AtthaPali Vol.32

289. 2. Sivakattheragathavannana ^4- aniccani gahakaniti ayasmato sivakattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto vipassissa bhagavato kale kulagehe nibbattitva vinnutam patto ekadivasam bhagavantam pindaya carantam passitva pasannamanaso pattam adaya kummasassa puretva adasi. So tena punnakammena devamanussesu samsaranto imasmim buddhuppade rajagahe brahmanakule nibbatti, sivakotissa namam ahosi. So vayappatto vijjasippesu nipphattim gato nekkhammajjhasayataya kame pahaya paribbajakapabbajjam pabbajitva vicaranto sattharam upasankamitva dhammam sutva patiladdhasaddho pabbajitva vipassanaya kammam karonto na cirasseva arahattam papuni. Tena vuttam apadane ^5- :- @Footnote: ¹ Ma. upatthahim ² Ma. upagacchanto ³ Si.,i. vimucci ⁴ Si. sivakatthera.... @ evamuparipi ⁵ khu.apa. 33/65/93 kummasadayakattherapadana (sya) "esanaya carantassa vipassissa ^1- mahesino rittakam pattam disvana kummasam purayim aham. Ekanavute ito ^2- kappe yam bhikkhamadadim tada duggatim nabhijanami kummasassa idam phalam. Kilesa jhapita mayham .pe. katam buddhassa sasanan"ti. Arahattam pana patva annam byakaronto:- [183] "aniccani gahakani tattha tattha punappunam gahakaram ^3- gavesanto dukkha jati punappunam. [184] Gahakaraka ditthosi puna geham na kahasi sabba te phasuka bhagga thunika ^4- ca padalita ^5- vimariyadikatam ^6- cittam idheva vidhamissati"ti gathadvayam abhasi. Tattha aniccani gahakani, tattha tattha punappunanti tasmim tasmim bhave punappunam nibbattamanani gahakani attabhavagehani na niccani anavatthitani ittarani parittakalani. Gahakaram gavesantoti imassa attabhavagehassa karakam tanhavaddhakim pariyesanto ettakam kalam anuvicarinti adhippayo. Dukkha jati punappunanti idam gahakarakagavesanassa ^7- karanavacanam. Yasma jarabyadhimaranamissataya ^8- jati namesa punappunam upagantum dukkha, na ca sa tasmim aditthe nivattati, tasma tam gavesanto vicarinti attho. Gahakaraka ditthositi idani pana yena so sakka datthum, tena @Footnote: ¹ pali. vipassino ² cha.Ma. ekanavutito ³ Si.,i. gahakarakam ⁴ pali. dhunira @⁵ cha.Ma. vidalita ⁶ pali. vipariyadikatam ⁷ Si.,i. gahakarakam gavesantassa @⁸ Si.,i....missakataya Ariyamaggananacakkhuna gahakaraka dittho asi. Puna gehanti puna imasmim samsaravatte atta- bhavasankhatam mama ^1- geham na kahasi na karissasi. Sabba te phasuka bhaggati tava sabba anavasesakilesaphasuka maya bhagga. Thunika ca padalitati idani taya katabbassa attabhavagehassa ^2- avijjasankhata kannika ca bhinna. Vimariyadikatam cittanti mama cittam vigatantam katam, ayatim anuppattidhammatam ^3- apaditam. Tatoeva idheva vidhamissati imasmimyeva bhave viddhamsissati, carimakacittanirodhena nirujjhissatiti attho. Sivakattheragathavannana nitthita. -------------

The Pali Atthakatha in Roman Book 32 page 472-474. http://84000.org/tipitaka/atthapali/read_rm.php?B=32&A=10567&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=10567&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=289 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5899 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6042 The Pali Tipitaka in Roman Character :- http://84000.org/tipitaka/read/roman_read.php?B=26&A=6042 Contents of The Tipitaka Volume 26 http://84000.org/tipitaka/read/?index_26