บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
[401] Akusalaṃ dhammaṃ saṃsaṭṭho akusalo dhammo uppajjati nahetupaccayā vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho . abyākataṃ dhammaṃ saṃsaṭṭho abyākato dhammo uppajjati nahetupaccayā ahetukaṃ vipākābyākataṃ kiriyābyākataṃ ekaṃ khandhaṃ saṃsaṭṭhā tayo khandhā tayo khandhe saṃsaṭṭho eko khandho dve khandhe saṃsaṭṭhā dve khandhā ahetukapaṭisandhikkhaṇe vipākābyākataṃ ekaṃ khandhaṃ saṃsaṭṭhā tayo khandhā tayo khandhe saṃsaṭṭho eko khandho dve khandhe saṃsaṭṭhā dve khandhā. [402] Kusalaṃ dhammaṃ saṃsaṭṭho kusalo dhammo uppajjati naadhipatipaccayā ... napurejātapaccayā āruppe kusalaṃ ekaṃ khandhaṃ saṃsaṭṭhā tayo khandhā .pe. Dve khandhe saṃsaṭṭhā dve khandhā. [403] Akusalaṃ dhammaṃ .pe. abyākataṃ dhammaṃ .pe. kusalaṃ dhammaṃ saṃsaṭṭho kusalo dhammo uppajjati napacchājātapaccayā ... Tīṇi. ... Naāsevanapaccayā ... Tīṇi. [404] Kusalaṃ dhammaṃ saṃsaṭṭho kusalo dhammo uppajjati nakammapaccayā kusale khandhe saṃsaṭṭhā kusalā cetanā . akusalaṃ dhammaṃ saṃsaṭṭho akusalo dhammo uppajjati nakammapaccayā akusale khandhe saṃsaṭṭhā akusalā cetanā . abyākataṃ dhammaṃ saṃsaṭṭho abyākato dhammo uppajjati nakammapaccayā kiriyābyākate khandhe saṃsaṭṭhā Kiriyābyākatā cetanā. [405] Kusalaṃ dhammaṃ saṃsaṭṭho .pe. akusalaṃ dhammaṃ saṃsaṭṭho .pe. Abyākataṃ dhammaṃ saṃsaṭṭho abyākato dhammo uppajjati navipākapaccayā kiriyābyākataṃ ekaṃ khandhaṃ saṃsaṭṭhā tayo khandhā . Saṃsaṭṭhavāre paccanīyavibhaṅge nakamme ca navipāke ca paṭisandhi natthi avasesesu sabbattha atthi. [406] Abyākataṃ dhammaṃ saṃsaṭṭho abyākato dhammo uppajjati najhānapaccayā pañcaviññāṇasahagataṃ ekaṃ khandhaṃ saṃsaṭṭhā tayo khandhā .pe. Dve khandhe saṃsaṭṭhā dve khandhā. [407] Abyākataṃ dhammaṃ saṃsaṭṭho abyākato dhammo uppajjati namaggapaccayā ahetukaṃ vipākābyākataṃ kiriyābyākataṃ ekaṃ khandhaṃ saṃsaṭṭhā tayo khandhā .pe. dve khandhe saṃsaṭṭhā dve khandhā ahetukapaṭisandhikkhaṇe. [408] Kusalaṃ dhammaṃ saṃsaṭṭho kusalo dhammo uppajjati navippayuttapaccayā āruppe kusalaṃ ekaṃ khandhaṃ saṃsaṭṭhā tayo khandhā .pe. dve khandhe saṃsaṭṭhā dve khandhā. Akusalaṃ dhammaṃ saṃsaṭṭho akusalo dhammo uppajjati navippayuttapaccayā āruppe akusalaṃ ekaṃ khandhaṃ saṃsaṭṭhā tayo khandhā .pe. dve khandhe saṃsaṭṭhā dve khandhā . abyākataṃ dhammaṃ saṃsaṭṭho abyākato dhammo uppajjati navippayuttapaccayā āruppe vipākābyākataṃ Kiriyābyākataṃ ekaṃ khandhaṃ saṃsaṭṭhā tayo khandhā .pe. dve khandhe saṃsaṭṭhā dve khandhā. Navippayutte paṭisandhi natthi. [409] Nahetuyā dve naadhipatiyā tīṇi napurejāte tīṇi napacchājāte tīṇi naāsevane tīṇi nakamme tīṇi navipāke tīṇi najhāne ekaṃ namagge ekaṃ navippayutte tīṇi. [410] Nahetupaccayā naadhipatiyā dve ... napurejāte dve napacchājāte dve naāsevane dve nakamme ekaṃ navipāke dve najhāne ekaṃ namagge ekaṃ navippayutte dve. [411] Nahetupaccayā naadhipatipaccayā napurejāte dve ... napacchājāte dve naāsevane dve nakamme ekaṃ navipāke dve najhāne ekaṃ namagge ekaṃ navippayutte dve.The Pali Tipitaka in Roman Character Volume 40 page 136-138. https://84000.org/tipitaka/read/roman_item.php?book=40&item=401&items=11 Classified by [Item Number] :- http://84000.org/tipitaka/read/roman_item.php?book=40&item=401&items=11&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=40&item=401&items=11 Compare with The Royal Version of Thai Tipitaka :- https://84000.org/tipitaka/read/byitem.php?book=40&item=401&items=11 Study Atthakatha :- https://84000.org/tipitaka/attha/attha.php?b=40&i=401 Contents of The Tipitaka Volume 40 https://84000.org/tipitaka/read/?index_40 https://84000.org/tipitaka/english/?index_40
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]