paliTIPITAKA Volume 21 - Sutta Pitaka 13

Uruvelavaggo tatiyo [21] Ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti. Bhadanteti te bhikkhu bhagavato paccassosum . bhagava etadavoca ekamidaham bhikkhave samayam uruvelayam viharami najja neranjaraya tire ajapalanigrodhe pathamabhisambuddho tassa mayham bhikkhave rahogatassa patisallinassa evam cetaso parivitakko udapadi dukkham kho agaravo viharati appatisso kannukho aham samanam va brahmanam va sakkatva @Footnote: ¹ Yu. parisakkasavo. Garum katva upanissaya vihareyyanti tassa mayham bhikkhave etadahosi aparipurassa kho me ^1- silakkhandhassa paripuriya annam samanam va brahmanam va sakkatva garum katva ^2- upanissaya vihareyyam na kho panaham passami sadevake loke samarake sabrahmake sassamanabrahmaniya pajaya sadevamanussaya annam samanam va brahmanam va attana silasampannataram yamaham sakkatva garum katva upanissaya vihareyyam aparipurassa kho me ^1- ... samadhikkhandhassa ... Pannakkhandhassa ... Vimuttikkhandhassa paripuriya annam samanam va brahmanam va sakkatva garum katva upanissaya vihareyyam na kho panaham passami sadevake loke samarake sabrahmake sassamanabrahmaniya pajaya sadevamanussaya annam samanam va brahmanam va attana vimuttisampannataram yamaham sakkatva garum katva upanissaya vihareyyanti tassa mayham bhikkhave etadahosi yannunaham yopayam dhammo maya abhisambuddho tameva dhammam sakkatva garum katva upanissaya vihareyyanti. {21.1} Athakho bhikkhave brahma sahampati mama cetasa cetoparivitakkamannaya seyyathapi nama balava puriso samminjitam va baham pasareyya pasaritam va baham samminjeyya evameva brahmaloke antarahito mama purato paturahosi . athakho bhikkhave brahma sahampati ekamsam uttarasangam karitva dakkhinajanumandalam pathaviyam nihantva yenaham tenanjalimpanametva @Footnote: ¹ Ma. Yu. aham . ² garukatva. ito param idisameva. Mam etadavoca evametam bhagava evametam sugata yepi te bhante ahesum atitamaddhanam arahanto sammasambuddha tepi bhagavanto dhammamyeva sakkatva garum katva upanissaya viharimsu yepi te bhante bhavissanti anagatamaddhanam arahanto sammasambuddha tepi bhagavanto dhammamyeva sakkatva garum katva upanissaya viharissanti bhagavapi bhante etarahi araham sammasambuddho dhammamyeva sakkatva garum katva upanissaya viharatuti idamavoca brahma sahampati idam vatva athaparam etadavoca ye ca atita ^1- sambuddha ye ca buddha anagata yo cetarahi sambuddho bahunnam sokanasano sabbe saddhammagaruno viharimsu ^2- vihati ca athapi viharissanti esa buddhana dhammata tasma hi attakamena mahattamabhikankhata saddhammo garukatabbo saram buddhana sasananti. Idamavoca bhikkhave brahma sahampati idam vatva mam abhivadetva detva padakkhinam katva tatthevantaradhayi . idha ^3- khvaham bhikkhave brahmuno ajjhesanam viditva attano ca patirupam yopayam dhammo maya abhisambuddho tameva dhammam sakkatva garum katva upanissaya vihasim yato ca kho bhikkhave sanghopi mahattena samannagato atha @Footnote: ¹ Yu. yecabbhatita . ² Ma. Yu. vihamsu viharanti ca . ³ Po. Ma. Yu. atha. Me sanghepi garavoti.

The Pali Tipitaka in Roman Character Volume 21 page 25-28. http://84000.org/tipitaka/read/roman_item_s.php?book=21&item=21&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=21&item=21&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=21&item=21&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=21&item=21&items=1&modeTY=2 Study Atthakatha :- http://84000.org/tipitaka/attha/attha.php?b=21&i=21 The Pali Atthakatha in Thai :- http://84000.org/tipitaka/atthapali/read_th.php?B=15&A=6826 The Pali Atthakatha in Roman :- http://84000.org/tipitaka/atthapali/read_rm.php?B=15&A=6826 Contents of The Tipitaka Volume 21 http://84000.org/tipitaka/read/?index_21