บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
ThaiVersion McuVersion PaliThai PaliRoman |
[217] Katham dvihi balehi samannagatatta tayo ca sankharanam patippassaddhiya solasahi nanacariyahi navahi samadhicariyahi vasibhavatapanna nirodhasamapattiya nanam. {217.1} Dvihi balehiti dve balani samathabalam vipassanabalam. [218] Katamam samathabalam nekkhammavasena cittassekaggata Avikkhepo samathabalam abyapadavasena cittassekaggata avikkhepo samathabalam alokasannavasena cittassekaggata avikkhepo samathabalam avikkhepavasena cittassekaggata avikkhepo samathabalam .pe. Patinissagganupassi assasavasena cittassekaggata avikkhepo samathabalam patinissagganupassi passasavasena cittassekaggata avikkhepo samathabalam. [219] Samathabalanti kenatthena samathabalam . pathamajjhanena nivarane na kampatiti samathabalam dutiyajjhanena vitakkavicare na kampatiti samathabalam tatiyajjhanena pitiya na kampatiti samathabalam catutthajjhanena sukhadukkhe na kampatiti samathabalam akasanancayatanasamapattiya rupasannaya patighasannaya nanattasannaya na kampatiti samathabalam vinnanancayatanasamapattiya akasanancayatanasannaya na kampatiti samathabalam akincannayatanasamapattiya vinnanancayatanasannaya na kampatiti samathabalam nevasanna- nasannayatanasamapattiya akincannayatanasannaya na kampatiti samathabalam uddhacce ca uddhaccasahagatakilese ca khandhe ca na kampati na calati na vedhatiti samathabalam idam samathabalam. [220] Katamam vipassanabalam aniccanupassana vipassanabalam dukkhanupassana vipassanabalam anattanupassana vipassanabalam nibbidanupassana vipassanabalam viraganupassana vipassanabalam Nirodhanupassana vipassanabalam patinissagganupassana vipassanabalam rupe aniccanupassana vipassanabalam .pe. rupe patinissagganupassana vipassanabalam vedanaya .pe. sannaya sankharesu vinnane cakkhusmim .pe. jaramarane aniccanupassana vipassanabalam .pe. Jaramarane patinissagganupassana vipassanabalam. [221] Vipassanabalanti kenatthena vipassanabalam. Aniccanupassanaya niccasannaya na kampatiti vipassanabalam dukkhanupassanaya sukhasannaya na kampatiti vipassanabalam anattanupassanaya attasannaya na kampatiti vipassanabalam nibbidanupassanaya nandiya na kampatiti vipassanabalam viraganupassanaya rage na kampatiti vipassanabalam nirodhanupassanaya samudaye na kampatiti vipassanabalam patinissagganupassanaya adane na kampatiti vipassanabalam avijjaya ca avijjasahagatakilese ca khandhe ca na kampati na calati na vedhatiti vipassanabalam idam vipassanabalam. [222] Tayo ca sankharanam patippassaddhiyati katamesam tinnannam sankharanam patippassaddhiya . dutiyajjhanam samapannassa vitakkavicara vacisankhara patippassaddha honti catutthajjhanam samapannassa assasapassasa kayasankhara patippassaddha honti sannavedayitanirodham samapannassa sanna ca vedana ca cittasankhara patippassaddha honti imesam tinnannam sankharanam Patippassaddhiya. [223] Solasahi nanacariyahiti katamahi solasahi nanacariyahi . Aniccanupassana nanacariya dukkhanupassana nanacariya anattanupassana nanacariya nibbidanupassana nanacariya viraganupassana nanacariya nirodhanupassana nanacariya patinissagganupassana nanacariya vivattananupassana nanacariya sotapattimaggo nanacariya sotapattiphalasamapatti nanacariya sakadagamimaggo nanacariya sakadagamiphalasamapatti nanacariya anagamimaggo nanacariya anagamiphalasamapatti nanacariya arahattamaggo nanacariya arahattaphalasamapatti nanacariya imahi solasahi nanacariyahi. [224] Navahi samadhicariyahiti katamahi navahi samadhicariyahi . Pathamajjhanam samadhicariya dutiyajjhanam samadhicariya tatiyajjhanam samadhicariya catutthajjhanam samadhicariya akasanancayatanasamapatti vinnanancayatanasamapatti akincannayatanasamapatti nevasannanasannayatanasamapatti samadhicariya pathamajjhanam patilabhatthaya vitakko ca vicaro ca piti ca sukhanca cittekaggata ca .pe. nevasannanasannayatanasamapattim patilabhatthaya vitakko ca vicaro ca piti ca sukhanca cittekaggata ca imahi navahi samadhicariyahi. [225] Vasiti panca vasiyo avajjanavasi samapajjanavasi adhitthanavasi vutthanavasi paccavekkhanavasi . pathamajjhanam yatthicchakam 1- yadicchakam yavaticchakam avajjati avajjanaya dandhayitattam natthiti avajjanavasi pathamajjhanam yatthicchakam yadicchakam 2- yavaticchakam samapajjati samapajjanaya dandhayitattam natthiti samapajjanavasi pathamajjhanam yatthicchakam yadicchakam yavaticchakam adhitthati adhitthane dandhayitattam natthiti adhitthanavasi pathamajjhanam yatthicchakam yadicchakam yavaticchakam vutthati vutthane dandhayitattam natthiti vutthanavasi pathamajjhanam yatthicchakam yadicchakam yavaticchakam paccavekkhati paccavekkhanaya dandhayitattam natthiti paccavekkhanavasi dutiyajjhanam .pe. Nevasannanasannayatanasamapatti yatthicchakam yadicchakam yavaticchakam avajjati avajjanaya dandhayitattam natthiti avajjanavasi nevasannanasannayatanasamapatti yatthicchakam yadicchakam yavaticchakam samapajjati .pe. adhitthati vutthati paccavekkhati paccavekkhanaya dandhayitattam natthiti paccavekkhanavasi ima panca vasiyo tam natatthena nanam pajananatthena panna tena vuccati dvihi balehi samannagatatta tayo ca sankharanam patippassaddhiya solasahi nanacariyahi navahi samadhicariyahi vasibhavatapanna nirodhasamapattiya nanam. @Footnote: 1 Si. Yu. yathicchakam. 2 yadicchakanti va yathicchakanti va patho. --------The Pali Tipitaka in Roman Character Volume 31 page 143-148. https://84000.org/tipitaka/read/roman_read.php?B=31&A=2855&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=31&A=2855&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=31&item=217&items=9 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=31&siri=38 Study Atthakatha :- https://84000.org/tipitaka/attha/attha.php?b=31&i=217 The Pali Atthakatha in Thai :- https://84000.org/tipitaka/atthapali/read_th.php?B=47&A=7334 The Pali Atthakatha in Roman :- https://84000.org/tipitaka/atthapali/read_rm.php?B=47&A=7334 Contents of The Tipitaka Volume 31 https://84000.org/tipitaka/read/?index_31 https://84000.org/tipitaka/english/?index_31
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]