ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkไม่แสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ

page520.

Visatimo sikhibuddhavamso [21] |21.1| Vipassissa aparena sambuddho dipaduttamo sikhivhayo 1- nama jino asamo appatipuggalo. |21.2| Marasenam pamadditva patto sambodhimuttamam dhammacakkam pavattesi anukampaya paninam. |21.3| Dhammacakkam pavattente sikhimhi jinapungave kotisatasahassanam pathamabhisamayo ahu. |21.4| Aparampi dhammam desente ganasetthe naruttame navutikotisahassanam dutiyabhisamayo ahu. |21.5| Yamakapatihariyam 2- dassayante sadevake asitikotisahassanam tatiyabhisamayo ahu. |21.6| Sannipata tayo asum sikhissapi mahesino khinasavanam vimalanam santacittana tadinam. |21.7| Bhikkhusatasahassanam pathamo asi samagamo asitibhikkhusahassanam dutiyo asi samagamo. |21.8| Sattatibhikkhusahassanam tatiyo asi samagamo anupalitto padumamva toyamhi sampavaddhitam. |21.9| Ahantena samayena arindamo nama khattiyo sambuddhappamukham sangham annapanena tappayim. @Footnote: 1 Yu. sikhisvahayo. Ma. sikhivhayo asi jino. 2 Ma. yamakapatihariyanca. Yu. yamakam @patihariyanca.

--------------------------------------------------------------------------------------------- page521.

|21.10| Bahudussavaram datva dussakotim anappakam alankatam hatthiyanam sambuddhassa adasaham. |21.11| Hatthiyanam nimminitva kappiyam upanamayim purayim manasam mayham niccam dalhamupatthitam. |21.12| Sopi mam buddho byakasi sikhi lokagganayako ekattimse ito kappe ayam buddho bhavissati. |21.13| Ahu kapilavhaya ramma 1- nikkhamitva tathagato padhanam padahitvana katva dukkarakarikam. |21.14| Ajapalarukkhamulasmim nisiditva tathagato tattha payasam paggayha neranjaramupehiti. |21.15| Neranjaraya tiramhi payasam adi so jino patiyattavaramaggena bodhimulamhi ehiti. |21.16| Tato padakkhinam katva bodhimandam anuttaram assattharukkhamulamhi bujjhissati mahayaso. |21.17| Imassa janika mata maya nama bhavissati pita suddhodano nama ayam hessati gotamo . |21.18| Anasava vitaraga santacitta samahita kolito upatisso ca agga hessanti savaka anando namupatthako upatthissatimam jinam. @Footnote: 1 Yu. ahu kapilavhaye ramme. ito param idisameva.

--------------------------------------------------------------------------------------------- page522.

|21.19| Khema uppalavanna ca agga hessanti savika anasava vitaraga santacitta samahita. |21.20| Bodhi tassa bhagavato assatthoti pavuccati citto ca hatthalavako agga hessantupatthaka. |21.21| Nandamata ca uttara agga hessantupatthika ayu vassasatam tassa gotamassa yasassino. |21.22| Idam sutvana vacanam asamassa mahesino amodita naramaru buddhavijankuro ayam. |21.23| Ukkutthisadda vattanti apphotenti hasanti ca katanjali namassanti dasasahassi sadevaka. |21.24| Yadimassa lokanathassa virajjhissama sasanam anagatamhi addhane hessama sammukha imam. |21.25| Yatha manussa nadim taranta patitittham virajjhiya hetthatittham gahetvana uttaranti mahanadim. |21.26| Evameva mayam sabbe yadi muncamimam jinam anagatamhi addhane hessama sammukha imam. |21.27| Tassapi vacanam sutva bhiyyo cittam pasadayim uttarim vattamadhitthasim dasaparamipuriya. |21.28| Nagaram arunavati nama aruno nama khattiyo pabhavati nama janika sikhissa ca mahesino.

--------------------------------------------------------------------------------------------- page523.

|21.29| Sattavassasahassani agaram ajjhavasi so suvaddhako giri narivahano 1- tayo pasadamuttama. |21.30| Catuvisatisahassani nariyo samalankata sabbakama nama sa nari atulo nama atrajo. |21.31| Nimitte caturo disva hatthiyanena nikkhami atthamasam padhanacaram acari purisuttamo. |21.32| Brahmuna yacito santo sikhi lokagganayako vattacakko mahaviro migadaye naruttamo. |21.33| Abhibhu sambhavo nama 2- ahesum aggasavaka khemankaro namupatthako sikhissa ca mahesino. |21.34| Makhila 3- ca paduma ca ahesum aggasavika bodhi tassa bhagavato pundarikoti vuccati. |21.35| Sirivaddho ca nando 4- ca ahesum aggupatthaka citta ceva sucitta ca ahesum aggupatthika. |21.36| Uccattanena so buddho sattatihatthamuggato kancanagghikasankaso dvattimsavaralakkhano. |21.37| Tassapi byamappabha kaya niccharanti 5- nirantaram disodisam niccharanti tini yojanani so pabha. |21.38| Sattativassasahassani ayu tassa mahesino tavata titthamano so taresi janatam bahum. @Footnote: 1 Ma. sucandako giri vasabho. Yu. sucando giri vahano. 2 Ma. ceva. 3 Ma. @sakhila. Yu. akhila ceva. 4 Yu. cando. 5 Ma. Yu. divarattim.

--------------------------------------------------------------------------------------------- page524.

|21.39| Dhammamegham vassitvana 1- temayitva sadevake khematam papayitvana nibbuto so sasavako. |21.40| Anubyanjanasampannam dvattimsavaralakkhanam sabbam samantarahitam nanu ritta sabbasankharati. |21.41| Sikhi munivaro buddho assaramamhi 2- nibbuto tattheva tassa thupavaro tini yojanamuggatoti. Sikhibuddhavamso visatimo.


             The Pali Tipitaka in Roman Character Volume 33 page 520-524. https://84000.org/tipitaka/read/roman_read.php?B=33&A=10710&modeTY=2&pagebreak=1              Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=10710&modeTY=2&pagebreak=1              Compare with The Royal Version of Thai Tipitaka :- https://84000.org/tipitaka/read/byitem.php?book=33.2&item=21&items=1              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=212              Study Atthakatha :- https://84000.org/tipitaka/attha/attha.php?b=33&i=201              The Pali Atthakatha in Thai :- https://84000.org/tipitaka/atthapali/read_th.php?B=51&A=7747              The Pali Atthakatha in Roman :- https://84000.org/tipitaka/atthapali/read_rm.php?B=51&A=7747              Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33

First LinkPrevious Linkไม่แสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]