|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 14 : PALI ROMAN Sutta Pitaka Vol 6 : Sutta. Ma. U.
Pindapataparisuddhisuttam [837] Evamme sutam ekam samayam bhagava rajagahe viharati veluvane kalandakanivape . atha kho ayasma sariputto sayanhasamayam patisallana vutthito yena bhagava tenupasankami upasankamitva bhagavantam abhivadetva ekamantam nisidi . ekamantam nisinnam kho ayasmantam sariputtam bhagava etadavoca vippasannani kho te sariputta indriyani parisuddho chavivanno pariyodato katamena [1]- tvam sariputta viharena etarahi bahulam viharasiti . sunnataviharena kho aham bhante etarahi bahulam viharamiti. [838] Sadhu sadhu sariputta mahapurisaviharena kira tvam sariputta etarahi bahulam viharasi mahapurisaviharo hesa sariputta yadidam sunnata . tasmatiha sariputta bhikkhu sace akankheyya sunnataviharena [2]- bahulam vihareyyanti tena sariputta bhikkhuna iti patisancikkhitabbam yena caham maggena gamam pindaya pavisim yasminca padese pindaya acarim yena ca maggena gamato pindaya patikkamim atthi nu kho me tattha cakkhuvinneyyesu rupesu chando va rago va doso va moho va patigham vapi cetasoti . Sace sariputta bhikkhu paccavekkhamano evam janati yena caham maggena gamam pindaya pavisim yasminca padese pindaya acarim @Footnote: 1 Ma. etthantare khosaddo atthi . 2 Yu. etthantare etarahi iti dissati.--------------------------------------------------------------------------------------------- page534.
Yena ca maggena gamato pindaya patikkamim atthi me tattha cakkhuvinneyyesu rupesu chando va rago va doso va moho va patigham vapi cetasoti tena sariputta bhikkhuna tesamyeva papakanam akusalanam dhammanam pahanaya vayamitabbam . sace pana sariputta bhikkhu paccavekkhamano evam janati yena caham maggena gamam pindaya pavisim yasminca padese pindaya acarim yena ca maggena gamato pindaya patikkamim natthi me tattha cakkhuvinneyyesu rupesu chando va rago va doso va moho va patigham vapi cetasoti tena sariputta bhikkhuna teneva pitipamujjena 1- vihatabbam ahorattanusikkhina kusalesu dhammesu. [839] Puna caparam sariputta bhikkhuna iti patisancikkhitabbam yena caham maggena gamam pindaya pavisim yasminca padese pindaya acarim yena ca maggena gamato pindaya patikkamim atthi nu kho me tattha sotavinneyyesu saddesu ... ghanavinneyyesu gandhesu ... Jivhavinneyyesu rasesu ... kayavinneyyesu photthabbesu ... Manovinneyyesu dhammesu chando va rago va doso va moho va patigham vapi cetasoti . sace sariputta bhikkhu paccavekkhamano evam janati yena caham maggena gamam pindaya pavisim yasminca padese pindaya acarim yena ca maggena gamato pindaya patikkamim atthi me tattha manovinneyyesu dhammesu chando va rago va @Footnote: 1 Ma. sabbattha pitipamojjena.--------------------------------------------------------------------------------------------- page535.
Doso va moho va patigham vapi cetasoti tena sariputta bhikkhuna tesamyeva papakanam akusalanam dhammanam pahanaya vayamitabbam . Sace pana sariputta bhikkhu paccavekkhamano evam janati yena caham maggena gamam pindaya pavisim yasminca padese pindaya acarim yena ca maggena gamato pindaya patikkamim natthi me tattha manovinneyyesu dhammesu chando va rago va doso va moho va patigham vapi cetasoti tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [840] Puna caparam sariputta bhikkhuna iti patisancikkhitabbam pahina nu kho me panca kamagunati . sace sariputta bhikkhu paccavekkhamano evam janati appahina kho me panca kamagunati tena sariputta bhikkhuna pancannam kamagunanam pahanaya vayamitabbam . Sace pana sariputta bhikkhu paccavekkhamano evam janati pahina kho me panca kamagunati tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [841] Puna caparam sariputta bhikkhuna iti patisancikkhitabbam pahina nu kho me panca nivaranati . sace sariputta bhikkhu paccavekkhamano evam janati appahina kho me panca nivaranati tena sariputta bhikkhuna pancannam nivarananam pahanaya vayamitabbam . Sace pana sariputta bhikkhu paccavekkhamano evam janati pahina--------------------------------------------------------------------------------------------- page536.
Kho me panca nivaranati tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [842] Puna caparam sariputta bhikkhuna iti patisancikkhitabbam parinnata nu kho me pancupadanakkhandhati . sace sariputta bhikkhu paccavekkhamano evam janati aparinnata kho me pancupadanakkhandhati tena sariputta bhikkhuna pancannam upadanakkhandhanam parinnaya vayamitabbam . sace pana sariputta bhikkhu paccavekkhamano evam janati parinnata kho me pancupadanakkhandhati tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [843] Puna caparam sariputta bhikkhuna iti patisancikkhitabbam bhavita nu kho me cattaro satipatthanati . sace sariputta bhikkhu paccavekkhamano evam janati abhavita kho me cattaro satipatthanati tena sariputta bhikkhuna catunnam satipatthananam bhavanaya vayamitabbam . Sace pana sariputta bhikkhu paccavekkhamano evam janati bhavita kho me cattaro satipatthanati tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [844] Puna caparam sariputta bhikkhuna iti patisancikkhitabbam bhavita nu kho me cattaro sammappadhanati . sace sariputta bhikkhu paccavekkhamano evam janati abhavita kho me cattaro--------------------------------------------------------------------------------------------- page537.
Sammappadhanati tena sariputta bhikkhuna catunnam sammappadhananam bhavanaya vayamitabbam . sace pana sariputta bhikkhu paccavekkhamano evam janati bhavita kho me cattaro sammappadhanati tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [845] Puna caparam sariputta bhikkhuna iti patisancikkhitabbam bhavita nu kho me cattaro iddhipadati . sace sariputta bhikkhu paccavekkhamano evam janati abhavita kho me cattaro iddhipadati tena sariputta bhikkhuna catunnam iddhipadanam bhavanaya vayamitabbam . sace pana sariputta bhikkhu paccavekkhamano evam janati bhavita kho me cattaro iddhipadati tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [846] Puna caparam sariputta bhikkhuna iti patisancikkhitabbam bhavita nu kho me pancindriyaniti . sace sariputta bhikkhu paccavekkhamano evam janati abhavitani kho me pancindriyaniti tena sariputta bhikkhuna pancannam indriyanam bhavanaya vayamitabbam . Sace pana sariputta bhikkhu paccavekkhamano evam janati bhavitani kho me pancindriyaniti tena sariputta bhikkhuna teneva pitipamujjena vihatabbam ahorattanusikkhina kusalesu dhammesu.--------------------------------------------------------------------------------------------- page538.
[847] Puna caparam sariputta bhikkhuna iti patisancikkhitabbam bhavitani nu kho me panca balaniti . sace sariputta bhikkhu paccavekkhamano evam janati abhavitani kho me panca balaniti tena sariputta bhikkhuna pancannam balanam bhavanaya vayamitabbam . Sace pana sariputta bhikkhu paccavekkhamano evam janati bhavitani kho me panca balaniti tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [848] Puna caparam sariputta bhikkhuna iti patisancikkhitabbam bhavita nu kho me satta bojjhangati . sace sariputta bhikkhu paccavekkhamano evam janati abhavita kho me satta bojjhangati tena sariputta bhikkhuna sattannam bojjhanganam bhavanaya vayamitabbam . sace pana sariputta bhikkhu paccavekkhamano evam janati bhavita kho me satta bojjhangati tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [849] Puna caparam sariputta bhikkhuna iti patisancikkhitabbam bhavito nu kho me ariyo atthangiko maggoti . sace sariputta bhikkhu paccavekkhamano evam janati abhavito kho me ariyo atthangiko maggoti tena sariputta bhikkhuna ariyassa atthangikassa maggassa bhavanaya vayamitabbam . sace pana sariputta bhikkhu paccavekkhamano evam janati bhavito kho me ariyo--------------------------------------------------------------------------------------------- page539.
Atthangiko maggoti tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [850] Puna caparam sariputta bhikkhuna iti patisancikkhitabbam bhavita nu kho me samatho ca vipassana cati . sace sariputta bhikkhu paccavekkhamano evam janati abhavita kho me samatho ca vipassana cati tena sariputta bhikkhuna samathavipassananam bhavanaya vayamitabbam . sace pana sariputta bhikkhu paccavekkhamano evam janati bhavita kho me samatho ca vipassana cati tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [851] Puna caparam sariputta bhikkhuna iti patisancikkhitabbam sacchikata nu kho me vijja ca vimutti cati . sace sariputta bhikkhu paccavekkhamano evam janati asacchikata kho me vijja ca vimutti cati tena sariputta bhikkhuna vijjaya ca vimuttiya ca sacchikiriyaya vayamitabbam . sace pana sariputta bhikkhu paccavekkhamano evam janati sacchikata kho me vijja ca vimutti cati tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [852] Ye hi keci sariputta atitamaddhanam samana va brahmana va pindapatam parisodhesum sabbe te evameva--------------------------------------------------------------------------------------------- page540.
Paccavekkhitva paccavekkhitva pindapatam parisodhesum . ye 1- hi keci sariputta anagatamaddhanam samana va brahmana va pindapatam parisodhessanti sabbe te evameva paccavekkhitva paccavekkhitva pindapatam parisodhessanti . ye 2- hi keci sariputta etarahi samana va brahmana va pindapatam parisodhenti sabbe te evameva paccavekkhitva paccavekkhitva pindapatam parisodhenti . Tasmatiha 3- vo sariputta sikkhitabbam paccavekkhitva paccavekkhitva pindapatam parisodhessamati evanhi vo sariputta sikkhitabbanti. Idamavoca bhagava attamano ayasma sariputto bhagavato bhasitam abhinanditi. Pindapataparisuddhisuttam nitthitam navamam. --------- @Footnote: 1-2 Ma. Yu. yepi hi keci . 3 Yu. tenahi vo sariputta evam sikkhitabbam. @Ma. tasmatiha sariputta.The Pali Tipitaka in Roman Character Volume 14 page 533-540. https://84000.org/tipitaka/read/roman_read.php?B=14&A=10639&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=14&A=10639&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=14&item=837&items=16 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=14&siri=51 Study Atthakatha :- https://84000.org/tipitaka/attha/attha.php?b=14&i=837 The Pali Atthakatha in Thai :- https://84000.org/tipitaka/atthapali/read_th.php?B=10&A=6492 The Pali Atthakatha in Roman :- https://84000.org/tipitaka/atthapali/read_rm.php?B=10&A=6492 Contents of The Tipitaka Volume 14 https://84000.org/tipitaka/read/?index_14 https://84000.org/tipitaka/english/?index_14
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]