paliTIPITAKA Volume 37 - Abhidhamma Pitaka 4

[1508] Diṭṭhisampannassa puggalassa pahīnā duggatīti. Āmantā. Diṭṭhisampanno puggalo āpāyike sadde .pe. gandhe .pe. Rase .pe. phoṭṭhabbe .pe. amanussitthiyā tiracchānagatitthiyā nāgakaññāya methunaṃ dhammaṃ paṭiseveyya ajeḷakaṃ paṭiggaṇheyya kukkuṭasūkaraṃ paṭiggaṇheyya hatthigavassavaḷavaṃ paṭiggaṇheyya .pe. Tittiravaṭṭakamorakapiñjalaṃ ^1- paṭiggaṇheyyāti . āmantā . hañci diṭṭhisampanno puggalo tittiravaṭṭakamorakapiñjalaṃ paṭiggaṇheyya no vata re vattabbe diṭṭhisampannassa puggalassa pahīnā duggatīti. [1509] Diṭṭhisampannassa puggalassa pahīnā duggati diṭṭhisampanno puggalo āpāyike rūpe rajjeyyāti . āmantā . Arahato pahīnā duggati arahā āpāyike rūpe rajjeyyāti . Na hevaṃ vattabbe .pe. diṭṭhisampannassa puggalassa pahīnā duggati diṭṭhisampanno puggalo āpāyike sadde .pe. gandhe .pe. rase .pe. phoṭṭhabbe .pe. tittiravaṭṭakamorakapiñjalaṃ paṭiggaṇheyyāti . @Footnote:1. Ma. piñcaraṃ Āmantā . arahato pahīnā duggati arahā tittiravaṭṭakamorakapiñjalaṃ paṭiggaṇheyyāti. Na hevaṃ vattabbe .pe. [1510] Arahato pahīnā duggati na ca arahā āpāyike rūpe rajjeyyāti . āmantā . diṭṭhisampannassa puggalassa pahīnā duggati na ca diṭṭhisampanno puggalo āpāyike rūpe rajjeyyāti . Na hevaṃ vattabbe .pe. arahato pahīnā duggati na ca arahā āpāyike sadde .pe. gandhe .pe. rase .pe. Phoṭṭhabbe .pe. Amanussitthiyā tiracchānagatitthiyā nāgakaññāya methunaṃ dhammaṃ paṭiseveyya ajeḷakaṃ paṭiggaṇheyya kukkuṭasūkaraṃ paṭiggaṇheyya hatthigavassavaḷavaṃ paṭiggaṇheyya .pe. tittiravaṭṭakamorakapiñjalaṃ paṭiggaṇheyyāti . Āmantā . diṭṭhisampannassa puggalassa pahīnā duggati na ca diṭṭhisampanno puggalo tittiravaṭṭakamorakapiñjalaṃ paṭiggaṇheyyāti . Na hevaṃ vattabbe .pe. [1511] Na vattabbaṃ diṭṭhisampannassa puggalassa pahīnā duggatīti. Āmantā . diṭṭhisampanno puggalo nirayaṃ upapajjeyya .pe. Tiracchānayoniṃ upapajjeyya .pe. pittivisayaṃ upapajjeyyāti . na hevaṃ vattabbe .pe. Tena hi diṭṭhisampannassa puggalassa pahīnā duggatīti. Duggatikathā. --------- Sattamabhavikakathā [1512] Na vattabbaṃ sattamabhavikassa puggalassa pahīnā duggatīti. Āmantā . sattamabhaviko puggalo nirayaṃ upapajjeyya tiracchānayoniṃ upapajjeyya pittivisayaṃ upapajjeyyāti . na hevaṃ vattabbe .pe. Tena hi sattamabhavikassa puggalassa pahīnā duggatīti. Sattamabhavikakathā. Dvādasamo vaggo. Tassa uddānaṃ saṃvaro kammaṃ tatheva asaṃvaro sabbaṃ kammaṃ savipākaṃ saddo vipāko saḷāyatanaṃ vipāko sattakkhattuṃparamo puggalo sattakkhattuṃparamatāniyato kolaṃkolo puggalo kolaṃkolatāniyato ekavījī puggalo ekavījitāniyato diṭṭhisampanno puggalo sañcicca pāṇaṃ jīvitā voropeyya diṭṭhisampannassa puggalassa pahīnā duggati tatheva sattamabhavikassāti. ---------------- Kappaṭṭhakathā [1513] Kappaṭṭho kappaṃ tiṭṭheyyāti . āmantā . kappo ca saṇṭhāti buddho ca loke uppajjatīti . na hevaṃ vattabbe .pe. Kappaṭṭho kappaṃ tiṭṭheyyāti . āmantā . kappo ca saṇṭhāti saṅgho ca bhijjatīti . na hevaṃ vattabbe .pe. kappaṭṭho kappaṃ tiṭṭheyyāti . āmantā . kappo ca saṇṭhāti kappaṭṭho ca kappaṭṭhiyaṃ kammaṃ karotīti . na hevaṃ vattabbe .pe. kappaṭṭho kappaṃ tiṭṭheyyāti . āmantā . kappo ca saṇṭhāti kappaṭṭho ca puggalo kālaṃ karotīti . na hevaṃ vattabbe .pe. kappaṭṭho kappaṃ tiṭṭheyyāti . āmantā . atītaṃ kappaṃ tiṭṭheyya anāgataṃ kappaṃ tiṭṭheyyāti. Na hevaṃ vattabbe .pe. Kappaṭṭho kappaṃ tiṭṭheyyāti. {1513.1} Āmantā. Dve kappe tiṭṭheyya tayo kappe tiṭṭheyya cattāro kappe tiṭṭheyyāti . na hevaṃ vattabbe .pe. kappaṭṭho kappaṃ tiṭṭheyyāti . āmantā . kappaṭṭho kappe ḍayhante kattha gacchatīti . aññaṃ lokadhātuṃ gacchatīti . mato gacchati vehāsaṃ gacchatīti . mato gacchatīti . kappaṭṭhiyaṃ kammaṃ aparāpariyavepakkanti . Na hevaṃ vattabbe .pe. vehāsaṃ gacchatīti . āmantā . Kappaṭṭho iddhimāti . na hevaṃ vattabbe .pe. kappaṭṭho iddhimāti . Āmantā . kappaṭṭhena chandiddhipādo bhāvito viriyiddhipādo bhāvito cittiddhipādo bhāvito vīmaṃsiddhipādo bhāvitoti . na hevaṃ vattabbe .pe. [1514] Na vattabbaṃ kappaṭṭho kappaṃ tiṭṭheyyāti. Āmantā. Nanu vuttaṃ bhagavatā Āpāyiko nerayiko kappaṭṭho saṅghabhedako vaggarato adhammaṭṭho yogakkhemā padhaṃsati saṅghaṃ samaggaṃ bhetvāna kappaṃ nirayamhi paccatīti ^1- attheva suttantoti. Āmantā. Tena hi kappaṭṭho kappaṃ tiṭṭheyyāti. Kappaṭṭhakathā. ---------- Kusalacittapaṭilābhakathā [1515] Kappaṭṭho kusalaṃ cittaṃ na paṭilabheyyāti . Āmantā. Kappaṭṭho dānaṃ dadeyyāti . āmantā . hañci kappaṭṭho dānaṃ dadeyya no vata re vattabbe kappaṭṭho kusalaṃ cittaṃ na paṭilabheyyāti.

The Pali Tipitaka in Roman Character Volume 37 page 503-507. https://84000.org/tipitaka/read/roman_item.php?book=37&item=1508&items=8 Classified by [Item Number] :- http://84000.org/tipitaka/read/roman_item.php?book=37&item=1508&items=8&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=37&item=1508&items=8 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1508&items=8 Study Atthakatha :- https://84000.org/tipitaka/attha/attha.php?b=37&i=1508 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37