PaliRoman Vol.25

[112] ³ Evamme sutam . ekam samayam bhagava rajagahe viharati @Footnote: ¹ Po. Ma. evam piyo . ² Po. Ma. Yu. evametam anandati pathattayam natthi. @³ Po. Ma. ye vapi.

--------------------------------------------------------------------------------------------- page146.

Veluvane kalandakanivape . tena kho pana samayena rajagahe suppabuddho nama kutthi manussadaliddo ahosi manussakapano manussavarako . tena kho pana samayena bhagava mahatiya parisaya parivuto dhammam desento nisinno hoti . addasa kho suppabuddho kutthi ^[1]- mahajanakayam durato va sannipatitam disvanassa etadahosi nissamsayam kho ettha kinci khadaniyam va bhojaniyam va bhajiyati yannunaham yena so mahajanakayo tenupasankameyyam appeva namettha kinci khadaniyam va bhojaniyam va labheyyanti. {112.1} Atha kho suppabuddho kutthi yena so mahajanakayo tenupasankami . addasa kho suppabuddho kutthi bhagavantam mahatiya parisaya parivutam dhammam desentam nisinnam disvanassa etadahosi na kho ettha kinci khadaniyam va bhojaniyam va bhajiyati samano ayam gotamo parisati dhammam deseti yannunahampi dhammam suneyyanti tattheva ekamantam nisidi ahampi dhammam sossamiti. {112.2} Atha kho bhagava sabbavantam parisam cetasa ceto paricca manasakasi ko nu kho idha bhabbo dhammam vinnatunti . Addasa kho bhagava suppabuddham kutthim tassam parisayam nisinnam disvanassa etadahosi ayam kho idha bhabbo dhammam vinnatunti . Suppabuddham kutthim arabbha anupubbikatham kathesi seyyathidam danakatham silakatham saggakatham kamanam adinavam okaram sankilesam nekkhamme ^2- ca anisamsam pakasesi . yada bhagava annasi suppabuddham @Footnote: ¹ Ma. Yu. tam . ² Po. Yu. nikkhame ca. Ma. casaddo natthi.

--------------------------------------------------------------------------------------------- page147.

Kutthim kallacittam muducittam vinivaranacittam udaggacittam pasannacittam atha ya buddhanam samukamsika dhammadesana tam pakasesi dukkham samudayam nirodham maggam . seyyathapi nama suddham vattham apagatakalakam sammadeva rajanam patigganheyya evameva suppabuddhassa kutthissa tasmim yeva asane virajam vitamalam dhammacakkhu udapadi yam kinci samudayadhammam sabbantam nirodhadhammanti. [113] Atha kho suppabuddho kutthi ditthadhammo pattadhammo viditadhammo pariyogalhadhammo tinnavicikiccho vigatakathankatho vesarajjappatto aparapaccayo satthu sasane utthayasana yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho suppabuddho kutthi bhagavantam etadavoca abhikkantam bhante abhikkantam bhante seyyathapi bhante nikkujjitam va ukkujjeyya paticchannam va vivareyya mulhassa va maggam acikkheyya andhakare va telappajjotam dhareyya cakkhumanto rupani dakkhantiti evamevam ^1- bhagavata anekapariyayena dhammo pakasito esaham bhante bhagavantam saranam gacchami dhammanca bhikkhusanghanca upasakam mam bhagava dharetu ajjatagge panupetam saranam gatanti . atha kho suppabuddho kutthi bhagavata dhammiya kathaya sandassito samadapito samuttejito sampahamsito bhagavato bhasitam abhinanditva anumoditva utthayasana bhagavantam abhivadetva @Footnote: ¹ Po. Yu. evameva.

--------------------------------------------------------------------------------------------- page148.

Padakkhinam katva pakkami . atha kho acirapakkantam ^1- suppabuddham kutthim gavi tarunavaccha adhipatetva ^2- jivita voropesi. Atha kho sambahula bhikkhu yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te bhikkhu bhagavantam etadavocum yo so bhante suppabuddho nama kutthi bhagavato dhammiya kathaya sandassito samadapito samuttejito sampahamsito so kalakato tassa ka gati ko abhisamparayoti . Pandito bhikkhave suppabuddho kutthi paccapadi dhammassanudhammam na ca mam dhammadhikaranam vihesesi suppabuddho bhikkhave kutthi tinnam sannojananam parikkhaya sotapanno avinipatadhammo niyato sambodhiparayanoti. [114] Evam vutte annataro bhikkhu bhagavantam etadavoca ko nu kho bhante hetu ko paccayo yena suppabuddho kutthi ^3- manussadaliddo ahosi manussakapano manussavarakoti . bhutapubbam bhikkhave suppabuddho kutthi imasmim yeva rajagahe setthiputto ahosi . so uyyanabhumim niyyanto addasa tagarasikhim paccekabuddham nagare pindaya carantam disvanassa etadahosi kvayam ^4- kutthi vicaratiti nitthuhitva ^5- apabyamato ^6- karitva pakkami . so tassa kammassa vipakena bahuni vassani bahuni vassasatani bahuni vassasahassani bahuni vassasatasahassani niraye pacittha tasseva kammassa @Footnote: ¹ Yu. ayam patho natthi . ² Ma. adhipatitva . ³ Ma. kutthi ahosi manusasadaliddo. @⁴ Po. kodani ayam . ⁵ Po. nitthambhitva. Ma. Yu. nitthubhitva. @⁶ Ma. apasabyato. Yu. apasabyamato.

--------------------------------------------------------------------------------------------- page149.

Vipakavasesena imasmim yeva rajagahe manussadaliddo ahosi manussakapano manussavarako so tathagatappaveditam dhammavinayam agamma saddham samadayi ^1- silam samadayi sutam samadayi cagam samadayi pannam samadayi so tathagatappaveditam dhammavinayam agamma saddham samadayitva silam samadayitva sutam samadayitva cagam samadayitva pannam samadayitva kayassa bheda parammarana sugatim saggam lokam upapanno devanam tavatimsanam sahabyatam so tattha anne deve atirocati vannena ceva yasasa cati . atha kho bhagava etamattham viditva tayam velayam imam udanam udanesi cakkhuma visamaniva vijjamane parakkame pandito jivalokasmim papani parivajjayeti. Tatiyam.