PaliRoman Vol.32

Dasamam tinipadumiyattherapadanam (80) [82] |82.48| Padumuttaro nama jino sabbadhammana paragu danto dantaparivuto nagara nikkhami tada. |82.49| Nagare hamsavatiya ahosim maliko tada yam tattha uttamam tini padumapupphani aggahim. |82.50| Addasam virajam buddham patimaggantarapane saha ^1- disvana sambuddham evam cintesaham tada. |82.51| Kim me imehi pupphehi ranno upatthitehi me gamam va gamakhettam va sahassam va labheyyaham. @Footnote: ¹ Yu. soham. |82.52| Adantadamakam ^1- viram ^2- sabbasattasukhavaham lokanathamva pujetva lacchami amatandhanam. |82.53| Evaham cintayitvana sakam cittam pasadayim tini lohitake gayha akase ukkhipim tada. |82.54| Maya ukkhittamattamhi akase pattharimsu te dharimsu matthake tattha uddhamvanta ^3- adhomukha. |82.55| Ye keci manuja disva ukkutthim sampavattayum devata antalikkhamhi sadhukaram pavattayum. |82.56| Accheram loke uppannam buddhasetthassa vahasa sabbe dhammam sunissama pupphanam vahasa mayam. |82.57| Padumuttaro lokavidu ahutinam patiggaho vithiyanhi thito santo ima gatha abhasatha. |82.58| Yo so buddham apujesi rattapadumehi manavo tamaham kittayissami sunatha mama bhasato. |82.59| Timsakappasahassani devaloke ramissati timsakkhattunca ^4- devindo devarajjam karissati. |82.60| Mahavittharikam nama byamham hessati tavade tiyojanasatubbiddham diyaddhasatavitthatam. |82.61| Cattari satasahassani niyyuha ca sumapita kutagaravarupeta mahasayanamandita ^5-. @Footnote: ¹ Ma. adantadamanam. ² Yu. dhiram. ³ Po. uddhavanda. ⁴ Ma. Yu. tasakappani. @⁵ Yu. mahasayanavosito. |82.62| Kotisatasahassayo parivaressanti acchara kusala naccagitassa vadite ^1- ca padakkhina. |82.63| Etadise byamhavare nariganasamakule vassissati pupphavasso dibbo lohitako tada. |82.64| Bhittikhile nagadante dvarabahe ca torane cakkamatta lohitaka olambissanti tavade. |82.65| Pattena pattasanchanne anto byamhavare imam attharitva parupitva tuvattissanti tavade. |82.66| Bhavanam parivaretva samanta satayojanam ^2- te ^3- visuddha lohitaka dibbagandham pavayare. |82.67| Pancasattatikkhattunca cakkavatti bhavissati padesarajjam vipulam gananato asankhayam. |82.68| Sampattiyo duve bhutva aniti anupaddavo sampatte pariyosane nibbanam papunissati. |82.69| Sudittho vata me buddho vanijjamupayojitam ^4- padumani tini pujetva anubhosintisampada. |82.70| Ajja me dhammapattassa vippamuttassa sabbaso supupphitam lohitakam dharayissati matthake. |82.71| Mama kammam kathentassa padumuttarasatthuno satapanasahassanam dhammabhisamayo ahu. @Footnote: ¹ Ma. vaditepi. Yu. vaditehi. ² Ma. satayojane. ³ Ma. tepi padama lohitaka. @⁴ Ma. Yu. vanijjam supayojitam. |82.72| Satasahasse ito kappe yam buddhamabhipujayim ^1- duggatim nabhijanami tinnam padumanidam phalam. |82.73| Kilesa jhapita mayham bhava sabbe samuhata sabbasava parikkhina natthi dani punabbhavo. |82.74| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma tinipadumiyo thero ima gathayo abhasitthati. Tinipadumiyattherassa apadanam samattam. Uddanam nagasamalo padasanni susannaluvadayako ekasanni tinadado suci patalipupphiyo thitanjali tipadumi gathayo pancasattati. Nagasamalavaggo atthamo. --------- @Footnote: ¹ Po. buddhamabhiropayim.

The Pali Tipitaka in Roman Character Volume 32 page 178-181. https://84000.org/tipitaka/read/roman_read.php?B=32&A=3656&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=3656&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=82&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=82 Study Atthakatha :- https://84000.org/tipitaka/attha/attha.php?b=32&i=82 The Pali Atthakatha in Thai :- https://84000.org/tipitaka/atthapali/read_th.php?B=50&A=2744 The Pali Atthakatha in Roman :- https://84000.org/tipitaka/atthapali/read_rm.php?B=50&A=2744 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32