|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Pancamasikkhapadam [289] Tena samayena buddho bhagava alaviyam viharati aggalave cetiye . tena kho pana samayena upasaka aramam agacchanti dhammassavanaya . dhamme bhasite thera bhikkhu yathaviharam gacchanti . Navaka bhikkhu tattheva upatthanasalayam upasakehi saddhim mutthassati asampajana nagga vikujjamana 1- kakacchamana seyyam kappenti. Upasaka ujjhayanti khiyanti vipacenti katham hi nama bhaddanta mutthassati asampajana nagga vikujjamana kakacchamana seyyam kappessantiti . assosum kho bhikkhu tesam upasakanam ujjhayantanam khiyantanam vipacentanam . ye te bhikkhu appiccha .pe. Te ujjhayanti khiyanti vipacenti katham hi nama bhikkhu anupasampannena saha seyyam kappessantiti . athakho te bhikkhu bhagavato etamattham arocesum .pe. Saccam kira bhikkhave bhikkhu anupasampannena saha seyyam kappentiti . Saccam bhagavati . vigarahi buddho bhagava katham hi nama te bhikkhave moghapurisa anupasampannena saha seyyam kappessanti netam bhikkhave appasannanam va pasadaya .pe. evanca pana bhikkhave imam sikkhapadam uddiseyyatha {289.1} yo pana bhikkhu anupasampannena saha seyyam kappeyya pacittiyanti. {289.2} Evancidam bhagavata bhikkhunam sikkhapadam pannattam hoti. @Footnote: 1 Ma. vikujamana. evamuparipi.--------------------------------------------------------------------------------------------- page195.
[290] Athakho bhagava alaviyam yathabhirantam viharitva yena kosambi tena carikam pakkami anupubbena carikam caramano yena kosambi tadavasari. Tatra sudam bhagava kosambiyam viharati badarikarame . bhikkhu ayasmantam rahulam etadavocum bhagavata avuso rahula sikkhapadam pannattam na anupasampannena saha seyya kappetabbati seyyam avuso rahula janahiti . athakho ayasma rahulo seyyam alabhamano vaccakutiya seyyam kappesi . athakho bhagava rattiya paccusasamayam paccutthaya yena vaccakuti tenupasankami upasankamitva ukkasi . ayasmapi rahulo ukkasi . ko etthati . Aham bhagava rahuloti. Kissa tvam rahula idha nipannositi 1- . athakho ayasma rahulo bhagavato etamattham arocesi . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave anupasampannena dvirattatirattam saha seyyam kappetum . evanca pana bhikkhave imam sikkhapadam uddiseyyatha {290.1} yo pana bhikkhu anupasampannena uttaridvirattatirattam saha seyyam kappeyya pacittiyanti. [291] Yo panati yo yadiso .pe. bhikkhuti .pe. Ayam imasmim atthe adhippeto bhikkhuti . anupasampanno nama bhikkhum thapetva avaseso anupasampanno nama . Uttaridvirattatirattanti @Footnote: 1 Ma. Yu. nisinnositi.--------------------------------------------------------------------------------------------- page196.
Atirekadvirattatirattam . sahati ekato . seyya nama sabbacchanna sabbaparicchanna yebhuyyenacchanna yebhuyyena paricchanna . seyyam kappeyyati catutthe divase atthangate suriye anupasampanne nipanne bhikkhu nipajjati apatti pacittiyassa . bhikkhu nipanne anupasampanno nipajjati apatti pacittiyassa . ubho va nipajjanti apatti pacittiyassa. Utthahitva punappunam nipajjanti apatti pacittiyassa. [292] Anupasampanne anupasampannasanni uttaridvirattatirattam saha seyyam kappeti apatti pacittiyassa . anupasampanne vematiko uttaridvirattatirattam saha seyyam kappeti apatti pacittiyassa . Anupasampanne upasampannasanni uttaridvirattatirattam saha seyyam kappeti apatti pacittiyassa . upaddhacchanne upaddhaparicchanne apatti dukkatassa . upasampanne anupasampannasanni apatti dukkatassa . upasampanne vematiko apatti dukkatassa . upasampanne upasampannasanni anapatti. [293] Anapatti dve tisso rattiyo vasati unakadvetisso rattiyo vasati dve rattiyo vasitva tatiyaya rattiya puraruna nikkhamitva puna vasati sabbacchanne sabbaaparicchanne sabbaparicchanne sabbaacchanne yebhuyyena acchanne yebhuyyena aparicchanne anupasampanne nipanne bhikkhu nisidati bhikkhu nipanne anupasampanno--------------------------------------------------------------------------------------------- page197.
Nisidati ubho va nisidanti ummattakassa adikammikassati. Pancamasikkhapadam nitthitam. -------The Pali Tipitaka in Roman Character Volume 2 page 194-197. https://84000.org/tipitaka/read/roman_read.php?B=2&A=3468&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=3468&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=289&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=41 Study Atthakatha :- https://84000.org/tipitaka/attha/attha.php?b=2&i=289 The Pali Atthakatha in Thai :- https://84000.org/tipitaka/atthapali/read_th.php?B=2&A=6201 The Pali Atthakatha in Roman :- https://84000.org/tipitaka/atthapali/read_rm.php?B=2&A=6201 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]