บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
TIPITAKA Volume 27 : PALI ROMAN Sutta Pitaka Vol 19 : Sutta. Khu. Jā.(1): Eka-Cattālīsanipātajātakaṃ
3 Jayaddisajātakaṃ [2296] Cirassaṃ vata me udapādi ajja bhakkho mahā sattamibhattakāle kutosi ko vāsi tadiṅgha brūhi ācikkha jātiṃ vidito yathāsi. [2297] Pañcālarājā migavaṃ paviṭṭho jayaddiso nāma yadi suto te carāmi kacchāni vanāni cāhaṃ pasadaṃ imaṃ khāda mamajja muñca. [2298] Seneva tvaṃ paṇasi sayhamāno 1- mamesa bhakkho pasado yaṃ vadesi taṃ khādiyāna pasadaṃ jighaññaṃ khādissaṃ pacchā na vilāpakālo. [2299] Na catthi mokkho mama nikkayena 2- gantvāna paccāgamanāya pañhe @Footnote: 1 Sī. Ma. sassamāno . 2 Sī. vikkayena. Taṃ saṅgaraṃ brāhmaṇasappadāya saccānurakkhī punarāvajissaṃ. [2300] Kiṃ kammajātaṃ anutappate taṃ pattaṃ samīpaṃ maraṇassa rāja ācikkha me taṃ api sakkuṇemu anujāyituṃ āgamanāya pañhe. [2301] Katā mayā brāhmaṇassa dhanāsā taṃ saṅgaraṃ paṭimokkaṃ na muttaṃ taṃ saṅgaraṃ brāhmaṇasappadāya saccānurakkhī punarāvajissaṃ. [2302] Yā te katā brāhmaṇassa dhanāsā taṃ saṅgaraṃ paṭimokkaṃ na muttaṃ taṃ saṅgaraṃ brāhmaṇasappadāya saccānurakkhī punarāvajassu. [2303] Mutto ca so porisādassa hatthā gantvā sakaṃ mandiraṃ kāmakāmī taṃ saṅgaraṃ brāhmaṇasappadāya āmantayī puttamalīnasattuṃ 1-. Ajjeva rajjaṃ abhisecayassu 2- dhammañca raṭṭhesu janesu 3- cāpi @Footnote: 1 Ma. -satataṃ . 2 Ma. abhisiñcayassu . 3 Ma. dhammaṃ cara sesu paresu -. Adhammakāro ca te māhu raṭṭhe gacchāmahaṃ porisādassa ñante 1-. [2304] Kiṃ kamma kubbaṃ tava deva pāde 2- nārādhayiṃ taṃ tadicchāmi sotuṃ yamajja rajjamhi udassaye tuvaṃ rajjaṃpi niccheyya 3- tayā vināhaṃ. [2305] Na kammunā vā vacasā ca 4- tāta aparādhitohaṃ tuviyaṃ sarāmi saddhiñca 5- katvā purisādakena saccānurakkhī punahaṃ gamissaṃ. [2306] Ahaṃ gamissāmi idheva hohi natthi tato jīvato vippamokkho sace tuvaṃ gacchasiyeva rāja ahaṃpi gacchāmi ubho na homa. [2307] Addhā hi tāta satānesa dhammo maraṇā ca me dukkhataraṃ tadassa kammāsapādo taṃ yadā pacitvā pasayha khāde bhidārukkhamūle. [2308] Pāṇena te pāṇamahaṃ nimissaṃ mā tvaṃ agā porisādassa ñante 6- @Footnote: 1-6 Ma. ñatte . 2 Ma. pāva . 3 Ma. niccheyyaṃ . 4 Ma. va . 5 Ma. sandhiñca. Etañca te pāṇamahaṃ nimissaṃ tasmā mataṃ jīvitassa vaṇṇemi 1-. [2309] Tato have dhītimā rājaputto vanditvā mātuñca pituñca 2- pāde. Dukkhinissa mātā nipatī 3- paṭhabyā pitassa paggayha bhujāni kandati. [2310] Taṃ gacchantaṃ tāva pitā viditvā parammukho vandati pañjalīko somo ca rājā varuṇo ca rājā pajāpatī candimā sūriyo ca etehi gutto purisādakamhā anuññāto sotthi paccehi tāta. [2311] Yaṃ daṇḍakirañño gatassa 4- mātā rāmassakāsi sotthānaṃ suguttā tante ahaṃ sotthānaṃ karomi etena saccena sarantu devā anuññāto sotthi paccehi putta. [2312] Āvī rahovāpi manopadosaṃ nāhaṃ sare jātumalīnasatte etena saccena sarantu devā @Footnote: 1 Sī. varemi . 2 Sī. Yu. vandittha mātucca pitucca. Ma. - mātu ca pitu ca. @3 Ma. nipatā . 4 Yu. - daṇḍakāraññagatassa. Anuññāto sotthi paccehi bhātā 1-. [2313] Yasmā ca me anadhimanosi sāmi na cāpi me manasā appiyosi etena saccena sarantu devā anuññāto sotthi paccehi sāmi. [2314] Brahā ujū cārumukho kutosi na maṃ pajānāsi vane vasantaṃ luddaṃ maṃ ñatvā purisādakoti ko sotthimājānamidhāvajeyya. [2315] Jānāmi ludda purisādako tvaṃ na taṃ na jānāmi vane vasantaṃ ahañca puttosmi jayaddisassa mamajja khāda pituno pamokkhā. [2316] Jānāmi puttosi 2- jayaddisassa tathāhi vo mukhavaṇṇo ubhinnaṃ sudukkarañceva 3- kataṃ tavedaṃ yo mattumicche pituno pamokkhā. [2317] Na dukkaraṃ kiñcimahettha maññe yo mattumicche pituno pamokkhā mātū ca hetū paralokagamyā 4- @Footnote: 1 Ma. bhātika . 2 Ma. puttoti . 3 Ma. sudukkaraññeva . 4 Ma. mātu ca @hetu paralokagantvā. Sukhena saggena ca sampayutto. [2318] Ahañca kho attano pāpakriyaṃ āvī raho vāpi sare na jātu saṅkhātajātīmaraṇohamasmi yatheva me idha tathā parattha. Khādajja maṃdāni mahānubhāva karassu kiccāni imaṃ sarīraṃ rukkhassa vā te papatāmi aggā chādamāno 1- mayhaṃ tavamadesi maṃsaṃ. [2319] Idañca te ruccati rājaputta cajesi 2- pāṇaṃ pitu pamokkhā tasmātiha 3- tvaṃ taramānarūpo sambhañja kaṭṭhāni jalehi aggiṃ. [2320] Tato have dhītimā rājaputto dāruṃ samāhatva mahantamaggiṃ sandīpayitvā paṭivedayittha ādīpitodāni mahāyamaggi. [2321] Khādajja maṃdāni pasayhakārī kiṃ maṃ muhuṃ pekkhasi haṭṭhalomo tathā tathā tuyhamahaṃ karomi @Footnote: 1 Ma. chādayamāno . 2 Sī. Yu. cajāsi . 3 Ma. tasmā hi so. Yathā yathā maṃ chādamāno 1- adesi. [2322] Ko tādisaṃ āharati khāditāye dhamme ṭhitaṃ saccavādiṃ vadaññuṃ muddhāpi tassa viphaleyya sattadhā yo tādisaṃ saccavādiṃ adeyya. [2323] Idaṃ hi so brāhmaṇaṃ maññamāno saso avāsesi sake sarīre teneva so candimā devaputto sasaṭṭhako 2- kāmaduhajja yakkha. [2324] Cando yathā rāhumukhā pamutto virocate paṇṇaraseva bhāṇumā 3- evaṃ tuvaṃ porisādā pamutto viroca kapille 4- mahānubhāva āmodayaṃ pitaraṃ mātarañca sabbo ca te nandatu ñātipakkho. [2325] Tato have dhītimā rājaputto katañjalī paggayha 5- porisādaṃ anuññāto sotthi sukhī arogo paccāgamā kapillamalīnasatto. @Footnote: 1 Ma. chādayamāno . 2 Sī. satatthuto. pasatthutotipi. Ma. sasatthuto. @3 Sī. Yu. bhānumā. 4 Ma. kapile. Sī. Yu. kampilla . 5 Ma. pariyāya. [2326] Taṃ negamā jānapadā ca sabbe hatthārohā rathikā pattikā ca namassamānā pañjalikā upāgamuṃ namatthu te dukkarakārakosīti. Jayaddisajātakaṃ tatiyaṃ. -------The Pali Tipitaka in Roman Character Volume 27 page 484-491. https://84000.org/tipitaka/read/roman_read.php?B=27&A=9975 Compare with The Pali Tipitaka in Thai Character :- https://84000.org/tipitaka/read/pali_read.php?B=27&A=9975 Compare with The Royal Version of Thai Tipitaka :- https://84000.org/tipitaka/read/byitem.php?book=27&item=2296&items=31 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=27&siri=513 Study Atthakatha :- https://84000.org/tipitaka/attha/attha.php?b=27&i=2296 The Pali Atthakatha in Thai :- https://84000.org/tipitaka/atthapali/read_th.php?B=41&A=4224 The Pali Atthakatha in Roman :- https://84000.org/tipitaka/atthapali/read_rm.php?B=41&A=4224 Contents of The Tipitaka Volume 27 https://84000.org/tipitaka/read/?index_27 https://84000.org/tipitaka/english/?index_27
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]