PaliRoman Vol.15

Dutiyam pancarajasuttam [359] Savatthiyam viharati ... tena kho pana samayena pancannam rajunam pasenadipamukhanam pancahi kamagunehi samappitanam samangibhutanam paricarayamananam ayamantarakatha udapadi kim nu kho kamanam agganti . tatrekacce evamahamsu rupa kamanam agganti . Ekacce evamahamsu sadda kamanam agganti . ekacce evamahamsu gandha kamanam agganti . ekacce evamahamsu rasa kamanam agganti . ekacce evamahamsu photthabba kamanam agganti . Yato kho te rajano nasakkhimsu annamannam sannapetum atha kho raja pasenadikosalo te rajano etadavoca ayama marisa yena bhagava tenupasankamissama upasankamitva bhagavantam etamattham patipucchissama yatha no bhagava byakarissati tatha nam dhareyyamati ^2- . evam marisati kho te rajano ranno pasenadikosalassa paccassosum. [360] Atha kho te panca rajano pasenadipamukha yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinno kho raja pasenadikosalo bhagavantam @Footnote: ¹ Si. Yu. eke . ² Ma. dharessantiti. Etadavoca idha bhante amhakam pancannam rajunam pancahi kamagunehi samappitanam samangibhutanam paricarayamananam ayamantarakatha udapadi kim nu kho kamanam agganti ekacce evamahamsu rupa kamanam agganti ekacce evamahamsu sadda kamanam agganti ekacce evamahamsu gandha kamanam agganti ekacce evamahamsu rasa kamanam agganti ekacce evamahamsu photthabba kamanam agganti kim nu kho bhante kamanam agganti. [361] Manapapariyantam khvaham maharaja pancasu kamagunesu agganti vadami ye ca ^1- maharaja rupa ekaccassa manapa honti te ca ^2- rupa ekaccassa amanapa honti yehi ca so rupehi attamano hoti paripunnasankappo so tehi rupehi annam rupam uttaritaram va panitataram va na pattheti te tassa rupa parama honti te tassa rupa anuttara honti . ye ca maharaja sadda ... ye ca maharaja gandha ... Ye ca maharaja rasa ... ye ca maharaja photthabba ekaccassa manapa honti te ca photthabba ekaccassa amanapa honti yehi ca so photthabbehi attamano hoti paripunnasankappo so tehi photthabbehi annam photthabbam uttaritaram va panitataram va na pattheti te tassa photthabba parama honti te @Footnote: ¹ Si. tance. Ma. Yu. te ca . ² Si. va. . ³ Ma. Yu. yo. Tassa photthabba anuttara hontiti. [362] Tena kho pana samayena candanangaliko ^1- upasako tassam parisayam nisinno hoti . atha kho candanangaliko upasako utthayasana ekamsam uttarasangam karitva yena bhagava tenanjalim panametva bhagavantam etadavoca patibhati mam bhagava patibhati mam sugatati . patibhatu tam candanangalikati bhagava avoca . atha kho candanangaliko upasako bhagavantam ^2- sammukha tadanurupaya gathaya abhitthavi padumam yatha kokanadam sugandham pato siya phullamavitagandham angirasam passa virocamanam tapantamadiccamivantalikkheti. [363] Atha kho te panca rajano candanangalikam upasakam pancahi uttarasangehi acchadesum . atha kho candanangaliko upasako tehi pancahi uttarasangehi bhagavantam acchadesiti.

The Pali Tipitaka in Roman Character Volume 15 page 116-118. https://84000.org/tipitaka/read/roman_read.php?B=15&A=2223&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=2223&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=359&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=123 Study Atthakatha :- https://84000.org/tipitaka/attha/attha.php?b=15&i=359 The Pali Atthakatha in Thai :- https://84000.org/tipitaka/atthapali/read_th.php?B=11&A=3744 The Pali Atthakatha in Roman :- https://84000.org/tipitaka/atthapali/read_rm.php?B=11&A=3744 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15