|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 34 : PALI ROMAN Sutta Pitaka Vol 26 : Abhi. Dhammasaṅgaṇi
[780] Katame dhamma upadana cattari upadanani kamupadanam ditthupadanam silabbatupadanam attavadupadanam. [781] Tattha katamam kamupadanam yo kamesu kamacchando kamarago kamanandi kamatanha kamasineho kamaparilaho kamamuccha kamajjhosanam idam vuccati kamupadanam. [782] Tattha katamam ditthupadanam natthi dinnam natthi yittham natthi hutam natthi sukatadukkatanam kammanam phalavipako natthi ayam loko natthi paro loko natthi mata natthi pita natthi satta opapatika natthi loke samanabrahmana sammaggata sammapatipanna ye imanca lokam paranca lokam sayam abhinna sacchikatva pavedentiti ya evarupa ditthi ditthigatam ditthigahanam ditthikantaro ditthivisukayikam ditthivipphanditam ditthisannojanam gaho patiggaho abhiniveso paramaso kummaggo micchapatho Micchattam titthayatanam vipariyesaggaho idam vuccati ditthupadanam . Thapetva silabbatupadananca attavadupadananca sabbapi micchaditthi ditthupadanam. [783] Tattha katamam silabbatupadanam ito bahiddha samanabrahmananam silena suddhi vatena suddhi silabbatena suddhiti ya evarupa ditthi ditthigatam ditthigahanam ditthikantaro ditthivisukayikam ditthivipphanditam ditthisannojanam gaho patiggaho abhiniveso paramaso kummaggo micchapatho micchattam titthayatanam vipariyesaggaho idam vuccati silabbatupadanam. [784] Tattha katamam attavadupadanam idha assutava puthujjano ariyanam adassavi ariyadhammassa akovido ariyadhamme avinito sappurisanam adassavi sappurisadhammassa akovido sappurisadhamme avinito rupam attato samanupassati rupavantam va attanam attani va rupam rupasmim va attanam vedanam attato samanupassati vedanavantam va attanam attani va vedanam vedanaya va attanam sannam attato samanupassati sannavantam va attanam attani va sannam sannaya va attanam sankhare attato samanupassati sankharavantam va attanam attani va sankhare sankharesu va attanam vinnanam attato samanupassati vinnanavantam va attanam attani va vinnanam vinnanasmim va attanam ya evarupa ditthi ditthigatam Ditthigahanam ditthikantaro ditthivisukayikam ditthivipphanditam ditthisannojanam gaho patiggaho abhiniveso paramaso kummaggo micchapatho micchattam titthayatanam vipariyesaggaho idam vuccati attavadupadanam. Ime dhamma upadana. [785] Katame dhamma noupadana te dhamme thapetva avasesa kusalakusalabyakata dhamma kamavacara rupavacara arupavacara apariyapanna vedanakkhandho .pe. vinnanakkhandho sabbanca rupam asankhata ca dhatu ime dhamma noupadana. [786] Katame dhamma upadaniya sasava kusalakusalabyakata dhamma kamavacara rupavacara arupavacara rupakkhandho .pe. Vinnanakkhandho ime dhamma upadaniya . katame dhamma anupadaniya apariyapanna magga ca maggaphalani ca asankhata ca dhatu ime dhamma anupadaniya. [787] Katame dhamma upadanasampayutta tehi dhammehi ye dhamma sampayutta vedanakkhandho .pe. vinnanakkhandho ime dhamma upadanasampayutta . katame dhamma upadanavippayutta tehi dhammehi ye dhamma vippayutta vedanakkhandho .pe. Vinnanakkhandho sabbanca rupam asankhata ca dhatu ime dhamma upadanavippayutta. [788] Katame dhamma upadanacevaupadaniyaca taneva upadanani upadanacevaupadaniyaca . katame dhamma upadaniyacevanocaupadana tehi dhammehi ye dhamma upadaniya te dhamme thapetva avasesa sasava kusalakusalabyakata dhamma kamavacara rupavacara arupavacara rupakkhandho .pe. vinnanakkhandho ime dhamma upadaniyacevanocaupadana. [789] Katame dhamma upadanacevaupadanasampayuttaca ditthupadanam kamupadanena upadanancevaupadanasampayuttanca kamupadanam ditthupadanena upadanancevaupadanasampayuttanca silabbatupadanam kamupadanena upadanancevaupadanasampayuttanca kamupadanam silabbatupadanena upadanancevaupadanasampayuttanca attavadupadanam kamupadanena upadanancevaupadanasampayuttanca kamupadanam attavadupadanena upadanancevaupadanasampayuttanca ime dhamma upadanacevaupadanasampayuttaca . katame dhamma upadanasampayuttacevanocaupadana tehi dhammehi ye dhamma sampayutta te dhamme thapetva vedanakkhandho .pe. Vinnanakkhandho ime dhamma upadanasampayuttacevanocaupadana. [790] Katame dhamma upadanavippayutta upadaniya tehi dhammehi ye dhamma vippayutta sasava kusalakusalabyakata dhamma Kamavacara rupavacara arupavacara rupakkhandho .pe. vinnanakkhandho ime dhamma upadanavippayutta upadaniya . Katame dhamma upadana- vippayutta anupadaniya apariyapanna magga ca maggaphalani ca asankhata ca dhatu ime dhamma upadanavippayutta anupadaniya. ------------The Pali Tipitaka in Roman Character Volume 34 page 306-310. https://84000.org/tipitaka/read/roman_read.php?B=34&A=6143&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=34&A=6143&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=34&item=780&items=11 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=34&siri=62 Study Atthakatha :- https://84000.org/tipitaka/attha/attha.php?b=34&i=780 The Pali Atthakatha in Thai :- https://84000.org/tipitaka/atthapali/read_th.php?B=53&A=11010 The Pali Atthakatha in Roman :- https://84000.org/tipitaka/atthapali/read_rm.php?B=53&A=11010 Contents of The Tipitaka Volume 34 https://84000.org/tipitaka/read/?index_34 https://84000.org/tipitaka/english/?index_34
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]