paliTIPITAKA Volume 36 - Abhidhamma Pitaka 3

Abhidhammapitake dhatukatha ------- namo tassa bhagavato arahato sammasambuddhassa. Matika [1] Sangaho asangaho sangahitena asangahitam asangahitena sangahitam sangahitena sangahitam asangahitena asangahitam sampayogo vippayogo sampayuttena vippayuttam vippayuttena sampayuttam sampayuttena sampayuttam vippayuttena vippayuttam sangahitena sampayuttam vippayuttam sampayuttena sangahitam asangahitam asangahitena sampayuttam vippayuttam vippayuttena sangahitam asangahitam. {1.1} Pancakkhandha dvadasayatanani attharasa dhatuyo cattari saccani bavisatindriyani paticcasamuppado cattaro satipatthana cattaro sammappadhana cattaro iddhipada cattari jhanani catasso appamannayo pancindriyani panca balani satta bojjhanga ariyo atthangiko maggo phasso vedana sanna cetana cittam adhimokkho manasikaro . tihi sangaho tihi asangaho catuhi sampayogo catuhi vippayogo . sabhago visabhago . sabbapi dhammasangani dhatukathaya matikati. Matika. Sangahasangahapadaniddeso [2] Rupakkhandho katihi khandhehi katihayatanehi katihi dhatuhi sangahito . rupakkhandho ekena khandhena ekadasahayatanehi ekadasahi dhatuhi sangahito . katihi asangahito . catuhi khandhehi ekenayatanena sattahi dhatuhi asangahito. [3] Vedanakkhandho katihi khandhehi katihayatanehi katihi dhatuhi sangahito . vedanakkhandho ekena khandhena ekenayatanena ekaya dhatuya sangahito . katihi asangahito. Catuhi khandhehi ekadasahayatanehi sattarasahi dhatuhi asangahito. [4] Sannakkhandho katihi khandhehi katihayatanehi katihi dhatuhi sangahito . sannakkhandho ekena khandhena ekenayatanena ekaya dhatuya sangahito . katihi asangahito. Catuhi khandhehi ekadasahayatanehi sattarasahi dhatuhi asangahito. [5] Sankharakkhandho katihi khandhehi katihayatanehi katihi dhatuhi sangahito . sankharakkhandho ekena khandhena ekenayatanena ekaya dhatuya sangahito . katihi asangahito. Catuhi khandhehi ekadasahayatanehi sattarasahi dhatuhi asangahito. [6] Vinnanakkhandho katihi khandhehi katihayatanehi katihi dhatuhi sangahito . vinnanakkhandho ekena khandhena ekenayatanena sattahi dhatuhi sangahito . katihi asangahito. Catuhi khandhehi ekadasahayatanehi Ekadasahi dhatuhi asangahito. [7] Rupakkhandho ca vedanakkhandho ca katihi khandhehi katihayatanehi katihi dhatuhi sangahita . rupakkhandho ca vedanakkhandho ca dvihi khandhehi ekadasahayatanehi ekadasahi dhatuhi sangahita . katihi asangahita. Tihi khandhehi ekenayatanena sattahi dhatuhi asangahita. [8] Rupakkhandho ca sannakkhandho ca dvihi khandhehi ekadasahayatanehi ekadasahi dhatuhi sangahita . katihi asangahita . Tihi khandhehi ekenayatanena sattahi dhatuhi asangahita. [9] Rupakkhandho ca sankharakkhandho ca dvihi khandhehi ekadasahayatanehi ekadasahi dhatuhi sangahita . katihi asangahita . Tihi khandhehi ekenayatanena sattahi dhatuhi asangahita. [10] Rupakkhandho ca vinnanakkhandho ca dvihi khandhehi dvadasahayatanehi attharasahi dhatuhi sangahita . katihi asangahita . Tihi khandhehi na kehici ayatanehi na kahici dhatuhi asangahita. [11] Rupakkhandho ca vedanakkhandho ca sannakkhandho ca katihi khandhehi katihayatanehi katihi dhatuhi sangahita . rupakkhandho ca vedanakkhandho ca sannakkhandho ca tihi khandhehi ekadasahayatanehi ekadasahi dhatuhi sangahita . katihi asangahita . dvihi khandhehi ekenayatanena sattahi dhatuhi asangahita. [12] Rupakkhandho ca vedanakkhandho ca sankharakkhandho ca tihi Khandhehi ekadasahayatanehi ekadasahi dhatuhi sangahita . katihi asangahita. Dvihi khandhehi ekenayatanena sattahi dhatuhi asangahita. [13] Rupakkhandho ca vedanakkhandho ca vinnanakkhandho ca tihi khandhehi dvadasahayatanehi attharasahi dhatuhi sangahita . katihi asangahita . dvihi khandhehi na kehici ayatanehi na kahici dhatuhi asangahita. [14] Rupakkhandho ca vedanakkhandho ca sannakkhandho ca sankharakkhandho ca katihi khandhehi katihayatanehi katihi dhatuhi sangahita. Rupakkhandho ca vedanakkhandho ca sannakkhandho ca sankharakkhandho ca catuhi khandhehi ekadasahayatanehi ekadasahi dhatuhi sangahita . Katihi asangahita . ekena khandhena ekenayatanena sattahi dhatuhi asangahita. [15] Rupakkhandho ca vedanakkhandho ca sannakkhandho ca vinnanakkhandho ca catuhi khandhehi dvadasahayatanehi attharasahi dhatuhi sangahita . katihi asangahita . ekena khandhena na kehici ayatanehi na kahici dhatuhi asangahita. [16] Rupakkhandho ca vedanakkhandho ca sannakkhandho ca sankharakkhandho ca vinnanakkhandho ca katihi khandhehi katihayatanehi katihi dhatuhi sangahita . rupakkhandho ca vedanakkhandho ca sannakkhandho ca sankharakkhandho ca vinnanakkhandho ca pancahi khandhehi dvadasahayatanehi Attharasahi dhatuhi sangahita . katihi asangahita . na kehici khandhehi na kehici ayatanehi na kahici dhatuhi asangahita. [17] Pancakkhandha katihi khandhehi katihayatanehi katihi dhatuhi sangahita . pancakkhandha pancahi khandhehi dvadasahayatanehi attharasahi dhatuhi sangahita . katihi asangahita . na kehici khandhehi na kehici ayatanehi na kahici dhatuhi asangahita. [18] Cakkhvayatanam katihi khandhehi katihayatanehi katihi dhatuhi sangahitam . cakkhvayatanam ekena khandhena ekenayatanena ekaya dhatuya sangahitam . katihi asangahitam . catuhi khandhehi ekadasahayatanehi sattarasahi dhatuhi asangahitam. [19] Sotayatanam ghanayatanam jivhayatanam kayayatanam rupayatanam saddayatanam gandhayatanam rasayatanam photthabbayatanam ekena khandhena ekenayatanena ekaya dhatuya sangahitam . katihi asangahitam . Catuhi khandhehi ekadasahayatanehi sattarasahi dhatuhi asangahitam. [20] Manayatanam ekena khandhena ekenayatanena sattahi dhatuhi sangahitam . katihi asangahitam . catuhi khandhehi ekadasahayatanehi ekadasahi dhatuhi asangahitam. [21] Dhammayatanam asankhatam khandhato thapetva catuhi khandhehi ekenayatanena ekaya dhatuya sangahitam . katihi asangahitam . Ekena khandhena ekadasahayatanehi sattarasahi dhatuhi asangahitam. [22] Cakkhvayatananca sotayatananca ekena khandhena dvihayatanehi dvihi dhatuhi sangahita . katihi asangahita . catuhi khandhehi dasahayatanehi solasahi dhatuhi asangahita. [23] Cakkhvayatananca ghanayatananca cakkhvayatananca jivhayatananca cakkhvayatananca kayayatananca cakkhvayatananca rupayatananca cakkhvayatananca saddayatananca cakkhvayatananca gandhayatananca cakkhvayatananca rasayatananca cakkhvayatananca photthabbayatananca ekena khandhena dvihayatanehi dvihi dhatuhi sangahita . katihi asangahita. Catuhi khandhehi dasahayatanehi solasahi dhatuhi asangahita. [24] Cakkhvayatananca manayatananca dvihi khandhehi dvihayatanehi atthahi dhatuhi sangahita . katihi asangahita . tihi khandhehi dasahayatanehi dasahi dhatuhi asangahita. [25] Cakkhvayatananca dhammayatananca asankhatam khandhato thapetva catuhi khandhehi dvihayatanehi dvihi dhatuhi sangahita . katihi asangahita. Ekena khandhena dasahayatanehi solasahi dhatuhi asangahita. [26] Dvadasayatanani katihi khandhehi katihayatanehi katihi dhatuhi sangahitani . dvadasayatanani asankhatam khandhato thapetva pancahi khandhehi dvadasahayatanehi attharasahi dhatuhi sangahitani . katihi asangahitani . na kehici khandhehi na kehici ayatanehi na kahici dhatuhi asangahitani. [27] Cakkhudhatu katihi khandhehi katihayatanehi katihi dhatuhi sangahita . cakkhudhatu ekena khandhena ekenayatanena ekaya dhatuya sangahita . katihi asangahita . catuhi khandhehi ekadasahayatanehi sattarasahi dhatuhi asangahita. [28] Sotadhatu ghanadhatu jivhadhatu kayadhatu rupadhatu saddadhatu gandhadhatu rasadhatu photthabbadhatu cakkhuvinnanadhatu sotavinnanadhatu ghanavinnanadhatu jivhavinnanadhatu kayavinnanadhatu manodhatu manovinnanadhatu ekena khandhena ekenayatanena ekaya dhatuya sangahita . katihi asangahita . catuhi khandhehi ekadasahayatanehi sattarasahi dhatuhi asangahita. [29] Dhammadhatu asankhatam khandhato thapetva catuhi khandhehi ekenayatanena ekaya dhatuya sangahita . katihi asangahita . Ekena khandhena ekadasahayatanehi sattarasahi dhatuhi asangahita. [30] Cakkhudhatu ca sotadhatu ca ekena khandhena dvihayatanehi dvihi dhatuhi sangahita . katihi asangahita . catuhi khandhehi dasahayatanehi solasahi dhatuhi asangahita. [31] Cakkhudhatu ca ghanadhatu ca cakkhudhatu ca jivhadhatu ca cakkhudhatu ca kayadhatu ca cakkhudhatu ca rupadhatu ca cakkhudhatu ca saddadhatu ca cakkhudhatu ca gandhadhatu ca cakkhudhatu ca rasadhatu ca cakkhudhatu ca photthabbadhatu ca ekena khandhena dvihayatanehi Dvihi dhatuhi sangahita . katihi asangahita . catuhi khandhehi dasahayatanehi solasahi dhatuhi asangahita.

The Pali Tipitaka in Roman Character Volume 36 page 1-8. https://84000.org/tipitaka/read/roman_item.php?book=36.1&item=1&items=31 Classified by [Item Number] :- http://84000.org/tipitaka/read/roman_item.php?book=36.1&item=1&items=31&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=36.1&item=1&items=31 Compare with The Royal Version of Thai Tipitaka :- https://84000.org/tipitaka/read/byitem.php?book=36.1&item=1&items=31 Study Atthakatha :- https://84000.org/tipitaka/attha/attha.php?b=36.1&i=1 Contents of The Tipitaka Volume 36 https://84000.org/tipitaka/read/?index_36 https://84000.org/tipitaka/english/?index_36