AtthaPali Vol.32

285. 8. Bharatattheragathavannana ^1- ehi nandaka gacchamati ayasmato bharatattherassa gatha. Ka uppatti? ayam kira anomadassissa bhagavato kale kulagehe nibbattitva vinnutam patto ekadivasam manunnadassanam mudusukhasamphassam upahanadvayam gahetva gacchanto sattharam cankamantam disva pasannamanaso upahana upanametva "abhiruhatu bhagava upahana, yam mama assa digharattam hitaya sukhaya"ti aha. Abhiruhi bhagava tassa anuganhanattham upahana. So tena punnakammena devamanussesu samsaranto imasmim buddhuppade campanagare gahapatikule nibbatti, bharatotissa namam ahosi. So vinnutam patto sonattherassa pabbajitabhavam sutva "sopi nama pabbaji"ti sanjatasamvego pabbajitva katapubbakicco vipassanaya kammam karonto na cirasseva chalabhinno ahosi. Tena vuttam apadane ^2- :- "anomadassi bhagava lokajettho narasabho divavihara nikkhamma vithimaruyhi ^3- cakkhuma. Panadhim ^4- sukatam gayha addhanam patipajjaham tatthaddasasim sambuddham pattikam carudassanam. Sakam cittam pasadetva niharitvana panadhim @Footnote: ¹ cha.Ma. bharatatthera... evamuparipi ² khu.apa. 33/69/95 panadhidayakattherarapadana (sya) @³ cha.Ma. pathamaruhi ⁴ Si. pannadhim Padamule thapetvana idam vacanamabravim. Abhiruha mahavira sugatinda vinayaka ito phalam labhissami so me attho samijjhatu. Anomadassi bhagava lokajettho narasabho panadhim abhiruhitva idam vacanamabravi. Yo panadhim me adasi pasanno sehi panibhi tamaham kittayissami sunatha mama bhasato. Buddhassa giramannaya sabbe deva samagata udaggacitta sumana vedajata katanjali. Panadhinam ^1- padanena sukhitoyam bhavissati pancapannasakkhattunca devarajjam karissati. Sahassakkhattum raja ca ^2- cakkavatti bhavissati padesarajjam vipulam gananato asankhiyam. Aparimeyye ito kappe okkakakulasambhavo gotamo nama gottena sattha loke bhavissati. Tassa dhammesu dayado oraso dhammanimmito sabbasave parinnaya nibbayissatinasavo. Devaloke manusse va nibbattissati punnava devayanapatibhagam yanam patilabhissati. Pasada sivika mayham ^3- hatthino samalankata ratha vajannasamyutta sada patubhavanti me. Agara nikkhamantopi rathena nikkhamim aham kesesu chijjamanesu arahattamapapunim. @Footnote: ¹ Si. pannadhinam ² Si. raja ³ cha.Ma. vayham Labha mayham suladdham me vanijjam suppayojitam datvana panadhim ekam pattomhi acalam padam. Aparimeyye ito kappe yam panadhimadasaham duggatim nabhijanami panadhissa idam phalam. Kilesa jhapita mayham .pe. katam buddhassa sasanan"ti. Chalabhinno pana hutva attano kanitthabhatikena nandakattherena hettha vuttanayena annabyakarane kate "idani nandakopi ^1- araha jato, handa mayam ubhopi satthu santikam gantva vusitabrahmacariyatam nivedessama"ti uppannam parivitakkam nandakattherassa kathento:- [175] "ehi nandaka gacchama upajjhayassa santikam sihanadam nadissama buddhasetthassa sammukha. [176] Yaya no anukampaya amhe pabbajayi muni so no attho anuppatto sabbasamyojanakkhayo"ti gathadvayam abhasi. Tattha nandakati alapanam. Ehiti tassa attano santikakaranam. Gacchamati tena attana ca ekajjham katabbakiriyavacanam, upajjhayassati sammasambuddhassa, sammasambuddho hi samantacakkhuna buddhacakkhuna ca sattanam asayanusayacaritadinam yathabhutavilokanena ^2- sadevakassa lokassa vajjavajjam upanijjhayatiti visesato upajjhayoti vattabbatam arahati. Yadattham gamanam, tam dassetum "sihanadam nadissama, buddhasetthassa sammukha"ti aha. Yathabhuccagunabhibyaharataya ^3- abhitanadabhavato sihanadam buddhassa sammasambuddhassa tatoeva sabbasattuttamataya setthassa, buddhanam va savakabuddhadinam @Footnote: ¹ i. nandako ² Si. yathabhutavalokanena ³ Si. yathabhuccabuddhagunabhibyaharataya Setthassa sammukha purato nadissamati attho. Yatha pana sihanadam naditukamo, tam dassento "yaya"ti gathamaha. Tattha yayati yadattham, yaya ^1- yadatthanuppattiyati attho. Noti amhakam. Anukampayati anugganhanena amhe dvepi pabbajayi pabbajesi. Muniti bhagava. So no attho anuppattoti so attho ^2- sabbesam samyojananam khayabhutam arahattaphalam no amhehi anuppatto, adhigatoti attho. Bharatattheragathavannana nitthita. --------------

The Pali Atthakatha in Roman Book 32 page 462-465. http://84000.org/tipitaka/atthapali/read_rm.php?B=32&A=10339&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=10339&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=285 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5862 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6012 The Pali Tipitaka in Roman Character :- http://84000.org/tipitaka/read/roman_read.php?B=26&A=6012 Contents of The Tipitaka Volume 26 http://84000.org/tipitaka/read/?index_26