|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ
Theriapadanam pathamo sumedhavaggo pathamam sumedhatheriyapadanam (1) atha therikapadanani sunatha [141] |141.1| Bhagavati konagamane sangharamamhi nivesamhi 1- sakhiyo tisso janiyo viharadanam adamhase 2-. |141.2| Dasakkhattum satakkhattum [3]- satanam ca satakkhattum devesu upapajjimha ko vado manuse bhave. |141.3| Devesu mahiddhika hutva 4- manusakamhi ko vado sattaratanassa mahesi itthiratanam aham bhavim. |141.4| Tattha 5- sancitam kusalam susamiddhakulappaja dhananjani ca khema ca ahampica tayo jana. |141.5| Aramam sukatam katva sabbavayavamanditam buddhappamukhasanghassa niyyadetva pamodita. |141.6| Yattha yatthupapajjami tassa kammassa vahasa devesu aggatam patta manussesu tatheva ca. |141.7| Imasmimyeva kappasmim brahmabandhu mahayaso kassapo nama namena uppajji vadatam varo. @Footnote: 1 Ma. Yu. navanivesamhi. 2 Ma. Yu. adasimha. 3 Ma. dasasatakkhattum. @4 Ma. Yu. ahumha. 5 Ma. idha sancitakusala. Yu. idha sancita kusalam.--------------------------------------------------------------------------------------------- page255.
|141.8| Upatthako mahesissa tada asi narissaro kasiraja kiki nama baranasipuruttame. |141.9| Tassasum satta dhitaro rajakanna sukhe thita buddhupatthananirata brahmacariyam carimsu ta. |141.10| Tasam sahayika hutva silesu susamahita datva danani sakkaccam agareva vattam carim. |141.11| Tena kammena sukatena cetanapanidhihi ca jahitva manusam deham tavatimsupaga aham. |141.12| Tato cuta yamasaggam 1- tatoham tusitam gata tato ca nimmanaratim vasavattipuram gata 2-. |141.13| Yattha yatthupapajjami punnakammasamahita tattha tattheva rajunam mahesittamakarayim. |141.14| Tato cuta manussatte rajunam cakkavattinam mandalinanca rajunam mahesittamakarayim. |141.15| Sampattim anubhotvana devesu manusesu ca sabbattha sukhita hutva nekajatisu samsarim. |141.16| So hetu ca so pabhavo tam 3- mulam sasane khamam tam pathamam samodhanam tam dhammarataya nibbutam 4-. |141.17| Kilesa jhapita mayham bhava sabbe samuhata nagiva bandhanam chetva viharami anasava. @Footnote: 1 Ma. Yu. yamamagam. 2 Ma. Yu. tato. 3 Yu. tam mulam sa ca sasane khanti. @4 Ma. Yu. nibbanam.--------------------------------------------------------------------------------------------- page256.
|141.18| Svagatam vata me asi buddhasetthassa 1- santike tisso vijja anuppatta katam buddhassa sasanam. |141.19| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam sumedha bhikkhuni ima gathayo abhasitthati. Sumedhatheriya apadanam samattam.The Pali Tipitaka in Roman Character Volume 33 page 254-256. https://84000.org/tipitaka/read/roman_read.php?B=33&A=5093&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=5093&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=141&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=152 Study Atthakatha :- https://84000.org/tipitaka/attha/attha.php?b=33&i=141 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]