paliTIPITAKA Volume 2 - Vinaya Pitaka 2

Catutthasikkhapadam [86] Tena samayena buddho bhagava savatthiyam viharati jetavane anathapindikassa arame . tena kho pana samayena bhikkhu anuvassam santhatam karapenti . te yacanabahula vinnattibahula viharanti elakalomani detha elakalomehi atthoti . manussa ujjhayanti khiyanti vipacenti katham hi nama samana sakyaputtiya anuvassam santhatam karapessanti yacanabahula vinnattibahula viharissanti elakalomani detha elakalomehi atthoti amhakam pana sakim katani santhatani pancapi chapi vassani honti yesam no daraka uhadantipi ^1- ummihantipi undurehipi ^2- khajjanti ime pana samana sakyaputtiya anuvassam santhatam karapessanti yacanabahula vinnattibahula viharissanti elakalomani detha elakalomehi atthoti. {86.1} Assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha .pe. te ujjhayanti khiyanti vipacenti katham hi nama bhikkhu anuvassam santhatam karapessanti yacanabahula vinnattibahula viharissanti elakalomani detha elakalomehi atthoti . athakho te bhikkhu bhagavato etamattham arocesum . saccam kira bhikkhave bhikkhu anuvassam santhatam karapenti yacanabahula vinnattibahula viharanti elakalomani detha @Footnote: ¹ Ma. uhadantipi . ² Ma. undurehipi. Elakalomehi atthoti . saccam bhagavati . vigarahi buddho bhagava katham hi nama te bhikkhave moghapurisa anuvassam santhatam karapessanti yacanabahula vinnattibahula viharissanti elakalomani detha elakalomehi atthoti netam bhikkhave appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha navam pana bhikkhuna santhatam karapetva chabbassani dharetabbam . orena ce channam vassanam tam santhatam vissajjetva va avissajjetva va annam navam santhatam karapeyya nissaggiyam pacittiyanti . evancidam bhagavata bhikkhunam sikkhapadam pannattam hoti.

The Pali Tipitaka in Roman Character Volume 2 page 71-72. http://84000.org/tipitaka/read/roman_item_s.php?book=2&item=86&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=2&item=86&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=86&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=86&items=1&modeTY=2 Study Atthakatha :- http://84000.org/tipitaka/attha/attha.php?b=2&i=86 The Pali Atthakatha in Thai :- http://84000.org/tipitaka/atthapali/read_th.php?B=2&A=4590 The Pali Atthakatha in Roman :- http://84000.org/tipitaka/atthapali/read_rm.php?B=2&A=4590 Contents of The Tipitaka Volume 2 http://84000.org/tipitaka/read/?index_2