarasantutthiya nevattanukkamseti na param vambheti yo
hi tattha dakkho analaso sampajano patissato ayam vuccati
bhikkhu porane agganne ariyavamse thito.
{965.1} Punacaparam bhikkhu santuttho hoti itaritarena pindapatena
itaritarapindapatasantutthiya ca vannavadi na ca pindapatahetu
anesanam appatirupam apajjati aladdha ca pindapatam na paritassati
laddha ca pindapatam agadhito amucchito anajjhapanno
adinavadassavi nissaranapanno paribhunjati taya ca pana
itaritarapindapatasantutthiya nevattanukkamseti na param
vambheti yo hi tattha dakkho analaso sampajano patissato ayam
vuccati bhikkhu porane agganne ariyavamse thito . punacaparam bhikkhu
santuttho hoti itaritarena senasanena itaritarasenasanasantutthiya
ca vannavadi na ca senasanahetu anesanam appatirupam
Apajjati aladdha ca senasanam na paritassati laddha ca senasanam
agadhito amucchito anajjhapanno adinavadassavi nissaranapanno
paribhunjati taya ca pana itaritarasenasanasantutthiya nevattanukkamseti
na param vambheti yo hi tattha dakkho analaso sampajano
patissato ayam vuccati bhikkhu porane agganne ariyavamse thito.
{965.2} Punacaparam bhikkhu santuttho hoti itaritarena gilanapaccaya-
bhesajjaparikkharena itaritaragilanapaccayabhesajjaparikkharasantutthiya
ca vannavadi na ca gilanapaccayabhesajjaparikkharahetu anesanam appatirupam
apajjati aladdha ca gilanapaccayabhesajjaparikkharam na paritassati
laddha ca gilanapaccayabhesajjaparikkharam agadhito amucchito anajjhapanno
adinavadassavi nissaranapanno paribhunjati taya ca pana itaritaragilana-
paccayabhesajjaparikkharasantutthiya nevattanukkamseti na param vambheti
yo hi tattha dakkho analaso sampajano patissato ayam vuccati bhikkhu
porane agganne ariyavamse thitoti mattam so janna idha tosanattham.
[966] So tesu gutto yatacari gameti so tesu guttoti
civare pindapate senasane gilanapaccayabhesajjaparikkhare gutto
gopito rakkhito samvutoti evampi so tesu gutto . athava
ayatanesu gutto gopito rakkhito samvutoti evampi so tesu
gutto . yatacari gameti game yato yatto patiyatto gutto
Gopito rakkhito samvutoti so tesu gutto yatacari game.
[967] Rusitopi vacam pharusam na vajjati rusito 1- khumsito vambhito
ghattito garahito upavadito pharusena kakkhalena [2]- bhanantam
nappatibhaneyya akkosantam na paccakkoseyya rosantam nappatiroseyya
bhandantam nappatibhandeyya na kalaham kareyya na bhandanam kareyya
na viggaham kareyya na vivadam kareyya na medhagam kareyya kalahabhandana-
viggahavivadamedhagam pajaheyya vinodeyya byantikareyya anabhavangameyya
kalahabhandanaviggahavivadamedhaga arato assa virato pativirato nikkhanto
nissattho vippamutto visannutto vimariyadikatena cetasa vihareyyati
rusitopi vacam pharusam na vajja.
{967.1} Tenaha bhagava
annanca laddha vasananca kale
mattam so janna idha tosanattham
so tesu gutto yatacari game
rusitopi vacam pharusam na vajjati.
[968] Okkhittacakkhu na ca padalolo
jhananuyutto bahujagarassa
upekkhamarabbha samahitatto
takkasayam kukkucciyupacchinde 3-.
[969] Okkhittacakkhu na ca padaloloti katham khittacakkhu
@Footnote: 1 Ma. dusito. 2 Ma. nappativajja Yu. patibhanantam. 3 Ma. kukkuccancupacchinde.
Hoti . idhekacco [1]- cakkhulolo cakkhuloliyena samannagato hoti
adittham dakkhitabbam dittham samatikkamitabbanti aramena aramam
uyyanena uyyanam gamena gamam nigamena nigamam nagarena nagaram
ratthena rattham janapadena janapadam dighacarikam anvatthitacarikam anuyutto ca
hoti rupadassanaya evampi khittacakkhu hoti . athava bhikkhu antaragharam
pavittho vithim patipanno asamvuto gacchati hatthim olokento
assam olokento ratham olokento pattim olokento itthiyo
olokento purise olokento kumarake olokento
kumarikayo olokento antarapanam olokento gharamukhani
olokento 2- uddham olokento adho olokento disavidisam
pekkhamano gacchati evampi khittacakkhu hoti.
{969.1} Athava bhikkhu cakkhuna rupam disva nimittaggahi hoti
anubyanjanaggahi yatvadhikaranamenam cakkhundriyam asamvutam viharantam
abhijjhadomanassa papaka akusala dhamma anvassaveyyum
tassa samvaraya na patipajjati na rakkhati cakkhundriyam cakkhundriye
na samvaram apajjati evampi khittacakkhu hoti . yatha va paneke
bhonto samanabrahmana saddhadeyyani bhojanani
bhunjitva te evarupam visukadassanam anuyutta viharanti
seyyathidam naccam gitam vaditam pekkham akkhanam panissaram vetalam
kumbhathunam sobhanagarakam candalam vamsam dhovanam hatthiyuddham assayuddham
mahisayuddham usabhayuddham ajayuddham mendayuddham kukkutayuddham vattakayuddham
@Footnote: 1 Ma. Yu. bhikkhu. 2 Po. Ma. vipekkhamano.
Dandayuddham mutthiyuddham nibbuddham uyyodhikam balaggam senabyuham
anikadassanam iti va evampi khittacakkhu hoti.
{969.2} Katham na khittacakkhu hoti. Idha 1- bhikkhu na cakkhulolo
cakkhuloliyena samannagato hoti adittham dakkhitabbam dittham samatikkamitabbanti
aramena aramam uyyanena uyyanam gamena gamam nigamena
nigamam nagarena nagaram ratthena rattham janapadena janapadam dighacarikam
anvatthitacarikam ananuyutto hoti rupadassanaya evampi na
khittacakkhu hoti . athava bhikkhu antaragharam pavittho vithim patipanno
samvuto gacchati na hatthim olokento .pe. na disavidisam
pekkhamano gacchati evampi na khittacakkhu hoti . athava bhikkhu
cakkhuna rupam disva na nimittaggahi hoti .pe. cakkhundriye
samvaram apajjati evampi na khittacakkhu hoti . yatha va paneke
bhonto samanabrahmana saddhadeyyani bhojanani bhunjitva
.pe. anikadassanam iti va evarupa visukadassananuyoga pativirato
hoti evampi na khittacakkhu hotiti okkhittacakkhu.
[970] Na ca padaloloti katham padalolo hoti . Idhekacco
padalolo padaloliyena samannagato hoti aramena aramam .pe.
Dighacarikam anvatthitacarikam anuyutto hoti [2]- evampi
padalolo hoti . athava bhikkhu antosangharame 3- padalolo
padaloliyena samannagato hoti na atthahetu na karanahetu
@Footnote: 1 Ma. Yu. idhekacco. 2 Ma. Yu. rupadassanaya. 3 Po. Ma. antopi.
Uddhato avupasantacitto parivenato parivenam gacchati .pe.
Itibhavabhavakatham kathesi 1- evampi padalolo hoti . na ca
padaloloti padaloliyam pajaheyya vinodeyya byantikareyya
anabhavangameyya padaloliya arato assa virato pativirato nikkhanto
nissattho vippamutto visannutto vimariyadikatena cetasa vihareyya
patisallanaramo assa patisallanarato ajjhattam cetosamathamanuyutto
anirakatajjhano vipassanaya samannagato bruheta sunnagaram
jhayi jhanarato ekattamanuyutto sadatthagarukoti okkhittacakkhu
na ca padalolo.
[971] Jhananuyutto bahujagarassati jhananuyuttoti dvihi
karanehi jhananuyutto anuppannassa va pathamassa jhanassa
uppadaya yutto payutto ayutto samayutto anuppannassa
va dutiyassa jhanassa tatiyassa jhanassa catutthassa jhanassa
uppadaya yutto payutto ayutto samayuttoti evampi
jhananuyutto . athava uppannam va pathamam jhanam asevati
bhaveti bahulikaroti uppannam va dutiyam jhanam tatiyam jhanam catuttham
jhanam asevati bhaveti bahulikarotiti evampi jhananuyutto .
Bahujagarassati idha bhikkhu divasam cankamena nisajjaya avaraniyehi
dhammehi cittam parisodheti rattiya pathamam yamam cakkamena
nisajjaya avaraniyehi dhammehi cittam parisodheti rattiya
@Footnote: 1 Po. Ma. katheti.
Majjhimam yamam dakkhinena passena sihaseyyam kappeti pade padam
accadhaya sato sampajano utthanasannam manasikaritva rattiya
pacchimam yamam paccutthaya cankamena nisajjaya avaraniyehi dhammehi
cittam parisodhetiti jhananuyutto bahujagarassa.
[972] Upekkhamarabbha samahitattoti upekkhati ya catutthe
jhane upekkha upekkhana ajjhupekkhana cittasamata cittappassaddhata
majjhattata cittassa . samahitattoti ya cittassa thiti santhiti
avatthiti avisaharo avikkhepo avisahatamanasata samatho
samadhindriyam samadhibalam sammasamadhiti . upekkhamarabbha
samahitattoti catutthe jhane upekkhamarabbha ekaggacitto
avikkhittacitto avisahatamanasoti upekkhamarabbha samahitatto.
[973] Takkasayam kukkucciyupacchindeti takkati nava vitakka
kamavitakko byapadavitakko vihimsavitakko nativitakko
janapadavitakko amaravitakko paranuddayatapatisannutto vitakko
labhasakkarasilokapatisannutto vitakko anavannattipatisannutto
vitakko ime vuccanti nava vitakka . kamavitakkanam kamasannasayo
byapadavitakkanam byapadasannasayo vihimsavitakkanam
vihimsasannasayo . athava takkanam [1]- sankappanam avijjasayo
ayoniso manasikaro asayo asmimano asayo anottappam asayo
uddhaccam asayo . Kukkuccanti hatthakukkuccampi kukkuccam padakukkuccampi
@Footnote: 1 Ma. vitakkanam.
Kukkuccam hatthapadakukkuccampi kukkuccam akappiye kappiyasannita
kappiye akappiyasannita avajje vajjasannita vajje
avajjasannita yam evarupam kukkuccam kukkuccayana kukkuccayitattam
cetaso vippatisaro manovilekho idam vuccati kukkuccam . apica dvihi
karanehi uppajjati kukkuccam cetaso vippatisaro manovilekho
katatta ca akatatta ca.
{973.1} Katham katatta ca akatatta ca uppajjati kukkuccam
cetaso vippatisaro manovilekho . katam me kayaduccaritam akatam me
kayasucaritanti uppajjati kukkuccam cetaso vippatisaro manovilekho .
Katam me vaciduccaritam . katam me manoduccaritam. Kato me panatipato
akata me panatipata veramaniti uppajjati kukkuccam cetaso
vippatisaro manovilekho . katam me adinnadanam . Kato me kamesu
micchacaro . kato me musavado . Kata me pisuna vaca. Kata
me pharusa vaca . Kato me samphappalapo. Kata me abhijjha. Kato
me byapado . kata me micchaditthi akata me sammaditthiti
uppajjati kukkuccam cetaso vippatisaro manovilekho . evam katatta
ca akatatta ca uppajjati kukkuccam cetaso vippatisaro manovilekho.
Athava silesumhi na paripurikariti uppajjati kukkuccam cetaso vippatisaro
manovilekho . indriyesumhi aguttadvaroti . Bhojane amattannumhiti.
Jagariyam ananuyuttomhiti . na satisampajannena samannagatomhiti .
Abhavita me cattaro satipatthanati . abhavita me cattaro
sammappadhanati . abhavita me cattaro iddhippadati .
Abhavitani me pancindriyaniti . abhavitani me panca balaniti .
Abhavita me satta bojjhangati . abhavito me ariyo atthangiko
maggoti . dukkham me aparinnatanti . dukkhasamudayo me appahinoti.
Maggo me abhavitoti . nirodho me asacchikatoti uppajjati kukkuccam
cetaso vippatisaro manovilekho . takkasayam kukkucciyupacchindeti
takkanca takkasayanca kukkuccanca upacchindeyya [1]- samucchindeyya
pajaheyya vinodeyya byantikareyya anabhavangameyyati
takkasayam kukkucciyupacchinde. Tenaha bhagava
okkhittacakkhu na ca padalolo
jhananuyutto bahujagarassa
upekkhamarabbha samahitatto
takkasayam kukkucciyupacchindeti.
[974] Cudito vacibhi satimabhinande
sabrahmacarisu khilam pabhinde
vacam pamunce kusalam nativelam
janavadadhammaya na cetayeyya.
[975] Cudito vacibhi satimabhinandeti cuditoti upajjhaya
@Footnote: 1 Ma. chindeyya ucchindeyya.
Va acariya va samanupajjhayaka va samanacariyaka va mitta
va sandittha va sambhatta va sahaya va codenti idante avuso
ayuttam idante appattam idante asaruppam idante asilatthanti 1-
satim upatthapetva tam codanam nandeyya abhinandeyya modeyya
anumodeyya iccheyya sadiyeyya pattheyya 2- pihayeyya abhijappeyya.
Yatha itthi va puriso va daharo yuva mandanakajatiko sisanhato
uppalamalam va vassikamalam va adhimuttakamalam va labhitva ubhohi
hatthehi patiggahetva uttamange sirasmim patitthapetva nandeyya
abhinandeyya modeyya anumodeyya iccheyya sadiyeyya pattheyya 3-
pihayeyya abhijappeyya evameva satim upatthapetva tam codanam nandeyya
abhinandeyya modeyya anumodeyya iccheyya sadiyeyya pattheyya 4-
pihayeyya abhijappeyya.
Nidhinamva pavattaram yam passe vajjadassinam
niggayhavadim medhavim tadisam panditam bhaje
tadisam bhajamanassa seyyo hoti na papiyo
ovadeyyanusaseyya asabbha ca nivaraye
satanhi so piyo hoti asatam hoti appiyoti.
Cudito vacibhi satimabhinande.
[976] Sabrahmacarisu khilam pabhindeti sabrahmacariti ekakammam
@Footnote: 1 asilitthantipi patho. 2-3-4 Po. Ma. patthayeyya.
Ekuddeso samasikkhata . sabrahmacarisu khilam pabhindeti sabrahmacarisu
ahatacittatam khilajatatam pabhindeyya pancapi cetokhile pabhindeyya 1-
tayopi cetokhile pabhindeyya ragakhilam dosakhilam mohakhilam bhindeyya
pabhindeyya sambhindeyyati sabrahmacarisu khilam pabhinde.
[977] Vacam pamunce kusalam nativelanti nanasamutthitam vacam
munceyya atthupasamhitam dhammupasamhitam kalena sapadesam pariyantavatim
atthasamhitam vacam munceyya pamunceyya sampamunceyyati vacam
pamunce kusalam . nativelanti velati dve vela kalavela ca
silavela ca.
{977.1} Katama kalavela . Kalatikkantam vacam na bhaseyya
velatikkantam vacam na bhaseyya kalavelatikkantam vacam na bhaseyya
kalam asampattam vacam na bhaseyya velam asampattam vacam na bhaseyya
kalavelam asampattam vacam na bhaseyya.
Yo ca 2- kale asampatte ativelam ca 3- bhasati
evam so nihato seti kokiliyava 4- atrajoti.
Ayam kalavela.
{977.2} Katama silavela. Ratto vacam na bhaseyya duttho vacam
na bhaseyya mulho vacam na bhaseyya musavadam na bhaseyya
pisunavacam na bhaseyya pharusavacam na bhaseyya samphappalapam na
bhaseyya na katheyya na bhaneyya na dipeyya na vohareyya ayam
@Footnote: 1 Ma. bhindeyya. 2 Ma. Yu. ve. 3 Po. Ma. pabhasati. 4 Ma. kokilayeva.
Silavelati vacam pamunce kusalam nativelam.
[978] Janavadadhammaya na cetayeyyati janati khattiya ca
brahmana ca vessa ca sudda ca gahattha ca pabbajita ca deva
ca manussa ca . janassa vadaya upavadaya nindaya garahaya
akittiya avannaharikaya silavipattiya va acaravipattiya
va ditthivipattiya va ajivavipattiya va na cetayeyya cetanam na
uppadeyya cittasankappam na uppadeyya manasikaram na
uppadeyyati janavadadhammaya na cetayeyya. Tenaha bhagava
cudito vacibhi satimabhinande
sabrahmacarisu khilam pabhinde
vacam pamunce kusalam nativelam
janavadadhammaya na cetayeyyati.
[979] Athaparam panca rajani loke
yesam satima vinayaya sikkhe
rupesu saddesu atho rasesu
gandhesu phassesu sahetha ragam.
[980] Athaparam panca rajani loketi athati padasandhi padasamsaggo
padaparipuri 1- akkharasamavayo byanjanasilitthata padanupubbatametam
athati . panca rajaniti ruparago 2- saddarago gandharago rasarago
photthabbarago. Athava
@Footnote: 1 ma .. puri. 2 Ma. rupa .. photthabbarajo.
Rago rajo na ca pana renu 1- vuccati
ragassetam adhivacanam rajoti
etam rajam vippajahitva 2- pandita
viharanti te vigatarajassa sasane.
Doso rajo na ca pana renu vuccati
dosassetam adhivacanam rajoti
etam rajam vippajahitva pandita
viharanti te vigatarajassa sasane.
Moho rajo na ca pana renu vuccati
mohassetam adhivacanam rajoti
etam rajam vippajahitva pandita
viharanti te vigatarajassa sasane.
Loketi apayaloke manussaloke devaloke khandhaloke dhatuloke
ayatanaloketi athaparam panca rajani loke.
[981] Yesam satima vinayaya sikkheti yesanti ruparagassa
saddaragassa gandharagassa rasaragassa photthabbaragassa . satimati
ya sati anussati patissati sati saranata dharanata apilapanata
assammussanata sati satindriyam satibalam sammasati satisambojjhango
ekayanamaggo ayam vuccati sati . imaya satiya upeto samupeto
upagato samupagato upapanno samupapanno samannagato so vuccati
@Footnote: 1 Ma. renu. 2 Po. pativinodayitva.
Satima . sikkheti tisso sikkha adhisilasikkha adhicittasikkha
adhipannasikkha . katama adhisilasikkha .pe. ayam adhipannasikkha .
Yesam satima vinayaya sikkheti satima puggalo yesam ruparagassa
saddaragassa gandharagassa rasaragassa photthabbaragassa vinayaya
pativinayaya pahanaya vupasamaya patinissaggaya patippassaddhiya
adhisilampi sikkheyya adhicittampi sikkheyya adhipannampi
sikkheyya ima tisso sikkha avajjento sikkheyya jananto
sikkheyya .pe. sacchikatabbam sacchikaronto sikkheyya acareyya
samacareyya samadaya vatteyyati yesam satima vinayaya sikkhe.
[982] Rupesu saddesu atho rasesu gandhesu phassesu sahetha
raganti rupesu saddesu gandhesu rasesu photthabbesu ragam saheyya
parisaheyya abhibhaveyya ajjhotthareyya pariyadiyeyya maddeyyati
rupesu saddesu atho rasesu gandhesu phassesu sahetha ragam .
Tenaha bhagava
athaparam panca rajani loke
yesam satima vinayaya sikkhe
rupesu saddesu atho rasesu
gandhesu phassesu sahetha raganti.
[983] Etesu dhammesu vineyya chandam
bhikkhu satima suvimuttacitto
Kalena so samma dhammam parivimamsamano
ekodibhuto vihane tamam soti bhagava.
[984] Etesu dhammesu vineyya chandanti etesuti rupesu saddesu
gandhesu rasesu photthabbesu . chandoti yo kamesu kamacchando
kamarago kamanandi kamatanha kamasneho 1- kamaparilaho
kamamuccha kamajjhosanam kamogho kamayogo kamupadanam
kamacchandanivaranam . etesu dhammesu vineyya chandanti etesu
dhammesu chandam vineyya pativineyya pajaheyya vinodeyya byantikareyya
anabhavangameyyati etesu dhammesu vineyya chandam.
[985] Bhikkhu satima suvimuttacittoti bhikkhuti kalyanaputhujjano
va bhikkhu sekkho va bhikkhu . satimati ya sati anussati .pe.
Sammasati satisambojjhango ekayanamaggo ayam vuccati sati .
Imaya satiya upeto .pe. so vuccati satimati bhikkhu satima .
Suvimuttacittoti pathamam jhanam samapannassa nivaranehi cittam muttam
vimuttam suvimuttam dutiyam jhanam samapannassa vitakkavicarehi cittam
muttam vimuttam suvimuttam tatiyam jhanam samapannassa pitiya [2]-
cittam muttam vimuttam suvimuttam catuttham jhanam samapannassa
sukhadukkhehi cittam muttam vimuttam suvimuttam akasanancayatanam
samapannassa rupasannaya patighasannaya nanattasannaya
cittam muttam vimuttam suvimuttam vinnanancayatanam
@Footnote: 1 Po. Yu. kamasineho. 2 Ma. casaddo dissati.
Samapannassa akasanancayatanasannaya cittam
akincannayatanam samapannassa vinnanancayatana-
sannaya cittam nevasannanasannayatanam samapannassa
akincannayatanasannaya cittam muttam vimuttam suvimuttam
sotapannassa sakkayaditthiya vicikicchaya silabbattaparamasa
ditthanusaya vicikicchanusaya tadekatthehi ca kilesehi cittam
muttam vimuttam suvimuttam sakadagamissa olarika kamaraganusaya
patighanusaya tadekatthehi ca kilesehi cittam muttam vimuttam
suvimuttam anagamissa anusahagata kamaragasannojana
patighasannojana anusahagata kamaraganusaya patighanusaya
tadekatthehi ca kilesehi cittam muttam vimuttam suvimuttam arahato
ruparaga aruparaga mana uddhacca avijjaya mananusaya
bhavaraganusaya avijjanusaya tadekatthehi ca kilesehi bahiddha ca
sabbanimittehi cittam muttam vimuttam suvimuttanti bhikkhu satima
suvimuttacitto.
[986] Kalena so samma dhammam parivimamsamanoti kalenati
uddhate citte samathassa kalo samahite citte vipassanaya kalo.
Kale pagganhati cittam nigganhati athapare 1-
sampahamsati kalena kale cittam samadahati
ajjhupekkhati kalena so yogi kalakovido
kimhi kalamhi paggaho kimhi kale viniggaho
@Footnote: 1 Ma. punapare.
Kimhi pahamsanakalo samathakalo ca kidiso
upekkhakalam cittassa katham dasseti yogino
line cittamhi paggaho uddhatasmim viniggaho
nirassadagatam cittam sampahamseyya tavade
sampahattham yada cittam alinam bhavatinuddhatam
samathassa ca so kalo ajjhattam ramaye mano
etena mevupayena yada hoti samahitam
samahitam citta pannaya ajjhupekkheyya tavade
evam kalavidu dhiro kalannu kalakovido
kalena kalam cittassa nimittamupalakkhayeti 1-.
Kalena so . samma dhammam parivimamsamanoti sabbe sankhara
aniccati samma dhammam parivimamsamano sabbe sankhara dukkhati
samma dhammam parivimamsamano sabbe dhamma anattati samma
dhammam parivimamsamano .pe. yankinci samudayadhammam sabbantam nirodhadhammanti
samma dhammam parivimamsamano.
[987] Ekodibhuto vihane tamam soti bhagavati ekoditi
ekaggacitto avikkhittacitto avisahatamanasoti ekodibhuto .
Vihane tamam soti ragatamam dosatamam mohatamam manatamam ditthitamam kilesatamam
duccaritatamam andhakaranam acakkhukaranam ananakaranam pannanirodhikam
vighatapakkhikam anibbanasamvattanikam haneyya vihaneyya pajaheyya
@Footnote: 1 Yu. nimittamupalakkhiye.
Vinodeyya byantikareyya anabhavangameyya . bhagavati garavadhivacanam .
Apica bhaggaragoti bhagava . bhaggadosoti bhagava . bhaggamohoti
bhagava . bhaggamanoti bhagava . bhaggaditthiti bhagava . bhaggakantakoti
bhagava . bhaggakilesoti bhagava . bhaji vibhaji pativibhaji 1- dhammaratananti
bhagava . bhavanam antakaroti bhagava . bhavitakayoti bhagava .
Bhavitasiloti bhavitacittoti bhavitapannoti bhagava . bhaji va
bhagava arannavanapatthani pantani senasanani appasaddani
appanigghosani vijanavatani manussarahaseyyakani patisallana-
sarupaniti bhagava . bhagi va bhagava civarapindapatasenasana-
gilanapaccayabhesajjaparikkharananti bhagava.
{987.1} Bhagi va bhagava attharasassa dhammarasassa vimuttirasassa
adhisilassa adhicittassa adhipannayati bhagava . bhagi va bhagava
catunnam jhananam catunnam appamannanam catunnam arupasamapattinanti
bhagava . bhagi va bhagava atthannam vimokkhanam atthannam abhibhayatananam
navannam anupubbaviharasamapattinanti bhagava . bhagi va bhagava dasannam
sannabhavananam dasannam kasinasamapattinam anapanassatisamadhissa
asubhasamapattiyati bhagava . bhagi va bhagava catunnam satipatthananam
catunnam sammappadhananam catunnam iddhippadanam pancannam indriyanam
pancannam balanam sattannam bojjhanganam ariyassa atthangikassa
maggassati bhagava . bhagi va bhagava dasannam tathagatabalanam
@Footnote: 1 Po. Ma. pavibhaji.
Catunnam vesarajjanam catunnam patisambhidanam channam abhinnanam channam
buddhadhammananti bhagava . bhagavati netam namam matara katam na
pitara katam na bhatara katam na bhaginiya katam na mittamaccehi katam
na natisalohitehi katam na samanabrahmanehi katam na devatahi
katam vimokkhantikametam buddhanam bhagavantanam bodhiya mule saha
sabbannutananassa patilabha sacchika pannatti yadidam bhagavati
ekodibhuto vihane tamam soti bhagava. Tenaha bhagava
etesu dhammesu vineyya chandam
bhikkhu satima suvimuttacitto
kalena so samma dhammam parivimamsamano
ekodibhuto vihane tamam soti bhagavati.
Solasamo sariputtasuttaniddeso.
Atthakavaggikamhi 1- solasa suttaniddesa
samatta.
---------------
@Footnote: 1 Po. Ma. atthakavaggamhi.
The Pali Tipitaka in Roman Character Volume 29 page 607-630.
https://84000.org/tipitaka/read/roman_item.php?book=29&item=959&items=29
Classified by [Item Number] :-
http://84000.org/tipitaka/read/roman_item.php?book=29&item=959&items=29&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=29&item=959&items=29
Compare with The Royal Version of Thai Tipitaka :-
https://84000.org/tipitaka/read/byitem.php?book=29&item=959&items=29
Study Atthakatha :-
https://84000.org/tipitaka/attha/attha.php?b=29&i=959
Contents of The Tipitaka Volume 29
https://84000.org/tipitaka/read/?index_29
https://84000.org/tipitaka/english/?index_29
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
