PaliRoman Vol.9

attananca lokanca pannapenti . santi bhikkhave khiddapadosika nama deva . te ativelam hassakhiddaratidhammasamapanna viharanti . Tesam ativelam hassakhiddaratidhammasamapannanam viharatam sati pamussati ^1-. Satiya sammosa te deva tamha kaya cavanti. {32.1} Thanam kho panetam bhikkhave vijjati yam annataro satto tamha kaya cavitva itthattam agacchati itthattam agato samano agarasma anagariyam pabbajati agarasma anagariyam pabbajito samano atappamanvaya @Footnote: ¹ sammussati. Padhanamanvaya anuyogamanvaya appamadamanvaya sammamanasikaramanvaya tatharupam cetosamadhim phusati yatha samahite citte tam pubbenivasam anussarati tato param nanussarati. {32.2} So evamaha ye kho te bhonto deva na khiddapadosika te na ativelam hassakhiddaratirammasamapanna viharanti . Tesam na ativelam hassakhiddaratidhammasamapannanam viharatam sati na pamussati . satiya asammosa te deva tamha kaya na cavanti nicca dhuva sassata aviparinamadhamma sassatisamam tatheva thassanti . ye pana mayam ahumha ^1- khiddapadosika te mayam ativelam hassakhiddaratidhammasamapanna viharimha ^2- . tesanno ativelam hassakhiddaratidhammasamapannanam viharatam sati pamussati . satiya sammosa evam mayam tamha kaya cuta anicca addhuva appayuka cavanadhamma itthattam agatati . idam bhikkhave dutiyam thanam yam agamma yam arabbha eke samanabrahmana ekaccasassatika ekaccaasassatika ekaccam sassatam ekaccam asassatam attananca lokanca pannapenti. [33] Tatiye ca bhonto samanabrahmana kimagamma kimarabbha ekaccasassatika ekaccaasassatika ekaccam sassatam ekaccam asassatam attananca lokanca pannapenti . santi bhikkhave manopadosika @Footnote: ¹ Si. ahumha. ² Si. viharimha. Nama deva . te ativelam annamannam upanijjhayanti . te ativelam annamannam upanijjhayanta annamannamhi cittani padosenti . Te annamannam padutthacitta kilantakaya kilantacitta . te deva tamha kaya cavanti. {33.1} Thanam kho panetam bhikkhave vijjati yam annataro satto tamha kaya cavitva itthattam agacchati itthattam agato samano agarasma anagariyam pabbajati agarasma anagariyam pabbajito samano atappamanvaya padhanamanvaya anuyogamanvaya appamadamanvaya sammamanasikaramanvaya tatharupam cetosamadhim phusati yatha samahite citte tam pubbenivasam anussarati tato param nanussarati. {33.2} So evamaha ye kho te bhonto deva na manopadosika te nativelam annamannam upanijjhayanti . te nativelam annamannam upanijjhayanta annamannamhi *- cittani nappadussenti ^1- . te annamannam *- appadutthacitta akilantakaya akilantacitta . te deva tamha kaya na cavanti nicca dhuva sassata aviparinamadhamma sassatisamam tatheva thassanti . ye pana mayam ahumha ^2- manopadosika te mayam ativelam annamannam upanijjhayimha ^3- . te mayam ativelam annamannam upanijjhayanta annamannamhi cittani padosimha ^4- . te mayam annamannam padutthacitta kilantakaya @Footnote: ¹ Si. nappadusenti. ² Si. ahumha. ³ Si. upanijjhayimha. @⁴ Si. padosimha. @* mikar—kr khagoe anmannamhi peDna annamannamhi @* mikar—kr khagoe anmannam peDna annamannam Kilantacitta . evam mayam tamha kaya cuta anicca addhuva appayuka cavanadhamma itthattam agatati . idam bhikkhave tatiyam thanam yam agamma yam arabbha eke samanabrahmana ekaccasassatika ekaccaasassatika ekaccam sassatam ekaccam asassatam attananca lokanca pannapenti. [34] Catutthe ca bhonto samanabrahmana kimagamma kimarabbha ekaccasassatika ekaccaasassatika ekaccam sassatam ekaccam asassatam attananca lokanca pannapenti . idha bhikkhave ekacco samano va brahmano va takki hoti vimamsi . so takkapariyahatam vimamsanucaritam sayampatibhanam ^1- evamaha yam kho idam vuccati cakkhuntipi sotantipi ghanantipi jivhatipi kayotipi ayam atta anicco addhuvo asassato viparinamadhammo . yanca kho idam vuccati cittanti va manoti va vinnananti va ayam atta nicco dhuvo sassato aviparinamadhammo sassatisamam tatheva thassatiti . Idam bhikkhave catuttham thanam yam agamma yam arabbha eke samanabrahmana ekaccasassatika ekaccaasassatika ekaccam sassatam ekaccam asassatam attananca lokanca pannapenti . imehi kho te bhikkhave samanabrahmana ekaccasassatika ekaccaasassatika ekaccam sassatam ekaccam asassatam attananca lokanca pannapenti @Footnote: ¹ Si. Yu. sayampatibhanam. Catuhi vatthuhi . ye hi keci bhikkhave samana va brahmana va ekaccasassatika ekaccaasassatika ekaccam sassatam ekaccam asassatam attananca lokanca pannapenti sabbe te imeheva catuhi vatthuhi etesam va annatarena natthi ito bahiddha. {34.1} Tayidam bhikkhave tathagato pajanati ime ditthitthana evamgahita evamparamattha evamgatika bhavanti evamabhisamparayati . Tanca tathagato pajanati tato ca uttaritaram pajanati tanca pajananam na paramasati . aparamasato cassa paccattanneva nibbuti vidita vedananam samudayanca atthangamanca assadanca adinavanca nissarananca yathabhutam viditva . anupada vimutto bhikkhave tathagato . ime kho bhikkhave dhamma gambhira duddasa duranubodha santa panita atakkavacara nipuna panditavedaniya ye tathagato sayam abhinna sacchikatva pavedeti yehi tathagatassa yathabhuccam vannam samma vadamana vadeyyum. [35] Santi bhikkhave eke samanabrahmana antanantika antanantam lokassa pannapenti catuhi vatthuhi . te ca bhonto samanabrahmana kimagamma kimarabbha antanantika antanantam lokassa pannapenti catuhi vatthuhi . idha bhikkhave ekacco samano va brahmano va atappamanvaya padhanamanvaya anuyogamanvaya appamadamanvaya sammamanasikaramanvaya tatharupam cetosamadhim phusati Yatha samahite citte antasanni lokasmim viharati . so evamaha antava ayam loko parivatumo . tam kissa hetu. Aham hi atappamanvaya padhanamanvaya anuyogamanvaya appamadamanvaya sammamanasikaramanvaya tatharupam cetosamadhim phusami yatha samahite citte antasanni lokasmim viharami . iminamaham etam janami yatha antava ayam loko parivatumoti. Idam bhikkhave pathamam thanam yam agamma yam arabbha eke samanabrahmana antanantika antanantam lokassa pannapenti. [36] Dutiye ca bhonto samanabrahmana kimagamma kimarabbha antanantika antanantam lokassa pannapenti . idha bhikkhave ekacco samano va brahmano va atappamanvaya padhanamanvaya anuyogamanvaya appamadamanvaya sammamanasikaramanvaya tatharupam cetosamadhim phusati yatha samahite citte anantasanni lokasmim viharati . so evamaha ananto ayam loko apariyanto ye te samanabrahmana evamahamsu antava ayam loko parivatumoti . tesam musa . ananto ayam loko apariyanto . tam kissa hetu. Aham hi atappamanvaya padhanamanvaya anuyogamanvaya appamadamanvaya sammamanasikaramanvaya tatharupam cetosamadhim phusami yatha samahite citte anantasanni lokasmim viharami . iminamaham etam janami yatha ananto ayam loko apariyantoti . idam bhikkhave Dutiyam thanam yam agamma yam arabbha eke samanabrahmana antanantika antanantam lokassa pannapenti. [37] Tatiye ca bhonto samanabrahmana kimagamma kimarabbha antanantika antanantam lokassa pannapenti . idha bhikkhave ekacco samano va brahmano va atappamanvaya padhanamanvaya anuyogamanvaya appamadamanvaya sammamanasikaramanvaya tatharupam cetosamadhim phusati yatha samahite citte uddhamadho antasanni lokasmim viharati tiriyam anantasanni . so evamaha antava ca ayam loko ananto ca ye te samanabrahmana evamahamsu antava ayam loke parivatumoti . tesam musa . yepi te samanabrahmana evamahamsu ananto ayam loko apariyantoti . tesampi musa . Antava ca ayam loko ananto ca . tam kissa hetu . aham hi atappamanvaya padhanamanvaya anuyogamanvaya appamadamanvaya sammamanasikaramanvaya tatharupam cetosamadhim phusami yatha samahite citte uddhamadho antasanni lokasmim viharami tiriyam anantasanni . Iminamaham etam janami yatha antava ca ayam loko ananto cati. Idam bhikkhave tatiyam thanam yam agamma yam arabbha eke samanabrahmana antanantika antanantam lokassa pannapenti. [38] Catutthe ca bhonto samanabrahmana kimagamma kimarabbha antanantika antanantam lokassa pannapenti . idha bhikkhave Ekacco samano va brahmano va takki hoti vimamsi . so takkapariyahatam vimamsanucaritam sayampatibhanam evamaha nevayam loko antava na panananto ye te samanabrahmana evamahamsu antava ayam loko parivatumoti . tesampi musa . yepi te samanabrahmana evamahamsu ananto ayam loko apariyantoti . Tesampi musa . yepi te samanabrahmana evamahamsu antava ca ayam loko ananto cati . Tesampi musa. Nevayam loko antava na pananantoti . idam bhikkhave catuttham thanam yam agamma yam arabbha eke samanabrahmana antanantika antanantam lokassa pannapenti. {38.1} Imehi kho te bhikkhave samanabrahmana antanantika antanantam lokassa pannapenti catuhi vatthuhi . ye hi keci bhikkhave samana va brahmana va antanantika antanantam lokassa pannapenti sabbe te imeheva catuhi vatthuhi etesam va annatarena natthi ito bahiddha. {38.2} Tayidam bhikkhave tathagato pajanati ime ditthitthana evamgahita evamparamattha evamgatika bhavanti evamabhisamparayati . Tanca tathagato pajanati tato ca uttaritaram pajanati tanca pajananam na paramasati . aparamasato cassa paccattanneva nibbuti vidita vedananam samudayanca atthangamanca assadanca adinavanca nissarananca yathabhutam viditva . anupada vimutto bhikkhave tathagato . ime kho te bhikkhave dhamma gambhira Duddasa duranubodha santa panita atakkavacara nipuna panditavedaniya ye tathagato sayam abhinna sacchikatva pavedeti yehi tathagatassa yathabhuccam vannam samma vadamana vadeyyum. [39] Santi bhikkhave eke samanabrahmana amaravikkhepika tattha tattha panham puttha samana vacavikkhepam apajjanti amaravikkhepam catuhi vatthuhi . te ca bhonto samanabrahmana kimagamma kimarabbha amaravikkhepika tattha tattha panham puttha samana vacavikkhepam apajjanti amaravikkhepam catuhi vatthuhi. {39.1} Idha bhikkhave ekacco samano va brahmano va idam kusalanti yathabhutam nappajanati idam akusalanti yathabhutam nappajanati . Tassa evam hoti aham kho idam kusalanti yathabhutam nappajanami idam akusalanti yathabhutam nappajanami ahance kho ^1- pana idam kusalanti yathabhutam appajananto idam akusalanti yathabhutam appajananto idam kusalanti va byakareyyam idam akusalanti va byakareyyam tam mamassa musa yam mamassa musa so mamassa vighato yo mamassa vighato so mamassa antarayoti . iti so musavadabhaya musavadaparijeguccha nevidam kusalanti byakaroti na panidam akusalanti byakaroti tattha tattha panham puttho samano vacavikkhepam apajjati amaravikkhepam evantipi me no . tathatipi me no. Annathatipi me no. Notipi @Footnote: ¹ Si. Yu. ahanceva kho. Me no . no notipi me noti . idam bhikkhave pathamam thanam yam agamma yam arabbha eke samanabrahmana amaravikkhepika tattha tattha panham puttha samana vacavikkhepam apajjanti amaravikkhepam. [40] Dutiye ca bhonto samanabrahmana kimagamma kimarabbha amaravikkhepika tattha tattha panham puttha samana vacavikkhepam apajjanti amaravikkhepam . idha bhikkhave ekacco samano va brahmano va idam kusalanti yathabhutam nappajanati idam akusalanti yathabhutam nappajanati . tassa evam hoti aham kho idam kusalanti yathabhutam nappajanami idam akusalanti yathabhutam nappajanami ahance kho ^1- pana idam kusalanti yathabhutam appajananto idam akusalanti yathabhutam appajananto idam kusalanti va byakareyyam idam akusalanti va byakareyyam tattha me assa chando va rago va doso va patigho va yattha me assa chando va rago va doso va patigho va tam mamassa upadanam yam mamassa upadanam so mamassa vighato yo mamassa vighato so mamassa antarayoti . iti so upadanabhaya upadanaparijeguccha nevidam kusalanti byakaroti na panidam akusalanti byakaroti tattha tattha panham puttho samano vacavikkhepam apajjati amaravikkhepam evantipi me no . tathatipi me no . @Footnote: ¹ Si. Yu. ahanceva kho. Annathatipi me no . notipi me no . no notipi me noti. Idam bhikkhave dutiyam thanam yam agamma yam arabbha eke samanabrahmana amaravikkhepika tattha tattha panham puttha samana vacavikkhepam apajjanti amaravikkhepam. [41] Tatiye ca bhonto samanabrahmana kimagamma kimarabbha amaravikkhepika tattha tattha panham puttha samana vacavikkhepam apajjanti amaravikkhepam . idha bhikkhave ekacco samano va brahmano va idam kusalanti yathabhutam nappajanati idam akusalanti yathabhutam nappajanati . tassa evam hoti aham kho idam kusalanti yathabhutam nappajanami idam akusalanti yathabhutam nappajanami ahance kho ^1- pana idam kusalanti yathabhutam appajananto idam akusalanti yathabhutam appajananto idam kusalanti va byakareyyam idam akusalanti va byakareyyam santi hi kho samanabrahmana pandita nipuna kataparappavada valavedhirupa te bhindanta manne caranti pannagatena ditthigatani te mam tattha samanuyunjeyyum samanuggaheyyum samanubhaseyyum ye mam tattha samanuyunjeyyum samanuggaheyyum samanubhaseyyum tesaham na sampayeyyam ^2- yancaham ^3- na sampayeyyam so mamassa vighato yo mamassa vighato so @Footnote: ¹ Si. Yu. ahanceva kho. ² sampaheyyam sampapeyyam sampayeyyam @ sampadeyyam. ³ Si. Yu. yesaham. Mamassa antarayoti . iti so anuyogabhaya anuyogaparijeguccha nevidam kusalanti byakaroti na panidam akusalanti byakaroti tattha tattha panham puttho samano vacavikkhepam apajjati amaravikkhepam evantipi me no . tathatipi me no . annathatipi me no . Notipi me no . no notipi me noti . idam bhikkhave tatiyam thanam yam agamma yam arabbha eke samanabrahmana amaravikkhepika tattha tattha panham puttha samana vacavikkhepam apajjanti amaravikkhepam. [42] Catutthe ca bhonto samanabrahmana kimagamma kimarabbha amaravikkhepika tattha tattha panham puttha samana vacavikkhepam apajjanti amaravikkhepam . idha bhikkhave ekacco samano va brahmano va mando hoti momuho . so mandatta momuhatta tattha tattha panham puttho samano vacavikkhepam apajjati amaravikkhepam atthi paro lokoti iti ce mam pucchasi atthi paro lokoti iti ce me assa atthi paro lokoti iti tena ^1- byakareyyam evantipi me no . tathatipi me no . annathatipi me no. Notipi me no . no notipi me no. Natthi paro loko .pe. Atthi ca natthi ca paro loko . Nevatthi na natthi paro loko. Atthi satta @Footnote: ¹ tena te nam. Opapatika . natthi satta opapatika . atthi ca natthi ca satta opapatika. Nevatthi na natthi satta opapatika. {42.1} Atthi sukatadukkatanam kammanam phalam vipako . natthi sukatadukkatanam kammanam phalam vipako . atthi ca natthi ca sukatadukkatanam kammanam phalam vipako . nevatthi na natthi sukatadukkatanam kammanam phalam vipako . hoti tathagato parammarana . na hoti tathagato parammarana . hoti ca na ca hoti tathagato parammarana . neva hoti na na hoti tathagato parammaranati iti ce mam pucchasi. Neva hoti na na hoti tathagato parammaranati iti ce me assa neva hoti na na hoti tathagato parammaranati iti te na ^1- byakareyyam evantipi me no . tathatipi me no . annathatipi me no . Notipi me no . no notipi me noti . Idam bhikkhave catuttham thanam yam agamma yam arabbha eke samanabrahmana amaravikkhepika tattha tattha panham puttha samana vacavikkhepam apajjanti amaravikkhepam. {42.2} Imehi kho te bhikkhave samanabrahmana amaravikkhepika tattha tattha panham puttha samana vacavikkhepam apajjanti amaravikkhepam catuhi vatthuhi. Ye hi keci bhikkhave samana va brahmana va amaravikkhepika tattha tattha panham puttha samana vacavikkhepam apajjanti @Footnote: ¹ te nantipi tenatipi patho. Amaravikkhepam sabbe te imeheva catuhi vatthuhi etesam va annatarena natthi ito bahiddha .pe. yehi tathagatassa yathabhuccam vannam samma vadamana vadeyyum. [43] Santi bhikkhave eke samanabrahmana adhiccasamuppannika adhiccasamuppannam attananca lokanca pannapenti dvihi vatthuhi . Te ca bhonto samanabrahmana kimagamma kimarabbha adhiccasamuppannika adhiccasamuppannam attananca lokanca pannapenti dvihi vatthuhi. {43.1} Santi bhikkhave asannisatta ^1- nama deva sannuppada ca pana te deva tamha kaya cavanti . thanam kho panetam bhikkhave vijjati yam annataro satto tamha kaya cavitva itthattam agacchati itthattam agato samano agarasma anagariyam pabbajati agarasma anagariyam pabbajito samano atappamanvaya padhanamanvaya anuyogamanvaya appamadamanvaya sammamanasikaramanvaya tatharupam cetosamadhim phusati yatha samahite citte sannuppadam anussarati tato param nanussarati . so evamaha adhiccasamuppanno atta ca loko ca . tam kissa hetu. Aham hi pubbe nahosim somhi etarahi ahutva santataya parinatoti . idam bhikkhave pathamam thanam yam agamma yam arabbha eke samanabrahmana adhiccasamuppannika adhiccasamuppannam @Footnote: ¹ Si. Yu. asannasatta. Attananca lokanca pannapenti. [44] Dutiye ca bhonto samanabrahmana kimagamma kimarabbha adhiccasamuppannika adhiccasamuppannam attananca lokanca pannapenti . Idha bhikkhave ekacco samano va brahmano va takki hoti vimamsi. So takkapariyahatam vimamsanucaritam sayampatibhanam evamaha adhiccasamuppanno atta ca loko cati . Idam bhikkhave dutiye thanam yam agamma yam arabbha eke samanabrahmana adhiccasamuppannika adhiccasamuppannam attananca lokanca pannapenti. {44.1} Imehi kho bhikkhave samanabrahmana adhiccasamuppannika adhiccasamuppannam attananca lokanca pannapenti dvihi vatthuhi . Ye hi keci bhikkhave samana va brahmana va adhiccasamuppannika adhiccasamuppannam attananca lokanca pannapenti sabbe te imeheva dvihi vatthuhi etesam va annatarena natthi ito bahiddha .pe. yehi tathagatassa yathabhuccam vannam samma vadamana vadeyyum . imehi kho te bhikkhave samanabrahmana pubbantakappika pubbantanuditthino pubbantam arabbha anekavihitani adhimuttipadani abhivadanti attharasahi vatthuhi . ye hi keci bhikkhave samana va brahmana va pubbantakappika pubbantanuditthino pubbantam arabbha anekavihitani adhimuttipadani abhivadanti sabbe te imeheva attharasahi vatthuhi etesam va annatarena natthi Ito bahiddha. {44.2} Tayidam bhikkhave tathagato pajanati ime ditthitthana evamgahita evamparamattha evamgatika bhavanti evamabhisamparayati . Tanca tathagato pajanati tato ca uttaritaram pajanati tanca pajananam na paramasati . aparamasato cassa paccattanneva nibbuti vidita vedananam samudayanca atthangamanca assadanca adinavanca nissarananca yathabhutam viditva . anupada vimutto bhikkhave tathagato . ime kho te bhikkhave dhamma gambhira duddasa duranubodha santa panita atakkavacara nipuna panditavedaniya ye tathagato sayam abhinna sacchikatva pavedeti yehi tathagatassa yathabhuccam vannam samma vadamana vadeyyum. [45] Santi bhikkhave eke samanabrahmana aparantakappika aparantanuditthino aparantam arabbha anekavihitani adhimuttipadani abhivadanti catucattalisaya vatthuhi . te ca bhonto samanabrahmana kimagamma kimarabbha aparantakappika aparantanuditthino aparantam arabbha anekavihitani adhimuttipadani abhivadanti catucattalisaya vatthuhi. [46] Santi bhikkhave eke samanabrahmana uddhamaghatanika sannivada uddhamaghatana sannimattanam pannapenti solasahi vatthuhi . te ca bhonto samanabrahmana kimagamma kimarabbha uddhamaghatanika sannivada uddhamaghatana sannimattanam pannapenti Solasahi vatthuhi. {46.1} Rupi atta hoti arogo param marana sanniti nam pannapenti. Arupi atta hoti arogo param marana sanniti nam pannapenti. Rupi ca arupi ca atta hoti .pe. nevarupinarupi atta hoti . antava atta hoti . anantava atta hoti. Antava ca anantava ca atta hoti. Nevantavananantava atta hoti . ekattasanni atta hoti . Nanattasanni atta hoti . parittasanni atta hoti . Appamanasanni atta hoti . ekantasukhi atta hoti . Ekantadukkhi atta hoti . sukhadukkhi atta hoti . adukkhamasukhi atta hoti arogo param marana sanniti nam pannapenti. {46.2} Imehi kho te bhikkhave samanabrahmana uddhamaghatanika sannivada uddhamaghatana sannimattanam pannapenti solasahi vatthuhi . ye hi keci bhikkhave samana va brahmana va uddhamaghatanika sannivada uddhamaghatana sannimattanam pannapenti sabbe te imeheva solasahi vatthuhi etesam va annatarena natthi ito bahiddha .pe. yehi tathagatassa yathabhuccam vannam samma vadamana vadeyyum. [47] Santi bhikkhave eke samanabrahmana uddhamaghatanika asannivada uddhamaghatana asannimattanam pannapenti atthahi vatthuhi . te ca bhonto samanabrahmana kimagamma kimarabbha uddhamaghatanika Asannivada uddhamaghatana asannimattanam pannapenti atthahi vatthuhi. {47.1} Rupi atta hoti arogo param marana asanniti nam pannapenti . arupi atta hoti arogo param marana asanniti nam pannapenti . rupi ca arupi ca atta hoti .pe. Nevarupinarupi atta hoti . antava atta hoti . anantava atta hoti . Antava ca anantava ca atta hoti . nevantava nanantava atta hoti arogo param marana asanniti nam pannapenti. {47.2} Imehi kho te bhikkhave samanabrahmana uddhamaghatanika ^1- asannivada uddhamaghatana ^2- asannimattanam pannapenti atthahi vatthuhi . ye hi keci bhikkhave samana va brahmana va uddhamaghatanika asannivada uddhamaghatana asannimattanam pannapenti sabbe te imeheva atthahi vatthuhi etesam va annatarena natthi ito bahiddha .pe. Yehi tathagatassa yathabhuccam vannam samma vadamana vadeyyum. [48] Santi bhikkhave eke samanabrahmana uddhamaghatanika nevasanninasannivada uddhamaghatana nevasanninasannimattanam pannapenti atthahi vatthuhi. {48.1} Te ca bhonto samanabrahmana kimagamma kimarabbha uddhamaghatanika nevasanninasannivada uddhamaghatana nevasanninasannimattanam pannapenti atthahi vatthuhi . rupi atta hoti arogo param marana nevasanninasanniti nam pannapenti . @Footnote: ¹ Yu. uddhamaghatanika. ² Yu. uddhamaghatana. Arupi atta hoti .pe. rupi ca arupi ca atta hoti. Nevarupinarupi atta hoti . antava atta hoti . anantava atta hoti . Antava ca anantava ca atta hoti . nevantavananantava atta hoti arogo parammarana nevasanninasanniti nam pannapenti. {48.2} Imehi kho te bhikkhave samanabrahmana uddhamaghatanika nevasanninasannivada uddhamaghatana nevasanninasannimattanam pannapenti atthahi vatthuhi . ye hi keci bhikkhave samana va brahmana va uddhamaghatanika nevasanninasannivada uddhamaghatana nevasanninasannimattanam pannapenti sabbe te imeheva atthahi vatthuhi etesam va annatarena natthi ito bahiddha .pe. yehi tathagatassa yathabhuccam vannam samma vadamana vadeyyum. [49] Santi bhikkhave eke samanabrahmana ucchedavada sato sattassa ucchedam vinasam vibhavam pannapenti sattahi vatthuhi . te ca bhonto samanabrahmana kimagamma kimarabbha ucchedavada sato sattassa ucchedam vinasam vibhavam pannapenti sattahi vatthuhi . idha bhikkhave ekacco samano va brahmano va evamvadi hoti evamditthi yato kho bho ayam atta rupi catummahabhutiko matapettikasambhavo kayassa bheda ucchijjati vinassati na hoti parammarana ettavata kho bho ayam atta samma samucchinno hotiti . ittheke sato sattassa ucchedam vinasam vibhavam pannapenti . tamanno evamaha Atthi kho bho eso atta yam tvam vadesi neso natthiti vadami no ca kho bho ayam atta ettavata samma samucchinno hoti atthi kho bho anno atta dibbo rupi kamavacaro kavalinkaraharabhakkho tam tvam na janasi na passasi tamaham janami passami so kho bho atta yato kayassa bheda ucchijjati vinassati na hoti param marana ettavata kho bho ayam atta samma samucchinno hotiti . ittheke sato sattassa ucchedam vinasam vibhavam pannapenti. {49.1} Tamanno evamaha atthi kho bho eso atta yam tvam vadesi neso natthiti vadami no ca kho bho ayam atta ettavata samma samucchinno hoti atthi kho bho anno atta dibbo rupi manomayo sabbangapaccangi ahinindriyo tam tvam na janasi na passasi tamaham janami passami so kho bho atta yato kayassa bheda ucchijjati vinassati na hoti parammarana ettavata kho bho ayam atta samma samucchinno hotiti . ittheke sato sattassa ucchedam vinasam vibhavam pannapenti. {49.2} Tamanno evamaha atthi kho bho eso atta yam tvam vadesi neso natthiti vadami no ca kho bho ayam atta ettavata samma samucchinno hoti atthi kho bho anno atta sabbaso rupasannanam samatikkama patighasannanam atthangama @Footnote:Si. Yu. tam tvam (catusu thanesu). Nanattasannanam amanasikara ananto akasoti akasanancayatanupago yam tvam na janasi na passasi tamaham janami passami so kho bho atta yato kayassa bheda ucchijjati vinassati na hoti parammarana ettavata kho bho ayam atta samma samucchinno hotiti . ittheke sato sattassa ucchedam vinasam vibhavam pannapenti. {49.3} Tamanno evamaha atthi kho bho eso atta yam tvam vadesi neso natthiti vadami no ca kho bho ayam atta ettavata samma samucchinno hoti atthi kho bho anno atta sabbaso akasanancayatanam samatikkamma anantam vinnananti vinnanancayatanupago yam tvam na janasi na passasi tamaham janami passami so kho bho atta yato kayassa bheda ucchijjati vinassati na hoti parammarana ettavata kho bho ayam atta samma samucchinno hotiti . ittheke sato sattassa ucchedam vinasam vibhavam pannapenti. {49.4} Tamanno evamaha atthi kho bho eso atta yam tvam vadesi neso natthiti vadami no ca kho bho ayam atta ettavata samma samucchinno hoti atthi kho bho anno atta sabbaso vinnanancayatanam samatikkamma natthi kinciti akincannayatanupago yam tvam na janasi na passasi tamaham janami passami so kho bho atta yato kayassa bheda ucchijjati vinassati na hoti parammarana ettavata Kho bho ayam atta samma samucchinno hotiti . ittheke sato sattassa ucchedam vinasam vibhavam pannapenti. {49.5} Tamanno evamaha atthi kho bho eso atta yam tvam vadesi neso natthiti vadami no ca kho bho ayam atta ettavata samma samucchinno hoti atthi kho bho anno atta sabbaso akincannayatanam samatikkamma ^1- nevasannanasannayatanupago yam tvam na janasi na passasi tamaham janami passami so kho bho ayam ^2- atta yato kayassa bheda ucchijjati vinassati na hoti parammarana ettavata kho bho ayam atta samma samucchinno hotiti. Ittheke sato sattassa ucchedam vinasam vibhavam pannapenti. {49.6} Imehi kho te bhikkhave samanabrahmana ucchedavada sato sattassa ucchedam vinasam vibhavam pannapenti sattahi vatthuhi . Ye hi keci bhikkhave samana va brahmana va ucchedavada sato sattassa ucchedam vinasam vibhavam pannapenti sabbe te imeheva sattahi vatthuhi .p. Yehi tathagatassa yathabhuccam vannam samma vadamana vadeyyum. [50] Santi bhikkhave eke samanabrahmana ditthadhammanibbanavada sato sattassa paramaditthadhammanibbanam pannapenti pancahi vatthuhi . te ca bhonto samanabrahmana kimagamma kimarabbha @Footnote: ¹ Yu. santametam panitametanti neva-go. ² Si. Yu. ayanti patho @na dissati. Ditthadhammanibbanavada sato sattassa paramaditthadhammanibbanam pannapenti pancahi vatthuhi. {50.1} Idha bhikkhave ekacco samano va brahmano va evamvadi hoti evamditthi yato kho bho ayam atta pancahi kamagunehi samappito samangibhuto paricareti ettavata kho bho ayam atta paramaditthadhammanibbanappatto ^1- hotiti . Ittheke sato sattassa paramaditthadhammanibbanam pannapenti. {50.2} Tamanno evamaha atthi kho bho eso atta yam tvam vadesi neso natthiti vadami no ca kho bho ayam atta ettavata paramaditthadhammanibbanappatto hoti tam kissa hetu kama hi bho anicca dukkha viparinamadhamma tesam viparinamannathabhava uppajjanti sokaparidevadukkhadomanassupayasa yato kho bho ayam atta vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati ettavata kho bho ayam atta paramaditthadhammanibbanappatto hotiti . ittheke sato sattassa paramaditthadhammanibbanam pannapenti. {50.3} Tamanno evamaha atthi kho bho eso atta yam tvam vadesi neso natthiti vadami no ca kho bho ayam atta ettavata paramaditthadhammanibbanappatto hoti tam kissa hetu yadeva tattha vitakkitam vicaritam etena etam olarikam akkhayati yato kho bho ayam atta @Footnote: ¹ paramaditthadhammanibbanam pattotipi patho. Vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharati ettavata kho bho ayam atta paramaditthadhammanibbanappatto hotiti. Ittheke sato sattassa paramaditthadhammanibbanam pannapenti. {50.4} Tamanno evamaha atthi kho bho eso atta yam tvam vadesi neso natthiti vadami no ca kho bho ayam atta ettavata paramaditthadhammanibbanappatto hoti tam kissa hetu yadeva tattha pitigatam cetaso ubbilavitattam etenetam olarikam akkhayati yato kho bho ayam atta pitiya ca viraga upekkhako ca viharati sato ca sampajano sukhanca kayena patisamvedeti yantam ariya acikkhanti upekkhako satima sukhavihariti tatiyam jhanam upasampajja viharati ettavata kho bho ayam atta paramaditthadhammanibbanappatto hotiti. Ittheke sato sattassa paramaditthadhammanibbanam pannapenti. {50.5} Tamanno evamaha atthi kho bho eso atta yam tvam vadesi neso natthiti vadami no ca kho bho ayam atta ettavata paramaditthadhammanibbanappatto hoti tam kissa hetu yadeva tattha sukhamiti cetaso abhogo etenetam olarikam akkhayati yato kho bho ayam atta sukhassa ca pahana dukkhassa ca pahana pubbe va somanassadomanassanam atthangama adukkhamasukham upekkhasatiparisuddhim catuttham jhanam upasampajja viharati Ettavata kho bho ayam atta paramaditthadhammanibbanappatto hotiti. Ittheke sato sattassa paramaditthadhammanibbanam pannapenti. {50.6} Imehi kho te bhikkhave samanabrahmana ditthadhammanibbanavada sato sattassa paramaditthadhammanibbanam pannapenti pancahi vatthuhi . Ye hi keci bhikkhave samana va brahmana va ditthadhammanibbanavada sato sattassa paramaditthadhammanibbanam pannapenti sabbe te imeheva pancahi vatthuhi .pe. Yehi tathagatassa yathabhuccam vannam samma vadamana vadeyyum. {50.7} Imehi kho te bhikkhave samanabrahmana aparantakappika aparantanuditthino aparantam arabbha anekavihitani adhimuttipadani abhivadanti catucattalisaya vatthuhi . ye hi keci bhikkhave samana va brahmana va aparantakappika aparantanuditthino aparantam arabbha anekavihitani adhimuttipadani abhivadanti sabbe te imeheva catucattalisaya vatthuhi .pe. Ye hi tathagatassa yathabhuccam vannam samma vadamana vadeyyum. {50.8} Imehi kho te bhikkhave samanabrahmana pubbantakappika ca aparantakappika ca pubbantaparantakappika ca pubbantaparantanuditthino pubbantaparantam arabbha anekavihitani adhimuttipadani abhivadanti dvasatthiya vatthuhi. {50.9} Ye hi keci bhikkhave samana va brahmana va pubbantakappika va aparantakappika va pubbantaparantakappika va pubbantaparantanuditthino pubbantaparantam arabbha anekavihitani adhimuttipadani Abhivadanti sabbe te imeheva dvasatthiya vatthuhi etesam va annatarena natthi ito bahiddha. {50.10} Tayidam bhikkhave tathagato pajanati ime ditthitthana evamgahita evamparamattha evamgatika bhavanti evam abhisamparayati . Tanca tathagato pajanati tato ca uttaritaram pajanati tanca pajananam na paramasati aparamasato cassa paccattanneva nibbuti vidita vedananam samudayanca atthangamanca assadanca adinavanca nissarananca yathabhutam viditva. Anupada vimutto bhikkhave tathagato. {50.11} Ime kho te bhikkhave dhamma gambhira duddasa duranubodha santa panita atakkavacara nipuna panditavedaniya ye tathagato sayam abhinna sacchikatva pavedeti yehi tathagatassa yathabhuccam vannam samma vadamana vadeyyum. [51] Tatra bhikkhave ye te samanabrahmana sassatavada sassatam attananca lokanca pannapenti catuhi vatthuhi tadapi tesam bhavatam samanabrahmananam ajanatam apassatam vedayitam tanhagatanam paritassitam vipphanditameva ^1-. [52] Tatra bhikkhave ye te samanabrahmana ekaccasassatika ekaccaasassatika ekaccam sassatam ekaccam asassatam attananca lokanca pannapenti catuhi vatthuhi tadapi tesam bhavatam samanabrahmananam ajanatam apassatam vedayitam tanhagatanam paritassitam vipphanditameva. @Footnote: ¹ Si. paritasitavipphanditameva. [53] Tatra bhikkhave ye te samanabrahmana antanantika antanantam lokassa pannapenti catuhi vatthuhi tadapi tesam bhavatam samanabrahmananam ajanatam apassatam vedayitam tanhagatanam paritassitam vipphanditameva. [54] Tatra bhikkhave ye te samanabrahmana amaravikkhepika tattha tattha panham puttha samana vacavikkhepam apajjanti amaravikkhepam catuhi vatthuhi tadapi tesam bhavatam samanabrahmananam ajanatam apassatam vedayitam tanhagatanam paritassitam vipphanditameva. [55] Tatra bhikkhave ye te samanabrahmana adhiccasamuppannika adhiccasamuppannam attananca lokanca pannapenti dvihi vatthuhi tadapi tesam bhavatam samanabrahmananam ajanatam apassatam vedayitam tanhagatanam paritassitam vipphanditameva. [56] Tatra bhikkhave ye te samanabrahmana pubbantakappika pubbantanuditthino pubbantam arabbha anekavihitani adhimuttipadani abhivadanti attharasahi vatthuhi tadapi tesam bhavatam samanabrahmananam ajanatam apassatam vedayitam tanhagatanam paritassitam vipphanditameva. [57] Tatra bhikkhave ye te samanabrahmana uddhamaghatanika sannivada uddhamaghatana sannimattanam pannapenti solasahi vatthuhi tadapi tesam bhavatam samanabrahmananam ajanatam apassatam vedayitam tanhagatanam paritassitam vipphanditameva. [58] Tatra bhikkhave ye te samanabrahmana uddhamaghatanika asannivada uddhamaghatana asannimattanam pannapenti atthahi vatthuhi tadapi tesam bhavatam samanabrahmananam ajanatam apassatam vedayitam tanhagatanam paritassitam vipphanditameva. [59] Tatra bhikkhave ye te samanabrahmana uddhamaghatanika nevasanninasannivada uddhamaghatana nevasanninasannimattanam pannapenti atthahi vatthuhi tadapi tesam bhavatam samanabrahmananam ajanatam apassatam vedayitam tanhagatanam paritassitam vipphanditameva. [60] Tatra bhikkhave ye te samanabrahmana ucchedavada sato sattassa ucchedam vinasam vibhavam pannapenti sattahi vatthuhi tadapi tesam bhavatam samanabrahmananam ajanatam apassatam vedayitam tanhagatanam paritassitam vipphanditameva. [61] Tatra bhikkhave ye te samanabrahmana ditthadhammanibbanavada sato sattassa paramaditthadhammanibbanam pannapenti pancahi vatthuhi tadapi tesam bhavatam samanabrahmananam ajanatam apassatam vedayitam tanhagatanam paritassitam vipphanditameva. [62] Tatra bhikkhave ye te samanabrahmana aparantakappika aparantanuditthino aparantam arabbha anekavihitani adhimuttipadani abhivadanti catucattalisaya vatthuhi tadapi tesam bhavatam samanabrahmananam ajanatam apassatam vedayitam tanhagatanam paritassitam vipphanditameva. [63] Tatra bhikkhave ye te samanabrahmana pubbantakappika ca aparantakappika ca pubbantaparantakappika ca pubbantaparantanuditthino pubbantaparantam arabbha anekavihitani adhimuttipadani abhivadanti dvasatthiya vatthuhi tadapi tesam bhavatam samanabrahmananam ajanatam apassatam vedayitam tanhagatanam paritassitam vipphanditameva. [64] Tatra bhikkhave ye te samanabrahmana sassatavada sassatam attananca lokanca pannapenti catuhi vatthuhi tadapi phassapaccaya. [65] Tatra bhikkhave ye te samanabrahmana ekaccasassatika ekaccaasassatika ekaccam sassatam ekaccam asassatam attananca lokanca pannapenti catuhi vatthuhi tadapi phassapaccaya. [66] Tatra bhikkhave ye te samanabrahmana antanantika antanantam lokassa pannapenti catuhi vatthuhi tadapi phassapaccaya. [67] Tatra bhikkhave ye te samanabrahmana amaravikkhepika tattha tattha panham puttha samana vacavikkhepam apajjanti amaravikkhepam catuhi vatthuhi tadapi phassapaccaya. [68] Tatra bhikkhave ye te samanabrahmana adhiccasamuppannika adhiccasamuppannam attananca lokanca pannapenti dvihi vatthuhi tadapi phassapaccaya. [69] Tatra bhikkhave ye te samanabrahmana pubbantakappika pubbantanuditthino pubbantam arabbha anekavihitani adhimuttipadani Abhivadanti attharasahi vatthuhi tadapi phassapaccaya. [70] Tatra bhikkhave ye te samanabrahmana uddhamaghatanika sannivada uddhamaghatana sannimattanam pannapenti solasahi vatthuhi tadapi phassapaccaya. [71] Tatra bhikkhave ye te samanabrahmana uddhamaghatanika asannivada uddhamaghatana asannimattanam pannapenti atthahi vatthuhi tadapi phassapaccaya. [72] Tatra bhikkhave ye te samanabrahmana uddhamaghatanika nevasanninasannivada uddhamaghatana nevasanninasannimattanam pannapenti atthahi vatthuhi tadapi phassapaccaya. [73] Tatra bhikkhave ye te samanabrahmana ucchedavada sato sattassa ucchedam vinasam vibhavam pannapenti sattahi vatthuhi tadapi phassapaccaya. [74] Tatra bhikkhave ye te samanabrahmana ditthadhammanibbanavada sato sattassa paramaditthadhammanibbanam pannapenti pancahi vatthuhi tadapi phassapaccaya. [75] Tatra bhikkhave ye te samanabrahmana aparantakappika aparantanuditthino aparantam arabbha anekavihitani adhimuttipadani abhivadanti catucattalisaya vatthuhi tadapi phassapaccaya. [76] Tatra bhikkhave ye te samanabrahmana pubbantakappika ca Aparantakappika ca pubbantaparantakappika ca pubbantaparantanuditthino pubbantaparantam arabbha anekavihitani adhimuttipadani abhivadanti dvasatthiya vatthuhi tadapi phassapaccaya. [77] Tatra bhikkhave ye te samanabrahmana sassatavada sassatam attananca lokanca pannapenti catuhi vatthuhi te vata annatra phassa patisamvedissantiti netam thanam vijjati. [78] Tatra bhikkhave ye te samanabrahmana ekaccasassatika ekaccaasassatika ekaccam sassatam ekaccam asassatam attananca lokanca pannapenti catuhi vatthuhi te vata annatra phassa patisamvedissantiti netam thanam vijjati. [79] Tatra bhikkhave ye te samanabrahmana antanantika antanantam lokassa pannapenti catuhi vatthuhi te vata annatra phassa patisamvedissantiti netam thanam vijjati. [80] Tatra bhikkhave ye te samanabrahmana amaravikkhepika tattha tattha panham puttha samana vacavikkhepam apajjanti amaravikkhepam catuhi vatthuhi te vata annatra phassa patisamvedissantiti netam thanam vijjati. [81] Tatra bhikkhave ye te samanabrahmana adhiccasamuppannika adhiccasamuppannam attananca lokanca pannapenti dvihi vatthuhi te vata annatra phassa patisamvedissantiti netam thanam vijjati. [82] Tatra bhikkhave ye te samanabrahmana pubbantakappika pubbantanuditthino pubbantam arabbha anekavihitani adhimuttipadani abhivadanti attharasahi vatthuhi te vata annatra phassa patisamvedissantiti netam thanam vijjati. [83] Tatra bhikkhave ye te samanabrahmana uddhamaghatanika sannivada uddhamaghatana sannimattanam pannapenti solasahi vatthuhi te vata annatra phassa patisamvedissantiti netam thanam vijjati. [84] Tatra bhikkhave ye te samanabrahmana uddhamaghatanika asannivada uddhamaghatana asannimattanam pannapenti atthahi vatthuhi te vata annatra phassa patisamvedissantiti netam thanam vijjati. [85] Tatra bhikkhave ye te samanabrahmana uddhamaghatanika nevasanninasannivada uddhamaghatana nevasanninasannimattanam pannapenti atthahi vatthuhi te vata annatra phassa patisamvedissantiti netam thanam vijjati. [86] Tatra bhikkhave ye te samanabrahmana ucchedavada sato sattassa ucchedam vinasam vibhavam pannapenti sattahi vatthuhi te vata annatra phassa patisamvedissantiti netam thanam vijjati. [87] Tatra bhikkhave ye te samanabrahmana ditthadhammanibbanavada sato sattassa paramaditthadhammanibbanam pannapenti pancahi vatthuhi te vata annatra phassa patisamvedissantiti netam thanam vijjati. [88] Tatra bhikkhave ye te samanabrahmana aparantakappika aparantanuditthino aparantam arabbha anekavihitani adhimuttipadani abhivadanti catucattalisaya vatthuhi te vata annatra phassa patisamvedissantiti ne thanam vijjati. [89] Tatra bhikkhave ye te samanabrahmana pubbantakappika ca aparantakappika ca pubbantaparantakappika ca pubbantaparantanuditthino pubbantaparantam arabbha anekavihitani adhimuttipadani abhivadanti dvasatthiya vatthuhi te vata annatra phassa patisamvedissantiti ne thanam vijjati. [90] Tatra bhikkhave ye te samanabrahmana sassatavada sassatam attananca lokanca pannapenti catuhi vatthuhi yepi te samanabrahmana ekaccasassatika ekaccaasassatika yepi te samanabrahmana antanantika yepi te samanabrahmana amaravikkhepika yepi te samanabrahmana adhiccasamuppannika yepi te samanabrahmana pubbantakappika yepi te samanabrahmana uddhamaghatanika sannivada yepi te samanabrahmana uddhamaghatanika asannivada yepi te samanabrahmana uddhamaghatanika nevasanninasannivada yepi te samanabrahmana ucchedavada yepi te samanabrahmana ditthadhammanibbanavada yepi te samanabrahmana aparantakappika yepi te samanabrahmana pubbantakappika ca Aparantakappika ca pubbantaparantakappika ca pubbantaparantanuditthino pubbantaparantam arabbha anekavihitani adhimuttipadani abhivadanti dvasatthiya vatthuhi sabbe te chahi phassayatanehi phussaphussa ^1- patisamvedenti . tesam vedanapaccaya tanha tanhapaccaya upadanam upadanapaccaya bhavo bhavapaccaya jati jatipaccaya jaramaranam sokaparidevadukkhadomanassupayasa sambhavanti. {90.1} Yato kho bhikkhave bhikkhu channam phassayatananam samudayanca atthangamanca assadanca adinavanca nissarananca yathabhutam pajanati . Ayam imehi sabbeheva uttaritaram pajanati. Ye hi keci bhikkhave samana va brahmana va pubbantakappika va aparantakappika va pubbantaparantakappika va pubbantaparantanuditthino pubbantaparantam arabbha anekavihitani adhimuttipadani abhivadanti sabbe te imeheva dvasatthiya vatthuhi antojalikata ettha sita va ummujjamana ummujjanti ettha pariyapanna antojalikata va ummujjamana ummujjanti {90.2} seyyathapi bhikkhave dakkho kevatto va kevattantevasi va sukhumacchiddakena ^2- jalena parittam udakarahadam otthareyya tassa evamassa ye kho keci imasmim udakarahade olarika pana sabbepete antojalikata ettha sita va @Footnote: ¹ Si. phussa phussa. atthakathayam phussa phussa. ² Si. sukhumacchinnena. @A. sukhumacchikena. Ummujjamana ummujjanti ettha pariyapanna antojalikata va ummujjamana ummujjantiti evameva kho bhikkhave ye hi keci samana va brahmana va pubbantakappika va aparantakappika va pubbantaparantakappika va pubbantaparantanuditthino pubbantaparantam arabbha anekavihitani adhimuttipadani abhivadanti sabbe te imeheva dvasatthiya vatthuhi antojalikata ettha sita va ummujjamana ummujjanti ettha pariyapanna antojalikata va ummujjamana ummujjanti. {90.3} Ucchinnabhavanettiko bhikkhave tathagatassa kayo titthati yavassa kayo thassati tava nam dakkhanti devamanussa kayassa bheda uddham jivitapariyadana na nam dakkhanti devamanussa seyyathapi bhikkhave ambapindiya vantacchinnaya yani kanici ambani vantapatibandhani ^1- sabbani tani tadanvayani bhavanti evameva kho bhikkhave ucchinnabhavanettiko tathagatassa kayo titthati yavassa kayo thassati tava nam dakkhanti devamanussa kayassa bheda uddham jivitapariyadana na nam dakkhanti devamanussati. {90.4} Evam vutte ayasma anando bhagavantam etadavoca acchariyam bhante abbhutam ^2- bhante konamo ayam bhante dhammapariyayoti. Tasmatiha tvam ananda imam dhammapariyayam atthajalantipi nam dharehi dhammajalantipi nam dharehi brahmajalantipi nam dharehi ditthijalantipi nam dharehi @Footnote: ¹ Si. vantupanibandhanani. ² Si. Yu. abbhutam. Anuttaro sangamavijayotipi nam dharehiti . idamavoca bhagava . Attamana te bhikkhu bhagavato bhasitam abhinandunti . imasmim ca pana veyyakaranasmim bhannamane dasasahassi ^1- lokadhatu akampitthati. Brahmajalasuttam pathamam nitthitam. ------------ @Footnote:Si. sahassi.

The Pali Tipitaka in Roman Character Volume 9 page 25-60. https://84000.org/tipitaka/read/roman_read.php?B=9&A=494&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=9&A=494&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=9&item=32&items=59 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=9&siri=1 Study Atthakatha :- https://84000.org/tipitaka/attha/attha.php?b=9&i=1 The Pali Atthakatha in Thai :- https://84000.org/tipitaka/atthapali/read_th.php?B=4&A=1 The Pali Atthakatha in Roman :- https://84000.org/tipitaka/atthapali/read_rm.php?B=4&A=1 Contents of The Tipitaka Volume 9 https://84000.org/tipitaka/read/?index_9 https://84000.org/tipitaka/english/?index_9