paliTIPITAKA Volume 37 - Abhidhamma Pitaka 4

[1840] Na vattabbaṃ atthi kiñci saññojanaṃ appahāya arahattappattīti. Āmantā . arahā sabbaṃ buddhavisayaṃ jānātīti . Na hevaṃ vattabbe .pe. tena hi atthi kiñci saññojanaṃ appahāya arahattappattīti. Saññojanakathā. ----------- Iddhikathā [1841] Atthi adhippāyaiddhi buddhānaṃ vā sāvakānaṃ vāti . Āmantā . niccapaṇṇā rukkhā hontūti atthi adhippāyaiddhi buddhānaṃ vā sāvakānaṃ vāti . na hevaṃ vattabbe .pe. Niccapupphā rukkhā hontu .pe. niccaphalikā rukkhā hontu niccaṃ juṇhaṃ hotu niccaṃ khemaṃ hotu niccaṃ subhikkhaṃ hotu niccaṃ suvuṭṭhikaṃ hotūti atthi adhippāyaiddhi buddhānaṃ vā sāvakānaṃ vāti . na hevaṃ vattabbe .pe. atthi adhippāyaiddhi buddhānaṃ vā sāvakānaṃ vāti. Āmantā. Uppanno phasso mā nirujjhīti atthi adhippāyaiddhi buddhānaṃ vā sāvakānaṃ vāti . na hevaṃ vattabbe .pe. uppannā vedanā .pe. Saññā .pe. cetanā .pe. cittaṃ saddhā viriyaṃ sati samādhi .pe. Paññā mā nirujjhīti atthi adhippāyaiddhi buddhānaṃ vā sāvakānaṃ vāti. Na hevaṃ vattabbe .pe. [1842] Atthi adhippāyaiddhi buddhānaṃ vā sāvakānaṃ vāti . Āmantā . rūpaṃ niccaṃ hotūti atthi adhippāyaiddhi vedanā saññā saṅkhārā .pe. viññāṇaṃ niccaṃ hotūti atthi adhippāyaiddhi buddhānaṃ vā sāvakānaṃ vāti. Na hevaṃ vattabbe .pe. [1843] Atthi adhippāyaiddhi buddhānaṃ vā sāvakānaṃ vāti . Āmantā . jātidhammā sattā mā jāyiṃsūti atthi .pe. jarādhammā sattā mā jiriṃsūti .pe. byādhidhammā sattā mā byādhiyiṃsūti .pe. maraṇadhammā sattā mā miyyiṃsūti atthi adhippāyaiddhi buddhānaṃ vā sāvakānaṃ vāti. Na hevaṃ vattabbe .pe.

The Pali Tipitaka in Roman Character Volume 37 page 638-640. https://84000.org/tipitaka/read/roman_item.php?book=37&item=1840&items=4 Classified by [Item Number] :- http://84000.org/tipitaka/read/roman_item.php?book=37&item=1840&items=4&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=37&item=1840&items=4 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1840&items=4 Study Atthakatha :- https://84000.org/tipitaka/attha/attha.php?b=37&i=1840 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37