TIPITAKA Volume 18 : PALI ROMAN
Sutta Pitaka Vol 10 : Sutta. Saṃ. Saḷa.

     [332]   Yato   kho  bhikkhave  bhikkhu  sabbesam  yeva  dukkhadhammanam
samudayanca   atthangamanca   yathabhutam   pajanati   .   atha   kho   panassa
kama    dittha   honti   yathassa   kame   passato   yo   kamesu
kamachando    kamasneho   kamamuccha   kamaparilaho   so   nanuseti
tatha  kho  panassa  caro  ca viharo ca anubandho 1- hoti. Yatha carantam
viharantam  abhijjhadomanassa  papaka  akusala  dhamma  nanussavanti  2-.
Kathanca     bhikkhave    bhikkhu    sabbesamyeva    dukkhadhammanam    samudayanca
atthangamanca   yathabhutam   pajanati   iti   rupam   iti   rupassa   samudayo
iti   rupassa   atthangamo   .   iti   vedana  .pe.  iti  sanna .
Iti    sankhara    .    iti    vinnanam   iti   vinnanassa   samudayo
iti  vinnanassa  atthangamoti  .  evam  kho  bhikkhave  bhikkhu  sabbesamyeva
dukkhadhammanam samudayanca atthangamanca yathabhutam pajanati.
     [333]  Kathanca  bhikkhave  bhikkhuno  kama  dittha  honti  yathassa
@Footnote: 1 Ma. anubuddho .   2 Ma. nanusenti.
---------------------------------------------------------------------------------------------
page234.
Kame   passato   yo   kamesu   kamachando   kamasneho  kamamuccha
kamaparilaho   so   nanuseti   .   seyyathapi   bhikkhave  angarakasu
sadhikaporisa     punna    angaranam    vitaccikanam    vitadhumanam   .
Atha   kho   puriso   agaccheyya   jivitukamo   amaritukamo   sukhakamo
dukkhapatikulo   tamenam   dve   balavanto  purisa  nanabahasu  gahetva
tam   angarakasum  upakaddheyyum  so  iti  imameva  kayam  sannameyya .
Tam  kissa  hetu  .  annananhi  1-  bhikkhave  tassa  purisassa  hoti  2-
imancaham    3-    angarakasum   papatissami   tatonidanam   maranam   va
nigacchissami   maranamattam   va   dukkhanti   .   evameva   kho  bhikkhave
bhikkhuno   angarakasupama   kama   dittha   honti   yathassa   kame
passato     yo    kamesu    kamachando    kamasneho    kamamuccha
kamaparilaho so nanuseti.
     [334]  Kathanca  bhikkhave  bhikkhuno caro ca viharo ca anubandho 4-
hoti   yatha   carantam   viharantam   abhijjhadomanassa   papaka   akusala
dhamma   nanussavanti   .   seyyathapi  bhikkhave  puriso  bahukantakam  dayam
paviseyya   tassa   puratopi   kantako   pacchatopi   kantako   uttaratopi
kantako    dakkhinatopi    kantako    hetthatopi    kantako    uparitopi
kantako  so  satova  5-  abhikkameyya  satova  5-  patikkameyya  ma mam
kantakoti   .   evameva   kho   bhikkhave   yam  loke  piyarupam  satarupam
ayam   vuccati   ariyassa   vinaye   kantakoti   iti  viditva  asamvaro  ca
@Footnote: 1 Ma. natam hi. yu natanhi .  2 Ma. ayam patho natthi. 3 Yu. imam khvaham.
@4 Ma. Yu. anubuddho .  5 Yu. yato ca.
---------------------------------------------------------------------------------------------
page235.
Samvaro ca veditabbo.
     [335]  Kathanca  bhikkhave  asamvaro hoti. Idha bhikkhave bhikkhu cakkhuna
rupam   disva   piyarupe   rupe   adhimuccati  appiyarupe  rupe  byapajjati
anupatthitakayasati    ca    viharati    parittacetaso    tanca   cetovimuttim
pannavimuttim     yathabhutam    nappajanati    yatthassa    te    uppanna
papaka    akusala   dhamma   aparisesa   nirujjhanti   .pe.   jivhaya
rasam    sayitva   .pe.   manasa   dhammam   vinnaya   piyarupe   dhamme
adhimuccati    appiyarupe    dhamme    byapajjati    anupatthitakayasati   ca
viharati    parittacetaso    tanca    cetovimuttim   pannavimuttim   yathabhutam
nappajanati    yatthassa    te   uppanna   papaka   akusala   dhamma
aparisesa nirujjhanti. Evam kho bhikkhave asamvaro hoti.
     [336]   Kathanca   bhikkhave  samvaro  hoti  .  idha  bhikkhave  bhikkhu
cakkhuna   rupam   disva   piyarupe   rupe   nadhimuccati  appiyarupe  rupe
na     byapajjati    upatthitakayasati    ca    viharati    appamanacetaso
tanca    cetovimuttim    pannavimuttim    yathabhutam    pajanati    yatthassa
te   uppanna   papaka  akusala  dhamma  aparisesa  nirujjhanti  .pe.
Jivhaya   rasam   sayitva   .pe.   manasa   dhammam   vinnaya   piyarupe
dhamme   nadhimuccati   appiyarupe   dhamme  na  byapajjati  upatthitakayasati
ca    viharati    appamanacetaso    tanca    cetovimuttim    pannavimuttim
yathabhutam    pajanati    yatthassa    te   uppanna   papaka   akusala
---------------------------------------------------------------------------------------------
page236.
Dhamma aparisesa nirujjhanti. Evam kho bhikkhave samvaro hoti.
     [337]  Tassa  ce  bhikkhave  bhikkhuno  evam  carato  evam viharato
kadaci   karahaci   satisammosa   uppajjanti   papaka   akusala   dhamma
sarasankappa   sannojaniya   .   dandho   bhikkhave  satuppado  atha  kho
nam   khippameva   pajahati   vinodeti   byantikaroti   anabhavam   gameti .
Seyyathapi   bhikkhave   puriso   divasam  santatte  ayokatahe  dve  va
tini   va   udakaphusitani   nipateyya   .  dandho  bhikkhave  udakaphusitanam
nipato   atha   kho   nam   khippameva  parikkhayam  pariyadanam  gaccheyya .
Evameva  kho  bhikkhave  tassa  ce  bhikkhuno  evam  carato  evam viharato
kadaci   karahaci   satisammosa   uppajjanti   papaka   akusala   dhamma
sarasankappa   sannojaniya   .   dandho   bhikkhave  satuppado  atha  kho
nam   khippameva   pajahati   vinodeti   byantikaroti   anabhavam   gameti .
Evam   kho   bhikkhave  bhikkhuno  caro  ca  viharo  ca  anubandho  hoti
yatha   carantam   viharantam   abhijjhadomanassa   papaka   akusala  dhamma
nanussavanti.
     [338]  Tance  bhikkhave  bhikkhum  evam carantam evam viharantam rajano
va  rajamahamatta  va  mitta  va  amacca  va  nati va salohita
va  bhogehi  abhihatthum  pavareyyum ehambho 1- purisa kinte ime kasava
anudayhanti  2-  .  kim  mundo  kapalamanucarasi  .  ehi  hinayavattitva
bhoge  ca  bhunjassu  punnani  ca  karohiti  .  so  ca  3-  tam  bhikkhave
@Footnote: 1 Ma. Yu. ehi bho .   2 Ma. Yu. anudahanti .  3 Ma. Yu. vata.
---------------------------------------------------------------------------------------------
page237.
Bhikkhu  evam  caranto  evam  viharanto  sikkham  paccakkhaya hinayavattissatiti
netam thanam vijjati.
     {338.1}    Seyyathapi    bhikkhave   ganga   nadi   pacinaninna
pacinapona     pacinapabbhara     atha    mahajanakayo    agaccheyya
kuddalapitakam   adaya   mayam   imam   gangam   nadim   pacchaninnam  karissama
pacchaponam   pacchapabbharanti   .  tam  kim  mannatha  bhikkhave  api  nu  kho
so    mahajanakayo    gangam   nadim   pacchaninnam   kareyya   pacchaponam
pacchapabbharanti  .  no  hetam  bhante  .  tam kissa hetu. Ganga bhante
nadi    pacinaninna    pacinapona   pacinapabbhara   sa   na   sukara
pacchaninna     1-     katum     pacchapona    pacchapabbhara   .
Yavadeva     pana     so     mahajanakayo     kilamathassa    vighatassa
bhagi assati.
     {338.2}  Evameva  kho  bhikkhave  tance  bhikkhum evam carantam evam
viharantam   rajano  va  rajamahamatta  va  mitta  va  amacca  va
nati  va  salohita  va  bhogehi  abhihatthum  pavareyyum  ehambho purisa
kim  te  ime  kasava  anudayhanti  .  kim [2]- mundo kapalamanucarasi.
Ehi   hinayavattitva   bhoge   ca  bhunjassu  punnani  ca  karohiti .
So   vata   bhikkhave   bhikkhu   evam   caranto   evam   viharanto  sikkham
paccakkhaya   hinayavattissatiti   netam   thanam   vijjati   .   tam   kissa
hetu   .   yam   hi  tam  bhikkhave  cittam  digharattam  vivekaninnam  vivekaponam
vivekapabbharam   tanca   3-   hinayavattissatiti  netam  thanam  vijjatiti .
Sattamam.
@Footnote: 1 Yu. pacchaninnam...ponam...pabbharam .  2 Yu. nu .  3 Ma. Yu. tatha.


             The Pali Tipitaka in Roman Character Volume 18 page 233-237.
http://84000.org/tipitaka/read/roman_item_s.php?book=18&item=332&items=7&pagebreak=1&modeTY=2
             Classified by [Item Number] :-
http://84000.org/tipitaka/read/roman_item_s.php?book=18&item=332&items=7&pagebreak=1&modeTY=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=18&item=332&items=7&pagebreak=1&modeTY=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=18&item=332&items=7&pagebreak=1&modeTY=2
             Study Atthakatha :-
http://84000.org/tipitaka/attha/attha.php?b=18&i=332
             The Pali Atthakatha in Thai :-
http://84000.org/tipitaka/atthapali/read_th.php?B=13&A=2473
             The Pali Atthakatha in Roman :-
http://84000.org/tipitaka/atthapali/read_rm.php?B=13&A=2473
             Contents of The Tipitaka Volume 18
http://84000.org/tipitaka/read/?index_18