|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 22 : PALI ROMAN Sutta Pitaka Vol 14 : Sutta. Aṅ. (3): pañcaka-chakkanipātā
[328] 57 Ekam samayam bhagava rajagahe viharati gijjhakute pabbate. Atha kho ayasma anando yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma anando bhagavantam etadavoca puranena bhante kassapena chalabhijatiyo pannatta kanhabhijati pannatta nilabhijati pannatta lohitabhijati pannatta haliddabhijati pannatta sukkabhijati pannatta paramasukkabhijati pannatta tatridam bhante puranena kassapena kanhabhijati pannatta orabbhika sokarika 1- sakunika magavika ludda macchaghataka cora coraghataka bandhanagarika ye va panannepi keci kururakammanta tatridam bhante puranena kassapena nilabhijati pannatta bhikkhu kanhadhimuttika 2- ye va panannepi keci kammavada kiriyavada tatridam bhante puranena kassapena lohitabhijati pannatta nigantha ekasataka tatridam bhante puranena kassapena haliddabhijati pannatta gihi odatavasana @Footnote: 1 Ma. Yu. sukarika . 2 Ma. Yu. kandakavuttika.--------------------------------------------------------------------------------------------- page430.
Acelakasavaka tatridam bhante puranena kassapena sukkabhijati pannatta ajivaka ajivakiniyo tatridam bhante puranena kassapena paramasukkabhijati pannatta nando vaccho kacco 1- sankicco makkhali gosalo puranena bhante kassapena ima chalabhijatiyo pannattati. {328.1} Kim panananda puranassa kassapassa sabbo loko etadabbhanujanati ima chalabhijatiyo pannapetunti. No hetam bhante. Seyyathapi ananda puriso daliddo assako anaddhiyo 2- tassa akamakassa bilam olabheyyum 3- idam te ambho purisa mamsanca khaditabbam mulanca anuppadatabbanti evameva kho ananda puranena kassapena appatinnaya etesam samanabrahmananam ima chalabhijatiyo pannatta yatha tam balena abyattena akhettannuna akusalena aham kho panananda chalabhijatiyo pannapemi tam sunahi sadhukam manasikarohi bhasissamiti . evam bhanteti kho ayasma anando bhagavato paccassosi . bhagava etadavoca katama cananda chalabhijatiyo idhananda ekacco kanhabhijatiyo samano kanham dhammam abhijayati idha panananda ekacco kanhabhijatiyo samano sukkam dhammam abhijayati idha panananda ekacco kanhabhijatiyo samano akanham asukkam nibbanam abhijayati idha panananda ekacco sukkabhijatiyo samano kanham dhammam abhijayati idha panananda ekacco sukkabhijatiyo samano @Footnote: 1 Po. kicco. Ma. Yu. kiso . 2 Ma. analhiko. Yu. analiko. @3 Ma. Yu. olaggeyyum.--------------------------------------------------------------------------------------------- page431.
Sukkam dhammam abhijayati idha panananda ekacco sukkabhijatiyo samano akanham asukkam nibbanam abhijayati. {328.2} Kathancananda kanhabhijatiyo samano kanham dhammam abhijayati idhananda ekacco nice kule paccajato 1- hoti candalakule va nesadakule va venakule 2- va rathakarakule va pukkusakule va dalidde appannapanabhojane kasiravuttike yattha kasirena ghasacchado labbhati so ca hoti dubbanno duddasiko okotimako bahvabadho kano va kuni va khanjo va pakkhahato va na labhi annassa panassa vatthassa yanassa malagandhavilepanassa seyyavasathapadipeyyassa so kayena duccaritam carati vacaya duccaritam carati manasa duccaritam carati so kayena duccaritam caritva vacaya duccaritam caritva manasa duccaritam caritva kayassa bheda parammarana apayam duggatim vinipatam nirayam upapajjati evam kho ananda kanhabhijatiyo samano kanham dhammam abhijayati. {328.3} Kathancananda kanhabhijatiyo samano sukkam dhammam abhijayati idhananda ekacco nice kule paccajato hoti candalakule va .pe. seyyavasathapadipeyyassa so kayena sucaritam carati vacaya sucaritam carati manasa sucaritam carati so kayena sucaritam caritva vacaya sucaritam caritva manasa sucaritam caritva kayassa bheda parammarana sugatim saggam lokam upapajjati evam kho ananda kanhabhijatiyo samano sukkam dhammam abhijayati . kathancananda kanhabhijatiyo samano akanham asukkam @Footnote: 1 Po. pacchajato. aparampi idisameva . 2 Ma. venakule.--------------------------------------------------------------------------------------------- page432.
Nibbanam abhijayati idhananda ekacco nice kule paccajato hoti candalakule va .pe. so ca hoti dubbanno duddasiko okotimako so kesamassum oharetva kasayani vatthani acchadetva agarasma anagariyam pabbajjati 1- so evam pabbajito samano panca nivarane pahaya cetaso upakkilese pannaya dubbalikarane catusu satipatthanesu supatthitacitto satta bojjhange yathabhutam bhavetva akanham asukkam nibbanam abhijayati evam kho ananda kanhabhijatiyo samano akanham asukkam nibbanam abhijayati. {328.4} Kathancananda sukkabhijatiyo samano kanham dhammam abhijayati idhananda ekacco ucce kule paccajato hoti khattiyamahasalakule va brahmanamahasalakule va gahapatimahasalakule va addhe mahaddhane mahabhoge pahutajataruparajate pahutavittupakarane pahutadhanadhanne so ca hoti abhirupo dassaniyo pasadiko paramaya vannapokkharataya samannagato labhi annassa panassa vatthassa yanassa malagandhavilepanassa seyyavasathapadipeyyassa so kayena duccaritam carati vacaya duccaritam carati manasa duccaritam carati so kayena duccaritam caritva vacaya duccaritam caritva manasa duccaritam caritva kayassa bheda parammarana apayam duggatim vinipatam nirayam upapajjati evam kho ananda sukkabhijatiyo samano kanham dhammam abhijayati. {328.5} Kathancananda sukkabhijatiyo samano sukkam dhammam abhijayati idhananda ekacco ucce kule paccajato hoti @Footnote: 1 Ma. Yu. pabbajati.--------------------------------------------------------------------------------------------- page433.
Khattiyamahasalakule va .pe. seyyavasathapadipeyyassa so kayena sucaritam carati vacaya sucaritam carati manasa sucaritam carati so kayena sucaritam caritva vacaya sucaritam caritva manasa sucaritam caritva kayassa bheda parammarana sugatim saggam lokam upapajjati evam kho ananda sukkabhijatiyo samano sukkam dhammam abhijayati. {328.6} Kathancananda sukkabhijatiyo samano akanham asukkam nibbanam abhijayati idhananda ekacco ucce kule paccajato hoti khattiyamahasalakule va brahmanamahasalakule va gahapatimahasalakule va addhe mahaddhane mahabhoge pahutajataruparajate pahutavittupakarane pahutadhanadhanne so ca hoti abhirupo dassaniyo pasadiko paramaya vannapokkharataya samannagato labhi annassa panassa vatthassa yanassa malagandhavilepanassa seyyavasathapadipeyyassa so kesamassum oharetva kasayani vatthani acchadetva agarasma anagariyam pabbajjati so evam pabbajito samano panca nivarane pahaya cetaso upakkilese pannaya dubbalikarane catusu satipatthanesu supatthitacitto satta bojjhange yathabhutam bhavetva akanham asukkam nibbanam abhijayati evam kho ananda sukkabhijatiyo samano akanham asukkam nibbanam abhijayati. Ima kho ananda chalabhijatiyoti.The Pali Tipitaka in Roman Character Volume 22 page 429-433. https://84000.org/tipitaka/read/roman_read.php?B=22&A=9034&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=9034&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=328&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=308 Study Atthakatha :- https://84000.org/tipitaka/attha/attha.php?b=22&i=328 The Pali Atthakatha in Thai :- https://84000.org/tipitaka/atthapali/read_th.php?B=16&A=3132 The Pali Atthakatha in Roman :- https://84000.org/tipitaka/atthapali/read_rm.php?B=16&A=3132 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]