paliTIPITAKA Volume 7 - Vinaya Pitaka 7

[173] Tena kho pana samayena bhikkhu dantakattham na khadanti. Mukham duggandham hoti . bhagavato etamattham arocesum .pe. Pancime bhikkhave adinava dantakatthassa akhadane acakkhussam mukham duggandham hoti rasaharaniyo na visujjhanti pittampi semhampi bhattam pariyonaddhati ^1- bhattamassa na chadeti ime kho bhikkhave panca adinava dantakatthassa akhadane . pancime bhikkhave anisamsa dantakatthassa khadane cakkhussam mukham na duggandham hoti rasaharaniyo visujjhanti pittampi semhampi bhattam na pariyonaddhati ^1- bhattamassa chadeti ime kho bhikkhave panca anisamsa dantakatthassa khadane. Anujanami bhikkhave dantakatthanti. @Footnote: ¹ Ma. Yu. pittam semham bhattam pariyonandhati.

--------------------------------------------------------------------------------------------- page68.

[174] Tena kho pana samayena chabbaggiya bhikkhu dighani dantakatthani khadanti teheva samanere ^1- akotenti . bhagavato etamattham arocesum .pe. na bhikkhave digham dantakattham khaditabbam yo khadeyya apatti dukkatassa anujanami bhikkhave atthangulaparamam dantakattham na ca teneva ^2- samanero akotetabbo yo akoteyya apatti dukkatassati. [175] Tena kho pana samayena annatarassa bhikkhuno atimandahakam ^3- dantakattham khadantassa kanthe vilaggam hoti . bhagavato etamattham arocesum .pe. na bhikkhave atimandahakam ^3- dantakattham khaditabbam yo khadeyya apatti dukkatassa anujanami bhikkhave caturangulam pacchimam dantakatthanti.

The Pali Tipitaka in Roman Character Volume 7 page 67-68. http://84000.org/tipitaka/read/roman_item_s.php?book=7&item=173&items=3&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=7&item=173&items=3&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=7&item=173&items=3&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=7&item=173&items=3&pagebreak=1&modeTY=2 Study Atthakatha :- http://84000.org/tipitaka/attha/attha.php?b=7&i=173 Contents of The Tipitaka Volume 7 http://84000.org/tipitaka/read/?index_7