บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 4 : PALI ROMAN Vinaya Pitaka Vol 4 : Vinaya. Mahā (1)
[102] Tena kho pana samayena ranno magadhassa seniyassa bimbisarassa paccanto kupito hoti . athakho raja magadho seniyo bimbisaro senanayake mahamatte anapesi gacchatha bhane paccantam uccinathati . evam devati kho senanayaka mahamatta ranno magadhassa seniyassa bimbisarassa paccassosum . Athakho abhinnatanam abhinnatanam yodhanam etadahosi mayam kho yuddhabhinandino gacchanta papanca kammam 1- karoma bahunca apunnam pasavama kena nu kho mayam upayena papa ca virameyyama kalyananca kareyyamati. {102.1} Athakho tesam yodhanam etadahosi ime kho samana sakyaputtiya dhammacarino samacarino brahmacarino saccavadino silavanto kalyanadhamma sace kho mayam samanesu sakyaputtiyesu pabbajeyyama evam mayam papa ca virameyyama kalyananca kareyyamati . athakho te yodha bhikkhu upasankamitva pabbajjam yacimsu . te bhikkhu pabbajesum upasampadesum . senanayaka mahamatta rajabhate pucchimsu kinnu kho bhane itthannamo ca itthannamo ca yodha na dissantiti . itthannamo ca itthannamo ca sami yodha bhikkhusu pabbajitati . senanayaka mahamatta ujjhayanti khiyanti vipacenti katham hi nama samana sakyaputtiya rajabhatam pabbajessantiti . senanayaka mahamatta @Footnote: 1 Ma. Yu. ayam patho natthi. Ranno magadhassa seniyassa bimbisarassa etamattham arocesum . Athakho raja magadho seniyo bimbisaro voharike mahamatte pucchi yo bhane rajabhatam pabbajeti kim so pasavatiti . upajjhayassa deva sisam chedetabbam anussavakassa 1- jivha uddharitabba ganassa upaddhaphasuka bhanjitabbati . athakho raja magadho seniyo bimbisaro yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho raja magadho seniyo bimbisaro bhagavantam etadavoca santi bhante rajano assaddha appasanna te appamattakenapi bhikkhu vihetheyyum sadhu bhante ayya rajabhatam na pabbajeyyunti. {102.2} Athakho bhagava rajanam magadham seniyam bimbisaram dhammiya kathaya sandassesi samadapesi samuttejesi sampahamsesi . athakho raja magadho seniyo bimbisaro bhagavata dhammiya kathaya sandassito samadapito samuttejito sampahamsito utthayasana bhagavantam abhivadetva padakkhinam katva pakkami . athakho bhagava etasmim nidane etasmim pakarane dhammim katham katva bhikkhu amantesi na bhikkhave rajabhato pabbajetabbo yo pabbajeyya apatti dukkatassati.The Pali Tipitaka in Roman Character Volume 4 page 151-152. http://84000.org/tipitaka/read/roman_item_s.php?book=4&item=102&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=4&item=102&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=4&item=102&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=4&item=102&items=1&modeTY=2 Study Atthakatha :- http://84000.org/tipitaka/attha/attha.php?b=4&i=102 The Pali Atthakatha in Thai :- http://84000.org/tipitaka/atthapali/read_th.php?B=3&A=1268 The Pali Atthakatha in Roman :- http://84000.org/tipitaka/atthapali/read_rm.php?B=3&A=1268 Contents of The Tipitaka Volume 4 http://84000.org/tipitaka/read/?index_4
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]